بونتو كلاسيك ولا جيتز؟

[M.Nasr]

انا مش عارف اوصل للاخ توت عنخ امون ازاى بصراحة ياريت لو تقولى ازاى اوصل له
وعندى سؤال تانى بالنسبة للكاوتش بتاع البونتو هو مقاس 165/70 R14
ينفع يتركب علي نفس الجنط بتاعها مقاس 185/60 ولا هحتاج اركب جنوط 14 اعرض؟

[fahd_628]

ممكن توصل لة عن طريق اللينك دة

http://www.nilemotors.net/Nile/member.php?find=lastposter&t=19191

[Ahmed Taha]

حط اولويات

أنا كنت في نفس الحيرة و رسيت على البونتو ان شاء الله.

بس ده لأني حطيت أولويات:
1. أنا معظم تنقلاتي داخل البلد.
2. البنزين غلي و لسة حيولع و أنا راجل متجوز و وراية عيال.
3. سيارة أوروبي.

ده مايمنعش أن الجتز تحفة من جوة لأن من برة هما اخوات.

حط أولوياتك و توكل على الله.

هام للسادة أصاب الردود:

أ. حكاية التوكيل: أصحوا يا بشر احنا في مصر يعني كل التوكيلات زفت.
ب. الهاتش باك و عدم نفعها للعائلة: أنا بعشق الهاتش باك و حكاية الشنطة دي مش أزمة تخليني ماجبش عربية. و في عائلات كتير مرتاحة أوي و بتصيف بالجولف و البونتو و البيجو 206 و أمثالهم

[bassam nagy]

كاتبين فى جرنان النهاردة انها ايطالى 100%

[Ahmed Taha]

أه العربية ايطالي 100% أرخص عربية أوروبية من الاخر.

[M.Nasr]

عندك حق طبعا يا استاذ طه وانا امبارح الخميس كنت فى اوماترا اللى فى الدقى واتفرجت على عربية كانت لسه واصله عندهم لونها نبيتى وكمان زودو فيها جنط 14 ايطالى فيات اصلى وماتتخيلش انا اتبسطت اد ايه لأن احسن انواع الجنوط هى الايطالى زى مومو مثلا وكمان فيها فوج والكنبة ورا عملو فيها مخادع رأس
بصراحة عجبتنى جدا وان شاء الله القرار النهائى بونتو ادعولى بقا

[SuMo]

puntoooooooooooooooooooooooooooooooooooo

[tutankhamoun]

انا مش عارف اوصل للاخ توت عنخ امون ازاى بصراحة ياريت لو تقولى ازاى اوصل له
وعندى سؤال تانى بالنسبة للكاوتش بتاع البونتو هو مقاس 165/70 R14
ينفع يتركب علي نفس الجنط بتاعها مقاس 185/60 ولا هحتاج اركب جنوط 14 اعرض؟

أخي جاما ............ أنا هنا إن شاء الله
بص يا سيدي أنا معايا بونتو ........... و جربت الجيتز

و سأبدأ أتكلم عن البونتو أولا نظرا لخبرتي معها

العربية موديل 2002 ........ 12 صمام .......... و تقريبا 75 حصان عند 5500 / دقيقة
السرعة القصوى 155 كم / س
العربية موفرة في البنزين لأقصى الحدود و تصلح أكثر لفرد أو أثنين أو عائلة صغيرة و حديثة ( أطفال صغار )
قطع غيارها متوفرة و بأسعار معقولة جدا و صناعة ألماني و أيطالي
على سبيل المثال اسطوانة دبرياج ألماني بالبلية و كاملة بحوالي 450 جنيه مصري ......... فانوس خلفي بحوالي 275 جنيه و أمامي ب 300 جنيه و لكن الفوانيس صناعة تركي على ما أظن و الإيطالي منهم في التوكيل بحوالي 650 و 800 جنيه
سير كاتينة و بلية شداد و خلافة في التوكيل بحوالي 220 جنيه و بالتركيب 300 جنيه مصري لا غير
و من خارج التوكيل ب 175 جنيه بدون ضمان
يعني أسعار معقولة جدا

التكييف بتاعها كويس و معقول .......... مش ضعيف و مش قوي قوي ....... و تأثيره على استهلاك البنزين معقول جدا
و لكن يقلل قليلا من قوة و سحب السيارة .......... قليلا فقط

قطع الغيار بتعيش لو انت تحافظ على العربية كويس
الصالون فخم و مصنوع من خامات كويسة قوي
أما كلمة أيطالي ........... و غير أيطالي فهي غير موجودة في قاموسي إطلاقا
أنا بشتري منتج ........... بغض النظر عن منتجه ........... إذا كان كويس أهلا وسهلا و إذا كان مش كويس ......... يبقى أبعد عن الشر و غني له
المهم أنا أقصد إن المنتج الكويس هو اللي أنا أشتريه و مش بس اسم البلد المنتجه

نيجي بقى للجيتز
العربية شكلا جميله
محرك قوي و بيسحب ما شاء الله
العربية خفيفة و المحرك قوي و هذا له عيوب و مميزات
المميزات أولا
أستهلاكه للبنزين أقل من السيارات 1600 الأخرى الثقيلة في الوزن
سحبه عالي و قوي
مفيد عن تحميل العربية بأشخاص أو شنط أو خلافه

العيوب
ثبات ضعيف قوي فوق 100 كم / س
يعني ميزة المحرك القوي راحت مع الثبات ( الأمان )

و العربية لا يعيبها أنها كوري خالص .............. و كفاية إن محركها محرك محترم جدا و لكن الوزن الخفيف مع محرك قوي

و أنا رأيي البونتو تكسب علشان البنزين و الثبات أفضل و الصاج أقوى من صاج الجيتز كمان

بالنسبة لسؤال حضرتك عن الجنوط
لا أنصح بتغيير الجنوط و لو عايز تغير
خليك في المقاس ده
14 185 70
و متحاولش تركب كاوتش سُمكه قليل علشان العفشة و لو زودت .......... زود العرض بس

[mohamed ibiza]

ثبات ضعيف قوي فوق 100 كم / س




هو ده اللي كنت هكتبه في ردي موتور شديد علي وزن خفييييف و قاعدة عجلات صغيرة و فرد رفيعة تدي ثبات وحش طبعا و البونتو تاريخها معروف و العربية معمرة اكتر كتير من الجيتز سواء موتور او خامات صالون او عفشة و ايطالي 100% و الجيتز كوري مش تقفيل مصري لكن تقفيل البونتو اشد و انضف و احسن و للعلم الجيتز نفس موتور الانترا القديمة 1600 سي سي 16 صباب 106 حصان 143 نيوتن عزم تقريبا الموتور جراي و كل حاجة و تسارع و سحب عالي جدا لانه تقريبا نفس الموتور ال 1600 سي سي اللي في الفيرنا dohc و النوع ده من المواتير السحب فيه بيبقي خرافي لكن الموتور مش سحب و بس ممكن اجيب عربية سحبها معقول لكن معمرة و ممكن اجيب عربية سحبها جبار و الموتور مش معمر يبقي انا استفدت ايييييييييييه الهيونداي عموما عربيا العمر القصير و الكلام ده مش كلامي ده واقع عملي اثبتته الاكسنت 98 و الاكسيل موديل التسعينات و الانترا 96 برضه ان اغلبهم مفوتين دلوقتي اينعم الانتاج دلوقتي اتحسن شوية لكن برضه لسه مش في المستوي المطلوب بالدليل انا في زميل لينا هنا اسمه analyzer مغير بلية فيرنا علملة 70 الف كيلو طبعا ده تهريج 70 الف ده كلام ميرضيش حد ابدا ف المحصلة النهائية من كلامي انا رأيي البونتو.............














IBIIIIIIIIIIIIIIIIIIIIIIIIIIIIIIIIIIZZZZZZZZZZZZZZ ZZZZZZZZZZAAAAAAAAAAAAAAAAAAAAA FOR EVER

[M.Nasr]

:)اولا بشكر جدا كل الاعضاء اللى شاركو فى الرد والاهتمام بجد انا مبسوط جدا باهتمامكم دا
وانا اسف جدا على التاخير فى الرد عشان كنت مشغول جدا اليومين اللى فاتو وماخدلتش نت
وبشكر جدا الاخ توت عنخ امون على مشاركته المفيدة جدا بجد وبدون مبالغة انت عملت مقارنة وافية جدا مشكور شكرا جزيلا
بالنسبة لموضوع الجنط انا عايز اقولك سبحان الله لما رحت اوماترا وشفت البونتو اللى نازلة بالجنط لاقيت فيها نفس المقاس اللى كنت بسأل عليه ماتتصورش انا كنت مبسوط ازاى وارتحت نفسيا كدا اول ماركبتها وشفت صالونها من جوا وكمان موضوع تغيير شكل الفوانيس بصراحة انا كنت بميل للشكل القديم اكتر بس اقتنعت بالشكل الجديد
خلاص هو قرار نهائى بونتو ان شاء الله وقريبا جدا هقولكم تباركولى لما اجيبها وربنا يكرمنا جميعا :)

[CryptonX]

:)اولا بشكر جدا كل الاعضاء اللى شاركو فى الرد والاهتمام بجد انا مبسوط جدا باهتمامكم دا
وانا اسف جدا على التاخير فى الرد عشان كنت مشغول جدا اليومين اللى فاتو وماخدلتش نت
وبشكر جدا الاخ توت عنخ امون على مشاركته المفيدة جدا بجد وبدون مبالغة انت عملت مقارنة وافية جدا مشكور شكرا جزيلا
بالنسبة لموضوع الجنط انا عايز اقولك سبحان الله لما رحت اوماترا وشفت البونتو اللى نازلة بالجنط لاقيت فيها نفس المقاس اللى كنت بسأل عليه ماتتصورش انا كنت مبسوط ازاى وارتحت نفسيا كدا اول ماركبتها وشفت صالونها من جوا وكمان موضوع تغيير شكل الفوانيس بصراحة انا كنت بميل للشكل القديم اكتر بس اقتنعت بالشكل الجديد
خلاص هو قرار نهائى بونتو ان شاء الله وقريبا جدا هقولكم تباركولى لما اجيبها وربنا يكرمنا جميعا :)

مش حعرف اضيف اي حاجة اكتر من الاخوان ما ضافوا .. معي اني بحب السيارتين فعلا .. و انا امتلك اخت البونتو الاصغر ( باليو 1300 fire) البرازيلي .. و بصراحة مبهدل العربية اخر بهدلة .. و ماشية الحمد الله معقول جدا

التوكيل كان فعلا سيء جدا في الاول و كنت كاره نفسي و السيارة .. بس بعدين اتحسن كتير و مراكز الخدمة بقت كتير جدا .. و حاليا ماصبحتش محتاج التوكيل في حاجة .. كل حاجة بجيبها من برة .. قطع الغيار في ايطالي اصلي و الماني و تركي و اسباني و في صيني و مصري كمان ! ( مثلا في 9 انواع تيل فرامل )

ميزة الفيات عامة .. مشراكة قطع الغيار .. يعني البونتو موديل 2002 لحد الجديدة 2008 في قطع غيار هي هي !

وعلي فكرة في عرض خاص من اوماتر علي كمية محدودة من البونتو
75 بدل من 71
يس جاية بجنوط 14" فيات اصلي ( أيطالي )
فوج لايت اصلي ( أيطالي )
مخادع رأس خلفية .

و دول تمنهم اكتر بكتيييييييييييير من ال 4 الاف جنيه
( تمن الفوجات لوحدهم 1500 و الجنوط 4000 او اكتر ) .

[rafeee2]

بالنسبة لسؤال حضرتك عن الجنوط
لا أنصح بتغيير الجنوط و لو عايز تغير
خليك في المقاس ده
14 185 70
و متحاولش تركب كاوتش سُمكه قليل علشان العفشة و لو زودت .......... زود العرض بس

+1

My sister's car has the 185/60, giving the car very good stability, but the ride is a little rough on bumpy roads. I think the 185/70 will be better

I did not try it with the standard tyres

By the way the tiny 1.3 engine is crazy as is everything Italian, 2nd gear goes past 100 km/h :D

[tutankhamoun]

+

By the way the tiny 1.3 engine is crazy as is everything Italian, 2nd gear goes past 100 km/h :D

خلي بالك إن ده بيزود الإحتكاك مما يقلل عمر المحرك و يقلل كفائته و طبعا ده غير البنزين اللي بيتحرق