أشترى الصنى ولا أصبر لحد ما يبقى معايا فلوس التريوس

[SonaSteel]

بما ان السيارتين عندنا وبسوقهم كل يوم .. فأنا هنصحك نصيحه لوجة الله التيريوس الي عندي 2010 اوتوماتك 1500 7 راكب مواصفات خليجي .. اسوأ سياره ممكن تركبها بسبب عزمها الضعيف جدا وصوت الماتور العالي بشكل مزعج مع العلم ان الـ max-speed فيها 150 كم/س ده مكتوب في الكاتلوج والامبير 180 مع العلم انها جديده وانا المالك الاول .. السياره من جوا مصنعه من مواد تحس انها رديئه .. ميزه السياره الوحيده ارتفاعها عن الارض والفرامل ممتازه بل اكثر من رائعه ..

الصني 2005 مانيوال 1600 مواصفات خليجي .. ممتازه ممتازه بس تشترك مع التيريوس في صوت الماتور المزعج بعكس الكورولا واللانسر .. لكن قطع غيارها رخيصه وعزمها قوي وبتجيب سرعات 190 وانت طالع عيبها انها مش عاليه .. وبتتعبني في المطبات العاليه

نصيحه خليك في الصني ..

آسف على رفع الموضوع

+111111111111111111111111111111
رأي ممتاز والحمد لله ان حضرتك معاك العربيتين للافادة العامة
مع اني بحب العربيات العالية جدا ووالدتي كان نفسها في التيريوس بس ربنا وفقنا في الصني
ربتا يباركل فيهم يارب العالمين

[Manchestrawy]

+111111111111111111111111111111
رأي ممتاز والحمد لله ان حضرتك معاك العربيتين للافادة العامة
مع اني بحب العربيات العالية جدا ووالدتي كان نفسها في التيريوس بس ربنا وفقنا في الصني
ربتا يباركل فيهم يارب العالمين

صراحه شكل السياره مغري وعاليه .. بس بعد تجربتها للأسف متعبه ومش مريحه ابداً
وربنا يوفق الجميع ان شاء الله

[Land_Cruiser]

استخير ربنا فى الصنى

[elmkaneeki]

صنى بعد الاستخارة طبعا

[Youssef.Awad]

ما ينفعش تقارن بين الاتنين دول

دة ركوبه ودة ركوبه

الصنى سوبر صالون سيارة ممتازة(فيها 2 ايرباج وفرامل abs )
توكل على الله واشتريها
لان التييريوس ال5 راكب تمنها 140 الف تقريبا
وكمان الصنى تتفوق فسعر اعادة البيع ورخص الصيانات وقطع الغيار و حتى فالسحب الصنى احسن

اقرب عربية ليك خصوصا انت نازل من لادا

الصنى طبعا

ليه

اولا انتشار العربية

رخص اسعار قطع غيارها

رخص صيانتها

سهوله اعاده البيع

مع الاحساس بالرفاهية برده

يعنى حتركب عربية و توفر فلوسك

بالتوفيق

الصني افضل توكيل في مصر - و خصوصا السبع في المعادي
الصني قطع غيارها متوفرة و رخيصة برة التوكيل - على عكس التيريوس التوكيل محتكرها و غالية جدا
الصني ثبات اعلى في السفر و محرك اقوى بمراحل عن التيريوس و تكييف اقوى تكييف في سيارة
السعر ارخص بحوالي 40 الف جنيه و انت اولى بيهم تصرف منهم على العربية بنزين و صيانات خلال ال 5 سنين الجايين

بما ان السيارتين عندنا وبسوقهم كل يوم .. فأنا هنصحك نصيحه لوجة الله التيريوس الي عندي 2010 اوتوماتك 1500 7 راكب مواصفات خليجي .. اسوأ سياره ممكن تركبها بسبب عزمها الضعيف جدا وصوت الماتور العالي بشكل مزعج مع العلم ان الـ Max-Speed فيها 150 كم/س ده مكتوب في الكاتلوج والامبير 180 مع العلم انها جديده وانا المالك الاول .. السياره من جوا مصنعه من مواد تحس انها رديئه .. ميزه السياره الوحيده ارتفاعها عن الارض والفرامل ممتازه بل اكثر من رائعه ..

الصني 2005 مانيوال 1600 مواصفات خليجي .. ممتازه ممتازه بس تشترك مع التيريوس في صوت الماتور المزعج بعكس الكورولا واللانسر .. لكن قطع غيارها رخيصه وعزمها قوي وبتجيب سرعات 190 وانت طالع عيبها انها مش عاليه .. وبتتعبني في المطبات العاليه

نصيحه خليك في الصني ..

وشهد شاهد من اهلها ..
وازيد من الشعر بيت كمان .. ان الصنى 2012 وحتى من اول 2006 مشكلة ان الصنى واطية وبتحك فى المطبات العالية دى مش موجودة نهائيا مع الجنوط ال15 بوصة وعمرى ما اخدت مطب واحد بالورب او الجنب بصورة مائلة مهما كانت حمولة العربية .. اهم حاجة سرعة العربية تكون اقل ما يمكن عشان لو سرعة عالية وفاصل دبرياج والعجلتين اللى قدام عدوا المطب هايحصل ارتداد للشاسيه طلوع ونزول مع المساعدين وهاترزع منك فى نص او آخر العربية اللى ورا .. انما لو خدته بالراحة عالاول ولا الهوا ..
ممكن تكون واضحة فى ال14 بوصة

[Sehsss]

توكل على الله وهات صني، وربنا يوفقك للخير

[egyptiandiver]

صنى سوبر صالون

[Sehsss]

صنى سوبر صالون

[zion]

الحمد لله انا معايا صنى ومريحانى جدا

[ana3yesh]

بص يا باشا انا معايا العربيتين مانصحكش خالص بالتريوس عربيه سيئة جدا الميزه الوحيدة فيها انها عالية عن الارض لكن غير كده وحشة وحشة يعنى

[mody3on]

الصني احسن هتوفر فلوسك وفي نفس الوقت هتجيب عربية كويسة .. بس برضه تقفيل مصري واستهلاك بنزين كبير.
رايي ممكن تجيب النترا كسر زيرو او كورولا مستعملة

[kempel]

متهيألى ياجماعة ان الراجل اشترى وخاصة ان الموضوع قديم يعنى عدى عليه 6 شهور جزاكم الله كل خير

[_hema]

توكل على الله و هات صنى سوبر صالون عربية ممتازة و ركوبة بصراحة و مش هتندم

[mff_629]

زقها سنة و هات تيدا سيدان أول فئة
عربية فوق الرائعة
2 ايرباج
abs
تقفيل و سحب و شد و وسع
هذا و االه أعلم
تقبل مروري