أوبترا ولا سيراتوا ولا النترا 2011

[raedegypt]

الالنترا الرياضيه 106 الف شكلها تحفه سيبك من موضوع الموديل بيتغير العربيه تحفه وصالون محترم عن الاوبترا اتفرج عليها قبل قرارك النهائى. الاوبترا لما تحب تبيع بينزل جامد عن الالنترا يعنى شوفنا موديل 2010 تباع ب 77 الف واستخدام مش كثير وعربيه زيرو تعتبر

[abazax]

أولا لازم تعرف انت عايز إيه من العربيه قبل ما تشتري زي مثلا القدرات الفنيه أو الكماليات أو الصالون الواسع أو السعر واستهلاك البنزين أو أسعار قطع الغيار ومدى توافرها وعمرها الافتراضي وضيف بعد كل ده الخبرات السابقه لمستخدمي السياره نفسها مع وضع في الاعتبار ان محدش بيعيب في السياره اللي معاه أبدا إلا الصادق مع نفسه وانت هتقدر تكتشف ده بنفسك من سياق الكلام.
بعد كده تستقر على نوعين أو ثلاثه بالأكثر وتنزل تركبهم في أي معرض ولو ليك زملائك حاول تجرب الموديلات دي بنفسك منهم.
بعد ماتستقر على نوع أدخل على المنتدى وشوف كل نوع أصحابه بيحكوا عن إيه من المميزات والعيوب.
وقرر من حيث إمكانياتك ومقارناتك الشصيه لأنك أنت اللي هتركب وانت اللي هتدفع في الاخر دي حاجه تخصك أنت.
وأعلم أن الذي يصيبك ما كان ليخطئك وما أخطئك ما كان ليصيبك إلا بأمر الله
استخر الله وتوكل عليه

شكراً على النصيحة يا باشا.. أنا فعلاً بعمل كدة.. بس حبيت برضه أسمع آراء الناس.. ولا خاب من إستشار..

[abazax]

شكراً على الآراء المفيدة يا جماعة..

الفكرة أنه أنا عمرى 29 سنة.. ومحتاج حاجة تكون عملية.. بس فى نفس الوقت تكون شبابى شوية وشكلها مبيبقاش كلاسيكى قوى.. عشان كدة إستبعدت النيسان صنى رغم إنى بحترمها كعربية يابانى وسمعتها كويسة..

أنا ميال للأوبترا.. بس كنت حابب أعرف لو الواحد حيزود 10 الاف حياخد فرق من ناحية الإعتمادية والكفاءة لو إختار الإلنترا ولا الفرق حيكون مجرد فى الشكل بس.. عشان كدة حبيت أسأل... لما جربت الأتنين.. شكل الإلنترا أحلى طبعاً من بره ومن جوه.. والأداء مش فارق كتير قوى.. عشان كدة كنت بسأل عن الإعتمادية والكفاءة على المدى البعيد من خلال تجربة الناس...

وموضوع أنه ممكن ناس ترد بإنحياز لعربياتها.. ده أكيد فى الحسبان :)) بس ممكن الكلام نفسة يبقى منطقى.. والواحد بيحاول يسمع ويَعقِل :)

[Bassem Raafat]

الالنترا الرياضيه 106 الف شكلها تحفه سيبك من موضوع الموديل بيتغير العربيه تحفه وصالون محترم عن الاوبترا اتفرج عليها قبل قرارك النهائى. الاوبترا لما تحب تبيع بينزل جامد عن الالنترا يعنى شوفنا موديل 2010 تباع ب 77 الف واستخدام مش كثير وعربيه زيرو تعتبر

مش لدرجة 77 ألف يا باشا ، أنا عربيتى 2010 برضه وكان فى واحد عايز ياخدها منى من شهر تقريباً بـ 90 ألف ، يعنى خسران ألفين جنيه بس عن سعر شراها ساعتها ( 92 ألف ) .

شكراً على الآراء المفيدة يا جماعة..

الفكرة أنه أنا عمرى 29 سنة.. ومحتاج حاجة تكون عملية.. بس فى نفس الوقت تكون شبابى شوية وشكلها مبيبقاش كلاسيكى قوى.. عشان كدة إستبعدت النيسان صنى رغم إنى بحترمها كعربية يابانى وسمعتها كويسة..

أنا ميال للأوبترا.. بس كنت حابب أعرف لو الواحد حيزود 10 الاف حياخد فرق من ناحية الإعتمادية والكفاءة لو إختار الإلنترا ولا الفرق حيكون مجرد فى الشكل بس.. عشان كدة حبيت أسأل... لما جربت الأتنين.. شكل الإلنترا أحلى طبعاً من بره ومن جوه.. والأداء مش فارق كتير قوى.. عشان كدة كنت بسأل عن الإعتمادية والكفاءة على المدى البعيد من خلال تجربة الناس...

وموضوع أنه ممكن ناس ترد بإنحياز لعربياتها.. ده أكيد فى الحسبان :)) بس ممكن الكلام نفسة يبقى منطقى.. والواحد بيحاول يسمع ويَعقِل :)

بالتوفيق إن شاء الله .

[virus2007]

من راى :

حاول تسوق التلت عربيات بنفسك وتشوف انتا الفرق وتحدد انتا عاوز اية

العربيات التلاتة كويسين وسواقتك ليهم هو الى حيحدد انتا حابب اية اكتر


تصحيح معلومة بس بالنسبة للانترا : العربية بتقل فى كهرباء الباور بعد ال 80 وبجد ممتع جدا فى السواقة وانقذنى من حوادث اكيدة
تانى حاجة ثبات الانترا كويس جدا جدا ومش عارف نقطة العربية ثباتها تعبان جة منين !!


زى مقلتلك جرب واحكم بنفسك :)

تحياتى

[م/محمد]

في الاول اللي حضرتك كاتبهم انا ارشحلك الاوبترا
وبعدين قلت انا عايز حاجه عمليه و durability و كلام كبير ارشحلك الصني
وبعدين لما قلت انا عايز حاجه شبابي و الشكل مهم قوي روح للسيراتو و بعدين الالنترا
حاول تحدد متطلباتك علشان متتوهش نفسك
و بصراحه انك راجل زي العسل انك قلت سنك ردا علي موضوع ال 35 سنه للصني فيما فوق كان ليه اي اساس
وبالتوفيق

[abazax]

شكراً يا باشا على ردك ولو أنك محسسنى أنى بتوه الناس معايا :)

الردود فى الإقتباس..

في الاول اللي حضرتك كاتبهم انا ارشحلك الاوبترا

تمام..

وبعدين قلت انا عايز حاجه عمليه و durability و كلام كبير ارشحلك الصني

مهو مش معنى أنى عايز حاجة durable بيبقى مفيش غير صنى.. أنا السؤال عندى كان على فرق السعر حيضيف حاجة ولا لأ..

وبعدين لما قلت انا عايز حاجه شبابي و الشكل مهم قوي روح للسيراتو و بعدين الالنترا

أنا مقلتش الشكل مهم قوى.. ده مش معناه الشكل أهم حاجة.. أنا بس عشان النقطة ديه إستبعت الصنى.. وديه أزواق فى الآخر

حاول تحدد متطلباتك علشان متتوهش نفسك

شكراً على النصيحة :)

و بصراحه انك راجل زي العسل انك قلت سنك ردا علي موضوع ال 35 سنه للصني فيما فوق كان ليه اي اساس
وبالتوفيق

ده من زوقك يا باشا.. وأنت أعسل عشان ركزت مع الحتة ديه قوى كدة :))

[MIGOS]

المهم لما ربنا يوفقك وتشتري قول لنا اشتريت ايه وليه

[shouk_1987]

مش الأوبترا 2011 بقى فيها abs باين
مش هى زادت الجنط الحديد ال15 و الكاسيت السى دى وabs
يا ريت حد يأكد

[Bassem Raafat]

مش الأوبترا 2011 بقى فيها abs باين
مش هى زادت الجنط الحديد ال15 و الكاسيت السى دى وabs
يا ريت حد يأكد

لا يا باشا للأسف مفيهاش abs

هى زادت الجنوط الـ 15 و السى دى و غيروا صوت الكلاكس ، والضمان بقى 100 ألف كم

[م/محمد]

شكراً يا باشا على ردك ولو أنك محسسنى أنى بتوه الناس معايا :)

الردود فى الإقتباس..

في الاول اللي حضرتك كاتبهم انا ارشحلك الاوبترا

تمام..

متفقين

وبعدين قلت انا عايز حاجه عمليه و durability و كلام كبير ارشحلك الصني

مهو مش معنى أنى عايز حاجة durable بيبقى مفيش غير صنى.. أنا السؤال عندى كان على فرق السعر حيضيف حاجة ولا لأ..

لا صدقني مفيش حاجه durable اكتر من الصني مش مفيش غير الصني مع ان شكلها وحش و كراسيها ناشفه جدا بس هاعمل ايه انا كنت عايز حاجه تستحمل مشواري اليومي اللي مش هاوصفهولك وكمان اسافر و اتفسح بيها
ولو رتبناهم من نقطه ال durability صني - اوبترا - سيراتو(بحكم ان مواتير كيا معمره جدا مثل البرايد ) - النترا (بتاخد فترتها و بتختفي تماما من علي الساحه زي البوني الاكسيل ووراها الاكسنت )

وبعدين لما قلت انا عايز حاجه شبابي و الشكل مهم قوي روح للسيراتو و بعدين الالنترا

أنا مقلتش الشكل مهم قوى.. ده مش معناه الشكل أهم حاجة.. أنا بس عشان النقطة ديه إستبعت الصنى.. وديه أزواق فى الآخر

الصني شكلها زباله انا مش معترض بس محدش بياخد كل حاجه و تبقي غلطان او بتدور علي كده في الفئه السعريه دي

حاول تحدد متطلباتك علشان متتوهش نفسك

شكراً على النصيحة :)
انا بنقلك تجربتي وحيرتي لما فكرت اشتري زيك مش اكتر و شايف ان دماغك قريبه من دماغي

وبالتوفيق

[abazax]

في الاول اللي حضرتك كاتبهم انا ارشحلك الاوبترا

تمام..

متفقين

وبعدين قلت انا عايز حاجه عمليه و durability و كلام كبير ارشحلك الصني

مهو مش معنى أنى عايز حاجة durable بيبقى مفيش غير صنى.. أنا السؤال عندى كان على فرق السعر حيضيف حاجة ولا لأ..

لا صدقني مفيش حاجه durable اكتر من الصني مش مفيش غير الصني مع ان شكلها وحش و كراسيها ناشفه جدا بس هاعمل ايه انا كنت عايز حاجه تستحمل مشواري اليومي اللي مش هاوصفهولك وكمان اسافر و اتفسح بيها
ولو رتبناهم من نقطه ال durability صني - اوبترا - سيراتو(بحكم ان مواتير كيا معمره جدا مثل البرايد ) - النترا (بتاخد فترتها و بتختفي تماما من علي الساحه زي البوني الاكسيل ووراها الاكسنت )

وبعدين لما قلت انا عايز حاجه شبابي و الشكل مهم قوي روح للسيراتو و بعدين الالنترا

أنا مقلتش الشكل مهم قوى.. ده مش معناه الشكل أهم حاجة.. أنا بس عشان النقطة ديه إستبعت الصنى.. وديه أزواق فى الآخر

الصني شكلها زباله انا مش معترض بس محدش بياخد كل حاجه و تبقي غلطان او بتدور علي كده في الفئه السعريه دي

حاول تحدد متطلباتك علشان متتوهش نفسك

شكراً على النصيحة :)
انا بنقلك تجربتي وحيرتي لما فكرت اشتري زيك مش اكتر و شايف ان دماغك قريبه من دماغي

وبالتوفيق

ربنا يخليك يا باشا.. بس الصنى شكلها مش زبالة ولا حاجة... ناس كتر من صحابى وزمايلى فى الشغل بيشكروا فيها قوى وبيقولوا عربية محترمة وخصوصاً السوبر صالون وبيعجبهم شكلها.. موضوع الشكل ده أزواق.. وربنا يباركلك فيها يا رب ويرزقك الأحسن.. وعقبال ما أنا وأنت إن شاء الله ربنا يكرمنا ونخرج من الفئة ديه ونبقى محتارين بين ال323i والأودى A4 والC200.. بس سعاتها أوعى تقولى متحيرش نفسك :))

[Hacker5]

دة احسن ميزة فى الالنترا الباور الكهربا
بيفصل عند الـ 80 كيلو و سيبك من الناس اللى بتفتى
زى لما الرينو ميجان نزلت قالوا لو الكمبيوتر بتاعها هنج و هى ماشية بتتقلب
العربية ثابتة لحد 140 بعد كدة مانصحكش
لكن ممكن تتحل بجنوط و كاوتش اعرض
انتشار واسع و سعر اعادة بيع ممتاز و قطع غيار على الرصيف و قليلة الصيانة
العيوب يمكن التغاضى عنها او عيوب مش قاتلة يعنى بالنسبة لأى عربية فيها عيوب
الصاج ضعيف شوية
صدرها بلاستك

[memo823000]

دة احسن ميزة فى الالنترا الباور الكهربا
بيفصل عند الـ 80 كيلو و سيبك من الناس اللى بتفتى
زى لما الرينو ميجان نزلت قالوا لو الكمبيوتر بتاعها هنج و هى ماشية بتتقلب
العربية ثابتة لحد 140 بعد كدة مانصحكش
لكن ممكن تتحل بجنوط و كاوتش اعرض
انتشار واسع و سعر اعادة بيع ممتاز و قطع غيار على الرصيف و قليلة الصيانة
العيوب يمكن التغاضى عنها او عيوب مش قاتلة يعنى بالنسبة لأى عربية فيها عيوب
الصاج ضعيف شوية
صدرها بلاستك

كلامك مظبوط
بس انا شايفك متحامل على الالنترا شويه لان كل العربيات الجديدة صدرها بلاستيك (الاكصدام الامامى بالشبكة بالفوانيس)
الصاج متوسط زى كل العربيات ماعادا الصنى صاجها محجر ماشاء الله
موضوع التوازن جنط 16/55/205 والموضوع يتحل
لاكن الالنترا افضل من الصنى كتير من ناحية العافشه ووسع الصالون والخامات الداخليه والموتور والصيانة وقطع الغيار واعادة البيع
ومفيش عربيه قوية وعربية ضعيفه
لاكن فيه عربيه بتحافظ عليها وعربية مبتحفظش عليها

[Ghosts]

لية مش بتفكر فى ال gen 2 ؟