لانسر شارك ولا تويوتا كورولا 2012

[ahmed_aly_78]

أرجو رايكم

ايهما أفضل
1. لانسر شارك 2012 أعلى فئة, 162 ألف جنيه

أعتقد ثباتهـا ممتاز , و أعتقد يعيبها عدم الانتشار و صوت الموتور عالي.

2. تويوتا كورولا 2012 أعلى فئة, 167 ألف جنيه.

مش عارف ليها عيوب ولا لأ؟ زمان لما كان الوكيل بينزل الجنوب افريقي و كان في خليجي ياباني كانوا بيقولوا الياباني ثباته مش كويس (بعكس الجنوب افريقي).

(طبعا موديل 2012 ياباني 100%)

أرجو حصر المقارنة في السيارتين دول فقط

[superb]

والله انا شايف الشارك اشيك و متطوره اكتر من الكورولا بالذات فى الموديل دا .. الشارك ليها احترامها و الكورولا المصممين كانو نايمين و صمموها ؟

[M_Marwan]

بص الأتنين يابانى محترم جدا

أنا مش حنحاز لعربيتى زى ما كل الناس بتعمل

صلى أستخاره وأختيار موفق أن شاء الله

[MaZaGAngeE]

العربيتين حلوين
بس العربيتين هيتغيروا خلال سنة

[HISHAM80]

بدون تحيز أنا ركبت الاتنين لما اشتريت جبت هوندا
تويوتا عربيه تم تصميمها لتناسب شريحه عمريه في سن متوسط يعني تصميم كلاسيكي جدا في الداخل متحسش انها 2012 ومن الخارج
المميزات عزلها أحسن من الانسر خصوصا صوت الموتور سعر اعاده بيع عالي نظرة لثقافة السوق المصري و اسم Toyota
الموتور ممتاز وهادي اقوى من الانسر شويه
عفشه torsion beam بس مريحه
الانسر تصميم ثوري ورياضي الصراحه بشفهـا تحفه
من جوه واسعه ومريحه
عفش أصلب من كورولا شاسيه قدرا ته الالتواءيه اعلى بكتير اكثر رياضيه وراحه عن كورولا هو نفسه شاسيه أوتلاندر جيب كومباس
عيبها موتور مسموع شويه نتيجه العزل
الكامله تحفه خصوصا الي فيها الصب
سعر اعاده البيع قوليل شويه نظرا لجهل الناس بيها
ونا راكبها كنت مبسوط ومش عايز أنزل منها ممكن تقول تدخل البهجه على الي راكبها مش عارف ده كان احساسي
راي الشخصي شارك هتها مستعمله كامله ماشيه 450000 في حدود 100000 جنيه يبقى حضرتك خد عربيه اعلي من قيمتها كتير وهتسمتع بيها الاهم حضرتك حول تسوق الاتنين قبل ما تشتري علشان تحكم عليهم أكتروربنا يوفقك

[Dr.M.Mowafy]

انا الصراحه جربت البومه 2007 والتيوتا 2007
واعجبت جدا بالتيوتا 2007
بس برودا استني راي الناس الي جربت الموديلات الي بتتكلم عنها

[IronHead]

انا الصراحه جربت البومه 2007 والتيوتا 2007
واعجبت جدا بالتيوتا 2007
بس برودا استني راي الناس الي جربت الموديلات الي بتتكلم عنها

عندك حق, بس لو ركبت الشارك هتقول كلام تانى خالص, مفيش وجة مقارنة مبين البومة والشارك اطلاقا

[IronHead]

عارف لو كانت الكورولاالجنوب افريقى كنت هرشحهالك عشان كماليتها عالية قوى, بس الكورولا اليابانى لأ, هتدفع 167 الف من غير ماتاخد كماليات خالص (فتحة سقف, جنت سبور, مالتيفنكشن وشكرا على كدة)
على عكس الشارك, و اشترى ثالث فئة اللى ب155 عشان الفرق مبينها ومبين اعلى فئة كلام فارغ وميستهلش فرق ال 7 الف ( الفتيس, متحدد بالكروم, وتالبوه ابنوس بنى غامق)
فى موضوع هايل عن الشارك 2011 بالتفصيل لازم تبص عليه

http://www.nilemotors.net/Nile/237725-2011.html

هو كلام الاخ اللى اقترح شارك كسر زيرو عين العقل بس صعب تلاقى منها كسر زيرو او استعمال خفيف عشان اللى معاه العربية دى ومحافظ عليها مش بيبعها

يعيب الشارك حجتين بس
1- سعر اعادة البيع مش زى الكورولا
2- الشنطة صغيرة نسبيا عشان الجنت ال 16 واكلها ومش مخليها غويطة لتحت

[Dawns_Mist]

لو انت شاب ، و بتحب تجري و تحب تحس بإلتسارع و القوة .. و كمان كماليات ممتازه خصوصا فئةالهاي لاين .. يبقى شارك
لو هتفكر بنفس التفكير المصري في سعر إعادة البيع ، و التوكيل المحترم .. يبقى الكورولا

لكني أعترف إن لانسر تفوقت على كورولا الموسم ده إجمالا في كل شيء تقريبا .. خصوصا بعد ما عملت تست درايف سريع للعربيتين ..

[ahmed_aly_78]

طيب إيه أخبار ثبات كورولا؟

[ramykimo]

متابع باهتمام .. ياريت الناس تشاركنا الراى

[medo_msmsa]

بالنسبة للكرولا وعن تجربة عربية أقل من عادية

[Formulator]

طيب إيه أخبار ثبات كورولا؟

سىء (كـ العادة).. عن تجربة لكورولا 2009 MMT جنوب أفريقى, والجديدة الأوتو اليابانى 2011
عشان الناس اللى بتقول فيه فرق فـ العفشة..؟؟!!! ولا الهوا, مفيش أى فرق..!!
العربية ناعمة فـ المطبات والحفر, لكن تجرى بيها وغرز وسواقة Spirited... انسى..
الثبات فـ السرعات العالية متواضع, والدركسيون السىء (كـ تحكم) بيزود احساس عدم الثقة..!!

على العكس تماما:
الشارك, ولو ان موتورها أقل من الكورولا 1.5 Mivec:
لكن أكثر ثباتا وقدرة على المناورة.. الشارك بتدى confidence للسواق فـ السواقة الرياضية.
وده أكيد عشان شاسيه الـOutlander وعفشة خلفية Multi-Link زى الأيفوليوشن..!!

btw: جزئية صوت موتور الشارك العالى, مش عشان العزل سىء.. لأ
لكن عشان بتضطر تضغط عـ الموتور لـrpm عالية عشان تسحب معاك, فـ بتسمع صوته عالى..!!
أضف الى كده: الفتيس الأوتو الـ4 سرعات فقط (لااااااااااازم صوت الموتور يبقى عالى)..

[IronHead]

سىء (كـ العادة).. عن تجربة لكورولا 2009 mmt جنوب أفريقى, والجديدة الأوتو اليابانى 2011
عشان الناس اللى بتقول فيه فرق فـ العفشة..؟؟!!! ولا الهوا, مفيش أى فرق..!!
العربية ناعمة فـ المطبات والحفر, لكن تجرى بيها وغرز وسواقة spirited... انسى.. :t_thum1[1]:
الثبات فـ السرعات العالية متواضع, والدركسيون السىء (كـ تحكم) بيزود احساس عدم الثقة..!!

على العكس تماما:
الشارك, ولو ان موتورها أقل من الكورولا 1.5 mivec:
لكن أكثر ثباتا وقدرة على المناورة.. الشارك بتدى confidence للسواق فـ السواقة الرياضية.
وده أكيد عشان شاسيه الـoutlander وعفشة خلفية multi-link زى الأيفوليوشن..!!

btw: جزئية صوت موتور الشارك العالى, مش عشان العزل سىء.. لأ
لكن عشان بتضطر تضغط عـ الموتور لـrpm عالية عشان تسحب معاك, فـ بتسمع صوته عالى..!!
أضف الى كده: الفتيس الأوتو الـ4 سرعات فقط (لااااااااااازم صوت الموتور يبقى عالى)..

تمام ياريس
بس الكورولا برضو فيتيسها 4 سرعات
وبخصوص علو صوت موتور الشارك ده بسبب علبه البيئة فى الشكمان, لو ركزت هتلاقى الصوت جى من ورا من مش قدام
بس عموما مواتير التويوتا انعم من الميتسوبيشى
بس فى الثبات الانسر دايما تكسب وده عشان عفشة الانسر مالتيلينك من 2004

[Formulator]

تمام ياريس
بس الكورولا برضو فيتيسها 4 سرعات
وبخصوص علو صوت موتور الشارك ده بسبب علبه البيئة فى الشكمان, لو ركزت هتلاقى الصوت جى من ورا من مش قدام
بس عموما مواتير التويوتا انعم من الميتسوبيشى
بس فى الثبات الانسر دايما تكسب وده عشان عفشة الانسر مالتيلينك من 2004

+1
أنا عارف ان فتيس الكورولا 4 سرعات برضه,
بس قصدى ان موتور التويوتا عشان اقوى سيكا, مش باين فيه أوى drawback بتاع الفتيس الأوتو..!!
وكمان مواتير الـmivec بالسعة دى (1500) ومن غير شحن.. لاااااااازم تضغط عليه شوية عشان يجرى..!

معاك فـ ان فعلا صوت الشارك العالى جاى من الشكمان (من الجنب و ورا).. مش قدام, بس أحسن من صوت التويوتا "الغسالة"..
ومازلت أفضل اللانسر شارك عن الكورولا,
بالتوفيق isA فـ الأختيار..