يا رجالة المنتدي اخوكم محتـــار و دماغي هتنفجر

[SonaSteel]

انا لسة مجبتش عربية اصلا و محتار بردوا نفس الحيرة اللى عند الناس انا عايز عربية فيها abs و اير باج و تكون مريحة بردوا و على فكرة انا لحد فترة بسيطة كنت مقتنع 100% بالجن تو بس موضوع ان الموتور صوته بيعلى و البنزين مضايقنى خصوصا انى ساكن فى اكتوبر و شغلى فى مدينة نصر

تسمحلي اقولك علي عربية هدية بجد والله
من غير تعصب ولا خلافه ... سيبك منوجهات النظر ... انا بكلمك كأخ ليك (لو معندكش مانع :))) ... بس المشكله ان الهدية لاطشة في 115000 لو تعرف تتصرف
ما تشوف التيدا
عربية جميلة ووووواسعه ومريحة وماتور قووووي وعفشة احسن من الصني و عزل الصوت بتاع الماتور وعزل العربية من تحت عااالي اوووي وتقفيل ممتاز والفتيس بتاعها جميل جدا ماشاء الله وصاج متين
ومشيت بيها 160 علي المحور و ثباتها ماشاء الله ... اعتقد مش هاتعدي ال160 يعني ... وسهل جدا جدا ماشاء الله توصلها ... الاستجابة بتاعتها رااائعه.
انا حتي كنت في الحرفيين من يومين مع واحد صاحبي معاه تيدا وقطع غيارها هناك كتييييييير اوي ... وحاجتها موجوده وحاجات للصني مش موجوده ... تخيل
واستهلاكها محترم جدا وصوتها يكاد يكون مش مسموع .. حتي علي الار بي ام العالي ... انا والله بفكر اخلي الصني معايا سنتين ثلاثة ولا حاجة واجيب التيدا ان شاء الله
والكلام ده كله ممكن تشوفه لو خدت بيها لفة واحده بس ... يعني مش كلام كتالوجات.
فكر كده وانزل اقعد فيها وشوفها ...... متعرفش الخير فين
وصلي استخارة وربنا ييسرلك الخير ..... واسف للإطالة عليك

[Ghosts]

انا لسة مجبتش عربية اصلا و محتار بردوا نفس الحيرة اللى عند الناس انا عايز عربية فيها abs و اير باج و تكون مريحة بردوا و على فكرة انا لحد فترة بسيطة كنت مقتنع 100% بالجن تو بس موضوع ان الموتور صوته بيعلى و البنزين مضايقنى خصوصا انى ساكن فى اكتوبر و شغلى فى مدينة نصر

يبقى مفيش داعى تجيب عربية 1600 سى سى ....
تعرف بقى أنت أية اللى ينفعك ؟؟؟
أية رأيك فى البونتو أيفو ؟؟؟
عربية أوروبى 1400 سى سى , Abs & ebd , 2air bags ....
أمان 5 على 5 و شكلها تحفة بحوالى 103000 ....
عيوبها أن قطع غيارها غالية ....
وتوكيلها مش أد كدة ....
سعر أعادة البيع ....
ضايع ....

[prohossam]

بدون كلام كتير
جين تو ..

[iinsky]

مازدا 3 اذا كان ميزانيتك تسمح..عربية جميلة بكل المقاييس لكن الشنطة صغيرة بس غير كده عشرة على عشرة..معايا من 2007 والحمد لله زي الفل

[szaalouk]

تسمحلي اقولك علي عربية هدية بجد والله
من غير تعصب ولا خلافه ... سيبك منوجهات النظر ... انا بكلمك كأخ ليك (لو معندكش مانع :))) ... بس المشكله ان الهدية لاطشة في 115000 لو تعرف تتصرف
ما تشوف التيدا
عربية جميلة ووووواسعه ومريحة وماتور قووووي وعفشة احسن من الصني و عزل الصوت بتاع الماتور وعزل العربية من تحت عااالي اوووي وتقفيل ممتاز والفتيس بتاعها جميل جدا ماشاء الله وصاج متين
ومشيت بيها 160 علي المحور و ثباتها ماشاء الله ... اعتقد مش هاتعدي ال160 يعني ... وسهل جدا جدا ماشاء الله توصلها ... الاستجابة بتاعتها رااائعه.
انا حتي كنت في الحرفيين من يومين مع واحد صاحبي معاه تيدا وقطع غيارها هناك كتييييييير اوي ... وحاجتها موجوده وحاجات للصني مش موجوده ... تخيل
واستهلاكها محترم جدا وصوتها يكاد يكون مش مسموع .. حتي علي الار بي ام العالي ... انا والله بفكر اخلي الصني معايا سنتين ثلاثة ولا حاجة واجيب التيدا ان شاء الله
والكلام ده كله ممكن تشوفه لو خدت بيها لفة واحده بس ... يعني مش كلام كتالوجات.
فكر كده وانزل اقعد فيها وشوفها ...... متعرفش الخير فين
وصلي استخارة وربنا ييسرلك الخير ..... واسف للإطالة عليك

كل سنه و انتم طيبين بمناسبه شهر رمضان المعظم اعاده الله علينا جميعا باليمن و البركات .
كلام تمام و موزون 100% و انا شخصيا أؤيد اخويا حسين في كل كلمه .
التيدا عربيه اكثر من رائعه في كل المقاييس و صفقه لن تندم عليها ابدا .
و عموما استخير ربنا في اللي تستقر عليه .
و تقبل مروري .

[Nistelrooy]

وانا برضوا زي ما قلت في اول رد ليا .. لو معاك تجيب .. هات التيدا واستخير ربنا .. وبصراحة لما ركبت العربية دي انبهرت بيها بكل حاجة قد اية هي واسعة وتصميم داخلي رائع وتكيف ما شاء الله ... .. وان كان استهلاكها للبنزين اعلي سنة من بقية السيارات

[adel1414]

هو دة الكلام الموزون
أنا شايف يا جماعة بمنتهى الصراحة والحيادية ....
أن الجين 2 هى أفضل عربية موجودة فى السوق فى الفئة السعرية دى ....
عربية فيها كل ما تتمناة من شياكة وعوامل أمان زى العربيات الأوروبى وبسعر منافس جدآ ....

لسه جايب واحدة اتوماتيك 2008 ومش حقول انى عرفت اييه سر عشق ملاكها ليها والله والله عربية محترمة جدااااااااااااااااااااا

[Mohamed Elwan]

يبقى مفيش داعى تجيب عربية 1600 سى سى ....
تعرف بقى أنت أية اللى ينفعك ؟؟؟
أية رأيك فى البونتو أيفو ؟؟؟
عربية أوروبى 1400 سى سى , abs & ebd , 2air bags ....
أمان 5 على 5 و شكلها تحفة بحوالى 103000 ....
عيوبها أن قطع غيارها غالية ....
وتوكيلها مش أد كدة ....
سعر أعادة البيع ....
ضايع ....

كلامك صح و فعلا فكرت فيها كتير و موافق على كل عيوبها قطع غيار غالية و اعادة بيع وحشة لكن توكيلها غلى سعرها 19 الف جنيه فى يوم و ليلة و دى حاجة ضايقتنى من العربية اوى بصراحة غير كدة واحد زميلى اخوه جايبها و اتقلب بيها على سرعة 90 كيلو مش عارف ازاى الموضوع ده حصل و من يومين عمل بيها حادثة تانى على الدائرى فخلانى قفلت منها بس بصراحة لو سعرها رجع للاول اجيبها وش لانها فعلا عربية ممتازة

[Kareem.ElAraby]

يا زعيم الجين 2 عربيه حوت اول 3 سنين بعد كده بتخوخ يعني مابيبقاش ليها لازمه
بس العربيه اوبشنز و تقنيه عاليه و موتورها حول و عفشه نضيفه بس عايزه
استخدام شبابي او واحد متزوج و معاه وادين
لان العربيه من ورا ضيقه
وكمان ما تفكرش في الالنترا ليه؟
لانها عربيه ثبتها مش تمام و كمان string يعني الباور ما بيفصلش بعد ال 100 زي باقي العربيات
و الله انا ليا واحد صحبي جدا معاه الانترا معدله كساحات و عتب وشقلباظات
والجنط 215 جنط17 يعني صبا الثبات والله غرزه علي 100 العربيه موجت بينا
بس يمكن يكون هو كسر جامد لانه مكنش كتعود عليا بس الانترا معرفه
بانها ضايعه في الثبات بس موتور وحش جري
و المازدا 3 عربيه حلوه بس لو فكرت تعمل حاجه بره التوكيل
مش هتعرف لانك صعب تلاقي قطع غيار و قليل اللي بيفهم فيها
لو عايز عربيه حوت اللي هتادي معاك 406 عريه ما شاء الله
حوت علي الاسفلت وفي مكنه منها 2000 نادره عددها 260
حاجه ملهاش حل سفاحة بنزين
بس ثبات باشا جري تخيط العنتيل

يا راجل يا طيب ما انا ممكن أقلب بي ام لو خدت الغرزه نتش( كسرت مره واحده) حاسك جاي علي الالنترا اوي الصراحه هي مش ثبات الالماني و الياباني بس بردو مش بالسوء اللي بتقول عليه ده
و موديلات 2010 و 2011 الشكل القديم الباور بيفصل بعد ال80 و لو عاوز تشوف بنفسك انا في الدقي في أي وقت تحبه انت او صاحب الموضوع ده غير ان الباور بتاعها محتاج حد ياخد عليه و يبقي متعود علي الباور الكهربا و ما اعتقدش انه عيب الصراحه

[tutankhamoun]

لول

[memo_sms]

تسمحلي اقولك علي عربية هدية بجد والله
من غير تعصب ولا خلافه ... سيبك منوجهات النظر ... انا بكلمك كأخ ليك (لو معندكش مانع :))) ... بس المشكله ان الهدية لاطشة في 115000 لو تعرف تتصرف
ما تشوف التيدا

لمده سنتين تقريبا ركبت تيدا, تقدر تقول حوالى 4 عربيات تيدا فى السنتين دول لانهم بتوع الشركه عندى وكنت ببدل لما يكون فى واحده عطل او مشكله
واللى هقوله عن التيدا ده عن تجربه
المميزات:
واسعه - سريعه جدا وبتسارع عالى (وصلت بيها لـ 210 كم) - شيك جدا وشبابيه - موفره للبنزين - درجه تحمل عالى صراحه - موتور ملوش صوت
العيوب:
اول ما توصل لـ 120 امسك الدريكسيون بايدك الاتنين ولو جنبك عربيات نقل تقيل وانت على 160 كم هتحس بالهوا وهو بيحدف العربيه (حقيقه والله مش مبالغه)
الشكل الداخلى بتاعها من جوه مش اد كده

سعرها فى مصر مبالغ فيه اوووووى, ولو فى فرصه انهاتبقى اختيار قدامى فى مصر مش هشتريها مع انها كانت سريعه بس فى السفر متعبه جدااا لانها خفيفه ومكنتش بحس جواها بالامان بالمره

[memo_sms]

بالمره اقولك عن المتسوبيشى لانسر بومه واللى هى معايا حاليا من 9 شهور تقريبا ومع 3 زمايلى 3 لانسر نفس الموديل
المميزات:
موفره للبنزين - شيك من جوه ومصروف عليها اكتر من التيدا (يمكن دى وجهه نظرى) - ثابته بشكل كبير - سعرها مقبول جدا
العيوب:
بطيئه - تسارع ضعيف خصوصا على السرعات العاليه (اقصى سرعه وصلت لها 180كم) - صوت موتور عالى جدا ومزعج احيانا كتيره
سينسور الاير باج عطل فى تلات عربيات وتغييره يكلف تقريبا الف وشويه ريال (تجاربى معظمها فى السعوديه)

لو فى فرصه ان اللانسرتبقى اختيار قدامى فى مصر مش هشتريها بردوا لانى بحس انها بطيئه جدا لو حطيت جنبها التيدا بس

واخيرا اقول لحضرتك فى شويه عوامل حضرتك اكتبهم فى جدول مع السيارات المقترحه وانت هتلاقى الاختيار سهل ان شاء الله والعوامل طبعا ترجع لحضرتك واللى انت بتحبه وتدى درجه لكل عربيه وطبعا حضرتك هتحط عوامل الاهتمام بتاعتك, يعنى انا يهمنى السرعه والامان والرفاهيه والسعربالاضافه للاقتناع بالسياره

التيدا = السرعه (9) - الامان (5) - الرفاهيه (5) - السعر(3) - الاقتناع (3)
اللانسر = السرعه (5) - الامان (9) - الرفاهيه (6) - السعر (6) - الاقتناع (5)
جين 2 = السرعه (9) - الامان (9) - الرفاهيه (8) - السعر (8) - الاقتناع (6)

طبعا فى عوامل تانيه زى اعاده البيع وقطع الغيار ومدى توافرها والتوكيل (اعتقد ان كل التوكيلات شبه بعض يعنى مابين سيىء جدا الى مقبول) وغيره

ملحوظه اخيره اللى انا قولته ده رأيى شخصى وتجربه شخصيه للعربيات دى وغيرها بس دى العربيات اللى تخص الموضوع ده

[Ghosts]

واخيرا اقول لحضرتك فى شويه عوامل حضرتك اكتبهم فى جدول مع السيارات المقترحه وانت هتلاقى الاختيار سهل ان شاء الله والعوامل طبعا ترجع لحضرتك واللى انت بتحبه وتدى درجه لكل عربيه وطبعا حضرتك هتحط عوامل الاهتمام بتاعتك, يعنى انا يهمنى السرعه والامان والرفاهيه والسعربالاضافه للاقتناع بالسياره

التيدا = السرعه (9) - الامان (5) - الرفاهيه (5) - السعر(3) - الاقتناع (3)
اللانسر = السرعه (5) - الامان (9) - الرفاهيه (6) - السعر (6) - الاقتناع (5)
جين 2 = السرعه (9) - الامان (9) - الرفاهيه (8) - السعر (8) - الاقتناع (6)

حضرتك أديت الجين 2 أعلى الدرجات فى كل حاجة إلا الأقتناع .... طب لية ؟

[memo_sms]

حضرتك أديت الجين 2 أعلى الدرجات فى كل حاجة إلا الأقتناع .... طب لية ؟

اولا النسب دى مثال مش اكتر
انا مجربتش الجين 2 انا ركبتها فى المعرض بس من غير ما اسوقها وكذلك البرسونا, عايز اقولك الجين 2 فعلا ملفته للنظر ومع انى كنت رايح اشوف الجين 2 بس بصراحه البرسونا لما دخلتها وشوفتها فخمه جداا, غير ان فيها حاجات مش موجوده فى الجين 2 واوسع شويه (اصل معايا عيله ), وكده تاخد البيرسونا (8) عشان كده اديت للجين 2 (6)

بالمناسبه المقارنه اللى انا حطيتها دى للعربيات اللى فى فئه 100 الف جنيه, مع اعتبار ان التيدا متستحقش اكترمن كده فى وجهه نظرى, والصنى تنزل لـ 80 الف. وممكن تحط جنبهم الاوبترا (مع انى مش قابل منصور) والصنى (عتيقه شويتين بس عائليه) والسويفت (بحسها صغيره اووى بس شيك) والسيراتوا (الشكل الجديد فخم ومعرفش اكتر من كده) والاكسنت (شكلها حلو بس مش فاهم يعنى ايه ياخدوا شكل السوناتا ويصغروه عشان يبقى النترا ويصغر اكتر عشان يبقى اكسنت والاكسنت بحسها اقل من التيدا فى الثبات والامان).

[memo_sms]

بسبب الكلام عن الجين 2 والتيدا, انا كنت مأجل Test Drive خاص بالجين 2 ورحته من شويه ودى ملاحظاتى
1- سريعه زى التيدا
2- صوت موتورها عالى بس حلو مش زى اللانسر.(اللى مش بيحب صوت المواتير بلاش احسن خصوصا اللانسر)
3- المرايا سيئه جدااااا لانها صغيره جدااا
4- قعدتها مريحه وواسعه
5- محتاجه فرامل كويسه لان العربيه بتجرى واللى انا سوقتها فراملها كانت عايزه تغير قماشات.

رجعت شوفت البيرسونا لقيت مرايتها كبيره مش زى الجين 2 لان بصراحه المرايه دى رخمه اوى فى الجين 2 بس البيرسونا الكاست بتاعها شكله رخم اووى بس دى الملحوظه الوحيده اللى شوفتها فى البيرسونا ومعجبتنيش.(طبعا بتكلم عن البيرسونا الاليجانس)
وبكده يفضل الاقتناع بتاع الجين 2 (6) والبيرسونا (8) - وجهه نظرى

بعدها روحت على رينو عشان اشوف الفلوانس لانى اعرف واحد لسه جايبها وهى بتبتدى بنفس سعر التيدا تقريبا فى مصر ودى ملاحظاتى
1- فخمه جداااااا خصوصا الهاى لاين بس فيها اوبشن تضييع فلوس وخلاص (النسخه SE مقبوله جدا بس اغلى من التيدا بشويتين)
2- مش سريعه, زى التيدا عشان الحجم اكيد
3- ثابته واكتر امان من التيدا بكتير
4- عاليه عن الارض زى التيدا عشان المطبات والشغل ده.
5- بصراحه حسيت ان حرام يركب عليها 1600 سى سى العربيه محتاجه على الاقل 1800سى سى عشان تبقى سريعه وطبيعيه وفكرتنى بالجراند فيتارا.
عرفت كمان ان النسخ اللى فى مصر تركى واللى فى السعوديه كورى والله اعلم


انا جبت سيره الفلوانس لان جت سيره التيدا وبعدنا عن 100 الف اللى متفقين عليها , واللى يروح ناحيه 150 الف من رأيى بلاش تيدا ولا كرولا متستهالش المبالغ اللى هتندفع فيها