تيدا ولا لانسر؟؟؟ خلاص هتجنن

[mabdulhady]

السلام عليكم يا شباب
ديه اول مشاركه ليه
انا ان شاء الله نويت اشترى عربيه
محتار قوى بين النيسان التيدا و اللانسر 2008 الشكل القديم sport
ياريت تساعدونى يا شباب بخبرتكوا لأن ديه اول عربيه اشتريها فى مصر

[emadfk]

اللانسر 2008 الشكل القديم sport تكسب

[tutankhamoun]

شكلا النيسان التيدا
أما الأداء ............ الله أعلم

[PRO-DRIVE]

تـــــيـدا 100% تكسب :)

[معاذ الشرباصى]

تيدا طبعا و مش هتندم

[MoToRiZeR]

تيدااااااااااااااا

[Hassan Khalil]

قرار الشراء يتوقف علي تقبل حضرتك لبعض الاشياء ..
منها شكل التيدا اللي هو الي حد ما غريب علينا ( لكني شخصيا بحب الهاتشباك منها ) .. و قلة منافذ قطع غيار التيدا مقابل اللانسر .. و ارتفاع اسعار قطع غيارها قليلا .. لكن مش فارقة كتير عن اللانسر .. بالاضافة الي اعادة البيع اللي اللانسر بتكسب فيه بجدارة ..
..اول ما حتدور العربية التيدا ... حتفضل ساكت ثانيتين .. و بعدين حتقوم مدور تاني .. حتلاقي صوت احتجاج من المحرك بيقولك انه دار خلاص و اشتغل ..اي : ملهاش صوت .. حتي و العربية بارده و الار بي ام بتاعها عالي ..
الكراسي اشيك و اريح من اللانسر .. و حتحس انك قاعد في انتريه .
العزل ممتاز .
تكييف رائع.
باور ستيرنج ممتاز و اظرف من اللانسر ..
شكل التابلوه حلو اوي .. و فيه فخامة بتفكرك بتابلوه الانفينيتي اللي بنشوفه في الصور .. بالاضافة انه مريح جدا للعين ... ده مع اني كنت من اكبر المعجبين بتابلوه اللانسر لانه مش معقد و مريح جدا .
اتساع العربية مش طبيعي للاقدام و الاكتاف و الراس .. يقابله ضيق في مساحة الشنطة للموديل الهاتشباك .. تغلبوا عليه في السيدان .. بس السيدان شكلها وحش ..
موضوع الشنطة ده ليه حل ظريف جدا و هو ان الكنبة الخلفية بتتحرك للامام و الخلف زي الكراسي الامامية بالضبط .. و حتي لو حركتها للامام ..حيفضل مساحة مش بطالة للجالسين بالخلف .. و حتوسع مساحة الشنطة .
الموتور سحبه جيد جدا .. مش حقول ممتاز .. و لكنه جيد جدا .. و بيديك اللي انت عاوزه .. يكمله الفتيس السي في تي .. اللي بيديك باور عالي مع اربي ام منخفض .. و هي ميزة جميلة جدا بتريح الموتور و تحسسك بنعومة العربية .. مع ملاحظة ان نفس تكنولوجيا الفتيس موجودة في اللانسر .
..برغم انني من اشد محبي اللانسر .. الا ان العربيةالتيد لما شفتها و ركبتها و بعدين سقتها شدتني جدا بتقفيلها الجيد و اتساعها ( لانني من ذوي الاجسام المحترمة ) و نعومتها .. و دي حاجة بتريحني جدا لان سواقتي الي حد ما .. معتدلة ..
من السابق يتضح و بشدة ان بقولك اشتري .. لانسر :)
لا طبعا .. انا ميال للتيدا جدا .. بس قرار الشراء راجع لك و لاحتياجاتك و اللي انت عايزه من العربية .
كلمة اخيرة .. لا تنس الاستخارة و الدعاء دائما بان يوفقك الله لما فيه خير لك .
تحياتي

[mohamed ibiza]

lancer lancer lancer then tiida tiida stability is not nice after 140km\hour






















IBIIIIIIIIIIIIIIIIIIIIIIZZZZZZZZZZZZZZZZZZZZZZZZZZ AAAAAAAAAAAAAAAAAAAAAA FOR EVER

[sherif80]

تـــــيـدا 100% تكسب :)

+10000000000000000

[Sharky]

For Sure Teda

[mabdulhady]

قرار الشراء يتوقف علي تقبل حضرتك لبعض الاشياء ..
منها شكل التيدا اللي هو الي حد ما غريب علينا ( لكني شخصيا بحب الهاتشباك منها ) .. و قلة منافذ قطع غيار التيدا مقابل اللانسر .. و ارتفاع اسعار قطع غيارها قليلا .. لكن مش فارقة كتير عن اللانسر .. بالاضافة الي اعادة البيع اللي اللانسر بتكسب فيه بجدارة ..
..اول ما حتدور العربية التيدا ... حتفضل ساكت ثانيتين .. و بعدين حتقوم مدور تاني .. حتلاقي صوت احتجاج من المحرك بيقولك انه دار خلاص و اشتغل ..اي : ملهاش صوت .. حتي و العربية بارده و الار بي ام بتاعها عالي ..
الكراسي اشيك و اريح من اللانسر .. و حتحس انك قاعد في انتريه .
العزل ممتاز .
تكييف رائع.
باور ستيرنج ممتاز و اظرف من اللانسر ..
شكل التابلوه حلو اوي .. و فيه فخامة بتفكرك بتابلوه الانفينيتي اللي بنشوفه في الصور .. بالاضافة انه مريح جدا للعين ... ده مع اني كنت من اكبر المعجبين بتابلوه اللانسر لانه مش معقد و مريح جدا .
اتساع العربية مش طبيعي للاقدام و الاكتاف و الراس .. يقابله ضيق في مساحة الشنطة للموديل الهاتشباك .. تغلبوا عليه في السيدان .. بس السيدان شكلها وحش ..
موضوع الشنطة ده ليه حل ظريف جدا و هو ان الكنبة الخلفية بتتحرك للامام و الخلف زي الكراسي الامامية بالضبط .. و حتي لو حركتها للامام ..حيفضل مساحة مش بطالة للجالسين بالخلف .. و حتوسع مساحة الشنطة .
الموتور سحبه جيد جدا .. مش حقول ممتاز .. و لكنه جيد جدا .. و بيديك اللي انت عاوزه .. يكمله الفتيس السي في تي .. اللي بيديك باور عالي مع اربي ام منخفض .. و هي ميزة جميلة جدا بتريح الموتور و تحسسك بنعومة العربية .. مع ملاحظة ان نفس تكنولوجيا الفتيس موجودة في اللانسر .
..برغم انني من اشد محبي اللانسر .. الا ان العربيةالتيد لما شفتها و ركبتها و بعدين سقتها شدتني جدا بتقفيلها الجيد و اتساعها ( لانني من ذوي الاجسام المحترمة ) و نعومتها .. و دي حاجة بتريحني جدا لان سواقتي الي حد ما .. معتدلة ..
من السابق يتضح و بشدة ان بقولك اشتري .. لانسر :)
لا طبعا .. انا ميال للتيدا جدا .. بس قرار الشراء راجع لك و لاحتياجاتك و اللي انت عايزه من العربية .
كلمة اخيرة .. لا تنس الاستخارة و الدعاء دائما بان يوفقك الله لما فيه خير لك .
تحياتي

جزاك الله كل خير يا استاذ حسن
انا ميال لشكل اللانسر اكثر و خصوصا علشان فتحه السقف و السى دى (الكماليات) و ان شكلها شبابى اكثر
يعنى شكل التيداالسيدان مش عاجبنى خالص و خصوصا شكل الفتيس
وانا محتاج عربيه سيدان مش هاتشباك لأنى محتاجها لعائلتى(5 افراد)
بس انا قرات ان مشاكل اللانسر كثير
يعنى بتحس بأى طوبه فى الأرض
و الكراسى مش مريحه على عكس التيدا
كل اللى انا اعرفهم منقسمين بين التيدا و اللانسر
مع ان الغالبيه العظمى بتميل للانسر علشان اعادة البيع و قطع الغيار الأرخص ..... الخ
انا اللى يهمنى مين احسن فى التحمل على الطريق لأنى هسافر بيها
و هروح بيها الشغل كل يوم
من حدائق القبه للقريه الذكيه
فعايز العربيه اللى مستقرة اكثر على الأرض
اللى عزلها احسن
اللى مريحه اكثر
اللى بتوفر اكثر فى البنزين

[Hassan Khalil]

اخي الكريم ..
طالما انت مش متقبل شكل التيدا ..يبقي مش حترضي عنها حتي لو كانت ملكة جمال العربيات .. و بعد ما تشتريها حتفضل ( تبصبص ) للعربيات التانية .
و انصحك لو مسقتهاش ياريت تسوقها .. ممكن تغير فكرتك عنها .
العربية اللانسر لا غبار عليها .. بشهادة الشعب المصري باكمله .. و السوبر اكشن فيها ممتازة و فخمة .. و غنية جدا بكمالياتها من سيديهات لفتحة سقف لجنوط .. الخ

لكن هو اعتراضي عليها انها اصبحت مغالي في سعرها بشكل زائد ..

الخلاصة ان العربيتين زي الفل و حلوين ... العزل و الراحة .. التيدا تكسب ..لكن الفروق مش ضخمة ..
اعادة البيع و الصيانة و الاتزان علي السرعات العالية .. اللانسر تكسب ..
لكن عامة انا مش بحس بموضوع الاتزان ده لاني مبزودش عن 110 120 بالكتير ..

رجاء .انك تاخدلك لفة في قسمي النيسان و الميتسوبيشي .. حتلاقي خبراء في كلتا السيارتين و يجاوبوك عن كل اسئلتك اجابات شافية ووافية ..
و حاول تسوق العربيتين قبل ما تشتري ..
و متنساش الاستخارة .. و ربنا يوفقك للاختيار المناسب..
تحياتي

[loai-omar]

لانسر :) مع اني من اصحاب النيسان بس التيدا عايزه معامله من نوع خفيف
اللانسر تستحمل عنها

التيدا فيها اوبشنز جميل و ماتورها سحبه عالي و ياباني بس رأيي اللانسر الفول اوبشنز

[SEATLOVER]

تيدا هاتش باك ...لو سيدان يبقى لانسر

[Hassan]

التيدا , سيارة انعم و احدث
اللانسر خلاص شكل قديم و انتهى