جين 2 الجديدة ( facelift ) ولا سوزوكي sx4

[sa3dawy]

واضح انك محترم جدا وجدير بان الناس تثق فيك وتمشى ورا كلامك
ماعنديش تعليق على شتيمتك ليا لانى باحترم نفسى قبل اى شئ ومااقدرش انزل بمستواى

وواضح انك منزلتيش بمستواكى بانك بتقوليلو انو راجل محترم وبانو جدير بان الناس تثق فية وتمشى ورا كلامة
بس مين قال ان الجين2 زبالة
انا مش عارف ازاى اصلا واحد يقعد فى كرسى السواق ويقدر يحكم اذا كانت العربية خاماتها زبالة ولا لا
انا قعدت فيها وسوقتها
العربية محترمة جدا جدا جدا ومفيش اى عيب فى التقفيل يبان من اول نظرة يعنى
على فكرة انا مش ضضدك

انا بردة بقول للاستاذ المحترم justs ان كلمة غبية ومبتفهمش لا تليق بالمنتدى ولا بشخصيتك المحترمة

[ahmedsiyam]

السلام عليكم

الاخوة الافاضل انا شايف ان الموضوع خرج عن السيطرة تماما منكم ماعدا رد توت اللى كان منطقى جدا

انا بما انى من ملاك الجين 2 بقول ان العربية بتاعتى معيوبة و فيها فعلا حاجات مضايقانى جدا بس الصراحة انا شايفها ممتازة من ناحية الاداء
انا كنت مضايق منها فى الاول علشان جديدة وفيها المشاكل دى انما لما اخدت عليها و مشيت و سافرت بيها الصراحة عجبتى جدا
و بعدين انا فى التوكيل عرفت ان عربيتى فقط اللى فيها المشاكل دى انما فى ناس كتير ماشتكوش من العيوب اللى عندى
انا عايز اوصل بس ان لما حد يستشهد بعميل زيى مضايق من العربية انا باقول لا العربية كويسة و انا مضايق من العيوب اللى عندى و ليس من العربية ككل

ياريت بقى اللى يذم فى عربية او يشكر فيها على السواء يكون راكبها فعلا

يعنى وجهة نظر ان الصالون وحش تتفاوت من شخص لاخر بس فى النهاية الصالون فقير شوية بالنسبة لعربيات تانية كتير ماشى الكلام ده لانه موش محتاج تجربة ممكن تعرفه من التجربة فقط حتى لو فى صاله عرض

انما نحكم على اداء عربية معلش لازم نكون ركبناها و موش علشان ماليزى تبقى زبالة و علشان يابانى تبقى حلوة

ده انا قعدت فى الجين2 بقيت قرفانة وعايزة انزل منها بسرعة واخدت قرار فورا ان لو اشتريتها تبقى فلوسى حراااااااااام
وانا الحمد لله فلوسى حلال لانى حطيتها فى عربية اكتر من رائعة

الاخت الفاضلة اظن انت كده بقى تجاوزتى كل الحدود المتعارف عليها فى احترام الاشخاص اللى انتى بتتكلمى معاهم و ركبتى نفسك الغلط
يعنى كل الكلام اللى انتى قولتيه انا موش هارد عليه لانه وجهة نظرك انتى فقط و ان كانت مبنية على تجربة العربية و ليس امتلاكها و طبعا ده موش اساس صحيح للحكم على سيارة ايا كانت
انما انك تقولى ان فلوسك حلال علشان اشتريتى عربيتك دى و ان اللى يشترى جين 2 من وجهة نظرك فلوسه حرام ده خارج عن النص تماما و ادب الحوار
انا بطالبك بتصحيح الكلام اللى انتى قولتيه و الاعتذار عنه فورا

والرجاء من الادارة النظر فى مداخلات الاخت الفاضلة لان اسلوبها مستفز للغاية

[Eng.Sameh]

انا بردة بقول للاستاذ المحترم justs ان كلمة غبية ومبتفهمش لا تليق بالمنتدى ولا بشخصيتك المحترمة

يا استاذي الفاضل ، حضرتك لو شوفت المشكلة اللي اثارتها قبل كده معايا وردودها ، كنت عذرتني ، وغير كده كمان هيه فعلا اسلوبها مستفز جدا ، اعتقد انك كنت متابع موضوع الجين2 Facelift ، هل بعد التعب اللي الواحد تعبه ده كله ، تقولي اني ضيعت وقت الناس ، وانا اصلا اللي ضيعت وقت ومجهود كبير جدا ، وربنا يعوضنا خير ، فهل ده مش مستفز للغايه ، غير كده انها غلطط قبل كد في الموضوع اللي فات والادارة قفلت الموضوع ، وسكت ومرديتش ارد عليها في مواضيع تانيه ، وهيه تسكت تسكت وترد باسلوب حاد وتحوير للكلام وده محصلش معايا انا بس ،

ومش عارف ليه هيه بتثير العداوه بينها وبين الأعضاء وكل شويه واحد تخبط معاه ،

عموما : انا فعلا كنت متنرفز كدا من كلامها ، واعتقد اني عمري ما اتكلمت مع حد كلمه واحد تزعله ، وهيه لسه عضوه جديده وعامله مشاكل مع كذا واحد ،

عموما ، معظم الناس عرفيني كويس ، وانا مهما قالت بعد كده ، سوف اتجاهل الأمر كليةً ،

[haneena]

وواضح انك منزلتيش بمستواكى بانك بتقوليلو انو راجل محترم وبانو جدير بان الناس تثق فية وتمشى ورا كلامة
بس مين قال ان الجين2 زبالة
انا مش عارف ازاى اصلا واحد يقعد فى كرسى السواق ويقدر يحكم اذا كانت العربية خاماتها زبالة ولا لا
انا قعدت فيها وسوقتها
العربية محترمة جدا جدا جدا ومفيش اى عيب فى التقفيل يبان من اول نظرة يعنى
على فكرة انا مش ضضدك

انا بردة بقول للاستاذ المحترم justs ان كلمة غبية ومبتفهمش لا تليق بالمنتدى ولا بشخصيتك المحترمة

يا سيدى الفاضل على الاقل انا ماشتمتوش زى ماهو عمل انا الحمد لله لا انا غبية ولا مابفمهمش زى مابيقول
انا مهندسة كمبيوتر ومبرمجة والحمد لله ناجحة جدا فى شغلى وده اكبر دليل ان مستوى فهمى وذكائى اللى بيعيب فيهم مش شوية
وكما نانه يقولى احترمى نفسك يبقى معناه انى مش محترمة
وطبعا انا برده والحمد لله محترمة جدا وماسمحش لاى مخلوق يقول انى مش محترمة

استاذ احمد صيام طبعا انا ماكنش فى نيتى وانا باقول موضوع فلوسى حرااام ده ان كل اللى اشتروا العربية تبقى فلوسهم حرااام ابدا والله
وانا دلوقتى شايفة ان خانى التعبير
وانا باعتذر عن الغلطة دى
لكن صدقنى مش هو ده قصدى وانا باعتذر لحضرتك ولكل مالكى العربية دى

[haneena]

السلام عليكم

الاخوة الافاضل انا شايف ان الموضوع خرج عن السيطرة تماما منكم ماعدا رد توت اللى كان منطقى جدا

انا بما انى من ملاك الجين 2 بقول ان العربية بتاعتى معيوبة و فيها فعلا حاجات مضايقانى جدا بس الصراحة انا شايفها ممتازة من ناحية الاداء
انا كنت مضايق منها فى الاول علشان جديدة وفيها المشاكل دى انما لما اخدت عليها و مشيت و سافرت بيها الصراحة عجبتى جدا
و بعدين انا فى التوكيل عرفت ان عربيتى فقط اللى فيها المشاكل دى انما فى ناس كتير ماشتكوش من العيوب اللى عندى
انا عايز اوصل بس ان لما حد يستشهد بعميل زيى مضايق من العربية انا باقول لا العربية كويسة و انا مضايق من العيوب اللى عندى و ليس من العربية ككل

ياريت بقى اللى يذم فى عربية او يشكر فيها على السواء يكون راكبها فعلا

يعنى وجهة نظر ان الصالون وحش تتفاوت من شخص لاخر بس فى النهاية الصالون فقير شوية بالنسبة لعربيات تانية كتير ماشى الكلام ده لانه موش محتاج تجربة ممكن تعرفه من التجربة فقط حتى لو فى صاله عرض

انما نحكم على اداء عربية معلش لازم نكون ركبناها و موش علشان ماليزى تبقى زبالة و علشان يابانى تبقى حلوة


الاخت الفاضلة اظن انت كده بقى تجاوزتى كل الحدود المتعارف عليها فى احترام الاشخاص اللى انتى بتتكلمى معاهم و ركبتى نفسك الغلط
يعنى كل الكلام اللى انتى قولتيه انا موش هارد عليه لانه وجهة نظرك انتى فقط و ان كانت مبنية على تجربة العربية و ليس امتلاكها و طبعا ده موش اساس صحيح للحكم على سيارة ايا كانت
انما انك تقولى ان فلوسك حلال علشان اشتريتى عربيتك دى و ان اللى يشترى جين 2 من وجهة نظرك فلوسه حرام ده خارج عن النص تماما و ادب الحوار
انا بطالبك بتصحيح الكلام اللى انتى قولتيه و الاعتذار عنه فورا

والرجاء من الادارة النظر فى مداخلات الاخت الفاضلة لان اسلوبها مستفز للغاية

انا باعتذر مرة تانية فى رد منفصل لحضرتك ولكل مالكى العربية فى رد منفصل خوفا ان يكون الاعتذار الاول مش واضح او ممكن حضرتك ماتقراهوش
ووالله ماكنش فى نيتى اللى حضرتك فهمته او اللى وصلك

[ahmedsiyam]

وصلنى ردك و بالنيابة عن نفسى فقط انا باشكرك
بس اعذرينى هو ماكانش يتفهم غير كده و معلش حصل خير

[Noha.M]

حضرتك اتفرج على المازدا 3

بجد محترمة اوى ما شاء الله

[Ahmed REDA]

الخلاف في الراي لا يفسد للود قضية

لسا شايف الموضوع دلوقتي حالا و اتضايقت من اسلوب الحوار الغير حضاري بالمرة من بعض الاعضاء

اولا انا كنت احد اعضاء صفقة gen2 facelift مع المهندس سامح و عاوز اقول ان الراجل تعب بجد و لم يدخر جهدا عشان خاطر الموضوع يتم و ربنا ماوفقش و الحمد الله علي كل شيء مافيش وقت ضاع ولا حاجة انا مكنتش مستعجل نهائي و كفاية اني طلعت بمعرفة الناس اللي كانو معانا و اولهم المهندس سامح اخويا و حبيبي

انا بحب العربية دية جدا و مقتنع بيها تماما علي الرغم من بعض العيوب اللي فيها بس هية مش عيوب جوهرية , العربية عافشة و موتور و صاج زي الفل , و علي فكرة العربية مع بنت خالتي و اتنين ساكنيين معايا في نفس العمارة و انا مجربها و بجد ماشاء الله عليها

انا دلوقتي في طريقي اني اشتريها و خلاص كام يوم و رايح باذن الله احجزها من فرع العجوزة

يا جماعة مش معني اني مقتنع بعربية ان اي عربية تانية كنت بفكر فيها و مجبتهاش بقت وحشة

انا مقتنع بالجين 2 و دة لا يعني ان ال sx2 وحشة
و ممكن يكون غيري لية راي عكس دة

احنا جايين هنا عشان نفيد و نستفيد من بعض و بدون مناذي مشاعر بعض , مش جايين هنا عشان نثبت ان عربية او ماركة معينة هي احسن عربية او ماركة في مصر

انا بدعو سامح و الستاذة حنينا لجلسة صلح و اللي فات مات و ترجع العلاقة علاقة زمالة طبيعية مفيش فيها اي عداء . علاقة قائمة علي الاحترام اللي اتعودناة من nile motors
و ارجو انيي الاقي تجاوب من الطرفين إن شاء الله
والله الموفق

[haneena]

استاذ احمد رضا انا باشكرك لذوقك واهتمامك
بس لو حضرتك ملاحظ انى ماغلطتش فيه نهايئا انا باتكلم عن عربية يعنى فى الاخر حتة حديد وانا حرة فى راى فيها
لكن هو شتمنى واتهمنى بالغباء ودى حاجة ماقبلهاش
وشكرا مرة كمان على ذوقك واهتمامك

[shshtawy]

الحمد لله قدر اله ومشاء الله ياريت كلنا نستغفر ربنا على الى حصل ولو حد حس باساءة ياريت يسامح ويكون الكبير والاخت ياريت تاخد بلها من كلامها برده لان الاخوة كلهم متفقين على كده
اما من ناحيه الجين 2 والسوزوكى انا عاوز اقول لحضرتك حاجه بسيطه حصلتلى
انا معايا الحمد لله فيات اون بس كنت على طول بركب ميجان وتويو تا لاند كروزر وكلسيلر بس حلم حياتى من اول مشفت الجين 2 انلى اجيبها واسوقها وانا عايش على الحلم ده بس ساعات اسئل نفسى سوءال لو معايا فلوس الجين هل هجيبها مع انى بحلم بيها
برجع اقول هجيب حاجه توكيلها معروف وقطع غيار موجوده احسن طبعا فقارن حضرتك بين ده وبين السعر وبين حبك العارم زى كده للجين انتا عاوز لو لاقدر الله حصل حاجه فى العربيه تلاقيها بسرعه ولا تدوخ وفى الاخر مش هتلقيها غير فى التوكيل ونار

[haneena]

الحمد لله قدر اله ومشاء الله ياريت كلنا نستغفر ربنا على الى حصل ولو حد حس باساءة ياريت يسامح ويكون الكبير والاخت ياريت تاخد بلها من كلامها برده لان الاخوة كلهم متفقين على كده
اما من ناحيه الجين 2 والسوزوكى انا عاوز اقول لحضرتك حاجه بسيطه حصلتلى
انا معايا الحمد لله فيات اون بس كنت على طول بركب ميجان وتويو تا لاند كروزر وكلسيلر بس حلم حياتى من اول مشفت الجين 2 انلى اجيبها واسوقها وانا عايش على الحلم ده بس ساعات اسئل نفسى سوءال لو معايا فلوس الجين هل هجيبها مع انى بحلم بيها
برجع اقول هجيب حاجه توكيلها معروف وقطع غيار موجوده احسن طبعا فقارن حضرتك بين ده وبين السعر وبين حبك العارم زى كده للجين انتا عاوز لو لاقدر الله حصل حاجه فى العربيه تلاقيها بسرعه ولا تدوخ وفى الاخر مش هتلقيها غير فى التوكيل ونار

طبعا استغفر الله العلى العظيم اولا وقبل اى كلام
ثانيا حضرتك بتقولى اخد بالى من كلامى مع انى قلت انه هو شتمنى وقال عليا غبية وانا ماغلطتش فيه انا بانتقد عربية المفروض اى كلام اقوله عنها مايبقاش الرد عليه انى غبية ومش بافهم
انا مش عارفة الناس هنا ليه مش بتشوف الغلط وفيه تحيز كبير وانا بدأت فعلا اضايق من الموضوع ده
وانا لما باغلط او بيخونى التعبير باعتذر على طول ودى مش حاجة عيب
وشكرا

[ahmedfd]

يا جماعة الموضوع كله إختلاف عادي في وجهات النظر مكانش لازم يتطور كدة خالص...
إيه اللي يمنع إن واحد عنده مرسيدس يشوف إن الـ BMW زبالة أو العكس.. دي مقاييس شخصية حتى لو رأيناها إحنا غريبة بعض الشيء .. كل واحد ليه متطلبات معينة بيدور عليها و هي عنده الأساس.
الأكيد Gen2 و الـ SX4 عربيتين ممتازين و زي ما في ناس إنتقدت الـ Gen2 عادي إن ناس تنتقد الـ SX4 طبقا لمتطلباتها و ده مش عيب و لا حرام.
و أخيراً بكرة اللي راكب Gen2 ممكن يركب BMW و اللي راكب SX4 ممكن يركب Audi.. و هينسوا عربياتها القديمة خالص .. يبقى لازمته إيه نخسر بعض و ناخد ذنوب بدون أي لازمة؟

[M.Mokhtar]

طول عمر الشعب المصرى كده :)
ما بيعرفش يتناقش فى اى موضوع الا بالخناق
مع ان الموضوع اصلا مايستهلش

[l0new0lf]

afteker en elmostala7 edareg 3ala 3arabeya ta3bana howa ((kanabah)) we mesh ((zebalah)). yaret manestakhdemsh alfaz mostafeza we ne7terem ara2 ba3dena 3ashan fil akher e7na ele ba2yeen leba3d, ama el3arabeyat, fab tetkhebet we heya wa2fa, wadomtom

[haneena]

انا قررت انى مااردش تانى فى الموضوع ده لان الناس سايبة اللى شتم انسانة وماسكة فى اللى قال على حتة حديدة انها زبالة

سبحان الله