يا رجالة المنتدي اخوكم محتـــار و دماغي هتنفجر

[Ahmed.Ali]

بسبب الكلام عن الجين 2 والتيدا, انا كنت مأجل Test Drive خاص بالجين 2 ورحته من شويه ودى ملاحظاتى
1- سريعه زى التيدا
2- صوت موتورها عالى بس حلو مش زى اللانسر.(اللى مش بيحب صوت المواتير بلاش احسن خصوصا اللانسر)
3- المرايا سيئه جدااااا لانها صغيره جدااا
4- قعدتها مريحه وواسعه
5- محتاجه فرامل كويسه لان العربيه بتجرى واللى انا سوقتها فراملها كانت عايزه تغير قماشات.

رجعت شوفت البيرسونا لقيت مرايتها كبيره مش زى الجين 2 لان بصراحه المرايه دى رخمه اوى فى الجين 2 بس البيرسونا الكاست بتاعها شكله رخم اووى بس دى الملحوظه الوحيده اللى شوفتها فى البيرسونا ومعجبتنيش.(طبعا بتكلم عن البيرسونا الاليجانس)
وبكده يفضل الاقتناع بتاع الجين 2 (6) والبيرسونا (8) - وجهه نظرى

بعدها روحت على رينو عشان اشوف الفلوانس لانى اعرف واحد لسه جايبها وهى بتبتدى بنفس سعر التيدا تقريبا فى مصر ودى ملاحظاتى
1- فخمه جداااااا خصوصا الهاى لاين بس فيها اوبشن تضييع فلوس وخلاص (النسخه SE مقبوله جدا بس اغلى من التيدا بشويتين)
2- مش سريعه, زى التيدا عشان الحجم اكيد
3- ثابته واكتر امان من التيدا بكتير
4- عاليه عن الارض زى التيدا عشان المطبات والشغل ده.
5- بصراحه حسيت ان حرام يركب عليها 1600 سى سى العربيه محتاجه على الاقل 1800سى سى عشان تبقى سريعه وطبيعيه وفكرتنى بالجراند فيتارا.
عرفت كمان ان النسخ اللى فى مصر تركى واللى فى السعوديه كورى والله اعلم


انا جبت سيره الفلوانس لان جت سيره التيدا وبعدنا عن 100 الف اللى متفقين عليها , واللى يروح ناحيه 150 الف من رأيى بلاش تيدا ولا كرولا متستهالش المبالغ اللى هتندفع فيها

انا معاك ان كاسيب البرسونا شكله مش عاطفي بس هو فيه اهم اوبشن مش موجود في الجين2 USB ودا صدقني مهم جدا و مريح جدا جدا جدا عن تجربه في عربيتي التانيه
و موضوع نور التابلوه شيك في الايليجانس بصراحه

[memo_sms]

انا معاك ان كاسيب البرسونا شكله مش عاطفي بس هو فيه اهم اوبشن مش موجود في الجين2 usb ودا صدقني مهم جدا و مريح جدا جدا جدا عن تجربه في عربيتي التانيه
و موضوع نور التابلوه شيك في الايليجانس بصراحه

usb 2 انا مش شايفه مشكله خصوصا انك ممكن تغير الكاسيت كله وتجيب دى فى دى وفيه كل حاجه مش usb بس لكن للبيرسونا ملقتش نفس المساحه بتاعه الجين2 فى تغيير الكاسيت والله اعلم (هدور على النت واشوف)
بالمره بردوا الاليجانس بتتفوق على الجين 2 فى كام حاجه كده انا شوفتهم
1- مثبت السرعه (محدش هيقدر الميزه دى الا اللى بيسافر كتير وجربها على الطريق)
2- الشكل من جوه فخم وزى ما حضرتك قولت نور التابلوه شيك اووى
3- شكل العربيه من بره فخم والجين 2 شبابى اكتر
4- العربيه اوسع شويه من الجين فى الشنطه طبعا والكنبه ورا
5- الاشارات فى المرايات مش صغيره زى اللى فى جنب الجين 2
6- وزى ماقولت المرايات بتاعه الجين صغيره وبصراحه ضايقتنى كتير اووى, ولو هشترى الجين فى يوم من الايام هغير المرايات اول حاجه

ملحوظه : دائما النسخ الهاتش باك سعرها اعلى او مساوى للنسخه السيدان, اما فى بروتون الوضع مختلف

[saadelden]

بسبب الكلام عن الجين 2 والتيدا, انا كنت مأجل test drive خاص بالجين 2 ورحته من شويه ودى ملاحظاتى
1- سريعه زى التيدا
2- صوت موتورها عالى بس حلو مش زى اللانسر.(اللى مش بيحب صوت المواتير بلاش احسن خصوصا اللانسر)
3- المرايا سيئه جدااااا لانها صغيره جدااا
4- قعدتها مريحه وواسعه
5- محتاجه فرامل كويسه لان العربيه بتجرى واللى انا سوقتها فراملها كانت عايزه تغير قماشات.

رجعت شوفت البيرسونا لقيت مرايتها كبيره مش زى الجين 2 لان بصراحه المرايه دى رخمه اوى فى الجين 2 بس البيرسونا الكاست بتاعها شكله رخم اووى بس دى الملحوظه الوحيده اللى شوفتها فى البيرسونا ومعجبتنيش.(طبعا بتكلم عن البيرسونا الاليجانس)
وبكده يفضل الاقتناع بتاع الجين 2 (6) والبيرسونا (8) - وجهه نظرى

بعدها روحت على رينو عشان اشوف الفلوانس لانى اعرف واحد لسه جايبها وهى بتبتدى بنفس سعر التيدا تقريبا فى مصر ودى ملاحظاتى
1- فخمه جداااااا خصوصا الهاى لاين بس فيها اوبشن تضييع فلوس وخلاص (النسخه se مقبوله جدا بس اغلى من التيدا بشويتين)
2- مش سريعه, زى التيدا عشان الحجم اكيد
3- ثابته واكتر امان من التيدا بكتير
4- عاليه عن الارض زى التيدا عشان المطبات والشغل ده.
5- بصراحه حسيت ان حرام يركب عليها 1600 سى سى العربيه محتاجه على الاقل 1800سى سى عشان تبقى سريعه وطبيعيه وفكرتنى بالجراند فيتارا.
عرفت كمان ان النسخ اللى فى مصر تركى واللى فى السعوديه كورى والله اعلم


انا جبت سيره الفلوانس لان جت سيره التيدا وبعدنا عن 100 الف اللى متفقين عليها:e_braces[1]: , واللى يروح ناحيه 150 الف من رأيى بلاش تيدا ولا كرولا متستهالش المبالغ اللى هتندفع فيها

انت جربت العربيات دي في السعوديه ؟
انا عايز انزل اشوف البروتون جين 2 و البرسونا و شفروليه اوبترا
بس حاسس التوكيل بتاعهم في السعوديه ضعيف شويه

اللانسر كنت بفكر فيها بس حسيت فعلا ان ماتورها مزعج بس من حيث الامكانيات ف اعتقد انها كويسه

طب انت سألت علي اسعارهم في السعوديه ؟ انا عايز اخد فكره

[Ahmed.Ali]

usb 2 انا مش شايفه مشكله خصوصا انك ممكن تغير الكاسيت كله وتجيب دى فى دى وفيه كل حاجه مش usb بس لكن للبيرسونا ملقتش نفس المساحه بتاعه الجين2 فى تغيير الكاسيت والله اعلم (هدور على النت واشوف)
بالمره بردوا الاليجانس بتتفوق على الجين 2 فى كام حاجه كده انا شوفتهم
1- مثبت السرعه (محدش هيقدر الميزه دى الا اللى بيسافر كتير وجربها على الطريق)
2- الشكل من جوه فخم وزى ما حضرتك قولت نور التابلوه شيك اووى
3- شكل العربيه من بره فخم والجين 2 شبابى اكتر
4- العربيه اوسع شويه من الجين فى الشنطه طبعا والكنبه ورا
5- الاشارات فى المرايات مش صغيره زى اللى فى جنب الجين 2
6- وزى ماقولت المرايات بتاعه الجين صغيره وبصراحه ضايقتنى كتير اووى, ولو هشترى الجين فى يوم من الايام هغير المرايات اول حاجه

ملحوظه : دائما النسخ الهاتش باك سعرها اعلى او مساوى للنسخه السيدان, اما فى بروتون الوضع مختلف

نفس مساحه الكاسيت في العربيتين واحد لان في البرسونا راكب دين واحد و في مكان فاضي تحت

[romioramy]

انا رأيي لو حضرتك مش معاك أسرة كبيرة و ذو كثرة الشنط فعليك بال جين2 عن تجربة قوية اربع سنين و جميلة اوي و شكل جامد و بالنسبة للسرعة و الثبات 100 100 و ماشاء الله خطيرة جدا على الطريق ...كنت بفتح بيها لغاية 170-180 و زي الفل و بصارحة كنت بخاف اكتر من كده.

اختياري الثاني النيو النترا تحفة - ثبات - كبر حجم - شكل خطير - و عفشة 10 على 10

[memo_sms]

انت جربت العربيات دي في السعوديه ؟
انا عايز انزل اشوف البروتون جين 2 و البرسونا و شفروليه اوبترا
بس حاسس التوكيل بتاعهم في السعوديه ضعيف شويه

اللانسر كنت بفكر فيها بس حسيت فعلا ان ماتورها مزعج بس من حيث الامكانيات ف اعتقد انها كويسه

طب انت سألت علي اسعارهم في السعوديه ؟ انا عايز اخد فكره

انا جربت شويه عربيات هنا الحمد لله بس اللى ليهم علاقه بالموضوع التيدا واللانسر والفورد فوكس والنهارده الجين 2

البروتون توكيلها فى السعوديه تعبان على الاخر بس الشباب اللى هناك ودوديين جدا والسعر جين 2 كامله (42 الف) والبيرسونا اليجانس (46 الف) بس خلصت, اما الرينو فلوانس الهاى لاين (70الف) امال النسخه الـ SE اللى فيها كل حاجها زى الهاى لاين ماعدا شويه حاجات اعتبرتها انا تضييع فلوس لان الفرق كبير (15الف) زى فاتحه سقف وتدفئه المقاعد والبصمه حاجات زى كده... بس بردوا حجمها كبير على الموتور (كل الارقام دى تنزل 2000 ريال على الاقل خصوصا الايام دى)

بمناسبه الاوبترا انا مجربتهاش بس جربت الافيو مش عايز اقولك كرهت نفسى اد ايه, عربيه اللى يخرجها بره المدينه يبقى ظلمها
كنت بخاف اعدى 120كم والله بجد ومن ساعتها وانا مش قابل الشيرفرليه مع انى لما ركبت اللومينا اسد ماشى على الطريق واسد دى كلمه قليله.

اللانسر عربيه كويسه (على فكره البروتون لما تشوف الكبوت بتاعها من قدام وترتيب الماتور ورشاش الميه والزيت وغيره هتلاقيها متسوبيشى بالظبط , حتى زراير فتح الكبوت والبنزين ولمسات كتير بالظبط لانسر بومه وكلنا عارفين ليه) بس اللانسر ماتور مزعج ومش سريعه اووى فلو مش فارق معاك الكلام يبقى هتلاقيها تحفه. وبصراحه مش عارف سعرها ولا حتى التيدا بس معتقدتش اكتر من 55 الف ده للهاى لاين ده فى رأيى,وعلى فكره البروتون سعرها المفروض ينزل لـ 35 الف.

نفس مساحه الكاسيت في العربيتين واحد لان في البرسونا راكب دين واحد و في مكان فاضي تحت

فعلا عندك حق والكاست DVD بتاع الجين 2 يركب على البيرسونا
Products - Car DVD Player GPS Radio for Proton GEN-2/Persona - E3150 - Car DVD Player,Car GPS Navigation,Auto Radio,Car audio,Car Video Monitors, Wholesale gpsfever Eway Autoaudionet

[saadelden]

انا جربت شويه عربيات هنا الحمد لله بس اللى ليهم علاقه بالموضوع التيدا واللانسر والفورد فوكس والنهارده الجين 2

البروتون توكيلها فى السعوديه تعبان على الاخر بس الشباب اللى هناك ودوديين جدا والسعر جين 2 كامله (42 الف) والبيرسونا اليجانس (46 الف) بس خلصت, اما الرينو فلوانس الهاى لاين (70الف) امال النسخه الـ se اللى فيها كل حاجها زى الهاى لاين ماعدا شويه حاجات اعتبرتها انا تضييع فلوس لان الفرق كبير (15الف) زى فاتحه سقف وتدفئه المقاعد والبصمه حاجات زى كده... بس بردوا حجمها كبير على الموتور (كل الارقام دى تنزل 2000 ريال على الاقل خصوصا الايام دى)

بمناسبه الاوبترا انا مجربتهاش بس جربت الافيو مش عايز اقولك كرهت نفسى اد ايه, عربيه اللى يخرجها بره المدينه يبقى ظلمها
كنت بخاف اعدى 120كم والله بجد ومن ساعتها وانا مش قابل الشيرفرليه مع انى لما ركبت اللومينا اسد ماشى على الطريق واسد دى كلمه قليله.

اللانسر عربيه كويسه (على فكره البروتون لما تشوف الكبوت بتاعها من قدام وترتيب الماتور ورشاش الميه والزيت وغيره هتلاقيها متسوبيشى بالظبط , حتى زراير فتح الكبوت والبنزين ولمسات كتير بالظبط لانسر بومه وكلنا عارفين ليه) بس اللانسر ماتور مزعج ومش سريعه اووى فلو مش فارق معاك الكلام يبقى هتلاقيها تحفه. وبصراحه مش عارف سعرها ولا حتى التيدا بس معتقدتش اكتر من 55 الف ده للهاى لاين ده فى رأيى,وعلى فكره البروتون سعرها المفروض ينزل لـ 35 الف.
]

انا بصراحه الي شاددني اكتر الجين 2 و البرسونا بالنسبه للشكل و الكماليات و الامان و طبعا السعر

اللانسر حسيت انها قديمه جدا هي و الصني ف بحاول ابعد عنها بس هي تقريبا الوحيده الياباني الي قدامي بالنسبه للفئه دي

الاوبترا احسن من الافيو كتير و ركبتها كذا مره و ثباتها كويس لحد 150
الي خلاني افكر فيها انها عربيه واسعه جدا و مريحه و سعرها فل اوبشن بفتحه سقف و اسبويلر و جنوط و عتب ب 45 الف ريال و تقريبا عشان رمضان كله عامل خصم

انا شوفت التيدا بس ماعجبتنيش لان موديل السنادي مكسيكي و شايلين منها حاجات كتير
طبعا رخصت بس بردو مش عاجبني الي عملوه فيها

هو حضرتك شوفت العربيات دي في السعوديه ولا مصر ؟
انا في جده و مش عارف اوصل للمعارض لا عن طريق التليفون ولا عارف مواعيد الدوام في رمضان ؟!

[memo_sms]

انا بصراحه الي شاددني اكتر الجين 2 و البرسونا بالنسبه للشكل و الكماليات و الامان و طبعا السعر!

شكلهم حلو وسعرهم مقبول جداا, بس التوكيل السعودى تعبان, وبالمناسبه انا سألت عن الجمارك بتاعتها كام ووصلنى انها 50 الف مصرى بس ممكن نتأكد اكتر, بس طبعا حرام وافترا خصوصا ان مفيش فيها اى ميزه زياده عن اللى فى مصر, وانا افضلك ان تروح التوكيل الناس هناك محترمه واسأل على أ/ معتز

اللانسر حسيت انها قديمه جدا هي و الصني ف بحاول ابعد عنها بس هي تقريبا الوحيده الياباني الي قدامي بالنسبه للفئه دي!

فعلا اللانسر البومه والصنى شكلهم قدم اووى والمتسوبيشى الشارك مش عارف ايه نظامها او سعرها, بس اللى سامعه ان اليابانى سعره هيعلى عشان اللى حصل فى اليابان, ونصيحه منى انا مش شايف فى اليابانى غير الهوندا والمازدا والباقى مشى حالك وبلاش تتمسك فى اليابانى اووى خصوصا لوهتنزلها مصر

الاوبترا احسن من الافيو كتير و ركبتها كذا مره و ثباتها كويس لحد 150
الي خلاني افكر فيها انها عربيه واسعه جدا و مريحه و سعرها فل اوبشن بفتحه سقف و اسبويلر و جنوط و عتب ب 45 الف ريال و تقريبا عشان رمضان كله عامل خصم
!

انا مركبتش الاوبترا ومعرفش عنها حاجه صراحه بس شكلها من ورا احلى من قدام يعنى شكلها من قدام تقليدى اووى ولو هاتش باك من ورا بيبقى شكلها حلو, والموضوع يرجعلك

انا شوفت التيدا بس ماعجبتنيش لان موديل السنادي مكسيكي و شايلين منها حاجات كتير
طبعا رخصت بس بردو مش عاجبني الي عملوه فيها
!

التيدا اللى ركبتها كانت 2007 و 2008 ولو بتسافر كتير بلاش منها مرهقه جدا فى السفر عشان الثبات لازم تبقى مركز اووى وشادد جسمك لو سوقت على سرعات عاليه على عكس المتسوبيشى مريحه اكتر بس مش سريعه.
نسيت اقولك ان التيدا كانت روعه جوه المدينه وفى وسط الزحمه كنت بعدى بيها من اى مكان ومن اى زحمه بس لوهتسافر وناوى تجرى بيها اعمل حسابك تروح تريح باقى اليوم لانها متعبه فى السفر بس العربيه بصراحه اعتماديه, وكان عندى مشروع فتره كده كنت بسافر بيها حوالى 500كم يوميا فى محافظات حوالين جده ولمده شهرين تقريبا ومشتكتش العربيه الا مره واحده اتغير فيها الفتيس بس اتبهدلت معايا صراحه وانا بحب موتورها بس يركبوه على جسم يستحمل الموتور ده.

للعلم نيسان عامله نفس الغلطه فى الماكسيما (3500 سى سى) عربيه روعه سريعه ومش ثابته وسعرها عالى.

هو حضرتك شوفت العربيات دي في السعوديه ولا مصر ؟
انا في جده و مش عارف اوصل للمعارض لا عن طريق التليفون ولا عارف مواعيد الدوام في رمضان ؟!

انا فى جده بردوا لو احتجت اى حاجه انا تحت امرك
ومعارض السيارات من دوارالاندلس اللى عند مول بندا خد اتجاه الطريق السريع اول اشاره خد منها شمال شارع اسمه "على المرتضى" هتلاقى فيه كل التوكيلات روح وعيش وانتعش... بس خلى بالك الخميس نص دوام

Google Maps ده المكان على جوجل

سؤال مهم قبل ما تشترى انت ناوى تنزل العربيه مصر؟ ولا استخدام هنا بس؟ عشان هتفرق كتير

[saadelden]

بالنسبه للجمارك اما حسبتها كانت العربيه الي ب 40 الف ريال جمركها بيوصل ل 40 الف جنيه
لان الجمرك بيتحسب مش علي قيمه العربيه في السعوديه لا بيتحسب علي سعرها في بلد صنعها

هي الميزه ان المواصفات الخليجي بتفرق في جوده العزل و الدهانات و دا مكتوب في كتالوجات عربيات كتير
يعني الدهان مايبهتش بسرعه زي ما بنشوف ف مصر و طبعا التكيف احسن بكتير

سؤال مهم قبل ما تشترى انت ناوى تنزل العربيه مصر؟ ولا استخدام هنا بس؟ عشان هتفرق كتير

العربيه هتقعد سنتين في السعوديه و هتبقى لمشاوير البيت و ساعه الزحمه و كدا عشان هتبقى اوتوماتك ان شاء الله

انا بصراحه اكتر حاجه مخوفاني من بروتون هو التوكيل غير كدا العربيه ممتازه و سعرها كويس جدا
غير انها بقت منتشره في مصر دلوقتي و قطع غيار كتير ليها بقت موجوده ف اماكن كتير و ليها بدايل

بالنسبه لحكايه الياباني احنا معانا كورولا 2006 و ماشيه 330 الف كيلو و لسه تيل الفرامل شغال و طقم الدبرياج سليم و الماتور كويس
غير الالنترا قعدت 50 الف و اتغير التيل و 80 الف و اتغير اسطوانه الدبرياج غير انها بتزيق من كل حته و التكيف ضعيف غير الكورولا

[saadelden]

هي صحيح مواعيد العمل في رمضان بعد الفطار من الساعه كام ؟

[memo_sms]

بالنسبه للجمارك اما حسبتها كانت العربيه الي ب 40 الف ريال جمركها بيوصل ل 40 الف جنيه
لان الجمرك بيتحسب مش علي قيمه العربيه في السعوديه لا بيتحسب علي سعرها في بلد صنعها

اللى اعرفه انه بيتحسب على سعر دخولها مصر فى الجمارك المصريه, يعنى التوكيل دخلها مصر بفواتير بسعر وليكن 50 الف سنه 2011 ودفع عليها جمارك برقم معين يبقى حضرتك لماتجيب نفس العربيه الجمارك بترجع للاسعار اللى عندها حسب دخول اول عربيه فى نفس السنه وتدفع حضرتك بناء عليها, وبصراحه كنت متوقع جماركها 35 الف مش اكتر

هي الميزه ان المواصفات الخليجي بتفرق في جوده العزل و الدهانات و دا مكتوب في كتالوجات عربيات كتير
يعني الدهان مايبهتش بسرعه زي ما بنشوف ف مصر و طبعا التكيف احسن بكتير

البروتون بتيجى من ماليزيا بنفس المواصفات والدهان وكل حاجه سواء لمصر او السعوديه او غيرهم, يعنى مفيش فرق بينها وبين اللى فى مصر عشان كده الاختيار هيبقى صعب, لان مفيهاش مواصفات خليجى ولا تفرق

العربيه هتقعد سنتين في السعوديه و هتبقى لمشاوير البيت و ساعه الزحمه و كدا عشان هتبقى اوتوماتك ان شاء الله

انا بفكرنفس تفكيرك بس بالشكل ده وحسب حساباتى اخسر مع بروتون لو جبتها من هنا
وفى فكره اجمد وبتطبق على العربيات اللى جايه من الخليج وهى العربيات الاوربيه حضرتك هتاخد تخفيض 10% على الجمارك حسب الاتفاقيات بينا وبين اوربا على المنتجات الاوربيه ده طبعا بالاضافه لـ 10% بتاعه اول سنه وبكده تقدر تجيب حته اوروبى بسعر كويس وفيها مواصفات مش موجوده فى مصر وساعتها تقدر تقول معايا عربيه خليجى, زى ايه بقى من العربيات اقولك انا عربيتين البيجو 308 واللى هياخد توكيلها هنا نفس توكيل المازدا وهيعمل عليها عروض عشان يمشيها والكلام ده المفروض يحصل كمان شهر والله اعلم.... العربيه التانيه الرينو الفلوانس عشان كده حبيت اشوفها. طبعا عشان تجيب مواصفات اكيد مفيش منها فى مصر لازم تجيب الهاى لاين او اللى تحته على طول عشان الفرق يبقى محسوس.

انا بصراحه اكتر حاجه مخوفاني من بروتون هو التوكيل غير كدا العربيه ممتازه و سعرها كويس جدا
غير انها بقت منتشره في مصر دلوقتي و قطع غيار كتير ليها بقت موجوده ف اماكن كتير و ليها بدايل

معاك حق وانا لو هجيب البروتون هجيب البيرسونا ان شاء الله.

بالنسبه لحكايه الياباني احنا معانا كورولا 2006 و ماشيه 330 الف كيلو و لسه تيل الفرامل شغال و طقم الدبرياج سليم و الماتور كويس
غير الالنترا قعدت 50 الف و اتغير التيل و 80 الف و اتغير اسطوانه الدبرياج غير انها بتزيق من كل حته و التكيف ضعيف غير الكورولا

انا مش معترض على اليابانى عشان وحش ولا حاجه, انا معترض عليه لاننا بندفع فيها فلوس كتير اووى مع ان فى عربيات فى نفس المستوى وسعرها اقل
انا اجرت الكرولا يوم وكانت تحفه بس ضيقه, اللانسر والتيدا وهمه يابانى بردوا بس اوسع منها, وتمن الكرولا فى مصر حوالى 150 الف

واليارس اجرتها بتاع اسبوع جميله جدا وسريعه وفتيس المانيوال بتاعها عجبنى اووى بس سعرها اكتر من 120 الف مصرى, مش حرام ده

المتسوبيشى الوحيده اللى بشوف ان سعرها مقبول نوعا ما

هي صحيح مواعيد العمل في رمضان بعد الفطار من الساعه كام ؟

والله مش عارف بس اكيد كالعاده بعد صلاه العشاء مش التراويح

لو وصلت لقرار قولى يمكن اوصل انا كمان لان الموضوع مش سهل فعلا.

[saadelden]

المقارنه بقت صعبه و غير كدا فكره الشراء من السعوديه

بالنسبه للبروتون هتبقى من مصر احسن عشان لو جرا فيها حاجه يبقى التوكيل يتصرف او حتى لو محتاجه قطع غيار اقدر ادور عليها و الاقيها
اصلها هنا مش منتشره خالص و نادر اما بلاقيها ماشيه في الشارع مع انها عربيه كويسه و رخيصه و احسن من عربيات كتير زي الافيو و اليارس

لكن لو اوبترا او لانسر تقريبا هتبقى نفس السعر هنا او مصر لكن الي اتأكدت منه ان الاوبترا بتنزل مواصفات خليجي غير المواصفات المصري
الازاز فاميه و التاكيف اقوى و الدهانات مخصصه للمناطق الحاره اوبشنز اعلي ( فوج لايت - طاره مالتي فنكشن - ABS - 2 Air bags )
و طبعا قطع غيارها متوفره جدا سواء هنا او في مصر
لانسر لسه معرفش عنها حاجه و مش عارف اوصل للتوكيل لغايه دلوقتي

كان فيه من اسبوع قافلة كيا
كل عربيات كيا كانت موجوده لل Test drive و كان فيه ضيافه
بردو حاولت اتصل بيهم مفيش رد

عموما العربيه مش هتمشي كتير يعني ممكن ف السنتين دول تعمل بالكتير 20 الف كيلو لان موجود عربيه الشغل
يعني تقضي فتره الضمان في السعوديه و بعدين تنزل مصر

[aymanhemed]

نيسان ليفينا

ممكن اللى عنده خبرة من حضراتكم بالنيسان ليفينا .. يدينى رايه فيها عشان بافكر اجيبها

[memo_sms]

المقارنه بقت صعبه و غير كدا فكره الشراء من السعوديه

اعتقد ان احسن حل انك تزور المعارض مره واحده وعدى على جماعه بروتون بردوا, وتبقى قولى ايه الاخبار

ممكن اللى عنده خبرة من حضراتكم بالنيسان ليفينا .. يدينى رايه فيها عشان بافكر اجيبها

والله اول مره اسمع عنها, والغريب ان لقيتها على كونتاكت كار وسعرها كويس وناس قايله انه جابتها وبتشكر فيها بس الاغرب بقى ان مفيش عنها اى معلومه على موقع
What Car? - New and Used Car Reviews, Car Deals, News & Advice
ولاحتى موقع
Drive Arabia - Dubai Live - UAE, Saudi, Kuwait, Oman, Qatar, Bahrain and GCC

شكلها حلو بس خايف تكون افتكاسه من افتكاسات الوكلاء المحليين ولو حد عنده معلومه عنها ياريت يقولنا

[saadelden]

مشكله المواعيد في رمضان بتبقى مزنوق سواء الصبح ساعه الشغل او بليل بعد التراويح
لو مانزلتش في رمضان ممكن انزل بعد العيد ان شاء الله