جين 2 و لا ابيزا و لا الجراند بونتو

[Powert]

كل سنة وانت طيب يا محمد وعقبال 100 سنة :):)

[mohamed ibiza]

كل سنة وانت طيب يا محمد وعقبال 100 سنة






ربنا يخليك يا مان انا متشكر اوي اوي اوي اوي اوي بجد انا متشكر ليك يا powerts بجد نايل موتورز و اعضاءة جزء من حياتي و Seat lover باشاااااااااااا حبيب قلبي ليك عندي تورتابة lapoire في اي مقابلة يا باشا متشكر ليك جدا جدا جدا علي تهنئتك ليه thnx ya man و الابيزا هتغلي ما البولو ب 122و نص و الفابيا ب 108 الف و الابيزا اكيد هتبقي في النص ان شاء الله تشرف مصر قرييييييييييييييييييييب













IBIIIIIIIIIIIIIIIIIIIIIIIIIIIIIIIIIZZZZZZZZZZZZZZZ ZZZZZZZZZZZZAAAAAAAAAAAAAAAAAA FOR EVER

[Powert]

بقولك انا Powert واحد بس مش Powerts :D:D

[mohamed ibiza]

هههههههههههههههههههههه خلاص يا بورت ولا يهمك بورت بورت بورت هههههههه











Ibiiiiiiiiiiiiiiiiiiiiiiiiiiiiiiiiiiizzzzzzzzzzzzz zzzzzzaaaaaaaaaaaaaaaaaaaaaa For Ever

[tutankhamoun]

ولاهي يا جماعة انا حبيت الموضوع ده جدا جدا جدا الاعضاء عملوا فيه مجهود جامد بس انا بختلف مع اخويه توت ان قوة التحمل ل ال3 عربيات واحدة معلش يا توت باشا الجين 2 لا يصح الحكم عليها الان انا في نظري بحكم علي العربية كده اول 5 سنين لو عدوا تمام من غير اعطال جوهرية تبقي عربية كويسة 10 سنين بدون اعطال جوهرية تبقي حلوة 15 سنة اكيد هتبدأ تطلب لكن كدة تبقي ممتازة و معلش يعني الجين 2 في رأيي حلوة بس معلش يعني ماليزي الجراند ايطالي الابيزا ايييييييييييييييييييييييييييه يا شباب الماني معلش يعني لو رجعنا لتاريخ الصناعات دي و كفاءة العربيات دي و العمر الافتراضي هنلاقي ان البيتلز موديل 1965 لحد دلوقتي بتاخد الطريق ازح تقولس مايباخ يا اخواتي و ال 128 خلاص اغلبها فوت و الماليزي لسه عمره قصير و بعدين مفيش حد يقول ان الصناعة الماليزية كفائتها زي الصناعة الالمانية ده شيء مستحييييييييييييييييييييييييييييل و عموما Crazy Lambada طالما العربية ماشية معاك تمام استني كده حبة حبة الابيزا الجديدة انا سألت في معرض سيات رمسيس قالي هي هتنزل في الصيف اللي جاي بس ممكن تتاخر عندنا شوية بس الشكل بتاعها بقي انسيييييييييي لا تقولي جين 2 ولا جراند بونتو الشكل الجديد تحفة انا عرضته قبل كده و الاعضاء اعجبوا بيها جدا و انا رأيي الابيزا الاكثر تحملا فيهم الالماني الماني و لو حتي علقوا علي دماغه فانووووووووووووووس هههههههههه و هقولكم خبر سيء الابيزا بتاعتي حبيبتي جابت اولسيهات الفابريقة 15 سنة اولسيهات الله يخرب بيت الامان حتتين حديد اد كده بيعدوا 15 سنة دول عالم دماغهم رهييييييييييييييييييبة












Ibiiiiiiiiiiiiiiiiiiiiiiiiiiiiiiizzzzzzzzzzzzzzzzz zzzaaaaaaaaaaaaaaaaaa For Ever

أولا كل سنة و أنت طيب .......... و كل سنة و ربنا يتقبلك لديه و يتقبلنا جميعا إن شاء الله

و يلا حالا بالا بالا غنوا لأبو الفصاد ........... هايكون عيد ميلاده الليلة أسعد الأعياد ........ ما تغنوا لأبو الفصاد ......... هاهاهاها

عيد ميلاد سعيد يا أستاذ محمد ...........

طيب نبدا بقى الرد يا عسل
انا لما إتكلمت عن قوة تحمل الجين 2 ............ أو الفيات البونتو أو الجراند بونتو بأتكلم عن تجارب يا جميل و أصلي أحب لما أقول معلومة ......... بحاول في كافة الأوقات إني اكون صح علشان مايبقاش شكلي وحش و انا قايل حاجة غلط

بص يا سيدي أنا قلت قبل كدا غن أنا جربت الثلاثة و تملكتهم فعلا
مش يعني ركبت مرة او أثنين

لأء ده أنا ركبت العربية سنين

الإبيزا بتتحمل .......... أينعم .......... البونتو بتتحمل أينعم ............. الجين 2 ببتحمل أينعمين
و هاقولك دلوقتي انا قلت نعمين ليه على الجين 2
أولا موضوع بلد الصنع ده ........ بالنسبة لي لا يؤثر على جودة السيارة إلا بنسبة 30 % فقط و الباقي بيكون الحكم على المنتج نفسه

الجين 2 مع واحد صاحبي و معدي بيها 70 ألف كيلو متر .......... تمام
و صحبي ده ........... دماغة لاسعة ........... شد و جري و حركات من اللي انا بأكرها
بس الواحد هايعمل أيه ........ هي البلد كدا و مفيهاش نظام
نرجع للعربية
صاحبي ده عربيته موديل 2006 أستلام أول السنة
و لم يغير فيها أي شئ غير نيل الفرامل و الزيوت فقط
عارف حضرتك أنا بأركب عربيته و اسوقها و الله العظيم مفيش أي فرق بين بتاعته اللي عامله فوق ال 70 الف و بين بتاعتي الغلبانة اللي عاملة 3000 بس
و تبص على العربية كأنها جديدة و تركبها و تحس أنها جديدة
و طبعا هو لو قال للناس إن دي موديل 2007 هايصدقوا على طول من غير اي تكذيب علشان حالة العربية من برة و من جوه و عفشة و موتور

اما بقى موضوع ألماني ........... و إيطالي .............. و ماليزي ......... ده عليه 30 % بس لا غير
عندك مثلا بص على الويرا موديلات التسعينيات اللي في شوارع المحروسة و قلي أيه رأيك ؟؟

العربية ما شاء الله تحس أنها موديل سنة أو أثنين بس مش أكتر ............... و عايزك بقى بالمرة تقارنها بأي عربية تانية من نفس فئة سعرها و موديل فوق ال 2000 كمان و قلي أيه رأيك

ده كفاية إن بوليس لندن يعتمد على عربيات بروتون في الدوريات
كل ده و تقولي ألماني و أيطالي و ماليزي
و على فكرة انا قلت قبل كدا إن الثلاثة كويسين جدا جدا
و في مضوع التحمل .............. الثلاثة فوق الممتازين
و على فكرة الموضوع ده بالفعل جميل و به معلومات ثرية جدا
و الله يبارك لكل اللي شارك بمعلومة مفيدة

[crazylambada]

احم احم
بجد بجد انتم هايلين بجد و الله
و متتخيلوش الموضوع جميل جدا قد ايه
و انا قررت فعلا استنى شويا مادام عربيتي الحمد لله ماشية
على فكرة انا عندي 18 سنة بس بسوق العربية كاني عجوز الا لو كنت متنرفز
عربيتي معايا من 1994 و ماشي بيها 36500 كيلو متر بس
بحتاج لشنطة كبيرة و مهم عندي مجال الرؤية لان ده عيب خطير عندي في سكودا الاوكتافيا A5 لان انا عنيت من كتير
انا بقولكم على اسلوب قيادتي
بس كون ان الشنطة مساحتها 275 مش حينفعني خالص في الابيزا ولا الجراند بونتو
انا محتاج شنطة محترمة كده متقلش على 350 لتر او 400 لتر و تكون هاتشباك
بس ده مش حيمنع ان انا حروح توكيل عز العرب و الاوماترا علشان اشوف العربيات
لان الابيزا الجديدة انا ركبتها في فورميلا الاهرام
و مرة تانية متشكر بجد ليكوم كلكوم
بس انا عاوز اعرف ايه السر بتاع الالتيا اللي يخليني اشتري الابيزا فورا

[hussein]

على فكرة انا عندي 18 سنة بس بسوق العربية كاني عجوز الا لو كنت متنرفز
عربيتي معايا من 1994 و ماشي بيها 36500 كيلو متر بس

ايه دا هو حضرتك بتسوق وانت عندك اربع سنين!!!
انا كنت بافكر اشترى عجله لبنتى الصغيره بس كده ممكن اشترى عربيه :)
انا بهزر وربنا يباركلك فى عربيتك

[crazylambada]

ههههههههههههههه
لأ
كانت مع بابا الله يرحمه و بعد كده اخدتها من سنتين

[SEATLOVER]

و انا قررت فعلا استنى شويا مادام عربيتي الحمد لله ماشية...

بس انا عاوز اعرف ايه السر بتاع الالتيا اللي يخليني اشتري الابيزا فورا

يا crazy كل التوفيق ليك مهما كان اختيارك ..حتى لو اى عربية غير دول
احنا بس ابتدينا فى مناقشة المقارنة ..بطلب منك فى موضوعك ..و مكملين فيها إن شاء الله ..عشان بنحاول تبقى مفيدة لآى عضو معانا ممكن يقع فى الحيرة و الاختيار بين التلاتة .. او حتى كان مهتم بأى واحدة فيهم و بيخاول يعرف عنها اكتر ..اكيد فى يوم ممكن حد يعمل سيرش و يلاقيها مفيدة .

بالنسبة للسر ..ما تقلقش كل حاجة فى وقتها حلو . :D

[mohamed ibiza]

توت باشا انا متشكر ليك اوي اوي اوي اوي اوي علي الاحتفال الجميل ده ربنا يخلييييييييييييييييييييييييك ليه يا باشا انا عارف طبعا انك بتقول عن تجارب بس انا قصدي تحديدا كان ايه ان الابيزا و البونتو اتكحرتوا مع الشوارع سنين و اثبتوا نفسهم و خلاص انما الجين 2 لسه لم تثبت نفسها بعد انما هي في مرحلة الاثبات دلوقتي يعني هي دلوقتي بتثبت نفسها و انا بصراحة حاسس ان الجين 2 هتبقي ليها مستقبل زي مستقبل الابيزا لانها عربية جميلة جدا جدا و انا اعتقد انها هتثبت نفسها تماما و متشكررررررررررررررررررررررررررررر تاني يا توت علي الاغنية الجميلة دي










Ibiiiiiiiiiiiiiiiiiiiiiiiiiiiiiiiiiiizzzzzzzzzzzzz zzzaaaaaaaaaaaaaaaaaaaa For Ever

[SEATLOVER]

اما بقى موضوع ألماني ........... و إيطالي .............. و ماليزي ......... ده عليه 30 % بس لا غير

مع افتراض صحة الرقم مع ارتباطة بمعايير جودة لا حصر لها .....هو الرقم دة صغير !
يعنى فى اى عربية من اللى بتكلم عليهم بسعر فى حدود 100.000 الف .ج
المشترى بيدفع 30.000 الف جنية .. امام جودة الصناعة و بلد المنشاء !!!

هل دة مبلغ لا يستحق عناء التفكير ..... أم ممكن المشترى يتغاضى عنة مقابل تعاطفة مع البلد المصدرة

العربية ما شاء الله تحس أنها موديل سنة أو أثنين بس مش أكتر ...............

طب ما هو دة الطبيعى لآنها موديل 2006 ...يعنى ماتحسش انها لسة جديدة
هو ممكن يكون التوقع اقل من الانطباع الطبيعى !

و عايزك بقى بالمرة تقارنها بأي عربية تانية من نفس فئة سعرها و موديل فوق ال 2000 كمان و قلي أيه رأيك

1-تويوتا يارس.................. تويوتـــــا
2-هوند سيتى ................... هونـــــــدا
3-كيا سيراتو.....................كيــــــــــــا
4-شيفرولية اوبترا .............. شيفرولــــــية
5-ميتسوبيشى لانسر ............ ميتســـوبيــشى

حتى لو فى فرق بسيط (فى السعر فقط) القسط موجود .

ده كفاية إن بوليس لندن يعتمد على عربيات بروتون في الدوريات
كل ده و تقولي ألماني و أيطالي و ماليزي

دة لة علاقة بأعادة التدوير و سعر قطع الغيار للتبديل اليومى ..و المناقصات ..و الجمارك ..وحاجات كتير اوى ..ما اعتقدش ان دى ميزة ..بدليل عربيات البوليس الامريكى واللى بيحصل فيها يوضح لية اختاروها .

و على فكرة انا قلت قبل كدا إن الثلاثة كويسين جدا جدا

علشان التلاتة ........ اتحطوا فى مقارنة واحدة (سعر).

[tutankhamoun]

عاشق السيات
أهلا و سهلا بك مرة اخرى
حضرتك مسكت كلامي و حللته نقطة ...... نقطة

نيجي بقى لتحليل ردك على كلامي

أنا قلت 30 % تذهب لبلد المنشأ ......... و لم أقصد السعر و لكن قصدت في التفكير
لأن السعر سختلف من بلد بلد تبعا لعدة عوامل أهمها ....... سعر السيارة عندما يخرج من المصنع و يباع في الميناء التصديري
بمعنى
إن عربية مصنوعة في ألمانيا أو اليابان أو إيطاليا ستكون غالية في السعر لأن الأيدي العاملة غالية في هذه الدول و أيضا ارتفاع قيمة الضرائب المحصلة من الدولة
و سيكون الأمر مختلف تماما لو تم إنتاج نفس المنتج في دولة لها ظروف مختلفة إقتصاديا مثل المرسيدس المصري أو التويوتا الجنوب افريقي أو الفيات البرازيلي و الصيني و التركي

و هذا كان بالنسبة لموضوع ال 30 %

النقطة الثانية التي تم إنتقادي فيها و هي موضوع إن منظر العربية يعطيك الإحساس بأنها موديل سنة أو أثنين فقط و حضرتك قلت لأنها موديل 2006 !!!!

أنا كنت بتكلم عن الويرا موديل التسعينيات و التي تم إنتاجها في ذلك الوقت بالتعاون مع ميتسوبيشي اليابانية

و هذه نقطة لصالح شركة بروتون ( التعاون مع الشركات الكبيرة ) ميتسوبيشي و لوتس

و برضه النقطة الثالثة كانت مبينة على النقطة الثانية في موضوع المقارنة و حضرتك فاكر إن أنا بتكلم عن عربية موديل 2006


بالنسبة لسيارات البروتون التي يتم استخدامها بواسطة شرطة لندن

حضرتك لو الموضوع يتم حسابه بالمنطق ده
يبقى ليه بوليس لندن ما بيستخدمش عربيات أرخص
زي العربيات البرازيلي أو الصيني حتى ؟؟؟؟؟؟؟؟
و لو الموضوع يعتمد على موضوع التدوير اليومي و قطع الغيار
يبقى ليه بيستخدم
أوبل فيكتر ( فوكسهول فكترا ) --- فورد مونديو -- فولفو -- بي إم دبليو -- ؟؟؟؟؟؟؟؟؟
و يضيف عليهم بروتون ............ معلش يا عاشق السيات .............
ده شرف لبروتون إن شرطة لندن تستخدمها بجانب الماركات العملاقة اللي فات ذكرها

و أخر نقطة حضرتك تشرفت و حللتها
إن أنا قلت أن الثلاثة جيدين
و بعدين حضرتك قلت
علشان اتحطوا في مقارنة مع بعض
و لعلمك المقارنة دي مش في صالح لا الجراند بونتو و لا في صالح الإبيزا
عارف ليه
لتساوى بروتون جين 2 معهم في الجودة ( و إن كان خامات الصالون في السيارتين تكسب الجين 2 )
و كبر المحرك
ووسع الصالون
حجم السيارة
سعر النهائي
كمية الكماليات الموجودة و جودتها
-----------
و هذه المقارنة ليست في صالح الجراند بونتو و لا الإبيزا و خصوصا أن سعرهما مبالغ فيه جدا لسيارات هاتشباك صغيرة


و في النهاية الثلاثة جيدين و كلاً حسب الفئة التي ينتمي إليها

[SEATLOVER]

اهلاً بيك يا توت دايماً

تعالى بقى نقرا تانى كدة شوية

المشاركة السابقة :

الإبيزا بتتحمل .......... أينعم .......... البونتو بتتحمل أينعم ............. الجين 2 ببتحمل أينعمين
و هاقولك دلوقتي انا قلت نعمين ليه على الجين 2
أولا موضوع بلد الصنع ده ........ بالنسبة لي لا يؤثر على جودة السيارة إلا بنسبة 30 % فقط و الباقي بيكون الحكم على المنتج نفسه

المشاركة الاخيرة:

أنا قلت 30 % تذهب لبلد المنشأ ......... و لم أقصد السعر و لكن قصدت في التفكير
لأن السعر سختلف من بلد بلد تبعا لعدة عوامل أهمها ....... سعر السيارة عندما يخرج من المصنع و يباع في الميناء التصديري

اظن واضح ممكن نفهم اية من المشاركة الاولى ... لكن لو اعتبرنا المشاركة التانية استدراك للآولى
و توضيح لوجهة النظر ... يبقى نفهم من كدة

أن دة كلام عن مدى علاقة ( الجودة و السعر ) واللى هو من الواضح جداً انهم مرتبطين جداً ببعض لآن الشركات العملاقة دى عندها شركات بحالها بتدرس سعر المنتج و هايوصل لحد عندك (بكام )

و الدليل على كدة ان بقى فى فى السوق عربيات ما كناش نحلم نشوفها وصلت عندنا و بسعر تنافسى
ودة طبعاً عشان الشركات المحاسبية المختصة بشركة السيارات
بتحل معادلة (الجودة و السعر ) عن طريق مفتاح رئيسى للمعادلة ....وهى بلد التصنيع سواء كانت بلد منشاء او بلد تصنيع مكونات .

إن عربية مصنوعة في ألمانيا أو اليابان أو إيطاليا ستكون غالية في السعر لأن الأيدي العاملة غالية في هذه الدول و أيضا ارتفاع قيمة الضرائب المحصلة من الدولة
و سيكون الأمر مختلف تماما لو تم إنتاج نفس المنتج في دولة لها ظروف مختلفة إقتصاديا مثل المرسيدس المصري أو التويوتا الجنوب افريقي أو الفيات البرازيلي و الصيني و التركي

نفس الفكرة ...لآن الشركات دى عارفة بتعمل اية ..و عارفة ان منتجها هيوصلك غالى و حاسباها كويس اوى ... وعارفة ان هناك (البلد اللى هاتنزل فيها العربية)
فى مستهلك بيدفع فى الجودة .. السعر اللى تستحقة
والدليل ... كل العربيات اللى وصلت عندنا مرتفعة جداً فى ثمنها ... مازالت محتفظة بعنصر من عنصرين (الجودة ) او ( الانتشار) ... واظن بردو الاتنين لهم علاقة جامدة اوى مع بعض .

بالنسبة لموضوع المثال
المشاركة الاخيرة :

النقطة الثانية التي تم إنتقادي فيها و هي موضوع إن منظر العربية يعطيك الإحساس بأنها موديل سنة أو أثنين فقط و حضرتك قلت لأنها موديل 2006 !!!!
أنا كنت بتكلم عن الويرا موديل التسعينيات و التي تم إنتاجها في ذلك الوقت بالتعاون مع ميتسوبيشي اليابانية

المشاركة السابقة :

الجين 2 مع واحد صاحبي و معدي بيها 70 ألف كيلو متر .......... تمام
و صحبي ده ........... دماغة لاسعة ........... شد و جري و حركات من اللي انا بأكرها
بس الواحد هايعمل أيه ........ هي البلد كدا و مفيهاش نظام
نرجع للعربية
صاحبي ده عربيته موديل 2006 أستلام أول السنة
و لم يغير فيها أي شئ غير نيل الفرامل و الزيوت فقط
عارف حضرتك أنا بأركب عربيته و اسوقها و الله العظيم مفيش أي فرق بين بتاعته اللي عامله فوق ال 70 الف و بين بتاعتي الغلبانة اللي عاملة 3000 بس
و تبص على العربية كأنها جديدة و تركبها و تحس أنها جديدة
و طبعا هو لو قال للناس إن دي موديل 2007 هايصدقوا على طول من غير اي تكذيب علشان حالة العربية من برة و من جوه و عفشة و موتور

اظن واضح ان العربية المذكورة فى المثال هى جين 2 وليست ويرا
اما عن الويرا فهى ليست من ضمن المقارنة .

بالنسبة لسيارات البروتون التي يتم استخدامها بواسطة شرطة لندن

حضرتك لو الموضوع يتم حسابه بالمنطق ده
يبقى ليه بوليس لندن ما بيستخدمش عربيات أرخص
زي العربيات البرازيلي أو الصيني حتى ؟؟؟؟؟؟؟؟

فى كلمة (مناقصات وحاجات تانية كتير ) انا قولتها بعد تعقيبى على النقطة دى
مثال بسيط من غير الدخول فى متاهات هيئة الشرطة فى لندن

ما هو التوظيف و الدور اللى هاتلعبة العربية فى الاداء الامنى
مطاردات على الطرق السريعة -مطاردات داخل المدينة - مجرد تجول - انتظار بمحازاة الرصيف فقط

بتهيألى دة يبرر لية التنوع فى انواع العربيات المستخدمة فى المجال الشُرطى .

و لعلمك المقارنة دي مش في صالح لا الجراند بونتو و لا في صالح الإبيزا
عارف ليه
لتساوى بروتون جين 2 معهم في الجودة ( و إن كان خامات الصالون في السيارتين تكسب الجين 2 )
و كبر المحرك
ووسع الصالون
حجم السيارة
سعر النهائي
كمية الكماليات الموجودة و جودتها

بنفس المنطق فهو شىء مش فى صالح الجين 2 تماماً ...انها تتحط فى مقارنة مع سيارات هاتش باك اصغر منها فى الحجم و المحرك.... و اعلى منها فى الثمن

دة ان دل فيدل على انة مازال يوجد مستهلك يسعى للحصول على الجودة مضحياً بفرق السعر .

و هذه المقارنة ليست في صالح الجراند بونتو و لا الإبيزا و خصوصا أن سعرهما
مبالغ فيه جدا لسيارات هاتشباك صغيرة

من هذا المفهوم يبقى اغلب الهاتش باك الموجود ... مبالغ فية جداً
1- دايهاتسو السيريون
2- دايهاتسو شاريد
3- كيا البيكانتو
4-هيونداى اتوس
5-سوذوكى الالتو 1100 cc
6-شيفرولية افيو (هاتش باك)
7- سيتروين C3

و بكدة يبقى اى مشترى لسيارة هاتش باك ...متناسبة مع سعرها احسن اختيارتة بدون تفكير
هيونداى جيتز او فيات بونتو

بس الحقيقة المبيعات او حتى الترشيحات مابتقولش كدة خالص .. يا ترى لية ؟

[tutankhamoun]

السلام عليكم و رحمة الله و بركاته
أولا يا باشا أود أن أوضح نقطة و هي أن
أختلاف الرأي لا يفسد للود قضية

ثانيا نيجي بقى للكلام بتاعي و الكلام بتاع حضرتك يا باشا

نحاول نرجع للخلف شوية و مع دباية ظهور السيارات الياباني
كانت ثمنها منخفض مقارنة بالسيارات الأوروبي و هذا له أسباب
سيارات غير منتشرة و من الصعب تنزيلها الأسواق الجديدة بنفس أسعار السيارات المنافسة و المعروفة في هذا السوق الجديد
يبقى لازم السعر يكون تنافسي حتى تثبت نفسها في السوق
و نفس الكلام ينطبق على الكوري تمام و الماليزي أيضا
و دلوقتي الصيني و لو إن الصيني بينزل بجودة أقل

دي بس كانت إفتتاحية لكلامي
و برضه حضرتك فاهم كلامي غلط ( هناك سوء فهم بسيط )
و سأقوم بتوضيح ما أشرت إليه
أنا قلت إن موضوع بلد المنشأ ليس مهم بقدر المنتج نفسه
بمعنى إن بلد المنشأ لها ثقلها لو أن هذه البلد لها تاريخ و مشهور في الصناعة و جودتها مثل ألمانيا و اليابان مثلا
و لكن ليس معنى ذلك أن منتجاتهم بدون أخطاء أو منتجات الآخرين سيئة
فعندك مثلا البولو فشبلت فشل ذريع في انجلترا و فرنسا ( ليس كل الموديلات ) و أعتقد إن العيب تم تداركه بداية من سنة 2003
و هذا العيب كان في الصاج اللي كان بتاكله البارومة بسرعة بسبب حالة الطقس هناك و مرة كنت ناوي أشتري بولو وواحد صحبي قالي أوعى دي عربية معفنة و البارومة واكلاها و ده كان سبب في نزول سعر السيارة جدا في السوق
و لكن أحنا هنا في مصر بنمجد بلد المنشأ على المنتج نفسه

و عندك مثلا التويوتا الياريس كانت بتنزل و فيها عيب في اسطوانة الدبرياج و كانت لازم تتغير و الكلام ده مش قديم ده جديد خالص
و من مين ............. تويوتا ........ و فولكس فاجن

الناس دي لم تنزل من السماء و لكنهم بشرا مثلنا و لهم أخطائهم

و لكن الحالة النفسية للمشتري تجعله لا ينزل إلى أخطاء الشركة نظرا للسمعة الطيبة التي تتمتع بها و نظرا لإسم بلد المنشأ الذي طٌبع على ملصق بيانات العربة .

نيجي بقى لموضوع السعر

أولا الجين 2 سيارة مستوردة و تباع في إنجلترا بداية من عشرة ألاف جنيها أسترلينياً و هو ما يوازي 110 ألف جنيه مصري و هذا يقابله نفس سعر السيارة التي تبدأ ب 83 ألف جنيه مصري
يعني من الآخر العربية دي بتتباع في أوروبا و الخليج أغلى من مصر و ده الإستثناء الوحيد في السوق
لأن كافة السيارات المستوردة في مصر يتم بيعها بسعر أغلى من أسواقها الرئيسية مثل التويوتا ياريس التي تباع في أمريكا ب 11 ألف دولار و تباع في مصر ب 15 ألف دولار

يعني السعر هنا ليس الحكم في موضوع الجودة

لأن من الأخر توكيلات مصر بتسرقنا علني و عيني عينك

و دليلي على كدا سعر الجين 2 بره مصر و خارجها و سعر التويوتا ياريس و كورولا و أيضا الجراند بونتو و الإبيزا
و ده سعر الإبيزا في إنجلترا
إبيزا 1200 سي سي 8700 استرليني
و الإبيزا 1400 سي سي ب 9400 استرليني
و الإبيزا 1900 سي سي ب 11 ألف استرليني

مقارنة بالجين 2 الذي يبدأ من 10 الاف استرليني

يعني سعر الجين 2 أغلى ........... و لكن بما أن مصر بلد العجائب فمفيش تعجب
و نيجي بقى لمقارنة الجراند بونتو و الجين 2 بالسعر
و الجراند بونتو بتبدأ من 8295 استرليني
و برضه الجين 2 أغلى من الأثنين

يعني برضه الأثنين أرخص من الجين 2
يبقى في مصر مين اللي يكسب
عربية أكبر حجماو محركاً بجودة عالية ... و ثمن أرخص ...... كماليات أكثر ...... و تباع خارج مصر أغلى منهم و أغلى من مصر ..... ؟؟
و الشئ الوحيد إن بروتون أسمها ليس مشهور مثل فيات و إن كان إسم سيات ليس بالشهير جدا و لكنه أسم محترم و تقريبا تاريخ بروتون و تاريخ سيات متساوي من ناحية البداية
أما فيات تاريخيا ........ فهي الأشهر طبعا و بدون جدال فهي شركة عملاقة و محترمة تقدم منتجات محترمة جدا
و أرى أن بروتون أيضا تقدم منتجات محترمة و بالطبع سيات منتجاتها محترمة و خصوصا أنها يتم إنتاجها تحت إشراف أجنبي ( ألماني )
و طبعا كلنا عارفين أسم ألمانيا في مصر عامل ازاي

و أرجع أوضح نقطة ......... ليس دائما المنتج الغالي معناه الجودة
و ليس دائما المنتج الأرخص يعني أقل جودة


أما نقطة العربية موديل 2006

لو حضرتك ركزت شوية كنت لقيت أنا بتكلم عن الويرا و ليس الجين 2

و دي جزء من مداخلتي السابقة اللي حضرتك علقت عليها

" الجين 2 مع واحد صاحبي و معدي بيها 70 ألف كيلو متر .......... تمام
و صحبي ده ........... دماغة لاسعة ........... شد و جري و حركات من اللي انا بأكرها
بس الواحد هايعمل أيه ........ هي البلد كدا و مفيهاش نظام
نرجع للعربية
صاحبي ده عربيته موديل 2006 أستلام أول السنة
و لم يغير فيها أي شئ غير نيل الفرامل و الزيوت فقط
عارف حضرتك أنا بأركب عربيته و اسوقها و الله العظيم مفيش أي فرق بين بتاعته اللي عامله فوق ال 70 الف و بين بتاعتي الغلبانة اللي عاملة 3000 بس
و تبص على العربية كأنها جديدة و تركبها و تحس أنها جديدة
و طبعا هو لو قال للناس إن دي موديل 2007 هايصدقوا على طول من غير اي تكذيب علشان حالة العربية من برة و من جوه و عفشة و موتور

اما بقى موضوع ألماني ........... و إيطالي .............. و ماليزي ......... ده عليه 30 % بس لا غير
عندك مثلا بص على الويرا موديلات التسعينيات اللي في شوارع المحروسة و قلي أيه رأيك ؟؟

العربية ما شاء الله تحس أنها موديل سنة أو أثنين بس مش أكتر ............... و عايزك بقى بالمرة تقارنها بأي عربية تانية من نفس فئة سعرها و موديل فوق ال 2000 كمان و قلي أيه رأيك "

و جل من لا يسهوا .........

بالنسبة لسيارات الشرطة في لندن

القانون البريطاني يمنع أي مطاردات في الشوارع و حتى لو كان بيطارد عصابة متلبسة و لكن يتم تبليغ نقاط تفتيش على الطرق بمواصفات السيارة المراد القبض عليها
يعني العربية البي إم و الأوبل و الفورد و الفولفو و البروتون .......... لا يطاردوا أي سيارات لا من قريب و لا من بعيد و يتم الإعتماد على سيارات ذات جودة عالية لتلبية نداءات الطوارئ و إن كانت بروتون غير إعتمادية ما كانوا أعتمدوا عليها في ضمها للأسطول البريطاني لشرطة العاصمة و شرطة المدن الأخرى

و بالنسبة للمبيعات

بالنسبة لمصر
السيارات السيدان هي الأكثر مبيعا و السيارات الهاتش باك ليس لها سوق قوي في مصر إلا في فئة الشباب صغير السن

و برضه سوق الجين 2 ماشي عن سوق الجراند بونتو و عن سوق الإبيزا
علشان النقاط التي تم ذكرها مسبقا
محرك أكبر و أقوى
صالون أكبر و إن كانت خاماته أقل من خامات صالوني الإبيزا و الجراند
كماليات أكثر بجودة عالية جدا

الحاجة المختلفة بينهم هو إسم الشركة المصنعة وراء السيارة
يعني إسم فولكس فاجن أشهر و أفضل من إسم بروتون
و إسم فيات طبعا أشهر من إسم بروتون

و لكن هل هذا يمنع أن بروتون منتجاتها عالية الجودة ؟؟؟

و أسأل أصحاب الويرا موديلات التسعينيات و أصحاب الواجا

و في نهاية هذه المداخلة أود أن أعبر عن سعادتي للحوار معك يا أستاذ " عاشق السيات "
و أنا أقدر حبك للسيات و هو حب في محله و لكن أريدك أن تنظر للأمور نظرة حيادية ( و لا أتهمك بعدم الحيادية ) و لكن قصدي أترك حبك للسيات على جنب عند مقارنتها بسيارات أخرى
و بالفعل الإبيزا سيارة تخطف القلوب و أنا كنت بحبها جدا لما كانت عندي و عمرها ما عملت معايا أي موقف نص كم و زيها زي البونتو التي لازالت معي و لم تضعني في أي موقف نص كم

و أنا أقارن و أوضح نقاط ليس أكثر فأنا لست من ملاك فولكس فاجن أو فيات أو بروتون
و شكرا مرة أخرى على حسن الحوار

[FLYINGPEUGEOT]

ايه يا عم توت
ايه ياعم SEAT LOVER
ماينفعش كده
بقى انا طلعان عينى ومورم صوابعى و مقطع نفسى فى قسم البيجو عشان احبب الناس فيها...
وانتو قاعدين هنا
تكلو دماغ الناس بالجين2 والسيات
احنا هنقطع على بعض
:D:D:D:D:D:D:D:D:D:D:D:D:D:D
بصراحه موضوعكو هايل وانا متابعو من البدايه
وبصراحه انا ركبت العربيتين والاتنين احلى من بعض و ربنا يحفظهملكو
بس انتو نسيتو ال بيجو 307 وال207 ليه
:D:D
طب والله لاعمل موضوع عن البيجو بكل الموديلات والاسعار والمواصفات الفنيه
والمميزات (والعيوب)لاتوجد طبعا :D
وهتشوفو الشعر على حق :D

على العموم ربنا يوفءكو
ومستنيين المزيد