إعـــــــلان

Collapse

.

,
See more
See less

المنتدى ده يحير بجد

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    المنتدى ده يحير بجد

    يا جماعة انا بجد محتار اخر حيره ومش عارف الاقي عربية اشتريها

    معايا حوالي 70 باكو طالعين من لحم الحي

    قولت اشتري عربية قالو العربيات الاسبرانزا كماليات وناس كتير بيقولو عربية وحشة وصيني وبتاع

    قولت بلاش خلينا في الهيونداي ... قالو الفيرنا زباله ووحشة وتوكيلها وحش

    قولت خلينا في الدايو قالو بردو الدايو اللي نازل جديد بقى زي الزفت ووحش وتعبان وعربيات شكلها بقى قديم زيها زي ال 128

    وانا مش عايز اشتري عربية هاتش باك وفي نفس الوقت مش عايز اجيب مستعمل

    طب قولت ابص في المنتديات بتاع العربيات اللي رنجها اعلى من امكانياتي لاقيت الناي بردو بتشتم فيها
    لاقيت اليارس وحشه وفيها عيوب والكرولا الجامده اوي زي مسمعنى لقيتهم بيقولو الجديده مليانه عيوب

    واللانسر العربية اللي بعشقها قالو عليها مفيهاش عزل وصوتها عالي وفيها عيوب بردو

    شوفت الهوندا قالو مش حلو شفت الشيفورليه اوبترا قالو عربيه اي كلام شوفت الافيو قالك عربية ب حاجة وسبعين الف وقزاز قدام بس كهربا والباقي منفلة ومغيهاش ريموت يعني متنساش المصوجر مفتوح وتنزل

    قالو النيسان صني ... بردو ديقة ومش عارف فيها ايه والتجميع المصري كاني وماني

    قلت البروتون ... قالو مالماليزي زي زي الصيني .. وكمان فيها بردو عيوب
    مرديتش ابص على المرسيدس والبي ام دبليو لحسن حد يقول دي وحشه هيا كمان

    طب حد يقولي اشتري ايه ؟؟؟؟؟؟؟؟؟؟؟؟؟
    كل الناس اللي ركبين عربيات من اللي قولتوهم بيقولو دا عربية ملهاش حل
    واللي صاحبو راكب زيها بردو يقول ملهاش حل ... واي عربية تانيه من نفس الفئة السعرية تبقى وحشه وملهاش لازمة

    اشتري موتيسكل ولا فيزبا احسن واريح دماغي!!!!
    الكلمات الدلالية (Tags): 128, 1300, 1500, 1600, 20, 40, 50, font, lanos, اسعار, اسعار قطع الغيار, اسعار قطع غيار, افيو, التوكيل, الجديدة, الصيانة, الفئة, اللانسر, اللي, المالية, المرسيدس, المنتدي, الي, اوبترا, بجد, بروتون, بنزين, بيكانتو, تكييف, توكيل, جماعة, خدمة, دايو, دايو لانوس, ده, دى, ريو, زيرو, سبرانزا, سعر, سيارات, سيارة, شاهين, شيري, شيفورليه, صوت, ضمان, عايز, عربية, عربيه, عفشه, عن, عيوب, غالية, غيار, فئة, في, فيرنا, قطع, قطع الغيار, قطع غيار, كل, كماليات, لانسر, لانوس, لانوس 2, مراكز, مراكز خدمة, مرسيدس, مستعمل, مشاكل, مصر, مع, معرض, من, مواضيع, موتور, نار, نايل موتورز, نيسان, هاتشباك, هوندا, هي, هيونداي, وكيل, يحير
  • #2
    هاهاهاهاهاهاهاهاهاههاهاهاهاهاهاهاههاهاهاهاههاهاهاه اهاه
    فيزبا مليانة مشاكل وتوكيلها مش حلو

    Comment

    • #3
      مفيش داعى تشترى عربية خالص !!! ووفر فلوسك ما دام طالعة من لحم الحى !
      العربيات دلوقتى وجع دماغ و تراخيص مكلفة و بنزين غالى و اللى يحكهالك و اللى يخبطهالك ...
      يا راجل بلا وجع دماغ
      [SIGPIC][/SIGPIC]
      https://www.facebook.com/groups/SWIFTCLUBINEGYPT/

      Comment

      • #4
        توكل علي الله واشتري العربية المرتحلها كل العربيات التي ذكرتها كلها ماشة في شوارع القاهرة
        لاتنسي الاستخارة
        وبلاش موتيسكل ولا فيزبا عشان عيوبها كتير :confused2:

        [gdwl]-----------------------------------------------------------------------------------------
        إن لم تجد عدلا في محكمة الدنيا، فارفع ملفّك لمحكمة الآخرة.. فإنّ "الشّهود" ملائكة، و "الدّعوى" محفوظة، و "القاضي" أحكم الحاكمين[/gdwl]

        Comment

        • #5
          بص يامان كل عربيه هتلاقي فيها عيوب بس هتلاقي عيوب تفرق معاك وعيوب مش هتفرق معاك
          مثلا انت بتقول اللانسر صوتها عالي وممكن يكون ده مش هيفرق معاك بالنسبه لأنك مرتحلها في مثل بيقولك ( اركب اللي يعجبك ونفض لكلام الناس ) شوف انت عايز ايه واعرف العيوب دي هتضايقك ولا لأ وبعدين مافيش عربيه كامله من غير عيوب لأن لو عربيه كامله من غير عيوب يبقي كانت كل الناس جابتها وبقيت الشركات باعت طعميه
          بس نصيحه مني خليك في الياباني دي احسن تكنولوجيا وكمان الصيانه وايضا قطع الغيار ممتازه
          وعندك باردو الالماني اكتر من الممتاز بس لو انت قد قطع الغيار
          وعندك نجم النجوم الكوري وده زي ماتقول اللي واكل الجو بس هي عربيات بتاعت وقتها وبس وأسأل مجرب
          ويارب تختار حاجه تعجبك وتكون مبسوط وفرحان بيها
          وربنا يباركلك فيها ويكفيك شرها
          [CENTER]:11_5_14[1]:[/CENTER]

          Comment

          • #6
            ممكن لو عاوز عربية صغيرة تجيب بيكانتو ضمان 5 سنين و عربية ممتازة
            [CENTER]الحمد لله[/CENTER]
            [CENTER] [/CENTER]
            [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

            Comment

            • #7
              هههههههههه يا اخى هنا الكل مش معقول هيتكلم على العربية اللى جربها ويتغنى بجمالها لازم يطلع عيوب لزم الحرفنة يعنى .... بس صدقنى دى كلها حاجات بتختلف من شخص للتانى .... وبعدين حضرتك متخيل ان عربية تمنها معدى 50000 مكركبة .. امال يعنى الناس اللى راكبى الفيات والبيجو القديم يعملو ايه .. توكل على الله شوف النوع اللى بتستريحلو من حيث الإمكانيات ومراكز الصيانة وتوافر قطع الغيار وراحتك النفسية واستخير ربنا ... ان شاء الله ربنا يرزقك بعربية ممتازة تتمتع بسواقتها وربنا يكفيك شرها
              CHALLANGE THE BEST ... AND DIE WITH THE REST
              [SIGPIC][/SIGPIC]

              Comment

              • #8
                روح لمعرض سيارات جرب تركب كذا عربيه عجبينك وشوف انى واحده انت مرتاح لها
                "ذلك من فضل الله عليناوعلى الناس ولكن اكثر الناس لا يشكرون"

                الحمد لله

                Comment

                • #9
                  اخي العزيز لدي نصيحه اتمني ان تاخذ بها حتي تستريح:
                  1- اولا في شئ مهم اسمه صلاة الاستخاره ودي يمكن اخر خطوه بعد اختيار السياره ولكن اهم خطوه لانه توفيق ربنا سبحانه وتعالي.
                  2- لازم تحدد اولوياتك في العربيه و متطلباتك و تحدده بدقه و متوسعهاش قوي عشان انت كمان مقيد بمبلغ محدد يعني مثلا انا من اهم متطلباتي ان العربيه تكون واسعه عشان اسرتي كبيره و كمان تكون عاليه عن الارض عشان اتهريت مطبات و ضهري بيتكسر من رزع المطبات و حاجات تانيه كتير و علي اساسها باختار العربيه.
                  3- لازم تحدد من الاولويات دي مجموعه ممكن تتنازل عنها في مقابل تانيه عشان موضوع السعر.
                  4- لازم تشوف نفسك هل انت من النوع اللي بيحب عربيه الناس تبهر بيها و لا تكون عربيه تؤدي متطلباتك و تريحك انت شخصيا.
                  5- كمان لازم تقنع نفسك ان اختيارك هيكون افضل شئ في حدود امكانياتك.
                  6- في بعض الحاجات الاساسيه هيا اللي تدور عليها زي ان التوكيل محترم او قطع الغيار متوفره او العربيه شغاله ولا محدش بيشتريها وطبعا عمرك ما هتجد الكمال في اي عربيه حتي لو مرسيدس او بي ام او حتي فيراري لانها لو نزلت مصر مش هتستحمل يومين و هتفكك من بعضها.
                  7- واخيرا التوفيق من عند الله وكل واحد هياخد النصيب اللي ربنا كاتبه وفي ناس كتير اشترت عربيات زي الزفت زي الجيلي مثلا اللي تقريبا انقرضت عشان هيا سيئه جدا وزي السيتروين الصغيره اللي الناس رمتها في الزباله و علي الرغم من كده في ناس حافظو عليها وعربياتهم زي الفل لانهم صانوها و اعتبروها واحده من اسرتهم واهتمو بيها.
                  ربنا يوفقك و ارجو اني اكون ساعدتك بكلامي ده مش زودت حيرتك و متنساش بعد ما تختار اي عربيه صلي استخاره عشان ربنا يكرمك و يوفققك لما في الخير ان شاء الله.
                  [CENTER]الناس في فقه المعاملات علي ثلاثة احوال
                  جائر ظالم وهو من ياخذ اكثر مما يستحق ولا يعطي ما عليه
                  مكافئ عادل يعطي بقدر ما ياخذ بلا زياده ولا نقصان
                  متفضل يؤثر الاخرين عليه ياخذ بقدرما يسد حاجته ويعطي كل ما يستطيع
                  [SIGPIC][/SIGPIC][/CENTER]

                  Comment

                  • #10
                    مفيهومش تكييف يا معلم و حتلاقي بردوا فيهم عيوب

                    علي العموم انا مش عراف اسعدك ازاي والله بس لو محتاج اي سؤال اتفضل و انا اجاوبك :)

                    Comment

                    • #11
                      المشاركة الأصلية كتبت بواسطة fahd_628 مشاهدة المشاركة
                      ممكن لو عاوز عربية صغيرة تجيب بيكانتو ضمان 5 سنين و عربية ممتازة
                      الراجل بيقولك مش عاوز هاتشباك يا فهد :)
                      [SIZE="4"][COLOR="Blue"]Goodle[/COLOR][/SIZE]

                      [SIZE="4"][COLOR="Blue"]محمد عبد الجواد[/COLOR][/SIZE]

                      [COLOR="SeaGreen"][SIZE="5"]موضوع الساعة: الفن المسماري- حقائق تاريخية - متجدد[/SIZE]
                      [url]http://www.nilemotors.com/Nile/showthread.php?t=29892[/url][/COLOR]


                      [CENTER][SIZE="4"]مصر يامّة يا سفينة :)
                      شكلك كده.. هاتغرقينا :)[/SIZE][/CENTER]

                      Comment

                      • #12
                        دة طبيعى جدا لانك بتسال الاسئلة الخطاء... متسالش اجيب ايه... اسال دى عيوبها ايه و ميزاتها ايه

                        اولا الشعب المصرى ودنى :bigear: يعنى بيحب يسمع و يردد و خلاص... و انا متاكد نص الناس اللى قالوا على اى عربية وحشة ميعرفوش هى وحشة ليه... هما سمعوا كدة و خلاص

                        انت اللى تقرر تجيب ايه.. اكتب فى ورقة اللى انت عايزة من العربية و ايه اللى مهم بالنسبالك و ضرورى تكون العربية اللى حتشتريها بتوفرة ليك

                        ابحث فى كل قسم من اقسام العربيات اللى انت لقيت انها بتحقق الحاجات اللى انت عايزها و اعرف عيوبها و مميزاتها... و بشدد اللى راكبين العربية مش اى حد تانى... ما حك ظهرك مثل ظفرك

                        اكتب العيوب و المميزات و قارن بين العربيات و بعضها فى ضوء احتياجاتك و ردود الناس و انت اللى تقرر مش حد تانى

                        مثال على كدة لما انا كنت بدور على عربية كنت عايز حاجة:

                        1- مش غالية
                        2- قطع غيارها رخيصة و متوفرة
                        3- صيانتها سهلة و مش معقدة
                        4- اعادة البيع سهلة
                        5- تكون سيدان
                        6- تكون 4 باب
                        7- فيها تكييف
                        8- عربية اثبتت نفسها فى السوق مش حجرب فيها و تجرب فيا

                        دى اساسيات مينفعش التانزل عنها

                        الكماليات ممكن يبقى فيها اخد و عطا... يعنى لو موحود كويس... مش موجود يبقى مجر اخاك لا بطل

                        1- باور
                        2- سنتر لوك
                        3- موتور اكبر من 1300
                        4- تعليق مستقل للاربع عجلات
                        5- جر خلفى
                        6- RPM

                        بعد فحص و تمحيص لقيت ان المتاح فى الميزانية بتاعتى + المتطلبات بتاعتى هى اما BMW E30 او لانسر 98 او لانوس و لما نزلت السوق لقيت الBMW اللى فى حدود الميزانية موديلات نصف الى اخر التمانينات و غالبا بتبقى كنبة و بالتالى حتاثر على بند الصيانة و اعادة البيع لان العربية اللى ماشية 20 سنة اكيد كل حاجة فيها اتهلكت و طلع عينها

                        لما بصيت على اللانسرات لقيت ناس بتتكلم فى اسعار عالية و كماليات مفيش... يعنى فى نفس السعر اللى تجيب بية لانسر تكييف بس تلاقى ممكن تجيب لانوس تكييف و باور... لو اللانسر فيها باور و زجاج كهرباء تلاقى السعر قريب من لانوس كاملة

                        زاد على كدة ان قطع غيار اللانوس ارخص و خبرتى مع عربية الوالد فا كفة الانوس رجحت عن كفة اللانسر

                        زى ما شفت الاختيار بيبقى تحديد المواصفات ثم جمع البيانات ثم القرار... لازم انت اللى تقرر مش الناس

                        فيه مثل بيقول لولا اختلاف الاذواق لبارت السلع و بالتالى مستحيل تشترى عربية بالشكل دة لان كل واحد له فكرة و ذوقة و ميولة و انت ولا واحد من دول... انت شخص ليك كيانك المستقل و ذوقك الخاص و بالتالى انت اللى تقول "انا عايز ايه" مش الناس اللى تقولك "اركب دى و متركبش دى"

                        MMamdouh
                        [CENTER]What is the difference between ignorance and apathy?...I don't know & I don't care[/CENTER]

                        [CENTER][SIGPIC][/SIGPIC][/CENTER]


                        [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                        [marq="Error"]what goes around... comes around[/marq]


                        [CENTER][URL="http://www.cardomain.com/ride/567267"]MMamdouh's Lanos on CarDomain
                        [/URL][/CENTER]

                        [URL="http://www.nilemotors.net/Nile/showthread.php?t=85421"]
                        [/URL]

                        Comment

                        • #13
                          طيب ماهو البى ام والمرسيدس فيهم هما كمان عيوب
                          اولا عيب اساسى وهو معظمه متقفل فى مصر
                          والتانى عيب ثانوى وهو ارتفاااااااااااااااااااااااااااااااااع اسعار قطع الغيار وعلى يدى لما تفتح بقها انسى

                          ممدوح كلامك جميل ومنطقى جدا

                          Comment

                          • #14
                            شوف يا أحمد باشا
                            دلقوتي المعرض بتاع أخبار اليوم للسيارات خلاص هايبتدي كمان 10 أيام أو أقل

                            روح واتفرج.. جايز تقرر ساعتها
                            ولما ترجع من المعرض وانت في دماغك عربية أو اتنين
                            افتح المنتدى على العربيتين دول (ما تنساش تدور كويس في قسم المقارنات بالإضافة للساحات المنفصلة الخاصة بالعربيات اللي وقع اختيارك عليها)

                            هاتقوللي برضه هلاقي ناس بتشتم في العربية وناس بتشكر فيها
                            هاقولك إن دي أحسن حاجة توضحلك كل جوانب العربية
                            وفي الآخر انت لما تعرف المزايا + العيوب تخرج بتقييم يخصك انت

                            فلما تختار عربية انت راضي بيها ومتقبل العيوب اللي بيها.. تصل الاستخارة وتتوكل على الله تروح تحجز أو تشتري
                            فإذا لقيت ربنا يسر لك موضوع الحجز/الشراء يبقى ده اللي ربنا اختاره ليه
                            أما إذا لقيت موضوع الحجز/الشراء معصلج، تعرف إن ربنا مقدر ليك الأحسن بإذن الله

                            وما تنكرش إن لولا اختلاف الأذواق لبارت السلع
                            وربنا يصلح حالي وحالك... قول آمين :) :)
                            [SIZE="4"][COLOR="Blue"]Goodle[/COLOR][/SIZE]

                            [SIZE="4"][COLOR="Blue"]محمد عبد الجواد[/COLOR][/SIZE]

                            [COLOR="SeaGreen"][SIZE="5"]موضوع الساعة: الفن المسماري- حقائق تاريخية - متجدد[/SIZE]
                            [url]http://www.nilemotors.com/Nile/showthread.php?t=29892[/url][/COLOR]


                            [CENTER][SIZE="4"]مصر يامّة يا سفينة :)
                            شكلك كده.. هاتغرقينا :)[/SIZE][/CENTER]

                            Comment

                            • #15
                              ربنا يكرمك بالأفضل ليك
                              ادعي الله و استخير
                              و متهيألي يعني ممكن :
                              تحدد رنج الفلوس
                              و اه الإمكانيات إلي عايزها و حجم العربية
                              و كل واحد بيبقى في ماركة أو اتنين هما إلي شدينه أوي
                              و إن شاء الله ربنا يكرمك بعربية كويسة في وقتها
                              [SIGPIC][/SIGPIC]

                              Comment

                              السابق 1 2 3 template التالي
                              Working...
                              X