تويوتا كورولا & بروتون برسونا اليجانس

[waaeell]

السلام عليكم

جزاكم الله خيرا علي المعلومات والنصائح و المشاركات

[ahmedsadek82]

ممكن بس اضيف حاجة ... مع احترامى لل أ.yasser_ds:
لو فيه صناعة سيارات هتتصنف على انها "تانى أحقر صناعة سيارات فى العالم" بعد الصينى... هتبقى الكورى اللى حضرتك بتنصحوا بيه...!!!

منين بتقوله أسرتك معاك.. وعايزه يشترى عربيات تفتقد الى ابسط مقومات الأمان؟؟؟؟

ومتقارنش بأى حال من الأحوال الكورولا 93 اللى انت راكبها.. بالعربيات التعبانه اللى تويوتا بتعملها اليومين دول... لا فى ثبات ولا صاج وامان ولا اعتمادية

والكلام اللى من نوعية: كفاية انك راكب يابانى ده خلاص يعنى مات.. اليابانى اللى أعرفه: هوندا وسوبارو.. والباقى بيقلبوا رزقهم وكده... وبيبيعوا الكورولا اللى ماتسواش ب160 ألف علشان الناس تيجى تقول: "الغالى ثمنه فيه" وهما مقلوظينهم فى بتاع 50 ألف ولا حاجة..
هههههههههههههههههههه:pointiy2[2]:هههههههههههه:pointiy2[2]:ههههههههه

وبكرة نشوف هيعملوا أيه لما الأوروبى اسعاره تنزل فى التخفيضات

btw كلمة حق وانا مش راكب بروتون:
معظم الشركات الأسيوية بتفتقد لمصادر التكنولوجيا (علشان كده متخلفين صناعيا) اللى هى: الأستثمارات الضخمة فى الr&d والسباقات او الرياضات الميكانيكية
القليل زى بروتون عندها out-source اللى هو lotus ولو حضرتك تعرف يعنى ايه لوتس... هتفهم ليه عربيات بروتون (من أول جين2) بدأت تنتشر جدا..!!!

ونرجع بقى لليابانى... بعد ما تويوتا وهوندا قلصوا مصاريف الأبحاث والتطوير.. وكمان انسحبوا من الformula1 (يااااه ده كانوا بيسابقوا أكل عيش بس..)

انا شايف يخلوهم فى الsony وال panasonic والtoshiba ويسيبوهم خالص من العربيات دى اللى طوب الأرض (فى آسيا)بقى بيناطحهم فيها...

أهاهاهاهاهاها...:pointiy2[2]:هههههههههههههه:pointiy2[2]:هههههههههههه...

+11111111111

[ahmedsadek82]

انا معايا كورولا 93 بقالها معايا 4 سنين و قطع غيار و ثبات و نعومه مش قادر اقولك هة كامله مانيوال الاخوه اللى بيشكروا فى البيرسونا مينسوش التالى:-
الكورولا موجوده من يوم ما توالدنا
قطع غيار و بدائل طحن
توكيل محترم حين الحاجه و الله بيستورادوللى حاجات و بيحاسبونى بنفس السعر علشان عربيتى خليجى بس متسجله عندهم
قطع غيار استيراد لو حبيت
مش لازم تروح التوكيل لو عندك ميكانيكى بيراعى ربنا حترتاح
و الله العظيم العربيه عندى محتاجه مساعدين بقالها اكثر من سنه و زى الفل
و كفايه انك حتبقى راكب يابانى
ممكن تقوللى اللى اشتروا الجيلى اللى كانت بتتباع فى الفرسان بيعملوا ايه فى عربيتهم دلوقتى
و لو لا قدر الله اقتنعت بالشكل على حساب المضمون لو عطلت بيك و انت مسافر فى اى حته و رحت لميكانيكى و طلع مبيفهمش فيها ح تعمل ايه و انت و اسرتك معاك يا جماعه اما ضد الصينى و الماليزى بكل ما تحمله المعانى مهما حطوه فيه من كماليات و كان شكله روعه افتكرو حاجتين
الغالى ثمنه فيه
و خليك فى المضمون
لو عايز تقارن قارن مع كورى على الاقل و اقتعد فيه حاجات كورى فى نفس الثمن
نيو اكسنت لو 1300 - اوبترا او نيسان صنى لو 1600

واضح إن حضرتك مسمعتش عن بروتون قبل كدة أو معلوماتك متأخرة حوالي 7 سنين ، روح جرب أي عربية بروتون و اجري بيها فوق 130 كدة وانت تعرف انك فاتك كتير بالكورلا ، والله أنا مش قصدي حاجة ، جرب و قل رأيك

[ramy01011]

الكورولا و عن تجربة و الكورلا اساسا 90 % من اللي بيركبوها بيبقوا ناس كبار يعني موش زي الانسر فيها شد و فرك يعني هتلاقي كتير منها حالتها حلوة و صدقتي هات كورولا و موش هتندم بس خليك في الاوتوماتك لانه تحفة

[M.FOUAD]

الموضوع دة محطوط في قسم المقارنات يعني صاحبة عاملة لانة محتار بين عربيتين و بياخد راي الناس يختار اية
مش لازم بقى الكلام بتاع بعض الاعضاء اللي عايزين يثبتوا ان تويوتا او بروتون احسن و خلاص بتعصب اعمى
كل واحد يقول راية بس
.................................................. .....
يا ريت نساعد الراجل مش نتوهة

لقد حصلت على تحذير مع وقف يوم مع التخفيف لمخالفة القاعدة 13 من قواعد المنتدى
يرجى مراجعة قواعد المنتدى
8:01pm 8/1/2011
م ع 6

[ramy01011]

يا ريت الناس كلها متنساش ان سعر الكورولا 2006 و 2007 ماسك نفسة بشكل رهيب و الكلام ده بس موش في مصر لا في كل دول الخليج كمان العربية دي بجد حمارة شغل و الكل عارف انه بيرمي فلوس في الاول بس علشان يرتاح بعد كدة يعني فين و فين لما العربية بتحتاج حاجة يعني موش زي البروتون و هي لسة زيرو بتغير علبة دريكسيون و كلام من ده و بعدين اللي بيقول عليها كلها امان انا قريت قبل كدة مشاركة لواحد في اسكندرية كان معاة جين 2 و في مطر وجه يفرمل العربية عومت منه جامد يعني abs ملوش لزمة و العربية اتقلبت بية و الاير باج مفتحش يعني كله في الاونطة غير ان واحد تاني قال ان في الطارة الملتي فانكشن الزراير بتعلق انا مبقولش ان الكورولا احسن عربية بس انا بقول ان الكورولا الموديل ده اتعمل بضمير زيادة شوية و موضوع الثبات هو فعلا مشكلة بعد 120 بس مين هنا في مصر بيعدي 120 في الشوارع الللي زي الفل دي ؟ غير ان ممكن الجنوط تحل موضوع الثبات ده . نصيحة لو حضرتك مجبتش الكورولا هات البرسونا كسر زيرو هتوفر كتيير بص انا انصحك بردو ب الكورولا

[mido_soliman]

الموضوع دة محطوط في قسم المقارنات يعني صاحبة عاملة لانة محتار بين عربيتين و بياخد راي الناس يختار اية
مش لازم بقى الكلام بتاع بعض الاعضاء اللي عايزين يثبتوا ان تويوتا او بروتون احسن و خلاص بتعصب اعمى
كل واحد يقول راية بس
مش عقدة نقص و احساس انة راكب عربية تعبانة و متدبس في ثمنها 90 الف و عايز يثبت انها كويسة لمجرد انها ثابتة على الطريق و العربية متساويش حاجة في سوق المستعمل
يا ريت نساعد الراجل مش نتوهة

..................
.......................................
..................................................
لقد حصلت على تحذير مع وقف يوم مع التخفيف لمخالفة القاعدة 13 من قواعد المنتدى
يرجى مراجعة قواعد المنتدى
7:59pm 8/1/2011
م ع 6

[tutankhamoun]

هو ليه الناس بتتكلم لكام خارج عن نطاق اللياقة و الاحترام للآخر و أستخدام ألفاظ غير لائقة ؟؟؟

و البعض الآخر يقولك أصلي قرأت مش عارف مين عمل حادثة فين

مواضيع المقارنات أصلا أصبحت خارجة عن نطاق اللياقة لمجرد أن كل واحد متعصب لحاجة و فاهم أنها أحسن حاجة في الدنيا .

ياريت كل واحد يوزن كلامه قبل ما يخرجه من على لوحة المفاتيح علشان ما يزعلش الناس منه
و كمان ياريت نفتكر اننا بنتكلم عن عربيات في الأول و في الأخر

و كمان ياريت اللي يتكلم يتكلم عن تجربة هو عارفها

مش عن حاجة سمعها و حاجة قرأها هنا أو هناك .............

مش عارف بصراحة نفسي اتسدت أرد بتفنيد للكلام ..

و لصاحب الموضوع ....... شوف أن مرتاح لأيه بعد ما قرأت مميزات دي و مميزات دي ..... و أختار اللي تحبه و تستريحله نفسيا و شرائيا و مصاريف بعد كدا

خلص الكلام

[M.FOUAD]

انت تقصد مين يبنى بالسذاجة اللى انت كاتبها دى

يا جماعة مش كل واحد معاة معزة ميتة من سنين طويلة عليها لوجو شركة كان اسمها محترمة من فترة طويلة يطلع يقول كلام مستفذ وفى الاخر تزعلو لما نرد ونقول بطلوا الكلام العنصرى دة وياريت اللى بيتكلم دة بس يبقى معاة 90 قرش الاول قبل ما يتريق

انا مش هعلق على اسلوبك المحترم في الكلام اللي من الواضح بينم عن مستوى عالي فعلا

بس انا مش عارف انت لية خدت الكلام عليك انت
صاحب الموضوع عايز عربية ب 90 الف و انا و لا حددت انها تويوتا او بروتون انا قلتلة رايي في اول الموضوع و هو حر في اختيارة

[mido_soliman]

انا مش هعلق على اسلوبك المحترم في الكلام اللي من الواضح بينم عن مستوى عالي فعلا

بس انا مش عارف انت لية خدت الكلام عليك انت
صاحب الموضوع عايز عربية ب 90 الف و انا و لا حددت انها تويوتا او بروتون انا قلتلة رايي في اول الموضوع و هو حر في اختيارة

الكلام لو كنت اخدتة على نفسى زى ما انت متخيل مكنش دة حيبقى ردى خااالص ولو اى حد قرى كلامك غيرى ولم يشعر بما شعرت به من غصة يبقى ليك الكلام وبيتهيالى واضح اوى اوى لكل الناس كلامك موجة لمين من ملاك السيارتين وبالتاكيد مش موجة لملاك التويوتا وبعدين لو المقارنة مش عجباك يبقى متدخلش تقول كلام ساذج وبعدين دة قسم المقارنات عايز اية غير ان يبقى فى اراء مختلفة من ملاك السيارتين والغرض بردة صاحب الموضوع فين التتوية هوة انا لو شايف ان الكورولا احسن مش حقولة هوة بيقارن بروتون ببى ام مثلا ولا لامبو علشان كدة بنتوهه الراجل بيقارن عربية قديمة بعربية جديدة فى نفس رينج السعر اية مشكلتك وبعدين عقد نقص اية دى حضرتك؟؟؟ اية اللى اوحالك بعقد النقص؟؟ تعرف اية عن بروتون من الاساس ؟؟؟ عمرك ركبتها ؟؟؟ اتحداك وهوة دة مشكلة 99% من الشعب المصرى داء الفتي على فكرة ردا على موضوع عقد النقص دة بس فى اعضاء محترمين هنا معاهم بروتون وبى ام فى نفس الوقت وعلشان عارفين قيمة العربية دى عمرهم ما عاشوا الوهم اللى حضرتك حاولت تعيشنا فية دة ولا عمرهم حسوا بعقدة نقص العربية اللى ب 90 الف وميزتها الوحيدة انها ثابتة على الارض وطبعا علشان مفيش كلام للرد على السذاجة اللى اتكتبت دى وبعد ردى عليك بطريقة حادة شوية صغيرة خالص بنزوق الكلام تانى وبنقول اسلوب المحترم مش حرد علية وانا مقصدتش ومعرفش جبت الكلام دة منين ولا كانك كاتب التعليق اللى انا علقت علية من الاساس
بلاش استخفاف وارحمونا من الفتى والفتايين وعموما اخر تعليق حكتبة واخر مرة ادخل فيها قسم المؤامرات دة (المقارنات سابقا)

[مراقب المنتدى]

يرجى من الجميع ضبط النفس ومراعاة اداب الحوار
لقد اكتفينا بتحذير ووقف يوم واحد فقط بعد التخفيف للعضوين فى حالة التكرار ستتضاعف العقوبة

[أبومعاذ]

في رأيي تويوتا كورولا لو حالتها حالة الزيرو أو قريبة منها لكن غير كدا البيرسونا أفضل

[mmffor]

عايز زيرو و ثبات و قطع غيار متوافرة و اعادة بيع و توكيل محترم و عربية محرك قوي و تكييف الاول في فئتها
نيسان صني

[waaeell]

11111111111111111

[loayof]

السلام عليكم
أنا ارشحلك الكورولا عربيه معمره وقطع غيرها متوفرة وسعر اعادة البيع فيها كويس جدا