بيكانتو ولا هيونداى اى 10

[nonetta]

انا جيت اهو

بصي يا منى الاي 10 في الاستخدام ممتازة جدا جدا و موفرة في البنزين جدااااااا و صالونها من جوة اريح من البيكانتو و شنطتها كمان اكبر شوية

لكن مشكلتها الفظيعة اسعار قطع الغيار المبالغ فيها جدا ، لان اللي بيشتري عربية صغيرة 1100 cc بيبقى هدفه الاساسي التوفير و للاسف في قطع الغيار هي مش بتحقق الهدف دا

دا غير ان قطع الغيار مش متوفرة اوي حتى في التوكيل انا كزا مرة اضطريت استنى اكتر من 3 اسابيع على ما الحاجة اللي ناقصة تيجي ، الكلام دا كان من سنة او اكتر لكن دلوقتي معرفش الوضع ايه

ممكن يكون التوكيل اتحسن او اسعار قطع الغيار انخفضت شوية مع الانتشار و ممكن لأ ، افضل انك تسالي في التوكيل او عند بعض الموزعين على اسعار كام قطعة كدة عشان تعرفي لسة عالية ولا نزلت شوية

مع العلم انك لو هتأمني على العربية تامين شامل مش هايفرق معاكي اسعار قطع الغيار لانك مش هاتدفعي حاجة بس ممكن تستني كتييير و تتعطلي على ما القطعة تيجي

البيكانتو منتشرة اكتر بكتير و بقالها كزا سنة في السوق المصري و الكل بيشكر فيها فيما عدا مشكلة الفرامل دي و اللي اصلا مش حاجة عامة في كل العربيات و كمان ممكن تتظبط و مش خطيرة للدرجة اللي انتي متخيلها لانك هاتلاقي فرامل بس كل الحكاية فيها سنة هوا او مشوارها بعيد سنة

البيكانتو متجربة بقالها اكتر من 5 سنين و ماشية كويس مع الناس لكن الاي 10 لسة ماثبتتش كفاءة على المدى الطويل

البيكانتو هاتخدي ضمان 5 سنين او 100 الف كيلو و دا طبعا اكتر من هيونداي
البيكانتو وكيلها افضل من غبور بشويتين تلاتة
البيكانتو سعر اعادة بيعها اعلى عشان قطع غيارها ارخص و منتشرة اكتر

والله انا كنت خلاص هاجيب بيكانتو بس ربنا كرم و جبت اختها الكبيرة الريو السبت اللي فات
انا حاولت افيدك على قد ما قدرت اعملي استخارة و اركبي العربيتين و ربنا يقدملك الخير ان شاء الله

شكرا يا دونزي يا حبيبتي على تلبية الدعوة والف الف مبروك على الريو
انا سامعة انها جميلة بردو ربنا يبارك لك فيها وخلي بالك من نفسك المرة دي وربنا يسترها معاكي
وبصراحة رايك وافي جدا على الاقل بالنسبة ليا
مش عارفة منى بأة هيبقى ايه رأيها
اديني اهه يا ستى جبتلك بتوع البيكانتو وبتوع الاي تن لحد عندك مش مخلية في نفسك حاجة

[sara2001]

انا عايزة اعرف فين صحاب اى 10 وبيكانتو
بصراحة صحاب سبارك لما كنت بسألهم كانو بيردو عليا بس الى مخوفنى توكلهم

بما ان انت لسه متردده كده
انزلي شوفي الإتنين مع بعض في معرض واحد زي المصريه مثلاً
وجربي كرسي القياده في الإتنين وشوفي مرتاحه في اي واحده اكتر
وحددي انت عايزاها هاف اوبشن ولا فل اوبشن مانيوال ولا اوتوماتيك
الكماليات مختلفه في الإتنين
صاحبتي معاها i10 من سنتين وركبتها معاها اكتر من مره
ال i10 تحسي انها اضيق في الأمام من البيكانتو
رغم ان الكونصول احدث من البيكانتو
واوسع في الكنبه الخلفيه والشنطه من البيكانتو
صاحبتي بتشتكي بس من ضعف التكييف عندها وفي الحر
خامات العربيه بتطلع رائحه للبلاستيك مع تشغيل التكييف
ومش عارفه إذا كانت ناعمه في المطبات ولا لأ
ودونزي ردت رد تفصيلي عن العربيه
والبيكانتو عيوبها انت عارفاها
اخويا ساق عربيتي كتير ومش شايف مشكله في الفرامل
انا بحس ساعات ان الدواسه بتنزل بس لتحت شويه في الزحمه
لكن بتفرمل كويس ومفيش حاجه خطيره
في الأول كنت هجيب i10 بس فضلت منتظره الكامله في المعارض
وبعدين زهقت من المواعيد الغير حقيقيه
صلي صلاة استخاره كتيييير وقرري

[nonetta]

بما ان انت لسه متردده كده
انزلي شوفي الإتنين مع بعض في معرض واحد زي المصريه مثلاً
وجربي كرسي القياده في الإتنين وشوفي مرتاحه في اي واحده اكتر
وحددي انت عايزاها هاف اوبشن ولا فل اوبشن مانيوال ولا اوتوماتيك
الكماليات مختلفه في الإتنين
صاحبتي معاها i10 من سنتين وركبتها معاها اكتر من مره
ال i10 تحسي انها اضيق في الأمام من البيكانتو
رغم ان الكونصول احدث من البيكانتو
واوسع في الكنبه الخلفيه والشنطه من البيكانتو
صاحبتي بتشتكي بس من ضعف التكييف عندها وفي الحر
خامات العربيه بتطلع رائحه للبلاستيك مع تشغيل التكييف
ومش عارفه إذا كانت ناعمه في المطبات ولا لأ
ودونزي ردت رد تفصيلي عن العربيه
والبيكانتو عيوبها انت عارفاها
اخويا ساق عربيتي كتير ومش شايف مشكله في الفرامل
انا بحس ساعات ان الدواسه بتنزل بس لتحت شويه في الزحمه
لكن بتفرمل كويس ومفيش حاجه خطيره
في الأول كنت هجيب i10 بس فضلت منتظره الكامله في المعارض
وبعدين زهقت من المواعيد الغير حقيقيه
صلي صلاة استخاره كتيييير وقرري

فعلا يا سارة انا عملت كدة
رحت اوتو سمير ريان وشفت الاتنين وقعدت فيهم
ال i10 بصراحة كان شكلها تحفة ومكان الفتيس عاجبني جدا
وقعدت في الكنبة اللي ورا في الاتنين
الوسع بتاع البيكانتو معقول
كدة كدة البنت غير الراجل بتبقى غالبا مش طويلة فمش بترجع الكرسي لورا فاللي قاعد ورا مش هيبقى متضايق
الشنطة بس اللي صغيرة بس قلت انا مش محتاجة وسعها في حاجة كدة كدة مش هاسافر بيها ولا هاروح اجيب بيها طلبات البيت
جوزي عربيته كبيرة وعلشان كمان لو حاول يدبسني في شرا اي حاجة ورماها عليا اقول له الشنطة صغيرة ومش هتكفي

يالله يا منى قرري بأة هتعملي ايه؟

[MISS_MONA]

والله انا مش عارفة اشكركم اد اية خلاص انا كدة استقريت تقريبا على البيكانتو
هصلى واقولكم عملت اية ربنا يخليكم ليا

[SunSet]

بتتعلمي فين ومع مين ؟

[MISS_MONA]

انا اصلى موسوسة شوية
فبلاش تخدى رأيى فى الحكاية دى الاول كنت مع واحدة بس معجبتنيش وبعدين واحدة تانية وبعدين صحابى فالولى على واحد اعد معايا حصة وبعدين حصلتلو ظروف

[SunSet]

انا اصلى موسوسة شوية
فبلاش تخدى رأيى فى الحكاية دى الاول كنت مع واحدة بس معجبتنيش وبعدين واحدة تانية وبعدين صحابى فالولى على واحد اعد معايا حصة وبعدين حصلتلو ظروف

ما اعتقدش فيه حد موسوس اكثر مني

ما تقلقيش

ابعتيلي على الخاص بس ارقام تليفونات الناس دي

او اي حد تعرفيه بس بلاش مراكز تدريب

[MISS_MONA]

هجيب رقم الراجل بس الستات انا مش معايا ضيعتهم

[SunSet]

طيب ايه كانت المشكلة مع الستات؟ ممكن التوضيح؟

[A.Saad]

هو الموضوع بقى كله سيدات كدة ليه
انا خايف لحد يقولى ادفع غرامة زى عربيات المترو

منى
مبروك الاختيار
دلوقتى بقى
هتختارى او هتحتارى فى
اللون
المكان

انا اشتريت من محمد زكى
وهما فى التعامل محترمين معايا
وفيه كذا عضو اتعاملوا معاهم
ومحدش اشتكى

[SunSet]

هو " محمد زكى " ده في إسكندرية !!!؟

[A.Saad]

لا
بس نخليه يفتح مخصوص هناك

[nonetta]

هو الموضوع بقى كله سيدات كدة ليه
انا خايف لحد يقولى ادفع غرامة زى عربيات المترو

متخافش با سيدي ماهو انت ناظر مدرسة البنات

[nonetta]

هو " محمد زكى " ده في إسكندرية !!!؟

انتي من الاسكندرية يا مسلمة ؟

[SunSet]

انتي من الاسكندرية يا مسلمة ؟

بيقولوا يا نونيتا