جين 2 الجديدة ( facelift ) ولا سوزوكي sx4

[KHALED012500]

انا مش فاهم الموضوع ده ليه ؟؟؟؟؟؟؟

انما الناس كل لما تقارن عربيه يابانى واخرى مش يابانى

ديما اليابانى يكسب !!!!!!!!!!

ليه يعنى هم الناس الوحيده اللى بتعرف تعمل عربيات ولا ايه

المقارنه بسيطه جدااااااااااا

من ناحيه اعاده البيع الاتنين مش فارقين

وان كانت جين2 فى السنين الجايه هتكسب عشان الانتشار

وسعرها جميل بالنسبه لامكانيتها

وحلوة وشيك جدا وبرستيج

انا راى المتواضع ليك

جين2 وانت مغمض

هتعمل ايه باليابانى لو مفهوش مميزات زياده عن اى عربيه تانى

[Dr_Smart]

معلش ممكن نتكلم في الموضوع ده تاني

السوزوكي ال Sx4 بدأت في الانتشار بشكل ملحوظ

يوميا بشوف منها واحدة او اتنين في الشارع ( والماتيريا كمان على فكرة بشوفها بشكل يومي )

والنهاردة شوفت ال Sx4 السيدان

بصراحه العربية شكلها حلوة جدا والهاتشباك بالذات تصميمها مميز وعالية عن الارض و كانت ماشية جنبي واضح ان سحبها كويس اوي
وعربية ياباني وتقفيلها ممتاز وفيها كماليات ممتازة
وسعرها معقول جدا مش عارف بتقولو غالية ليه !!!

يبقى شيء واحد هو قطع الغيار معرفش هتبقى اخبارها ايه ولكني لا اظن انها هتبقى اغلى من بقيت الياباني زي التويوتا والهوندا !!

لو المقارنة بينها وبين الجين 2 اكيد هختارها

[tam1976]

I would prefer Suzuki the sedan ..
The hatchback looks nicer but will cost me more 6000 LE and much less trunk space
El eksedamat kaman 3al hatchback 7atkallef bass 7ate7mi el 3arabeya we teddi shakl gamil.
Koll da far2 se3r mesh mokne3 leya shakhseyan.

The sedan exterior looks nice , the interior as (salon,space,material ) isn't impressive but the design is nice.

i have no experience with Gen2 facelift , tawkil , as3ar keta3 gheyar ...etc
but i think Gen2 is a special car, if you don't really love the feel of its interior or if you are confused , go for the Suzuki as a moderate acceptable car with brand name

[shshtawy]

اليابانى طبعا اولا فئه لو عاوز تركب وده من كلامى ده كلام كل تجار السيارات وقطع الغيار

[Eng.Sameh]

اليابانى طبعا اولا فئه لو عاوز تركب وده من كلامى ده كلام كل تجار السيارات وقطع الغيار

على فكره ، انا روحت شوفت ال SX4 في المعرض من حوالي اسبوع ، ولقيتها ، عادية جدا ، وصالونها خاماته اقرب للردائه ، ومفيش مسند يد ، ولا فتح للشنطه من الداخل ( بالنسبه للهاتشباك ، وكمان 118000 ، ولا تستاهل تمنها خالص ، وفعلا سوزوكي اقل ماركه في الياباني زي ما الناس بتقول ، وده بعيدا عن المقارنة بالجين2 ، وانا منصحش اي حد يرمي فلوسه فيها

[som3aa]

معلش ممكن نتكلم في الموضوع ده تاني

السوزوكي ال Sx4 بدأت في الانتشار بشكل ملحوظ

يوميا بشوف منها واحدة او اتنين في الشارع ( والماتيريا كمان على فكرة بشوفها بشكل يومي )

والنهاردة شوفت ال Sx4 السيدان

بصراحه العربية شكلها حلوة جدا والهاتشباك بالذات تصميمها مميز وعالية عن الارض و كانت ماشية جنبي واضح ان سحبها كويس اوي
وعربية ياباني وتقفيلها ممتاز وفيها كماليات ممتازة
وسعرها معقول جدا مش عارف بتقولو غالية ليه !!!

يبقى شيء واحد هو قطع الغيار معرفش هتبقى اخبارها ايه ولكني لا اظن انها هتبقى اغلى من بقيت الياباني زي التويوتا والهوندا !!

لو المقارنة بينها وبين الجين 2 اكيد هختارها

كلامك صح جدا و انا بشوق الsx4 كتير اوى اوى دلوقتى و اللى عاجبنى جدا فيها الهاتشباك و شايفها ممتازة بالمقارنة لسعرها و مش عارف ليه الناس بتقول غالية؟

وده بعيدا عن المقارنة بالجين2 ، وانا منصحش اي حد يرمي فلوسه فيها

يرمى فلوسه فيها؟ معلش امال اللى يشترى gen2 يبقى بيعمل ايه؟ دا كدا يبقى بيرمى الفلوس + بيولع فيها!
معلش انا بس مش عايز اكتب علشان مزعلش توت الصراحة بس العربية عبارة عن قطعة زبالة متحركة + توكيل زى الزفت.
العربية معيوبة جدا و كل متروح التوكيل تقولهم على عيوب يصلحوها و تبوظ تانى , سحبها فى الاول و التانى و التكييف مفتوح و اوتوماتيك صفر بمعنى الكلمة , صفر يعنى تدوس بنزين العربية مبتتحركش فعلا لمدة قصيرة و على الاول و التانى السحب و خصوصا الاوتوماتيك و يا سلام لو التكييف مفتوح تهريج , دا غير عيوب التقفيل اللى بالهبل زى زراير الmultifunction اللى لما بيصلحوها فى التوكيل بيبوز تانى و لمبة الموتور بتنور لوحدها علطول عادى جدا و الانذار بتاعها اللى زى الزفت دا غير طبعا الكاوتش بتاع البيبان اللى بيطلع و شوية اصوات متعرفش بتيجى منين على الماشى و التوكيل السىء بتاعها و قال ايه امان (abs) و هى اساسا فراملها ضعيفة جدا عامل منغير زعل زى الabs اللى فى العربيات الصينى!!
العربية عاملة حوالى 30000 كيلو دلوقتى و بقالها سنة و نص بس و ظهر فيها عيوب مش مفروض تظهر فى عربية عاملة 150 الف كيلو .
و كمان معظم اللى بيكتبوا عن العربية هنا فى نايل موتورز عربياتهم مكملش 15-20 الف كيلو و نصهم عربياتهم عاملة اقل من 5000 كيلو .
كل واحد يشترى العربية يجرى يخش يكتب التقييم و هو لسه عامل 100 كيلو: ممتازة!!!!!!!!
نصيحة لوجه الله , ابعد نهائيا عن العربية دى خالص.
مين قالك ان الجديدة عالجوا عيوب القديمة؟؟
لما تبقى الاول يفكروا ينزلوها و بعدين يقرروا ينزلوها و بعدين تنزل فعلا و بعدين الناس تشتريها و تجربها و فعلا بعد سنة سنتين عيوبها و مميزاتها و كل حاجة تبان نبقى نتكلم و نعمل تقييمات و مقارنات , بس مقارنة بين عربيتين واحدة منهم لسه اساسا التوكيل مبيفكرش ينزلها مش معقول

[tutankhamoun]

سمُعة باشا ...
أنت مش متصور أزاي أن مقدر الكلمة اللي أنت قلتها دي

معلش انا بس مش عايز اكتب علشان مزعلش توت

و بالنسبة لتقييمك وكلامك على العربية على رأسي من فوق لسببين
أولا ............ المصنع مش بتاعي
ثانيا ............ أنت راجل مجرب

بس أنا لي تعليق بسيط
بالنسبة للمشاكل اللي ظهرت عندك
كان يجب عليك الذهاب شخصيا إلى مركز الخدمة و التحدث مع أحد المسئولين لإصلاح المشاكل و العيوب التي في السيارة
أما موضوع سحب الأوتو فهو فعلا مش قد كدا على أول غيار و أتفق معاك
إنما العيوب التانية زي أزرار التحكم في مشغل الأسطوانات و العيوب الأخرى الناتجة عن عيوب تقفيل
فحلها أنك تذهب بنفسك لمركز الخدمة و ليس السائق الخاص بكم
فمهما كان السائق لن يمثلكم و لن يحل لكم المشكلة و لن يصفها كما هي و حقك كان يجب أن تأخذه فأنت لم تدفع مبلغ صغير في هذه السيارة

من ناحية التقييمات
فعلا تقييمات أغلب الأعضاء تقييمات جديدة يعني تلاقي ناس لسة حتى معملتش 1000 كيلومتر و عاملة تقييم

بس أنت متجاهل برضه الأعضاء القدامي اللي معاهم العربية و معدية و عاملة عدد كيلومترات كثيرة و أنا لي أصدقاء كذلك
85 ألف كيومتر و لا يشتكي من شئ و لم يُغير أي شئ في المحرك أو العفشة
و آخرون و لكنهم لم يتجاوزوا 40 ألف كيلومتر و و لكن لم يغيروا شئ في السيارة حتى اﻵن

و أنا و الحمد لله لم أغير فيها مسمار ............ ( ما شاء الله )
و العربية عاجباني جدا جدا جدا
و خصوصا بعد تجربة سيارات أخرى في السوق أغلى منها في السعر أو تتساوى معها في السعر و لكن لا تتساوى معها في الأداء و الإتزان و التوفير في البنزين و الصاج القوي الذي لا يؤثر فيه عوامل الجو المصري من قعدات للأطفال و الحبيبة و خلافه و زلط الدائري ............ الخ
إذا كانت تجربتك مؤلمة ............ فصدقني لا تنطبق على الجميع
و أنا مصدقك 100 % .......... و حاسس بيك
و نفسي أنت تروح تأخد العربية و توصل مشوار لعز العرب و تحاول تكلم الأستاذ حبيب و تفهمه على المشاكل اللي موجودة في العربية و إن شاء الله تتحل و إن محلوهاش يبقى عليهم اللوم و محدش يقدر يقول كلمة

و صدقني العربية دي ( المانوال ) خرافة بكل ما تحمله الكلمة من معنى و فعلا ناس كتيرة اتكلمت على الأوتو بتاعها في الغيار الأول و الثاني مش قد كدا

إنما المانوال .,,,,,,,,,,,,,, حاجة تانية خالص

إضافة بسيطة

الفاس ليفت برضه أتحسن فيها حاجات كتيرة جدا
و ده بآراء الناس اللي ركبتها برة .......
و منقدرش نأكد على معلومة زي دي إلا لما نجرب الحاجة بنفسنا
بالمناسبة ............... فرامل الجين 2 ............... رائعة و ممتازة
و هما كاتبين في الكتالوج إنها مش باللمس و ده معمول للأمان علشان مش بمجرد لمس الفرامل يحصل شئ غير محمود
الفرامل ممتازة و بتقف بسرعة لما تدوس عليها

و تحياتي الحارة لك و لأسرتك و أتمنى أنك تروح التوكيل بنفسك و تحاول تحل المشكلة إن شاء الله

[haneena]

على فكره ، انا روحت شوفت ال SX4 في المعرض من حوالي اسبوع ، ولقيتها ، عادية جدا ، وصالونها خاماته اقرب للردائه ، ومفيش مسند يد ، ولا فتح للشنطه من الداخل ( بالنسبه للهاتشباك ، وكمان 118000 ، ولا تستاهل تمنها خالص ، وفعلا سوزوكي اقل ماركه في الياباني زي ما الناس بتقول ، وده بعيدا عن المقارنة بالجين2 ، وانا منصحش اي حد يرمي فلوسه فيها

انا ماكنتش ناوية اتدخل فى اى موضوع ليك بس بصراحة اللى بتقوله ده مايتسكتش عليه

خامات صالون الـSX4 اقرب الى الردائة دى حاجة مفيش عيل صغير يصدقها بصراحة امال خامات الجين2 تبقى ايه وياريتها خامات وبس على كلام الناس اللى جربت زى استاذ سمعة واستاذ احمد صيام وغيرهم وربنا يصبرهم
ده انا قعدت فى الجين2 بقيت قرفانة وعايزة انزل منها بسرعة واخدت قرار فورا ان لو اشتريتها تبقى فلوسى حراااااااااام
وانا الحمد لله فلوسى حلال لانى حطيتها فى عربية اكتر من رائعة
وبعدين انا مش هاقول عن الهاتشباك لانى ماشوفتهاش لكن انا عندى فتحة للشنطة والتانك من الداخل
ومتهايالى عدم وجود مسند ده مايعيبش العربية قوى وكمان الجين مافيهاش المسند ده اللى انت معتبره عيب خطير
وبعدين بلاش تعمل مقارنة بين عربية زبالة على راى استاذ سمعة وبين عربية يابانى ومحترمة زى السوزوكى
وبعدين ماانت اول ماسيبت الجين2 روحت لليبانى
دلوقتى اليبانى بقى محترم ومش عارف ايه
ماانت كنت عمال تدلل للجين2 الجديدة وكل ماحد يقارنها باى عربية تقول لألألألألأ الجين2 الجديدة احسن
فجأة كده ظهرت عربيات تانية بقت احسن منها
غريبة قوى
مش المفروض تفضل على مبدأك

[Eng.Sameh]

ا
غريبة قوى
مش المفروض تفضل على مبدأك

انا مش مستعد اتناقش معاكي تاني ، ومش هعد كل شويه افهم فيك ، وفي الآخر تغلطي ،

لو فيه شوية مخ ، هتفهمي الآتي ،

الجين2 الجديدة لسه بقول عليها ممتازة ،

واللي جد اننا ممكن نجيب المازدا3 ، بتخفيض كبير ، فيحصل ايه ،

انها تكون احسن من الجين2 ، كقيمة مقابل السعر ،

والخلاصه ان الجين2 بسعرها قدام المازدا3 بسعرها العادي ، يبقى الموضوع فيه كلام ، وممكن اقول ان الجين2 الجديدة الهاي لاين لو ب 100000 والمازدا3 بسعرها العادي ان الجين2 افضل كقيمة مقابل السعر مش على الأطلاق ،

لكن بالتخفيض ده تبقى المازدا3 افضل كعربية وافضل كقيمة مقابل السعر ،

وبالنسبه لل SX4 ، متهيالي انك عماله كل شويه تهللي وتقولي المفروض اللي معاه عربيه يقبل الراي الآخر ، وانا فعلا بقول رايي فيها ، انت مالك ، انا شايفها عربيه زبالة وبصرف النظر عن الجين2 من غير مقارنة ، انا شايفها زبالة ، محدش جه جنبك ،

وانا لا عاوزك تردي في مواضيعي ولا حتى تدخليها ، ومش كل شويه تعملي مشكله مع حد ،

ويستحسن ، تتجنبي اي موضع ليه وتتجنبيني خالص

[haneena]

ويستحسن ، تتجنبي اي موضع ليه وتتجنبيني خالص

هو ده فعلا اللى انا عاملاه لكن تيجى وتقول كلام ماحدش يصدقه عشان حاجة جواك يبقى لازم ارد
وانت مش من حقك انك تقولى اقرأ ايه وماقرأش ايه

واذا كانت الـsx4 زبالة زى مابتقول وهى لسه بقالها كام شهر بس نازلة وفعلا لسه ماانتشرتش قوى بس بدأت فى الانتشار وشوف الناس بتقول عليها ايه فى الموضوع الفظيع بتاعك ده

واللي جد اننا ممكن نجيب المازدا3 ، بتخفيض كبير ، فيحصل ايه ،

انها تكون احسن من الجين2 ، كقيمة مقابل السعر ،

انت قلت ان المازدا3 احسن من الجين2 حتى لو كان عرض الماليزيين الوهمى اللى انت ضيعت وقت الناس فيه تم فاهتكون برده المازدا3 احسن من الجين2 يبقى ليه بقى مع انك هاتاخد تخفيض على الجين2 الوهمية دى برده وهاتاخدها اقل من السوق يبقى ليه المازدا افضل مع ان فيه فرق فى الفلوس على الاقل عشر الاف والكماليات فى الجين2 اكتر هى مش الجين2 كانت مكتسحة كل العربيات ولا الست الشهور اللى فاتوا دول كانوا حلم وانا مااعرفش

[Eng.Sameh]

انت قلت ان المازدا3 احسن من الجين2 حتى لو كان عرض الماليزيين الوهمى اللى انت ضيعت وقت الناس فيه تم فاهتكون برده المازدا3 احسن من الجين2 يبقى ليه بقى مع انك هاتاخد تخفيض على الجين2 الوهمية دى برده وهاتاخدها اقل من السوق يبقى ليه المازدا افضل مع ان فيه فرق فى الفلوس على الاقل عشر الاف والكماليات فى الجين2 اكتر هى مش الجين2 كانت مكتسحة كل العربيات ولا الست الشهور اللى فاتوا دول كانوا حلم وانا مااعرفش

والله انتي ما بتفهمي ، وانا اكتر حاجه بكرهها الغباء ،

فيه حاجه اسمها ضيعت وقت الناس ، احنا كلنا مع بعض كل الفكره اني مندوب عنهم ، انا مش تاجر ووعدتهم وخليت بيهم ، وكلهم مقدرين التعب اللي انا تعبته في الموضوع والتوكيل هوه اللي متخازل ، وبعدين احنا اصلا كانت الفكره اننا نجيب الهاي لاين وقلنا ومحدش قال اننا هناخد تخفيض كبير ولا حاجه ، وبعدين انتي شاغله نفسك ليه ، لاحد طايق كلامك ولا رأيك له اهميه ، ولا طايق اصلا كلامك واسلوبك المستفز ،

خليك في حالك واحترمي نفسك بقه ،

وعموما انتي لو قعدتي ىتهاتي سنه ، انا مش هرد عليكي تاني ،

ورغم ان ده موضوعي ، بس انا باطلب من الادارة انها تقفله ، عشان ارتاح من مشاركاتك

[tutankhamoun]

السلام عليكم و رحمة الله و بركاته
الأخت الكريمة ......... حنينة

أنا شاف إن أسلوبك حاد جدا و بتخلقي أعداء كثيرة لمجرد أن واحد قال على عربية زبالة
طيب ما أنتي قلتي على الجين 2 زبالة
دخلنا أتخانقنا معاكي .......؟؟؟؟

الجين 2 مش زبالة ............ و لو زبالة مكنتش أتباعت
و تجربة فرد أو أثنين أو حتى 10 ................ لا تعتبر حكم نهائي على السيارة
أغلب و بقول أغلب و أغلب دي ممكن توصل ل مثلا 95 % من أصحاب السيارة بيعشقوها و لم يواجهوا أي مشاكل
و حتى الأستاذ أحمد صيام نفسه بيحب العربية جدا و أسأليه بنفسك
و إن كان على عيوب التصنيع فدي بتظهر في أي عربية و لو عايزة الحيادية
خشي شوفي فيه ناس بتقول أيه على الياريس
بس أغلب من أمتلكوها بيشكروا فيها ........... يبقى نمسك في رأي واحد و لا أثنين أو حتى 10 ............ و نقول خلاص هما اللي رأيهم صح ............. و بقية الملاك مش بيفهموا حاجة لمجرد أنك مش حابة عربية ما
خلاص أنتي نزلتي اتفرجتي على الجين 2 و معجبتكيش
مفيش أي مشاكل
أنا شوفت السوزوكي و مش عاجباني
هل ده يعني إن السوزوكي وحشة ؟؟؟؟؟؟؟؟؟؟؟؟؟؟
ده رأي شخصي
زي رأيك في الجين 2 ............. رأي شخصي و لا يعتد به
لا أنتي جربتي ........... و لا سوقتيها ............... و مش عارفة فيها حاجة غير الصالون و بتقولي زبالة
يبقى أنتي كدا خرجت برة الحيادية نهائي
ياريت أتكلمي على اللي شوفتيه بعينك و بس
ألا و هو الصالون ..........
و تقولي الصالون بتاع الجين 2 مش عاجبني أو زبالة أو أي لفظ يعجبك
إنما تقولي على العربية كلها زبالة لمجرد أن صالونها مش عاجبك
لا معلش ................ كدا كتير قوي
ياريت شوية حيادية و صدق من اللي أنتي يطالبي بيهم
و أنتي اللي بتطالبي بالحيادية مش أحنا ........... أنت اللي عايزة الصدق في الكلام
يبقى ما تتكلميش الا على المتجرب فقط لا غير
و زي ما قلت هو الصالون اللي مش عاجبك
و شكرا

[haneena]

والله انتي ما بتفهمي ، وانا اكتر حاجه بكرهها الغباء ،

فيه حاجه اسمها ضيعت وقت الناس ، احنا كلنا مع بعض كل الفكره اني مندوب عنهم ، انا مش تاجر ووعدتهم وخليت بيهم ، وكلهم مقدرين التعب اللي انا تعبته في الموضوع والتوكيل هوه اللي متخازل ، وبعدين احنا اصلا كانت الفكره اننا نجيب الهاي لاين وقلنا ومحدش قال اننا هناخد تخفيض كبير ولا حاجه ، وبعدين انتي شاغله نفسك ليه ، لاحد طايق كلامك ولا رأيك له اهميه ، ولا طايق اصلا كلامك واسلوبك المستفز ،

خليك في حالك واحترمي نفسك بقه ،

وعموما انتي لو قعدتي ىتهاتي سنه ، انا مش هرد عليكي تاني ،

ورغم ان ده موضوعي ، بس انا باطلب من الادارة انها تقفله ، عشان ارتاح من مشاركاتك

واضح انك محترم جدا وجدير بان الناس تثق فيك وتمشى ورا كلامك
ماعنديش تعليق على شتيمتك ليا لانى باحترم نفسى قبل اى شئ ومااقدرش انزل بمستواى

[haneena]

لا أنتي جربتي ........... و لا سوقتيها ............... و مش عارفة فيها حاجة غير الصالون و بتقولي زبالة
يبقى أنتي كدا خرجت برة الحيادية نهائي
ياريت أتكلمي على اللي شوفتيه بعينك و بس
ألا و هو الصالون ..........

وهو ده اللى حصل فعلا انا اكدت على ان الصالون زبالة
لكن لما قلت العربية زبالة قلت على راى الاستاذ سمعة وده من ملاكها واللى قرفان منها
راجع الكلام كويس قبل ماتندفع فى الرد

[tutankhamoun]

وهو ده اللى حصل فعلا انا اكدت على ان الصالون زبالة
لكن لما قلت العربية زبالة قلت على راى الاستاذ سمعة وده من ملاكها واللى قرفان منها
راجع الكلام كويس قبل ماتندفع فى الرد

أندفع في الرد !!!!!!!!!!!!!!!!!!!!!!!!!!!!!!!!!!!!!!!!!!!!!