اوبـــــــــــــترا ولا جيـــــــــــن تــــو ... نصيحه لوجهه الله

[sniper23w]

السلاااااااااام عليكم ... كل عام وانتو بخيير
سريعاااااااااااااا كده نازل عرض على الاوبترا لغايت اخر رمضااااااااااااااان نازله 97 الف اتوماتيك ... و الجين 92 الف اتوماتيك ... انا عاوز اصلا حاجه فى الحدود دى .. يعنى متزدش عن 100 الف
عاوز مقارنه بينهم و من الاخر انهى احسن من حيث الجرى ... وايه اخبار قطع الغيار و الثبات
توكيلاتهم .. و اماكن بيعهم ... و الصياااااااااااااااااااااااااااااااانه

يارب تنجزووونى وتعاطفك لوحده مش كفايه تبرع ولو بمعلومه ...
ربنا يجزاكم كل خيييييييييييييييير

[ahmad--ezzat]

لا دى ولا دى

عليك وعلى النسيان

كل ما تتمناه

[Ghosts]

لو بتفكر فى عوامل الأمان والقوة والثبات ....
ومش فارق معاك سعر أعادة البيع و الصيانة الغالية وقطع الغيار اللى ممكن تتعب شوية عشان تلاقيها ....
يبقى هات الجين 2 وش ....

لكن لو بتفكر فى سعر أعادة البيع وقطع الغيار اللى من السهل جدآ تلاقيها فى أى حتة ....
يبقى الأوبترا ....

فى البلد دى الكورى النهاردة هو الكسبان ....
وأديك شايف العربيات الكورى مغرقة كل شوارع المحروسة وحواريها ....
نصيحة الناس كلها لأى حد عايز يشترى عربية هى :
هات عربية ليك وللسوق ....
. When in Rome , do as the Romans do
اللة يكون فى عونك وعون أى حد عايز يشترى عربية فى بلدنا دى .

[kamatsho]

لو بتفكر فى عوامل الأمان والقوة والثبات ....
ومش فارق معاك سعر أعادة البيع و الصيانة الغالية وقطع الغيار اللى ممكن تتعب شوية عشان تلاقيها ....
يبقى هات الجين 2 وش ....

لكن لو بتفكر فى سعر أعادة البيع وقطع الغيار اللى من السهل جدآ تلاقيها فى أى حتة ....
يبقى الأوبترا ....

فى البلد دى الكورى النهاردة هو الكسبان ....
وأديك شايف العربيات الكورى مغرقة كل شوارع المحروسة وحواريها ....
نصيحة الناس كلها لأى حد عايز يشترى عربية هى :
هات عربية ليك وللسوق ....
. When in Rome , do as the Romans do
اللة يكون فى عونك وعون أى حد عايز يشترى عربية فى بلدنا دى .

بالظبط كده

[sniper23w]

لا دى ولا دى

عليك وعلى النسيان

كل ما تتمناه

فكرت والله فى النيسان .. بس شكلها مش عاجبنى اوى ... عاديه يعنى وده اللى مش عاجبنى برضو فى الاوبترا ... شكلها مش زى الجين تو انا ليا فى الرياضى الهاتش باك بس بعد الجواز و الخلفه ... قررت اكبر العربيه شويه يعنى ابص لحاجه كبيره وواسعه و عائليه بس حاسس انى ممكن الاقى اللى انا عايزه فى الجين تو برضووو ... الاوبترا اوسع و عائليه اكتر ...

[Ghosts]

فكرت والله فى النيسان .. بس شكلها مش عاجبنى اوى ... عاديه يعنى وده اللى مش عاجبنى برضو فى الاوبترا ... شكلها مش زى الجين تو انا ليا فى الرياضى الهاتش باك بس بعد الجواز و الخلفه ... قررت اكبر العربيه شويه يعنى ابص لحاجه كبيره وواسعه و عائليه بس حاسس انى ممكن الاقى اللى انا عايزه فى الجين تو برضووو ... الاوبترا اوسع و عائليه اكتر ...

لية مش بتفكر فى الأكسنت rb ؟

[ahmad--ezzat]

اسمع كلامى انا مجرب الكورى كتيررررررررر
النيسان مكنه جمده وعفشه صلبه وتقفيل حديد مش هتتعبك نفسيا زى معظم العربيات اللى نازله بالاضافه الى التوكيل المحترم والخدمه الكويسه...عربيه بنت عيله من الاخر
اللهم بلغت اللهم فشهد
والامر ليك فى الاول والاخر

[sniper23w]

لو بتفكر فى عوامل الأمان والقوة والثبات ....
ومش فارق معاك سعر أعادة البيع و الصيانة الغالية وقطع الغيار اللى ممكن تتعب شوية عشان تلاقيها ....
يبقى هات الجين 2 وش ....

لكن لو بتفكر فى سعر أعادة البيع وقطع الغيار اللى من السهل جدآ تلاقيها فى أى حتة ....
يبقى الأوبترا ....

فى البلد دى الكورى النهاردة هو الكسبان ....
وأديك شايف العربيات الكورى مغرقة كل شوارع المحروسة وحواريها ....
نصيحة الناس كلها لأى حد عايز يشترى عربية هى :
هات عربية ليك وللسوق ....
. When in Rome , do as the Romans do
اللة يكون فى عونك وعون أى حد عايز يشترى عربية فى بلدنا دى .

عندك حق والله ربنا يكون فى عون اى حد فى اى حاجه هنا فى مصر

بص انا ناس كتير خوفتنى من حوار الريسال اعادة البيع ... وقالولى الجين سوقها نايم شويه .. بس عاجبنى شكلها وركبتها عجبنى تقفيلها .. وثباتها و قالولى انها تعرف تعمل غرز وانتى معدى 170 ..
وكفايه ان دوله مسلمه عاملاها ...
الاوبترا عربيه كامله اه وكل حاجه وقطع غيارها ارخص بكتير بس شكلها مش اللى هو اووى يعنى زى ما انا بفضل .. ومش هتجرى معايا زى الجين تووو ...
كان ممكن قبل الجواز و النونو .. مفكرش واجيب جين تو وش
بس برجع اقول عاوز عربيه شنطتها كبيره و واسعه وفى نفس الوقت قطع غيارها رخيصه
ارجع ابص عليها الاقيها مش شخصيتى ومش هعرف اجرى بيها .. احتار و ابص للجين تو

[sniper23w]

لية مش بتفكر فى الأكسنت rb ؟

معرفش مركبتهاش ومش برتاح اوى للهيونداى ... واسمع ان قطع غيارها عاليه ...
هى قريبه من الجين تو ؟؟

[sniper23w]

اسمع كلامى انا مجرب الكورى كتيررررررررر
النيسان مكنه جمده وعفشه صلبه وتقفيل حديد مش هتتعبك نفسيا زى معظم العربيات اللى نازله بالاضافه الى التوكيل المحترم والخدمه الكويسه...عربيه بنت عيله من الاخر
اللهم بلغت اللهم فشهد
والامر ليك فى الاول والاخر

مشكووور يا بشمهندس ,,, اكيد هاخد كلامك فى الاعتبار ... ودعواتك

[Ghosts]

هى قريبه من الجين تو ؟؟

ال RB المانيوال ب 94500 جنية ....
بس بصراحة شكلها رهيييييييييييييييب و أحلى أكيد من الجين 2 ....
بص وقولى رأيك أية ....

All New Hyundai Accent - YouTube

[sniper23w]

شكلها رهييييييييييييب فعلا بس انا عاوز اتوماتيك والاتوماتيك عامل 105 الف .. كتير عليا اوووى انى اعدى ال100 الف
قريت المقارنه بتاعت جين تو و الاكسنت .... الناس اغلبها موافقه على الجين تووو ... بس بيشتموا فى التوكيل و الصيانه
لسه كنت ببص على موضوعك بتاع الشكل لوحده و لا الشكل و المضموووون .. اصل لو فعلا شكل يبئا بص على الاسترا الجديده .. 180 الف ... الهيونداى جنبها ولا حاجه وغيرهم و غيرهم ... الفيستا كمان مثلا ...
بس منييييييييييييييييييييين .. العين بصيره و الايد قصيره

[Ghosts]

شكلها رهييييييييييييب فعلا بس انا عاوز اتوماتيك والاتوماتيك عامل 105 الف .. كتير عليا اوووى انى اعدى ال100 الف
قريت المقارنه بتاعت جين تو و الاكسنت .... الناس اغلبها موافقه على الجين تووو ... بس بيشتموا فى التوكيل و الصيانه
لسه كنت ببص على موضوعك بتاع الشكل لوحده و لا الشكل و المضموووون .. اصل لو فعلا شكل يبئا بص على الاسترا الجديده .. 180 الف ... الهيونداى جنبها ولا حاجه وغيرهم و غيرهم ... الفيستا كمان مثلا ...
بس منييييييييييييييييييييين .. العين بصيره و الايد قصيره

العربية دى غيرت كل حسباتى ....
وعايز أقولك أنى كنت ناوى خلاص على الجين 2 لحد ما ال rb طلعت ....
الصراحة جننتنى وبيتهيألى كدة أن موديلات هيونداى الجديدة هتعمل أنقلاب فى السوق المصرى ....
بس أستنى لحد ما أحوال البلد تستقر و أتفرج على مبيعات الهيونداى فى الأيام اللى جاية هتبقى عاملة أزاى ....

وهقولك تانى ....
بلاش تشترى عربية سعر أعادة بيعها مش كويس ....
وبعدين الفرق ما بين 100 و 105 مش كتير ....
هو أنت هتشترى كاش ولا قسط ؟

[ahmedaglan]

والله ياباشا هقولك علي حاجة ومش بشكور ف الاوبترا علشان انا ركبها
بس انا لما جيت اشتريت واكيد الواحد مش هيجيب كل يوم عربية
بصيت علي عربية كويسة وظريفة وشكلها مقبول وقطع غيرها ف كل حتة واتعرفت وعربية اعتمادية وسهل التعامل معاها وتوكيها مش هنقول ممتاز بس كويس وصالونها يسيع من الحبايب
الاجمالي العام عربية جيدا وكويسة جدا
وقبل اي حاجة متنساش صلاة الاستخارة
وربنا يقدملك الي فية الخير
وبالتوفيق ف القرار السليم

[mido_soliman]

of the record شتطة الجين2 مش صغيرة خالص