آخر كلام تيدا هاتشباك ولا ايفو

[sara2001]

مخبينها في جراج مخصوص هطلع في المعرض الجي (على حسب معلوماتي)

ونعم الذكاء ده بدل ماتنزل المعارض ويتعملها دعايه بما انها موجوده

هههههههههههههههههههههههههههههههه
مش سايب حد في حاله الراجل ده لا علي النت ولا علي الموبايل
بس لو الناس اختارت و ماشتراش نعمل فيه ايه بقي ساعتها ......................!!
في تيدا هاتش باك فتحة سقف عامله 5700 كيلوا لونها سماوي الراجل بيتكلم في علي كونتاكت كارز 121500
قوليله يخلص بقي علشان نخلص

ههههههههه انا عارفه انه تعبكم معاه
مش عارفه لو ما اختارش حاجه بعد كده نعمل معاه ايه

[sara2001]

هو مين احمد دا؟

هو اخي العزيز وطلب مني اعمله المقارنه دي علشان هو مشغول شويه

[الغزالى]

ده سعرها الفولي لودد غالبا زي باكدج 3 التربو 6 إيرباج وجنوط وفوجات وبلوتوث ومثبت سرعة وملتي فنكشن و usb طبعا ونواكل ومش فاكر إيه تاني هههههههه

نواكل ... طيب ما تنزل تربو .. بئى ويريحوا الناس ... واكيد التحفه blue & me ... ولامش هاينزل فيها

[yoko]

نواكل ... طيب ما تنزل تربو .. بئى ويريحوا الناس ... واكيد التحفه blue & me ... ولامش هاينزل فيها

هتنزل زي التربو بالظبط بس بموتور ال1600 وعلى فكرة الموتور ده أرحم في البنزين 92 ومش وحش كأداء هيسد مع أي 1600 في مصر

[ahmedezar]

السلام عليكم

أزيكم يا جماعة

طبعا أنا بأشكركم جدا علي تعبكم معايا أكثر من مرة في المقارنات العجيبة اللي أنا بأعملها ومعلش مدخلتش عملت المقارنة بنفسي لإني غصب عني الشغل مش مخليني أبص يمين وشمال

هو الحقيقة ده كان أخر ما توصلت ليه بعد لف وتدوير وبهدلة ناس كتير معايا منهم أختي ووليد عادل مشكوريين كتير علي مجهودهم ومعظم الناس هنا طبعا وفي قسم نيسان أخواتي كلهم

كل ده برده ولسه متردد حتى من الإيفو والتيدا وإن كان إقتناعي أكبر بالإيفو وخصوصا بعد كلام العضو المحترم formulator اللي بشكره كتير علي رأيه الحيادي و ده لا يمنع إن العربية التيدا عربية محترمة وفعلا واخده أربع نجوم في إختبارات الأمان الأمريكية والدليل إن بعد عنايه الله طلعت من العربية أنا وصاحبي سلام إلا من الكدمات والكابينة محصلهاش حاجة والخبطة كانت من الوجه تماما زي إختبارات الأمان.

عدم إقتناعي جي من عدم وجود ثقافة شراء عربية صغيرة زيرو بمبلغ 120 ألف في ظل عدم وجود بدائل تنافس في الجودة والأمان.

أنا ليا تعليق بس علي الإيفو في كذا نقطة

أولا إنها عربية سيتي كار مش عارف ده هينفع معايا ولا لأ في مشواري اليومي 85 ك ذهاب وعودة من حدائق الأهرام إلي التجمع الخامس وهل هتستحمل معايا ولا لأ؟؟؟

ثانيا ليه الزجاج الخلفي بكر أنا بنتي الصغيرة إبتدت تشد وتفتح وتلعب هل ده هيبقى أمان لما أسيبها ورا ؟

ثالثا عربية بالمبلغ ده ومفيش تصفيح أسفل الموتور لحمايته أو تقليل التراب؟؟

رابعا نازله بكاوتش 185 هل ده قليل يعني لو بقي 195 أو 205 هتفرق في الثبات

مفيش مسند يد و نور في منتصف الصالون (ده دلع مني مش مهم يعني )

أنا كنت منتظر اللينيا أو بدائل في المعرض بس أتاجل وواضح كده أن الدنيا بتسوء فا مش هيبقي في جديد أو أمل في عربيات جديدة.

معلش تعبتكم معايا

وأشكركم مره أخرى.

أحمد فؤاد

[Formulator]

نواكل ... طيب ما تنزل تربو .. بئى ويريحوا الناس ...

موتور الـT-JET بيتعمل فـ مصنع وااااااااااااحد فـ العالم.. Termoli فـ ايطاليا, وبيشتغل ببنزين 95 - 97/98..؟!!
موتور الـE-TorQ بيتعمل فـ البرازيل, وبيشتغل ببنزين 92 - ايثانول..؟؟!!!

تخيل بقى يا غزالى فرق التكلفة (فـ التصنيع + بلد المنشأ), والـComponents اللى هتتغير فـ العربية لو ركبلها موتور التربو..؟؟!!!

فـ المقابل لما تنزل 1600cc هتبقى أقل كتييييييييييير فـ التكلفة, وهيقدر ينزلها بسعر كويس..

عدم إقتناعي جي من عدم وجود ثقافة شراء عربية صغيرة زيرو بمبلغ 120 ألف في ظل عدم وجود بدائل تنافس في الجودة والأمان.

أنا ليا تعليق بس علي الإيفو في كذا نقطة

أولا إنها عربية سيتي كار مش عارف ده هينفع معايا ولا لأ في مشواري اليومي 85 ك ذهاب وعودة من حدائق الأهرام إلي التجمع الخامس وهل هتستحمل معايا ولا لأ؟؟؟

ثانيا ليه الزجاج الخلفي بكر أنا بنتي الصغيرة إبتدت تشد وتفتح وتلعب هل ده هيبقى أمان لما أسيبها ورا ؟

ثالثا عربية بالمبلغ ده ومفيش تصفيح أسفل الموتور لحمايته أو تقليل التراب؟؟

رابعا نازله بكاوتش 185 هل ده قليل يعني لو بقي 195 أو 205 هتفرق في الثبات

مفيش مسند يد و نور في منتصف الصالون (ده دلع مني مش مهم يعني )

أنا كنت منتظر اللينيا أو بدائل في المعرض بس أتاجل وواضح كده أن الدنيا بتسوء فا مش هيبقي في جديد أو أمل في عربيات جديدة.

أهلا يا باشا,
- مقدر جزئية ثقافة شراء عربية Super-Mini بالسعر ده, بس ماتنساش دى أرخص عربية "أوروبى" خالصة فـ مصر.. Specs وتصنيع..؟!!
فـ المقابل: هتشترى حاجة أكبر (أوروبى برضه).. فرق السعر هيبقى كبيييييير أوى..؟؟!!!

- مشوارك ده عاااااااااادى جدا, حتى بالنسبة لـCity Car زى البونتو.. وتستحمل طبعا, دى عربيات اتعملت عشان تعيش يا احمد بيك, معروفة عن الفيات (والأوروبى عامة)..
كمان لااااااااااازم بقى تاخد فـ اعتبارك: توفير البنزين الرااااااااائع بتاع المواتير الـFire, مع الأحتفاظ بأداء متوسط.. عصبى فـ الـmid-range على الأقل.. (وده اللى انت محتاجه فـ السواقة سواء داخل المدينة.. أو عـ الطريق..؟؟!!!
- معاك فـ نقطة الزجاج الخلفى... تشل بصراحة؟؟!!!
- الموتور مصفح من تحت بـ شاسيه معدنى (بارات).. لكن مفيش فبرة underbody, بس على فكرة معظم عربيات نيسان كـ مثال كده..؟!!

- كل الفيات (ومعظم الأوروبى) هتلاقى نور الصالون Spots فـ الأمام فقط, واعتقد الـPkg2 فيها مسند يد أمامى.. وحقك تدلع طبعا, انت هتدفع 120 ألف؟؟!!!

وبرضه انا مع الرأى اللى بيقول تستنى معرض فورميولا بتاع الأهرام, يمكن تظهر حاجات تانى..

[CryptonX]

موتور الـT-JET بيتعمل فـ مصنع وااااااااااااحد فـ العالم.. Termoli فـ ايطاليا, وبيشتغل ببنزين 95 - 97/98..؟!!
موتور الـE-TorQ بيتعمل فـ البرازيل, وبيشتغل ببنزين 92 - ايثانول..؟؟!!!

تخيل بقى يا غزالى فرق التكلفة (فـ التصنيع + بلد المنشأ), والـComponents اللى هتتغير فـ العربية لو ركبلها موتور التربو..؟؟!!!

فـ المقابل لما تنزل 1600cc هتبقى أقل كتييييييييييير فـ التكلفة, وهيقدر ينزلها بسعر كويس..

. [/COLOR]

الحتة دي مش مقتنع بيها يا مصطفى,
طب ماللينا التربو الكاملة كانت موجودة .. مش كانت ب 127 مثلا ؟ ولا ايه يا Yoko ?
اه صحيح بس كانت مانوال فقط :(

لا يبقى طنش :)

بس برده بصراحة ... بمنتهى الصراحة لصاحب الموضوع انا شايف انك تطلع اللينيا دي من الحسابات .. اولا شكلها قدم و حتتغير قريبا ثانيا من جوة بصراحة لا تقارن بالايفو نهائي :)

انا لو منك بامانة لو مش فارق معاك المحرك و الحجم (نسبيا) حاخد الايفو .. لانها تتفوق "كسيارة"
سيارة يعني ايه ؟ يعني سواقة افضل ثبات افضل امكانيات افضل تكنولوجيااعلى ... ممتعة اكثر يعني.

انما لو الاتنين دول فارقين معاك خد التيدا .. لانها تتفوق ك"صفقة"
صفقة يعني ايه ؟ يعني سيارة ياباني ( تقفيل مكسيكي اعتقد) بمحرك 1600 معقول جدا و كماليات بسيطة لكن اساسية و منها عوامل الامان في نفس الوقت اقتصادية جدا في تشغيلها كقطع غيار و صيانة و ضمان.


بس هي في حاجة معكننة عليا في موضووع التيدا دي الا وهي ان في شكل جديد برده منها نازل قريب جدا !!

يعني انا حاليا داخل على ال 30 سنة :)
من 4 سنين فاتوا ماكنتش حبص على التيدا دي نهائيا و كنت اخدت الايفو وش ..

الان بعد الجواز .... ممكن افضل التيدا زي ماقلت كصفقة كاملة .. مش حاجة حاجة داخلها .

[Formulator]

الحتة دي مش مقتنع بيها يا مصطفى,
طب ماللينا التربو الكاملة كانت موجودة .. مش كانت ب 127 مثلا ؟ ولا ايه يا Yoko ?
اه صحيح بس كانت مانوال فقط :(

أيون:
+ الـDualogic
+ الأوبشنز الجديدة
+ 10 آلاف جنيه زادت فـ كل الفيات/ الأوروبى..

يبقى بنتكلم فـ 145-150 ألف..؟؟؟!!!!!!!!! لو نزلت T-JET
محدش هيشتريها كده..

[الغزالى]

موتور الـt-jet بيتعمل فـ مصنع وااااااااااااحد فـ العالم.. Termoli فـ ايطاليا, وبيشتغل ببنزين 95 - 97/98..؟!!
موتور الـe-torq بيتعمل فـ البرازيل, وبيشتغل ببنزين 92 - ايثانول..؟؟!!!

تخيل بقى يا غزالى فرق التكلفة (فـ التصنيع + بلد المنشأ), والـcomponents اللى هتتغير فـ العربية لو ركبلها موتور التربو..؟؟!!!

فـ المقابل لما تنزل 1600cc هتبقى أقل كتييييييييييير فـ التكلفة, وهيقدر ينزلها بسعر كويس..

يا مسهل ما تنزل نشوف رأى الناس ... عنها ... المهم برضو انا عايز الحته ال 156 ,,,

[sara2001]

طيب ايه رأيكم في موضوع فرامل الإيفو ده ؟؟؟؟؟
http://www.nilemotors.net/Nile/201796-a.html

[yoko]

الموضوع قديم وحاله فرديه والعربيه إتصلحت وكله تمام حاليا وممكن تسأليها بنفسك

[sara2001]

الموضوع قديم بس ده بيتكلم عن عيب تصنيع موجود في بعض العربيات وفي الفرامل يعني حاجه على قدر كبير من الأهميه في العربيه ...... فهل ده اكيد وموجود فعلاً في بعض العربيات اللي نزلت مصر؟؟
يعني اللي هيشتري هو وحظه ممكن يصادفه العيب ده وممكن لأ
وكونها اتصلحت فده في رأيي مش صح لأن المفروض كانت العربيه ترجع مش تتصلح

[yoko]

الموضوع قديم بس ده بيتكلم عن عيب تصنيع موجود في بعض العربيات وفي الفرامل يعني حاجه على قدر كبير من الأهميه في العربيه ...... فهل ده اكيد وموجود فعلاً في بعض العربيات اللي نزلت مصر؟؟
يعني اللي هيشتري هو وحظه ممكن يصادفه العيب ده وممكن لأ
وكونها اتصلحت فده في رأيي مش صح لأن المفروض كانت العربيه ترجع مش تتصلح

دي الحاله الوحيده الي أعرفها والخطا مشترك فيها مش عيب تصنيع فقط لإن العربيه من أول يوم ومطلعة رساله check engine وإتمشى عليها فتره قبل ما الحادثه وطبيعي أي عربيه يبقى فيها نسبه خطأ لكن مشوفتش غير العربيه دي فيها المشكله دي

[sara2001]

دي الحاله الوحيده الي أعرفها والخطا مشترك فيها مش عيب تصنيع فقط لإن العربيه من أول يوم ومطلعة رساله check engine وإتمشى عليها فتره قبل ما الحادثه وطبيعي أي عربيه يبقى فيها نسبه خطأ لكن مشوفتش غير العربيه دي فيها المشكله دي

اكيد طبعاً اي عربيه فيها نسبة خطأ بس صعب تقبله في الفرامل لو مؤكد وجود عيب فيها
حاجه تقلق بصراحه

[yoko]

اكيد طبعاً اي عربيه فيها نسبة خطأ بس صعب تقبله في الفرامل لو مؤكد وجود عيب فيها
حاجه تقلق بصراحه

انا مش معترض بس العربيه منوره نور الصيانه ومطلعة رساله خطأ من أول يوم تجاهلها مينفعش وإن الواحد يمشي بيها كده يبقى بيعرض نفسه للخطر حتى لو التوكيل إستهبلوا وقالوا مفيهاش حاجة المفروض مستلهاش وأعمل إثبات حالة ساعتها التوكيل مجبر يغير العربيه