ماذا تفضل ؟

[emadfk]

من وجهة نظرى ان اليابانى يستاهل فيه الفلوس انا بقالى سبعة وعشرين سنة راكب يابانى عمرى ما ندمت على قرار شرائه

وعندما قررت بيع العربية برضه اشتريت يابانى عربيه يعتمد عليها قطع غبار معمرة لاتعطل بدون سابق انذار

يعنى هذه وجهة نظرى و الله اعلم

[emadfk]

نسيت اقول حاجة صغيرة انا كان عندى مازدا 929 glx فول اوبشن وحتى عندم بعتها لم تحتاج اى تغيرات رئيسية بل كلها قطع غيار عادية جدا

وشكرا

[أبو عبدالله]

ايه يا جماعه امال بتوع الوزه فييييييييييييييييييييييييين

هيا المقارنه دي مش قد المستوى ولا ايه :mrgreen: :mrgreen: :mrgreen:

[awny_douha]

الموضوع حلو بس كاتب الموضوع محددش مبالغ السياره فلو المبلغ مفتوح فرأيي الأمريكي رقم واحد انا شغال في السعوديه والعربيات اللي هنا 75% منها أمريكي وطبعا ماركات انا عن نفسي مكنتش اسمع عنها قبل ماجي السعوديه وطبعا الشكل والحجم والصالون والموتور وعايز مانت عايز تقول قول
لكن في مصر الوضع مختلف الظروف المتوسطه في مصر انا بفضل فيها الياباني عشان سعره متوسط او فوق المتوسط بحاجات بسيطه وقطع الغيار سعرها معقول وموديلات كويسه

[أبو عبدالله]

لأ حضرتكم احنا مش بنقول ان المبلغ محدد ولكن معادلة
يعني امكانيات جيده + رفاهيه جيده + خامات جيده + قطع غيار جيده ( كسعر وكعمر افتراضي + شكل جيد + عمر جيد +ماتور جيد + اداء جيد + عيوب لا تذكر + سهولة في اعادة البيع مع سعر جيد .............. كده يعني ده المقصود لكن الامريكاني معروف ولكن مش ده الجيد

افتكر في برنامج توب جيير مره كانوا بيقارنوا بين جاجوار وكريسلر 300 ام وعربيه ساب

المقارنه مش كانت بره السعر ولكن السعر مهم للمشتري ولذلك فازت الساب لكفائتها من كل الجوانب بالغضافه انها ارخص من الجاجوار بحوالي 20 الف جنيه ولكن كانت اغلى من الكريسلر ............. الموضوع مش موضوع سعر ولكن موضوع

================= هتدفع كام مقابل ايه ==============

[mohamed el hussien]

الماني الماني الماني
وبعد كدة بكتير ياباني ومش فرق عن الكوري غير العمر الافتراضي بس

[vooooo]

يا أستاذ أبو عبد الله
افتكرت جميع الدول المصنعه للسيارات و نسيت اهم دوله
فين السويد؟ الفلوفو و الساب
دول عربيتين تحفتين فى رأيى أفضل من الألمانى
و بريطانيا و التشيك و ايطاليا
الظاهر فيه تحيز لعض الدول

بس لو السؤال بعيد عن السعر و الأقتصاديه فى البنزين و قطع الغيار

أنا أفضل الأمريكى ( فعلآ اقول عليها عربيات ) و طبعآ الأمريكى معرووووووووف من زمان
لكن لو عربيه هشتريها هفكر فى سعرها و قطع الغيار و هكذا

[bassam nagy]

الالمانى بكل انواعة ممتاز قطع الغيار غالية بستستاهل الية تدفع فيها عربيات مريحة عفشة تحفة قاعدة ممتازة سيارات العمر الطويل

[Abonora]

فعلا مقارنتك مش قد المستوى-- :lol: :lol: :lol: :lol: :lol: :lol: :lol: :lol:

[PRO-DRIVE]

لو فيه مراكز خدمة محترمة والعربية منتشرة هاشتري أمريكاني .. السيارات الأمريكية دليل رائع على الفخامة والرفاهية والأداء القوي جداً وخصوصاً في الموديلات الكبيرة .. أنا لا أتكلم هنا على السيارات التي تنتجها الشركات الأمريكية العالمية ولكني أتكلم عن السيارات المنتجة داخل الولايات المتحدة نفسها يعيبها طبعاً استهلاكها الرهيب في البنزين ( في العالم ) ، وارتفاع قطع غيارها ، وغياب وكلائها المحترمين ، وارتفاع سعرها ، وندرة قطع غيارها في مصر ، ولكن في رأيي لو هناك وكيل محترم لأي ماركة أمريكية مثل الكاديلاك أو الشيفرولية سوف تتغير هذه الصورة



انت عايش ايام اولدزموبيل :mrgreen:
والله كل شركة جى ام لا تسوى كل الامريكى اللى بيجينا اساسا هولدن استرالى و كاديلاك والله العظيم اذا ركبتوها اللكزس برقبتها 100000000000000000 مره :roll: خلاص المصل كارز و اولدزموبيل عفى عليهم الزمن متبقاش غير كورفت و فايبر و كمارو و تشالنجر و جى تى من فورد بس دول المصل كارز لكن الباقى فى الضياع كله زفت

[فادى]

و فين الايطالى؟؟؟
أنا أختار الايطالى يليه الأمريكانى يليه الألمانى يليه الفرنساوى.

الايطالى : أفضل السيارات من ناحية الأداء و أفضل محركات و أكثر السيارات ابتكارا و ذكاء, و أجملها شكلا - قطع غيار متوفرة خاصة الفيات, سعر معقول, معمرة الى حد كبير بالنسبة لسعرها.

[محمد ابراهيم 1]

رغم إنى نازل من فرنساوى وراكب حاليا يابانى
لكن لو الفلوس موجوده
يبقى الألمانى بس مش أوبل
وبعديه الفرنساوى
وبعديه اليابانى
وحستبعد الأمريكى والكورى والصينى

[Noha.M]

الصراحة بفضل اليابانى عشان تكلفة اقتناءه نفسها معقولة لكن الالمانى حتى لو معايا

فلوسه مش هجيبه هشان امتلاكه اصلا مكلف الا لو ربنا كرمنا اوى بأة و جبنا المرسيدس:D



الكورى برضه كويس بس مش عاوز مرمطة عشان يعيش معاك

[tutankhamoun]

أعتقد يا جماعة إن السؤال بتاع الإستطلاع مش صح

يعني في ماركات مش بلاد تصنيع

يعني مش كل الياباني حلو و مش كل الألماني مناسب لكل واحد و برضه اﻷمريكاني اللي هو اصلا قليل جدا في السوق المصري ..........

ممكن أشوف عربية ياباني مثلا تعجبني عن أي عربية أوروبي و العكس صحيح

على العموم رأيي الشخصي يذهب للسيارة نفسها بغض النظر عن بلد التصنيع إذا توافرت قطع الغيار و مراكز الصيانة

و انا راكب واحدة أيطالي .......... وواحدة ماليزي

و الأثنين مش محطوطين في الإستطلاع مع إن ايطاليا من أكبر منتجي السيارات في العالم و سيارتهم مشهورة في مصر عن الأمريكي مثلا

و لم أصوت لأني لا أختا ر السيارة على هذا الأساس

[mahamedaraby]

طبعا اليابانى بيعطيك قوه موتر وعربيه تستحمل ومش حاطين فيها حاجات ملهاش لزمه زى الفرنسوى وكده وكمبيوتر وسوفت وير والحاجات دى انا من وجهه نظرى اليابانى مناسب جدا جدا جدا لمصر