أشترى الصنى ولا أصبر لحد ما يبقى معايا فلوس التريوس

[modisallam]

السلام عليكم جميعا فى هذا المنتدى الجميل
أنا عايز أغير الللادا إللى معايا إن شاء الله والحمد لله معايا مبلغ 100 ألف جنيه
والسؤال الآن هل أقوم بشراء الصنى ؟؟؟؟؟ أم أصبر لحين تجميع مبلغ أكبر وأشترى التريوس ؟؟؟
هل الفرق يستاهل الإنتظار وهل التريوس سيكون هو الإختيار الأفضل أم سيكون هناك خيارات أفضل فى نفس الفئة السعرية ؟؟؟
أرجو من الإخوة النصيحة لإن الواحد محتار والقرار مصيرى
أخوكم م. محمود سلام

[zamalek26]

ما ينفعش تقارن بين الاتنين دول

دة ركوبه ودة ركوبه

[moody1]

الصنى سوبر صالون سيارة ممتازة(فيها 2 ايرباج وفرامل abs )
توكل على الله واشتريها
لان التييريوس ال5 راكب تمنها 140 الف تقريبا
وكمان الصنى تتفوق فسعر اعادة البيع ورخص الصيانات وقطع الغيار و حتى فالسحب الصنى احسن

[zalpany2000]

لو حضرتك بتقارن وحاسس ان المقارنة ينفع تتعمل

يبقي توكل علي الله في ال sunny
عربية محترمة جدا

توكل علي الله فيها

[modisallam]

أشكر الإخوة على النصيحة وفعلا موقع بعتمد عليه

[egypt0777]

اقرب عربية ليك خصوصا انت نازل من لادا

الصنى طبعا

ليه

اولا انتشار العربية

رخص اسعار قطع غيارها

رخص صيانتها

سهوله اعاده البيع

مع الاحساس بالرفاهية برده

يعنى حتركب عربية و توفر فلوسك

بالتوفيق

[omskmaher]

ممكن رينو داستر عربيه ممتازه وسعر كويس

[SonaSteel]

ممكن رينو داستر عربيه ممتازه وسعر كويس

الداستر كعربية عاليه عن الارض وكشكل وكسعر معقولة
بس فعلا الصالون ... صالون لوجان الظبط ..(كوبي بيست)
مفهوش سنه حتي زياده عن اللوجان
التابلوه فقييييييير لابعد الحدود ..... واي حاجة لازم تتفتح من بره (شنطة - بنزين)
وده مش ميزة طبعا
توكل علي الله وشوف الصني واقعد فيها وشوف هاتسترحلها وصلي استخارة طبعا
وعربية ممتازة بفضل الله ومش هاتندم باذن الله
اقعد بالعافية

[kempel]

ماأنصحكش بشراء التيريوس لو بتسافر كتير لأنى اعرف ناس جابوا الهاى لاين بتاعتها وماعجبتهمشى خالص وباعوها بعد أقل من سنة وخسروا فيها جامد لانهم كانوا مش راضيين على ثباتها فى السفر ومستوى أدائها

[alemam2005]

الداستر كعربية عاليه عن الارض وكشكل وكسعر معقولة
بس فعلا الصالون ... صالون لوجان الظبط ..(كوبي بيست)
مفهوش سنه حتي زياده عن اللوجان
التابلوه فقييييييير لابعد الحدود ..... واي حاجة لازم تتفتح من بره (شنطة - بنزين)
وده مش ميزة طبعا
توكل علي الله وشوف الصني واقعد فيها وشوف هاتسترحلها وصلي استخارة طبعا
وعربية ممتازة بفضل الله ومش هاتندم باذن الله
اقعد بالعافية

انا من رأي الاستاذ حسين استخير ربنا في الصني

[engaass]

استخير ربنا فى الصنى

[mmffor]

الصني افضل توكيل في مصر - و خصوصا السبع في المعادي
الصني قطع غيارها متوفرة و رخيصة برة التوكيل - على عكس التيريوس التوكيل محتكرها و غالية جدا
الصني ثبات اعلى في السفر و محرك اقوى بمراحل عن التيريوس و تكييف اقوى تكييف في سيارة
السعر ارخص بحوالي 40 الف جنيه و انت اولى بيهم تصرف منهم على العربية بنزين و صيانات خلال ال 5 سنين الجايين

[samsong]

عن تجربه الصني في كل حاجه ..
الاستعمال-الراحه-الصيانه-القياده-اعاده البيع

[omaroof]

كاعربيه سيدان ممتازة وقطع غيار موجوده بكثرة واسعار ممتازه وسعر عربيه منافس جدا
اكيد نيسان صنى
استخير ربنا وتوكل على الله

[Manchestrawy]

بما ان السيارتين عندنا وبسوقهم كل يوم .. فأنا هنصحك نصيحه لوجة الله التيريوس الي عندي 2010 اوتوماتك 1500 7 راكب مواصفات خليجي .. اسوأ سياره ممكن تركبها بسبب عزمها الضعيف جدا وصوت الماتور العالي بشكل مزعج مع العلم ان الـ Max-Speed فيها 150 كم/س ده مكتوب في الكاتلوج والامبير 180 مع العلم انها جديده وانا المالك الاول .. السياره من جوا مصنعه من مواد تحس انها رديئه .. ميزه السياره الوحيده ارتفاعها عن الارض والفرامل ممتازه بل اكثر من رائعه ..

الصني 2005 مانيوال 1600 مواصفات خليجي .. ممتازه ممتازه بس تشترك مع التيريوس في صوت الماتور المزعج بعكس الكورولا واللانسر .. لكن قطع غيارها رخيصه وعزمها قوي وبتجيب سرعات 190 وانت طالع عيبها انها مش عاليه .. وبتتعبني في المطبات العاليه

نصيحه خليك في الصني ..

آسف على رفع الموضوع