تويوتا كورولا & بروتون برسونا اليجانس

[samirhih]

انا مع اخر رأى و هو لو فعلا عاوز زيرو خليك فى الالنترا او اقتنى الكورولا فى الافضل على الاطلاق راحه و عزل داخل كبينه القيادة و قطع غيار و اعادة بيع لو حبيت و ربنا يوفقك لما هو فيه خير لك و لاسرتك

[M.Osman]

على فكره اللى بيقول على الكورولا ان ثباتها وحش مركبهاش ولكن احنى دايما بنحب نكرر الكلام من غير علم انا معايا واحده عمرى ما مشيت اقل من سرعة 140 بل ممكن 160 و170 وبحس انى لما ا\ود السرعة العربيه بتفرش على الطريق وتثبت اكتر ودا عن تجربه لانى بسافر كتيروعملت بيها 100 كيلو فى سنه

120 كم/س يدوبك عالعربية دي .. زي ما انا شايف ان بالنسبة للفيرنا الـ100 يدوبك برضه بعد كدا انت بتتكلم في سواق محترف

http://www.nilemotors.net/Nile/119881-2003-1300cc.html

[abd_el_7amid]

السلام عليكم
بص ياباشا انا كنت فى حيرتك دى من سنة بالضبط
المهم كنت نازل خلاص اشترى الواجا او البيرسونا بس بصراحة العربية من جوة بلاستيك وخامات مش كويسة وتقفيل اى كلام للاسف ...
مع انى كان نفسى فى بروتون بس دورت على حاجة تانية... بس بصراحة مفيش زى صاجها ولا ثباتها
وبصراحة رفضت ادفع 100,000 فى اى عربية كورى والحمد لله ربنا يسر لى فى هوندا سيتى كسر الزيرو
ف فى مكانك بصراحة لو موضوع التقفيل دا عادى معاك توكل على الله و هات بروتون

[ygamgoum]

الصني في نفس الرينج ويباني هو التقفيل مصري لكن تقفيل نيسان جيد جدا وخامات كلها ممتازة وشكلها قديم كلاسيك شوية لكن عربية ثابتة وصاجها ناشف وقطع غيارها منتشر ومش غالي قوي وسعرها اقتصادي يعني ال اي اكس الاوتو بتعمل 92000 وفرامل ايه بي اس واي بي دي وعالية ومتحكش في مطبات وحتجيبها زيرو وانا كنت محتار زيك والحمد لله فعلا لما جبتها ريحتني تماما لانها يباني وفيها كل الامكانيات وماتورها قوي واحسن طبعا من المايزي والكوري

[Formulator]

و ليه ماتقولش إن اللي حتخسره في إعادة البيع حتاخد بيه : فتيس اوتو و options والأهم من دة كلو ال-stability وال-handling الأفضل و الشكل الاجمل ...يعني فرق إعادة البيع إنت اللي استفدت به !!

+111
للأسف معظم الناس اللى بتشترى يابانى وكورى بيحط فى اعتباره اعادة البيع...!!!! مش علشان هى عربيات محترمة وتتركب (عدا القليل زى الهوندا والسوبارو)
ياعم هو انت بتشترى عربية لنفسك ولا للى هيركب بعدك..؟؟؟ لأ للى هيشتريها منى بعد كده..!!!!!!
وتلاقيه محافظ عليها جدا مش علشان هو كده... لأ علشان لما ييجى يبيعها مايخسرش... حاجة تشل الصراحة..!!!
ووصلوا السوق لدرجة ان العربيات دى الوكلاء بيبيعوها لهم بأسعار مغالى ومبالغ فيها جدا (كورولا ب160 وسيراتو ب140.... ليييييييييييييييييييه.؟؟؟؟!!!!!) وبيع للزبون يامعلم..!!!

على فكره اللى بيقول على الكورولا ان ثباتها وحش مركبهاش ولكن احنى دايما بنحب نكرر الكلام من غير علم انا معايا واحده عمرى ما مشيت اقل من سرعة 140 بل ممكن 160 و170 وبحس انى لما ا\ود السرعة العربيه بتفرش على الطريق وتثبت اكتر ودا عن تجربه لانى بسافر كتيروعملت بيها 100 كيلو فى سنه

تفرش على الطريق؟؟؟؟؟ كورولا..؟؟؟ ياراجل حرام عليك..!!!
انا مش هقول ان كلامك مش صحيح (لا سمح الله) بس هقولك انت قلبك جاااامد موووووت بصراحة..!!!!؟؟؟
عدم الثبات مش جديد على الكورولا... خصوصا الشيب اللى بنتكلم عليه (2006-2007)

[archiwork]

والهى ياجماعة أنا خلاص هاتشل من المصريين تلاقى واحد يقولك النترا او سيراتو الى مفيش صنايعى الا وركبها وناس تقولك صنى او ابترا الى هى مش عربيات اساسا لا شكل ولا مواصفات امان ولا تقفيل والبيرسونا والجين2 حبايبى الى انا مش مقتنع غير بيهم فى السعر ده يقولك اعادة البيع وقطع الغيار انا مش شايف مشكلة اصلا لا فى سعر اعادة البيع ولا فى قطع الغيار لان خسارتها 5000 عن اى عربية تانية من الشعبيات لكن المشكلة الى موقفانى بجد ثقافة العب العجيبة الى ممكن تخلينى أكره نفسى وقت لما أجى ابيع خصوصا انى احتمال كبير هابيع بعد سنة لظروف السفر وانا عارف الطلب ممكن يكون قليل وقت البيع ومش بيكون فى وقت خالص وساعتها هاتسمع ده اكيد بيبيع علشان عيب صناعة ولا بيخلص منها اكيد فيها إن فعلا احنا شعب عجيب غريب ومريب فى نفس الوقت.

[ahmedsadek82]

على فكره اللى بيقول على الكورولا ان ثباتها وحش مركبهاش ولكن احنى دايما بنحب نكرر الكلام من غير علم انا معايا واحده عمرى ما مشيت اقل من سرعة 140 بل ممكن 160 و170 وبحس انى لما ا\ود السرعة العربيه بتفرش على الطريق وتثبت اكتر ودا عن تجربه لانى بسافر كتيروعملت بيها 100 كيلو فى سنه

لو جربت ركبت gen2 و مشيت على نفس السرعات ديه حتعرف الفرق، جرب وقارن ، عمرك ماتقدر تحكم من غير متغرب حاجة مختلفة ، يعني إنت مش حتعرف إن كورولا كويسة بالنسبة للفرنا مثلاً إلى إذا نزلت من التويوتا و جربت هيونداي و حس بالفرق .

[tutankhamoun]

هو الموضوع سخن ليه كدا ؟؟؟

مبدئيا مقارنة عربية موديل 2011 بعربية موديل 2007 ........ فيه ظلم للكورولا لأنها عاملة عدد كيلومترات كبير
و بجد حرام الواحد يدفع 90 ألف جندي في عربية عدى عليها 4 سنين
بس هي عقول و كل واحد عنده عقل يقدر يحكم به للأصح بالنسبة له .
أنا عن نفسي و لا ادفع المبلغ ده في عربية مستعملة إلا إذا كانت بي أم دبليو أو مرسيدس بحالة معقولة .

بالنسبة لأستفسارات الأستاذ وائل

السلام عليكم

ايه الحلاوه ده يا جماعه

خليكو معايا في النقط دي

1- توافر قطع الغيار لاني من الشرقيه

أكيد في الشرقية أو أي مكان في مصر توافر قطع غيار الكورولا أكتر من البرسونا نتيجة لأنتشارها
بس البرسونا قطع غيارها موجودة في التوكيل و محلات قطع الغيار في القاهرة
يبقى نقطة قطع الغيار في صالح الكورولا اجمالا

2-اسعار قطع الغيار

أعتقد لو بنتكلم عن قطع غيار أصلية ....... الأثنين هايبقوا في نفس السعر
بس برضه نتيجة لانتشار الكورولا أكيد هاتلاقي قطع غيار تقليد كتير أرخص
و برضه البرسونا لها قطع غيار تقليد أرخص من الأصلي
أنا شايف أن النقطة دي فيه تساوي بين العربيتين

3-استهلاك البنزين
التويوتا مشهود لها بالتوفير في الأستهلاك خصوصا المواتير الصغيرة
بس أنت بتتكلم عن عربية مستعملة ........ يعني الله أعلم حالتها هاتكون عاملة أيه .
أستهلاك البرسونا معقول جدا لو أنت سواقتك هادية .
موتور الكامبرو ممكن يعمل معاك 13 لتر لكل 100 كم لو سواقتك هادية
الكورولا تكسب لو زيرو ........ مستعملة ما نعرفش حالتها
و لكن فرضا أن حالتها حلوة قوي ....... يبقى برضه الكورولا هاتكون أوفر في البنزين

باشا أنت لو بتسوق في أماكن ريفية مكسرة كتيرة
خليك في حاجة عفشتها ناعمة علشان عفسة البروتون رياضية بحتة (يعني عفشة مش ناعمة )

و أنا رأيي ..... لو أنت بتسوق في أماكن مكسرة كتيرة
خليك في حاجة كوري
ألنترا مثلا علشان العربية دي ناعمة قوي .


طبعا مميزات البرسونا أخواني البروتونيين ذكروها قبلي فمش هاكررها تاني و لكن أنا قلت أقولك على رأيي

[ahmedsadek82]

هو الموضوع سخن ليه كدا ؟؟؟

مبدئيا مقارنة عربية موديل 2011 بعربية موديل 2007 ........ فيه ظلم للكورولا لأنها عاملة عدد كيلومترات كبير
و بجد حرام الواحد يدفع 90 ألف جندي في عربية عدى عليها 4 سنين
بس هي عقول و كل واحد عنده عقل يقدر يحكم به للأصح بالنسبة له .
أنا عن نفسي و لا ادفع المبلغ ده في عربية مستعملة إلا إذا كانت بي أم دبليو أو مرسيدس بحالة معقولة .

بالنسبة لأستفسارات الأستاذ وائل

باشا أنت لو بتسوق في أماكن ريفية مكسرة كتيرة
خليك في حاجة عفشتها ناعمة علشان عفسة البروتون رياضية بحتة (يعني عفشة مش ناعمة )

و أنا رأيي ..... لو أنت بتسوق في أماكن مكسرة كتيرة
خليك في حاجة كوري
ألنترا مثلا علشان العربية دي ناعمة قوي .


طبعا مميزات البرسونا أخواني البروتونيين ذكروها قبلي فمش هاكررها تاني و لكن أنا قلت أقولك على رأيي

+11111

thats the bottom line

[waaeell]

111111

[yasser_ds]

ظ

انا معايا كورولا 93 بقالها معايا 4 سنين و قطع غيار و ثبات و نعومه مش قادر اقولك هة كامله مانيوال الاخوه اللى بيشكروا فى البيرسونا مينسوش التالى:-
الكورولا موجوده من يوم ما توالدنا
قطع غيار و بدائل طحن
توكيل محترم حين الحاجه و الله بيستورادوللى حاجات و بيحاسبونى بنفس السعر علشان عربيتى خليجى بس متسجله عندهم
قطع غيار استيراد لو حبيت
مش لازم تروح التوكيل لو عندك ميكانيكى بيراعى ربنا حترتاح
و الله العظيم العربيه عندى محتاجه مساعدين بقالها اكثر من سنه و زى الفل
و كفايه انك حتبقى راكب يابانى
ممكن تقوللى اللى اشتروا الجيلى اللى كانت بتتباع فى الفرسان بيعملوا ايه فى عربيتهم دلوقتى
و لو لا قدر الله اقتنعت بالشكل على حساب المضمون لو عطلت بيك و انت مسافر فى اى حته و رحت لميكانيكى و طلع مبيفهمش فيها ح تعمل ايه و انت و اسرتك معاك يا جماعه اما ضد الصينى و الماليزى بكل ما تحمله المعانى مهما حطوه فيه من كماليات و كان شكله روعه افتكرو حاجتين
الغالى ثمنه فيه
و خليك فى المضمون
لو عايز تقارن قارن مع كورى على الاقل و اقتعد فيه حاجات كورى فى نفس الثمن
نيو اكسنت لو 1300 - اوبترا او نيسان صنى لو 1600


اللون الاحمر مخصص للمداخلات الادارية
يرجى مراجعة قواعد المنتدى
8:6pm 8/1/2011
م ع 6

[a_saladen]

انا مع الكثير من احبائنا اللى رجحوا الزيرو طبعا واكيد ها يكون احسن لك من جميع الاتجاهات ولكن انا رأيى الشخصى انك ممكن تفكر فى نوع اخر غير البرسونا ( مثلا النترا مانوال - اوبترا مانيول - لانسر بومة مانيوال ) ها يكونوا فى نفس الرينج تقريبا او زيادة بسيطة لكن احسن ليك فى كل حاجة توفر قطع الغيار وسهولة بيعها وسعر اعادة البيع واعتمادية اعلى الفرق اكبر فى حاجات كتير فكر تانى وربنا يوفقك الى ما هو خير لك ان شاء الله

أوبترا مانيوال أفضل من بيرسونا اليجانس؟؟؟؟
طيب ممكن حضرتك توضح إيه مميزات الاوبترا عن البيرسونا - علشان أنا ناوي استناها لما تنزل

[emadhamdy]

مع احترامى لوجهة نظر حضرتك بس طبعا انا مختلف تماما معاك في الكلام ده

١ــ قطع الغيار فى البروتون متوفرة فى التوكيل وبرة التوكيل بنفس اسعار الحاجات التانية اللى حضرتك ذاكرها ويا ريت حضرتك تسأل عليها

٢- تمن البيرسونا حيبقى اقل بتاع ٢٠ الف من تمن اى حاجة من اللى حضرتك قولت عليهم دول بنفس الكماليات

٣ - اعتمادية بروتون مش حتقل عن اعتمادية اى ماركة تانية .. دى عربية بيستخدمها البوليس الانجليزى

٤- الراجل قال انه ميهموش سعر اعادة البيع + كمان ان عند اعادة بيع البروتون حتخسر اقل من اى ماركة تانية من دول وحضرتك احسبها بالورقة والقلم.

٥- مش فاهم بصراحة احسن ليك فى كل حاجة دى حضرتك جبتها منين .. انا كنت مكانه من شهرين ووالله ممالاش عينى زى البيرسونا وجبتها كاش.. يعني لو كنت حبيت اجيب اى حاجة من اللى حضرتك قولت عليهم دول كنت جبتهم.

٦- مميزات كتيرة ممكن متبقاش واخد بالك منها فى البروتون زى الصاج المحترم .. الاتزان الوهمى بجد وعلى سرعات ..الموتور القوي .. الشكل الجميل .. الاوبشن الكتيرة جدا فى البيرسونا عن اى واحدة تانية من العربيات التانية دول.

يا ريت نبقي موضوعيين فى الحكم وبلاش الاحكام المطلقة دى زي احسن ليك فى كل حاجة والفرق اكبر فى حاجات تانية كتير .. بحس انه كلام عايم مبيقولش حاجة
وشكرا جزيلا

[mido_soliman]

انا معايا كورولا 93 بقالها معايا 4 سنين و قطع غيار و ثبات و نعومه مش قادر اقولك هة كامله مانيوال الاخوه اللى بيشكروا فى البيرسونا مينسوش التالى:-
الكورولا موجوده من يوم ما توالدنا
قطع غيار و بدائل طحن
توكيل محترم حين الحاجه و الله بيستورادوللى حاجات و بيحاسبونى بنفس السعر علشان عربيتى خليجى بس متسجله عندهم
قطع غيار استيراد لو حبيت
مش لازم تروح التوكيل لو عندك ميكانيكى بيراعى ربنا حترتاح
و الله العظيم العربيه عندى محتاجه مساعدين بقالها اكثر من سنه و زى الفل
و كفايه انك حتبقى راكب يابانى
ممكن تقوللى اللى اشتروا الجيلى اللى كانت بتتباع فى الفرسان بيعملوا ايه فى عربيتهم دلوقتى
و لو لا قدر الله اقتنعت بالشكل على حساب المضمون لو عطلت بيك و انت مسافر فى اى حته و رحت لميكانيكى و طلع مبيفهمش فيها ح تعمل ايه و انت و اسرتك معاك يا جماعه اما ضد الصينى و الماليزى بكل ما تحمله المعانى مهما حطوه فيه من كماليات و كان شكله روعه افتكرو حاجتين
الغالى ثمنه فيه
و خليك فى المضمون
لو عايز تقارن قارن مع كورى على الاقل و اقتعد فيه حاجات كورى فى نفس الثمن
نيو اكسنت لو 1300 - اوبترا او نيسان صنى لو 1600

بص كل كلامك دة على عينى واسى ماعدا اخر صف انك ضد الصينى والماليزى ولو حتقارن حتقارن بالكورى
دة ان دل فبيدل على انك معندكش اى خلفية عن معنى كلمة بروتون علشان تقترن اسم الصناعة الماليزى بالصينى وعجبى

[Formulator]

ممكن بس اضيف حاجة ... مع احترامى لل أ.yasser_ds:
لو فيه صناعة سيارات هتتصنف على انها "تانى أحقر صناعة سيارات فى العالم" بعد الصينى... هتبقى الكورى اللى حضرتك بتنصحوا بيه...!!!

منين بتقوله أسرتك معاك.. وعايزه يشترى عربيات تفتقد الى ابسط مقومات الأمان؟؟؟؟

ومتقارنش بأى حال من الأحوال الكورولا 93 اللى انت راكبها.. بالعربيات التعبانه اللى تويوتا بتعملها اليومين دول... لا فى ثبات ولا صاج وامان ولا اعتمادية

والكلام اللى من نوعية: كفاية انك راكب يابانى ده خلاص يعنى مات.. اليابانى اللى أعرفه: هوندا وسوبارو.. والباقى بيقلبوا رزقهم وكده... وبيبيعوا الكورولا اللى ماتسواش ب160 ألف علشان الناس تيجى تقول: "الغالى ثمنه فيه" وهما مقلوظينهم فى بتاع 50 ألف ولا حاجة..
ههههههههههههههههههههههههههههههههههههههههه

وبكرة نشوف هيعملوا أيه لما الأوروبى اسعاره تنزل فى التخفيضات

btw كلمة حق وانا مش راكب بروتون:
معظم الشركات الأسيوية بتفتقد لمصادر التكنولوجيا (علشان كده متخلفين صناعيا) اللى هى: الأستثمارات الضخمة فى الR&D والسباقات او الرياضات الميكانيكية
القليل زى بروتون عندها out-source اللى هو Lotus ولو حضرتك تعرف يعنى ايه لوتس... هتفهم ليه عربيات بروتون (من أول جين2) بدأت تنتشر جدا..!!!

ونرجع بقى لليابانى... بعد ما تويوتا وهوندا قلصوا مصاريف الأبحاث والتطوير.. وكمان انسحبوا من الFormula1 (يااااه ده كانوا بيسابقوا أكل عيش بس..)

انا شايف يخلوهم فى الSony وال Panasonic والToshiba ويسيبوهم خالص من العربيات دى اللى طوب الأرض (فى آسيا)بقى بيناطحهم فيها...

أهاهاهاهاهاها...هههههههههههههههههههههههههه...