أوبترا ولا سيراتوا ولا النترا 2011

[abazax]

طبعاً انا عارف أنه المقارنة ديه معتادة.. وبيدخل فيها كمان الكروز بس أنا أستبعدتها عشان السعر.. أنا شفت كذا مقارنة على المنتدى بس حابب أسمع رأيكم بالنسبة للى وصلتلوا.. خصوصاً انه ملاحظ أنه ما شاء الله الناس هنا كلهم محترمين وخدومين جداً..

أنا ان شاء الله ناوى أجيب عربية أوتوماتيك اليومين دول ومحتار بين الثلاثة دول..

السيراتو..
شكل أحلى وموتور أقوى.. بس فيه ناس كتير بتخوفنى من أنه العربية منظر وأوبشنز أكتر منها إعتمادية.. غير موضوع العفشة الناشفة، فيه ناس بتقولى أنه الأستمرارية بتاعة أداء العربية على المدة البعيد (Durability) مش عالية قوى.. وأنه عشان أحس أنى راكب سيراتو لازم مقلش عن ال(EX) وديه الصراحة برة الميزانية بتاعتى عشان لو قدرت أعدى 100 ألف حيبقى بحاجة بسيطة قوى.. يعنى أخرى ال(SX) ويمكن خليجى كمان :)

الإلنترا..
من حيث الشكل والموتور هى بالنسبالى فى النص بين السيراتو والأوبترا.. أنا بس خايف من حاجتين:
أولا: موضوع الباور الكهربا اللى مش بيفصل بعد ال100 ده
ثانياً: فكرة أنه الواحد يجيب عربية وبعديها ب 3-4 شهور الشكل الجديد ينزل والواحد يبقى أسمه راكب الشكل القديم :)

الأوبترا..
من حيث السعر هى أحسنهم بالنسبالى.. هى أقلهم فى الشكل الصراحة.. وعيبها إنها لا فيها (ABS) ولا أير باجز ولا تارة ملتى... لكن بشكل عام هى عربية منتشرة وقوية وسمعتها حلوة من حيث الأداء والثبات..

موضوع الوكيل مش فارق معايا قوى الصراحة عشان التلاتة توكيلهم مش قد كدة قوى.. هو يمكن بس منصور أفضلهم من حيث القرب عشان أنا ساكن فى مصر الجديدة..

الفكرة هل الواحد يزود فى المبلغ مقابل أنه يأخد حاجة أحدث وشكلها أحسن؟ ولا الموضوع مش مستاهل قوى والواحد يأخد الأوبترا.. أنا يهمنى برضه قوى كفاءة العربية، يعنى متبقاش فى الأول كويسة وتييجى بعد فترة تبدأ تعمل مشاكل.. يعنى مش عايز أنحاز للشكل على حساب الكفاءة.. بس هل بقى الأوبترا مثلا أحسن من حيث الكفاءة على المدى الطويل؟؟؟ أو مثلا فرق السعر مش حيدينى غير شكل وشوية أوبشنز مش ضرورية قوى؟؟

مع العلم أنه انا مش ناوى أغير غير بعد فترة طويلة إن شاء الله.. يعنى بإذن الله ديه حتكون عربية العمر...

ياريت أعرف آرائكم بحيادية وشكراً مقدماً :)

[Abdm]

يا ريت حضرتك تدخل فى المقارنة دية كمان النيسان صنى واللانسر . وشكر

[elkammash007]

مفيش لانسر فى السوق اصلا يا باشا التوكيل نفسه فاضى

[Bassem Raafat]

يا باشا فى شرحك من أول الموضوع شكلك كده راسى على الأوبترا ، وفعلاً ممكن تكون هى المناسبه ليك ولإمكانياتك ، ويا ريت تشرفنا فى قسم شيفروليه وتقرا مواضيع الأوبترا ، وإحنا معاك ...... وبالتوفيق إن شاء الله .

[shahen]

اقول لحضرتك دى نفس الحيرة التى مريت بيها بس كان معاهم النيسان صنى وفى الاخر استقريت على شيفورلية اوبترا لعدة عوامل منها الاعتمادية والسعر المناسب وحجم الصالون النيسان فيها اوبشنز اكتر بس شكل بصراحة مش عجبنى ودى اذواق غير ضيق السيارة الالنترا غبور بيموت الشكل القديم غير العفشة الضعيفة لو معاك اوزان فى الكنبة الخلفية السيراتو لم اتعمق فيها كتير وواضح انت مش حتغير على المدى القريب وعايز عربية تتحمل فاعتقد انك وصلت للقرار بس عايز راحة نفسية وادخل على قسم شيفورلية وحستفاد كتير ان شاء الله وبالتوفيق باذن الله

[ahmed_hanafi]

انصحك بنيسان سوبر صالون للاسباب الاتية:

1- السعر قريب من امكانياتك (102 الف)
2- اوبشنز اكتر بكتيير اوي من الاوبترا
3- توكيل محترم اوي
4- موتور قوي جدا
5- ثبات عالي
6- اعتمادية عالية
7-تكييف ثلاجة
اما لو مش فارق السعر يبقي السيراتو

[abazax]

يا ريت حضرتك تدخل فى المقارنة دية كمان النيسان صنى واللانسر . وشكر

الانسر فعلاً مش موجودة.. غير كدة توكيلها مش مستقر قوى ومحدش عارف حترسى على أيه

يا باشا فى شرحك من أول الموضوع شكلك كده راسى على الأوبترا ، وفعلاً ممكن تكون هى المناسبه ليك ولإمكانياتك ، ويا ريت تشرفنا فى قسم شيفروليه وتقرا مواضيع الأوبترا ، وإحنا معاك ...... وبالتوفيق إن شاء الله .

أنا فعلاً ميال للأوبترا.. بس ممكن أطلع للإلنترا.. لو الفرق فعلاً يستاهل.. وبرضه السيراتو الخليجى مش بعيد عنهم قوى.. عشان كدة حابب أسمع لو حد عنده رأى أو ترشيح تانى..

اقول لحضرتك دى نفس الحيرة التى مريت بيها بس كان معاهم النيسان صنى وفى الاخر استقريت على شيفورلية اوبترا لعدة عوامل منها الاعتمادية والسعر المناسب وحجم الصالون النيسان فيها اوبشنز اكتر بس شكل بصراحة مش عجبنى ودى اذواق غير ضيق السيارة الالنترا غبور بيموت الشكل القديم غير العفشة الضعيفة لو معاك اوزان فى الكنبة الخلفية السيراتو لم اتعمق فيها كتير وواضح انت مش حتغير على المدى القريب وعايز عربية تتحمل فاعتقد انك وصلت للقرار بس عايز راحة نفسية وادخل على قسم شيفورلية وحستفاد كتير ان شاء الله وبالتوفيق باذن الله

أنا برضه مش بحب الصنى.. ضيقة من ورا وتحسها بتاعة الناس الكبيرة أكتر.. ده غير أنه فوانسها اللى ورا ديه بتفكرنى بعيون الكائن الفضئى.. شبه e.t :)) عموماً ديه أزواق فى الآخر...

وأنا فعلاً دخلت على قسم شيفورليه ولقيت الناس ما شاء الله عاملة مجهود ومواضيع ممتازة..

[Bassem Raafat]

انصحك بنيسان سوبر صالون للاسباب الاتية:

1- السعر قريب من امكانياتك (102 الف)
2- اوبشنز اكتر بكتيير اوي من الاوبترا
3- توكيل محترم اوي
4- موتور قوي جدا
5- ثبات عالي
6- اعتمادية عالية
7-تكييف ثلاجة
اما لو مش فارق السعر يبقي السيراتو

ماشى يا باشمهندس ، كده بتقطع على الأوبترا ، ده حتى إحنا لسه واكلين مع بعض عيش وتورته فى مقابلة نيسان ..... ماشى ماشى ... ليك منسق يترد عليه : ))))

بجد كلام الباشمهندس / أحمد حنفى مظبوط فى موضوع النيسان ، وبرضه الرأى الأول والأخير ليك وبالتوفيق .

أنا فعلاً ميال للأوبترا.. بس ممكن أطلع للإلنترا.. لو الفرق فعلاً يستاهل.. وبرضه السيراتو الخليجى مش بعيد عنهم قوى.. عشان كدة حابب أسمع لو حد عنده رأى أو ترشيح تانى..

طيب حاول تركب وتسوق الإتنين علشان تشوف إنت مرتاح لأنهى أكتر .

وبصراحه أنا برضه كنت ميال للإلنترا فى كل شيئ ، بس موضوع الباور والثبات ده كان قالقنى ساعتها .

وأنا فعلاً دخلت على قسم شيفورليه ولقيت الناس ما شاء الله عاملة مجهود ومواضيع ممتازة..

ربنا يخليك يا باشا ، وده برضه ميقلش عن مجهودات كل الشباب فى كل الأقسام وخصوصاً قسم نيسان .

[abazax]

انصحك بنيسان سوبر صالون للاسباب الاتية:

1- السعر قريب من امكانياتك (102 الف)
2- اوبشنز اكتر بكتيير اوي من الاوبترا
3- توكيل محترم اوي
4- موتور قوي جدا
5- ثبات عالي
6- اعتمادية عالية
7-تكييف ثلاجة
اما لو مش فارق السعر يبقي السيراتو

أنت فعلاً رأيك محترم ومنطقى جداً.. النيسان وبالذات السوبر صالون عربية ممتازة.. بس هى بالنسبالى كلاسيكية زيادة عن اللزوم.. وموضوع التقفيل المصرى ده مش مريح شوية..وانت عارف كدة فيه شوية حاجات ممكن تكون صغيرة بس بتبقى مقرفة قوى لما تظهر فى العربية..

ماشى يا باشمهندس ، كده بتقطع على الأوبترا ، ده حتى إحنا لسه واكلين مع بعض عيش وتورته فى مقابلة نيسان ..... ماشى ماشى ... ليك منسق يترد عليه : ))))

بجد كلام الباشمهندس / أحمد حنفى مظبوط فى موضوع النيسان ، وبرضه الرأى الأول والأخير ليك وبالتوفيق .

متقلقش يا باشمهندس باسم.. مفيش تقطيع ولا حاجة :)) وانا إن شاء الله أياً كان اللى حرسى عليه، ححاول أكون نشيط فى جميع الأقسام :))

[abazax]

طب حد يا جماعة يعرف معلومات عن ال Accent RB ووضعها بالنسبة للإلنترا والأوبترا؟؟

أنا سألت صاحب معرض جديد فى مصر الجديدة قاللى إنها عربية خفيفة قوى.. بس أنا الصراحة مش واثق فى كلامه قوى لأن شكله بيقول الكلام ده عشان الطلب على العربية جامد وهو ضامن أنه بايع الدفعة اللى عنده وعايزنى آخد حاجة تانية...

[ramy01011]

نصيحة توكل علي الله و هات الاوبترا اعرف 2 اصحابي مع كل واحد اوبترا من 2006 زيرو و لحد دلوفت مشتكوش منها و هما هارسينها شغل و العربية لسة ماسكة نفسها ما شاء الله

[modo88]

فعلا يابااشا الاكسنت rb عربيه جميله جداا غير انك هاتركب شكل جديد العين مش واخده عليه واقل حاجه بعد 4 سنين هايتغير واوبشن عالي جداا وقطع غيار كويسه (زي باقي هيونداي) طبعا منقدرش نحكم دلوقتي غير بعد فتره لما العربيه تنتشر
وطبعا حكمي عليها دا لانها مع زميل وبصراحه مجربتهاش ودا للامانه

[MIGOS]

أولا لازم تعرف انت عايز إيه من العربيه قبل ما تشتري زي مثلا القدرات الفنيه أو الكماليات أو الصالون الواسع أو السعر واستهلاك البنزين أو أسعار قطع الغيار ومدى توافرها وعمرها الافتراضي وضيف بعد كل ده الخبرات السابقه لمستخدمي السياره نفسها مع وضع في الاعتبار ان محدش بيعيب في السياره اللي معاه أبدا إلا الصادق مع نفسه وانت هتقدر تكتشف ده بنفسك من سياق الكلام.
بعد كده تستقر على نوعين أو ثلاثه بالأكثر وتنزل تركبهم في أي معرض ولو ليك زملائك حاول تجرب الموديلات دي بنفسك منهم.
بعد ماتستقر على نوع أدخل على المنتدى وشوف كل نوع أصحابه بيحكوا عن إيه من المميزات والعيوب.
وقرر من حيث إمكانياتك ومقارناتك الشصيه لأنك أنت اللي هتركب وانت اللي هتدفع في الاخر دي حاجه تخصك أنت.
وأعلم أن الذي يصيبك ما كان ليخطئك وما أخطئك ما كان ليصيبك إلا بأمر الله
استخر الله وتوكل عليه

[MOUSTAFA_SAAD]

سيراتو

[hugan]

نيسان سوبر صالون
لو سنك معدي ال 35