مش عايز العربيات دى خلاااااااااص

[cyborg_ift]

131 عربيه حمالة أسيه

[keko]

مانا قلتلكو بلاش 504 و 131 فى الاختيارات
مش علشان عربيتين وحشين بس علشان هما كويسينفعلا فاسعارهم بقت اغلى كتير من عربيات تانية بنفس الجودة والفئة اضف الى ذلك مشكلة البيجو ان قطع الغيار الاصلى والاستيراد بقت غالية جدا ان وجدت والجديد المضروب مالهوش لازمة وال131 تغيير موتور والات جر يخش فى 8 الاف لان المواتير مبقتش موجودة والكرونة بتتسحب للشاهين فسعرها رفع وبرضه الموديل قدم فالاستيراد قل

[keko]

11111111

[mahmoud_anwar]

المشكلة انك مقولتش السقف بتاعك كام علشان نقولك ايه الي ينفع معاك لي ان في عربيات موديل ال80 غاليه عن العربيات الي ذكرتها
لكن أعتقد ا السقف بتاعك لغاية ال20 لي ان العربيات الي ذكرتها اغلبيتها لا يتعدي ال 20
ان كان كده عندك مازدا 323

[keko]

انا ماقلتش سقف لفرق اسعار السوق بس الناس بترد محسسانى ان مافيش غير فيات ولادا وبيجو انا عايز حاجة مختلفة وبنفس الكفاءة او افضل

[OmaR_FekrY]

انامن رايى و عن تجربه شخصيه ... احسن حاجه ليك هى المرسيدس 200 شكل و وقار و وحش فعلا 2000 سى سى و واسعه بغباء انا كنت بركب 4 بالغين ورا فى الكنبه مستريحين ... تمنها معقول ..قطع غيارها متوفره بكثره و معمره يعنى هتركبها و تنساها و فيها معظم الكماليات الحديثه ... يعنى تكييف باور ازاز كهرباء فتحه سقف و ممكن كمان اوتوماتيك لو عايز بس الحاجه الوحيده اللى ممكن متعجبكش انها بتاخد بنزين 90 :) و على فكره الشنطه واسعــــــــــــــــه مش هتحتاج شبكه اصلا فوق السقف من وسعها ..... يارب اكون افدت حضرتك ....... و انا تحت امرك فى اى استفسار .... عمــــــر فكـــــــــرى

[keko]

هوا امكانياتى 200 مو 74 شمامة

[mxz911]

بصراحه احسن حاجه ف كل اللى فات ده وبلا منازع هيه المازدا 323 .. عربيه حنينه وسواقتها حلوه وتحسها مش قديمه وفى نفس الوقت فيها اصاله العربيات القديمه وتحطلها بنزين 80 وصاجها وثباتها حلوين جدا وحماله قاسيه

البيجو 505 وحش احسن من اللى فاتوا كله بس عشان تجيب نظيف هتعدى ال 40 الف

[keko]

بصراحه احسن حاجه ف كل اللى فات ده وبلا منازع هيه المازدا 323 .. عربيه حنينه وسواقتها حلوه وتحسها مش قديمه وفى نفس الوقت فيها اصاله العربيات القديمه وتحطلها بنزين 80 وصاجها وثباتها حلوين جدا وحماله قاسيه

البيجو 505 وحش احسن من اللى فاتوا كله بس عشان تجيب نظيف هتعدى ال 40 الف

هوا حضرتك جربت كل دول والمازدا ولا سماعى ممكن تحكيلى تجربتك

[kempel]

أنا جربت المازدا 323 وكنت جايبها سنة 87 يعنى كانت لسه بحالة الجديدة وماأنصحكشى بيها لانها عربية عفشتها ضعيفة وماتلائمشى شوارعنا يعنى انا بعتها علشان حكاية العفشة ديه قرفتنى منها الخلاصة لو سعادتك سقف الشراء 20000 ممكن تجيب ريجاتا بس الايطالى ماتجيبشى المصرى ياتجيب 131 ياتجيب البولونيز هى ديه الحاجات النظيفة اللى ممكن تشتريها بالسعر ده والله الموفق

[mxz911]

هوا حضرتك جربت كل دول والمازدا ولا سماعى ممكن تحكيلى تجربتك

جربتهم وان كان مرات قليله فجربتهم كلهم !

حضرتك عاوز تسأل عن حاجه معينه او سؤال معين ممكن تقولى اصدك انهى عربيه وانا اقولك

بس ال 323 مع ابن خالتى والللادا وال 131 وال ريجاتا مع صحابى .. والبولونيز مع صاحبى برضه وجوز خالتى عربيته القديمه برضه بولونيز . بالنسبه لل128 وال 127 اعتقد مفيش حد فى مصر مجربهمش



مجربتش ال بيجو 305 بصراحه ولا فيات 125

وبالنسبه للبيجو 505 ف دى اصلا العربيه اللى انا متعلم عليها السواقه واكتر عربيه بدلنا فيها ( بابايه كان غاويها زمان كتير جدا ) وكان فى وقت من الاوقات عندنا منها اتنين والله واحده اوتوماتيك فتحه سقف وكده .. والتانيه مانيوال عاديه .

وبمناسبه المازدا ابحث ف المنتدى هتعرف انا ليه رشحتهالك

[keko]

يعنى يا جماعة المازدا عفشتها كويسة ولا ضعيفة والشمامة كويسة زى المعدلة ولابلاش

[ahmedenen]

بص يا باشا ايه رايك فى الفورد فيستا عربيه جميله وشبابيه وطالما حضرتك من اسكندريه قطع غيرها متوفره ورخيصه مش غاليه زى الناس مابتقول ياعنى مثلا انا غيرت دسك واسطوانه جداد اسبانى 350جنيه وفيها صاج زى الادا وبعدين ممكن تجيب اى موديل تسعينات فى حدود 18-20 الف انا عن نفسى كانت معايه عربيه ناعمه وزى الفل ياعنى انا لمل بعتها خسرتها بصراحه هيا بس عايزه ميكانيكى فاهم وده السبب الى خالانى بعتها عشان انا من البحيره ومفيش منها كتير بس فى كتير منها فى اسكندريه
انا حبيت بس الفت نظرك ليها

[keko]

بص يا باشا ايه رايك فى الفورد فيستا عربيه جميله وشبابيه وطالما حضرتك من اسكندريه قطع غيرها متوفره ورخيصه مش غاليه زى الناس مابتقول ياعنى مثلا انا غيرت دسك واسطوانه جداد اسبانى 350جنيه وفيها صاج زى الادا وبعدين ممكن تجيب اى موديل تسعينات فى حدود 18-20 الف انا عن نفسى كانت معايه عربيه ناعمه وزى الفل ياعنى انا لمل بعتها خسرتها بصراحه هيا بس عايزه ميكانيكى فاهم وده السبب الى خالانى بعتها عشان انا من البحيره ومفيش منها كتير بس فى كتير منها فى اسكندريه
انا حبيت بس الفت نظرك ليها

بصراحة اضافة لذيذة حضرتك تقصد الموديل ده

ولا ده

وهل السعر ده للسيدان
وبالنسبة لقطع الغيار انا اعرف ان مفيش فى اسكندرية غير الصعيدى فهل من خبر حضرتك فيه ناس تانية لان ناس قلقتنى من قطع الغيار
وبالنسبة للاتساع وتحمل العفشة ايه نظامه ويا سلام لو امثلة لاسعار قطع الغيا
خالص شكرى

[ahmedenen]

لا السعر ده بالنسبه للهاتشباك 96-97
اما بالنسبه لقطع الغيار انا كنت بجيب من رجب فورد فى صلاح الدين ده بالنسبه للجديد اما الاستعمال فى كتير فى الفراهده عندهم عربيات كامله يفكلك الى انتا عايزه يعنى جوز المساعدين الى ورا جبتهم 250جنيه اصلى استعمال بس احسن من الجديد
عندك بلية الدبرياج 40 جنيه دى جديده غيرت برده البربيز الادمانى جديد200 جنيه فى بس بعض الاكسسوار هيا غاليه زى المرايات انا جبتهم الجوز ب 120 جنيه اصلى وبصراحه اكتر من كده انا ماغيرتش فى العربيه غير الكاوتش وده عادىزى بئيت العربيات