تيدا ولا لانسر؟؟؟ خلاص هتجنن

[hesham2004]

التيدا , سيارة انعم و احدث
اللانسر خلاص شكل قديم و انتهى

فعلا دى نقطة مهمة ، احنا عندنا شعور عاطفى لمقتنياتنا ، يعنى ما بنحبش نفرط فى الحاجة القديمة و بنعتبرها وش الخير و السعد ، و مابنقبلش بالتطور بسهولة ( على راى المثل ان القديمة تحلى و لو كانت وحلة )
الانسر و الصنى شكلهم قدم و امكانياتهم اصبحت ضعيفة بالمقارنة بالموديلات الحديثة ، خاصتا ان فى الموديلات الحديثة بيكون التركيز على تعدد و تقدم وسائل الأمان و استهلاك الوقود و الحفاظ على البيئة و طبعا التقدم التكنولجى لتجهيزات العربية ، بعكس الموديلات القديمة .
استاذ / mabdulhady
راى حاول تفاضل بين الموديلات الجديدة و بعضها و شوف الى يناسبك منها ،و لما تستقر على عربية دور على اى معلومات فى الأنترنت و استخير الله سبحانه و تعالى و توكل عليه، و سيبك من القديم عشان ما تحسش انك دفعت فلوس كتيرة فى حاجة قديمة .
و على فكرة ، التيدا عربية كويسة جدا و عائلية و واسعة ، و حطها فى المقارنة مع الجديد مش مع القديم
و ربنا يوفقك للخير

[sa3dawy]

لانس اسبورت سام _بفوانيس غامقة)لونها ابيض .........وعيش حياتك

[MTAK]

انا مش عايز اذكر رأيي علشان متقولش انى متحيز
بس الحمد لله العربيه مريحانى الى الان
و بالنسبة للشكل
انا معاك ان الشكل مش عاطفى بس واحد قالى حكمة قديما
انا ليا الدريكسيون و التابلوه و الاابعاد
الشكل بتاع الناس اللى بره
و الناس ما بتعجبش بحاجه
فسيبك من الناس و كلام الناس

[محمد قاسم]

tiida الهاتشباك مش معقولة

[mohameduoser]

Lnacer is better

[limo]

انا مع الانسر السبورت
اه ممكن الانسر متكنش ناعمه زى التيدا بس مش للدرجه المزعجه الى تخليك تقرف من العربيه
انا ركب التيدا عن نيسان النزهه محستش انها فخمه اوى, حاسس انها عاديه
يمكن تمتاز عن الانسر بالشكل العصرى للعدادات
ومش عارف ليه مش حابب شكلها الخارجى

عندك الانسر السبورت كماليات من جنوط وcd وفتحه سقف وعتب وكساحات وفوجات وسبويلر
طبعا ده غير اعاده البيع وتوافر قطع الغيار فى كل مكان وده شئ مهم جدا لو بتسافر كتير

[kshahin]

التيدا عربية جامدة قوى بس الناس مش عرفاها.

[emskhater]

التيدا افضل من الانسر فى كل شيئ.

[nobody]

تيدا وش هي دي عايزه سؤال
حضرتك ممكن تشوف المنتديات الخليجية حتلاقيهم بيمدحوا في التيدا كتير

[mohamed ibiza]

لانسر انا سمعت ان التيدا بعد 140 مش لطيفة في الثبات

[mahamedaraby]

انا مش عايز اكون متحيز بس والله التيدا عربيه محترمه جدا جدا

كفايه ان دلوقتى داخل على 30.000 الف كليو ومفتحتش الكبوت وكله فى صيانه التوكيل بتاعت ال5.000 والتوكيل اكتر من محترم فى تعاملاته وليه فروع كتير
دى حاجه

عن امكانيات العربيه طبعا هنا الناس وصفت العربيه احسن وصف بس انت بتقول عربيه عائليه هتجيب عربيه فيها عفشه رياضيه ليه
التيدا فى الاتساع وفى النعومه تكسب طبعا

وياجماعه الناس هنا محاسينى ان بعد ال 140 ببقى راكب مراجيح مش للدرجتى يعنى ايوه الثبات بيقل لكن انت متحكم فى العربيه وانت فين هتجيب ال 140 دى وانت فى مصر

الخلاصه عن تجربه دى ودى لو خيرونى تانى هختار طبعا التيدا

الصراحه اللى انا شايفه اللى تتقارن مع التيدا الميجان

[mahamedaraby]

انا عايز بس اضيف حاجه انت لو رحت اليابان بلد العربيه دى هتشوف العربيه دى عامله ايه هناك زى الانسر عندنا


بعض من الاراء فى مواضيع تانيه مشابهه

مش حاقدر اقولك تقييم علشان مركبتهاش كتير .. لكن ممكن اقولك بعض تامعلومات من تجربتي .. و تجربة صاحبها ..
* العربية ماشاء الله واااااااااااسعة .. في الامام و في الخلف مع مساحة محترمة للرأس و الارجل و الاكتاف
* الكنبة الخلفية قابلة للطي .. كذلك مسند الكنبة الخلفية يتحرك للامام و الخلف مثل الكرسي الامامي .. و الكنبة الخلفية ككل تتحرك للامام و الخلف مثل الكراسي الامامية مما يساهم في تكبير مساحة الشنطة .
*الشنطة ضيقة نوعا ما في الهاتشباك مقارنة بالسيدان .. لكن يمكن التغلب علي ذلك بتحريك الكنبة الخلفية كما اسلفت .
*العربية سحبها غاية في النعومة و محل تقدير لاصحاب القيادةالمعتدلة و الهادئة .. اما اصحاب القيادة ( المتعفرطة ) فالعربية حتضايقهم شوية .
* صوت المحرك غير مسموع علي الاطلاق و انت داخل الكابينة
* وضعية القيادة مرتفعة الي حد ما ..
* مش حتشوف الكابوت
* تكييف السيارة رائع
* الخامات المستخدمة في الصالون للتابلوه و الكراسي ممتازة .. و التقفيل ممتاز .. و يوجد بها اماكن تخزين عديدة (كونسول و مخدع للذراع بين الكرسيين الاماميين / درج التابلوه حجمه محترم جدا / درج تخزين اسفل زرايرالتكييف تعلوه لمبة ذات اضاءة خافتة / مساحة تخزين صغيرة اسفل الكاسيت مباشرة / مساحات التخزين بالابواب كبيرة )
* استهلاك البنزين عادي .. لا جيد و لا وحش .. الاستهلاك العادي لفئة 1600 .
* عفشة كويسة جدا .. تمتص المطبات باقتدار و تدعم الراحة قليلا مقابل الثبات
* الثبات .. : انا شخصيا ما زودتش عن 100 .. لكن صاحبها بيقول ان ثباتها بيقل بشكل ملحوظ بعد 120 او 130 .
* مفتاحها مش ريموت .. و معاها ريموت منفصل
......................
اتمني اني اكون افدتك علي قدر الاستطاعة
تحياتي

جزاكم الله خيرا

هي فعلا جميله جدا
وفخمه جدا من جوه
انا روحت نيسان اللي في شارع سوريا في المهندسين واتفرجت عليها من جوه

غايه في الجمال والشياكه

وحكايه ان ابعادها مش واضحه فدي انا متعود عليها لأن كان معايا بونتو وفيها نفس الموضوع

ان شاء الله نيسان تيدا

انا لسه عامل صيانة ال 5000 كم انهارده ، و العربية الى معايا هاتشباك اوتوماتيك
ادائها ممتاز و ناعمة جدا و عفشتها كويسة و صوت الموتور هادى جدا ( و على فكرة المواتير اليابانى بتنعم كل ما العربية تمشى اكتر ) ، الصالون فخم و مواد تصنيعه ممتازة و على فكرة لاحظت ان الصالون مابيسخنش من ركن العربية فى الشمس ، يعنى عزل السقف ممتاز .
استهلاك البنزين عادى ، و العربية متزنة لغاية 160 ، و صالونها واسع جدا ومريح .
من عيوبها ان السيدان من ورا مش حلو اقوى ، و صوت قفل الباب عالى شويه , شنطتها ( الهاتشباك ) صغيرة نوعا ما و لاكن عاليه .
بصفة عامة العربية كويسة و لاكن سعرها عالى شوية .

[Dr.A.Nabil]

اصلا مفيش مقارنه


التيدا اجمل واحسن

تكسي بالضربه القاضيه...

التيدا ممكن تقارنها بالبيجو 307 او الميجان او الكورولا

مش اللانسر خالص
مفيش مستوى

وبعدين الهاتشباك بتاعهها واخد جايزه افضل عربيه في اليابان هانشباك سنة 2006 في استفتاء لأشهر المجلات اليابانيه

وبص هنا:

http://arabic.cnn.com/2006/auto/7/27/nissan.tida/index.html

[Mustafa_Farouk]

أنا بحب تيدا وخصوصاً الهاتشباك، أنا كنت حشتريها وبالذات التابلوه بتاعها اسود من جوه.

[ronaldo_4]

آلتيدا وآتـــوكل على الله لان اللانسر بقيت عربية شعبية جداً