مش عايز العربيات دى خلاااااااااص

[keko]

السلام عليكم
دلوقتى انا بايع عربيتى من مده وبقالى فترة بفكر وطبعا كونى من اسكندية كل الناس بتقول لادا لادا هيا العربية كويسة بس طبعا ما فيهاش اى نوع من الحنية على صاحبها كنت عايز اسمع اقتراحات ممكن تكون فيه عربية غايبة عن بالى وفيها الميزات بتاعتها برضه بس تكون عربية غير :
لادا - 131 - 132 - 128 - 127 - 305 - 504 - 125 - بولونيز
لان الباقين كويسين برضه انما ما بين عربية بتنقرض والتانية فيها عيوب صناعة والتالة حاجتها بقت غالية الخ
وظروفى هى :
ساكن فى شواع مكسرة وممكن نركب 5 فى العربية وشنط عالشبكة او ساعات بجيب بضاعة
سواقتى بين الهادية وبين العنيفة يعنى مزاجى متقلب
بنزين 80

اهم حاجات فى العربية :
موديل من سنة 1980 وطالع
شاسيه متين
قطع غيار متوفرة مش تغلبنى ولو غالية شوية عن اللادا عادى بس متكونش دبح يعنى ال132 لقيت موتورها ب 4500 اغلى من اللانسر !!
سعر اعادة البيع كويس
مساحتها الداخلية كويسة
يا سلام لو فيها نسبة نعومة وادمية فى التعامل مع صاحبها

يا ترى ممكن الاقى حاجة كدا ؟

[semsem_uno]

ياريت تقوللي مالها ال131؟؟
و البولونيز ما عدا تقل دركسيونها؟؟

و انهي موتور من مواتير ال132 بالظبط اغلي من انهي موتور في اللانسر بالظبط ؟؟؟؟؟؟؟ بلاش تعرف سعر الموتور ال2000 في اللانسر بكام احسنلك

و كده يبقي مفيش حاجة ليك الا البولونيز و ال131
و لو انتا مش عايز تغلب نفسك كنت جبت واحدة منهم و ركبت لو في ال131 علبة الدوجان الباور و لو البولونيز كنت جبت علبة دركسيون لموديل بعد 88
و حط في بالك الكلمتين دول (مفيش عربية من دول في حياتك هتشتريها الا لما تجددها و طول منتا سايقها تمام و واخد بالك منها مش بتتعامل معاها انها حمارة هتحافظ عليك)

[keko]

ياريت تقوللي مالها ال131؟؟
و البولونيز ما عدا تقل دركسيونها؟؟

و انهي موتور من مواتير ال132 بالظبط اغلي من انهي موتور في اللانسر بالظبط ؟؟؟؟؟؟؟ بلاش تعرف سعر الموتور ال2000 في اللانسر بكام احسنلك

و كده يبقي مفيش حاجة ليك الا البولونيز و ال131
و لو انتا مش عايز تغلب نفسك كنت جبت واحدة منهم و ركبت لو في ال131 علبة الدوجان الباور و لو البولونيز كنت جبت علبة دركسيون لموديل بعد 88
و حط في بالك الكلمتين دول (مفيش عربية من دول في حياتك هتشتريها الا لما تجددها و طول منتا سايقها تمام و واخد بالك منها مش بتتعامل معاها انها حمارة هتحافظ عليك)

يا سمم باشا مالك داخل فيا شمال انا ماغلطش فى العربيات دى وماقولتش ان هيا وحشة بس بسبب الاقبال عليها او التقادم حاجات كتير غالية او قطع غيارها بقت صعبة يعنى لما تعرف ان اخص سعر لموتور ال131 هو 4500 ج بعد ما كان ب 2000 جنيه وان مواتير اللانسر تبدا من 2000 ج فى بورسعيد وان كرونة ال 131 ب 2000 جنيه فى حين ان كرونة الزلمكة ب 700 جنيه ممكن تفهم قصدى لان فيه حاجات فئات اعلى بكتير وبسبب قدمها بضه او عدم الاقبال عليها سعرها رخيص زى الهوندا مثلا او المرسيدس والبى ام وحاجات تانية كتير انا محتاج نصايح وتجارب الاعضاء معاهم

[keko]

اي ماحدش رد يا جماعة هوا مافيش عبيات فى مصر غير دول ولاايه

[free5800]

تحياتى الكبيره لك يا ابو اسكندر .
لو محتاج رأيى عندك اولا لانسر من موديل 97 حتى 2000 الكريستاله يعنى وماتقوليش صاجها ضعيف علشان الكلمه دى بتنرفزنى لان لوجبنا قضيب قطار وصدمناه هيتعوج والا تشوفلك دبابه حربيه بقى احسن هى دى الوحيده اللى متينه عدا ذلك كل انواع العربيات صاج مش حديد
ثانيا عندك الكرولا مثلا العيون برده جميله بيتهيألى دول الاختيارين اللى ممكن ينفعوا معاك من حيث رخص كل شىء قطع غيار وبنزين واعادة البيع سهله وشيك جدا ونعومه ايضا بس اللانسر مش عاليه لما تشيل فيها 5 زى ما بتقول تحك فى المطبات اما التويوتا لا
وتحياتى ليك يا باشا

[bero0o0o0]

لو حضرتك بتتكلم في نفس الفئة السعرية للعربيات دي او اعلى حاجة بسيطة ممكن تجرب 505
صدقني مافيش حاجة بتستحمل زيها

[keko]

تحياتى الكبيره لك يا ابو اسكندر .
لو محتاج رأيى عندك اولا لانسر من موديل 97 حتى 2000 الكريستاله يعنى وماتقوليش صاجها ضعيف علشان الكلمه دى بتنرفزنى لان لوجبنا قضيب قطار وصدمناه هيتعوج والا تشوفلك دبابه حربيه بقى احسن هى دى الوحيده اللى متينه عدا ذلك كل انواع العربيات صاج مش حديد
ثانيا عندك الكرولا مثلا العيون برده جميله بيتهيألى دول الاختيارين اللى ممكن ينفعوا معاك من حيث رخص كل شىء قطع غيار وبنزين واعادة البيع سهله وشيك جدا ونعومه ايضا بس اللانسر مش عاليه لما تشيل فيها 5 زى ما بتقول تحك فى المطبات اما التويوتا لا
وتحياتى ليك يا باشا

بس الحاجات دى اسعار مختلفة تماما

لو حضرتك بتتكلم في نفس الفئة السعرية للعربيات دي او اعلى حاجة بسيطة ممكن تجرب 505
صدقني مافيش حاجة بتستحمل زيها

وهيا ال 505 بكام حاليا

[kar!m]

فيات ريجاتا .. عربية كويسة جدا .. هى مش بمتانة البيجو 504 طبعا .. بس ناعمة و تحسها أحدث من موديلها.

[ZALABANY]

هات تمبرا يا باشا مش هاتندم

[bero0o0o0]

هي ال 505 يا باشا ممكن تيجي في 27 ل 30
حاجة كدة سليمة و كويسة بس مش اعلى حاجة يعني
بس مهما كان فيها هي عربية حلوة اوي اوي

[keko]

التمبرا والشاهين وال505 والكلام ده اعلى من سعر العربيات اللى ذكرتها الحاجات زى فى حدود 15 الف فوق وتحت سنة
عموما اللى لقيته فى الاسعار دى لحد دلوقتى
هوندا سيفيك
هوندا اكورد
ماذدا 323
مازدا 929
مرسيدس خنزيرة
فيات 124 كوبيه
داتشيا نوفا
تويوتا كورولا
العربيات دى كلها موديلات من 76 ل 85 ماعدا الداتشيا 98
ادونى اقتراحاتكم وارائكم

[keko]

يضاف عليهم
رينو 9
رينو 18
داتشيا نوفا
بى ام 316
بى ام 525

[engaass]

ابعد عن الداتشيا هى صحيح موديل عالى بس قطع غيار شحيحة جدا وبرضه فى ناس بتركبلها حاجات الرينو 9 بس انت ايه اللى يدخلك فى كل الحوارات دى والبى ام قطع غيار نار
انا ارشح الهوندا او الرينو بس الرينو متعبة شوية فى اعادة البيع

[amrelsaqqa]

احسن عربية في ظروف سواقتك هى الـ 504
يعيبها بس ندرة قطع الغيار وغلوها وعلى فكرة هى مش في الرينج بتاعهم اساسا لأنك عشان تجيب واحدة نضيفة يبقى مش اقل من 25

لكن كل عربية فيهم فيها ميزة عن غيرها وانا شايف ان 131 هى اكتر عربية ممكن تاخد منها مميزات قريبة من الـ 504 وفي نفس الوقت بدون عيوب الـ 504 خصوصا على حد علمى انك ممكن تركبلها حاجة الشاهين اللى هتلاقيها متوفرة ورخيصة

[Rerii]

اللى بيقولك لانسر انا بقوله لااااااااااا انت بتقول بتركبوا 5 وشنط يعنى العربية هتنام على الارض ده احنا بنركب 3 وبتحك فى المطبات
رأيى بيجو 504
ركب فيها الشارع كله هتستحملهم