المنتدى ده يحير بجد

[ahmed_bq]

كتر خيركو يا جماعة على الردود .. طبعا الاستخارة هتتعمل ان شاء الله

بس بجد اللي يحبط في المنتدى ان تلاقي ناس رفعت العربية السما وتقول خلاص انا هشتري دي

تلاقي تلات اربع مواضيع او ردود جابو العربية الارض ....

ولما اسئل اصحابي عن العربيات دي تلاقي كل واحد بيرد بكل ثقة وتأكد ان عربيته الاحسن والباقي الاوحش

يارب ربنا يهدينا ونبطل نعيب في كل حاجه .... ساعات بحس ان الناس شغاله في الشركات او تبع الوكيل وهياخدو فلوس من ورا الكلام ده

دانا ساعات بفطس من الضحك على الحروب الكلامية اللي بقراها

طب حد يرشحلي 3 عربيات كده استخير بينهم ومعللا الاسباب لو مش هيدايقكو

[م.محمد شافعي]

عزيزي اعتقد في الفئه السعريه اللي بتتكلم عليها هقولك علي 4 اختيارات من رايي واتمني يساعدوك:
1- دايو لانوس (عربيه قطع غيارها متوفره و رخيصه و بيعها سها و صيانتها سهله ومعقوله جدا بس شكلها قديم شويه)
2- شيري a15 (عربيه واسعه و كويسه جدا وموتور قوي بس صوته عالي عفشه ناشفه بس تتحمل شوارع مصر دا اذا كنت ممن لا ينظرون الي بلد الصنع و المهم العربيه كفائتها ايه بس عيبها ان في قطع غيار كتير مش موجوده غير عند الوكيل و الوكيل جيد بشكل عام)
3- اسبرانزا 516 (بصراحه انا لم اجربها شخصيا بس ناس كتير شكرت فيها علي اساس سعرها وامكانيتها)
4- شاهين 1600 (سيارة الشعب بس بصراحه انا مش بحبها خالص و طبعا دي ازواق)
نصيحه اخيره بقي بينزل في جريدة الاهرام يوم الجمعه او الاخبار يوم السبت في ملحق السيارات اسعار العربيات شوف العربيات اللي في حدودك مقدرتك الماليه و اتفرج عليهم في المعرض اللي يوم 10 و اللي نفسك تستريح ليها استخير ربنا و اشتريها مع مراعاة مواضيع الوكيل و قطع الغيار و ما الي ذلك.

[أبو عبدالله]

كتر خيركو يا جماعة على الردود .. طبعا الاستخارة هتتعمل ان شاء الله

بس بجد اللي يحبط في المنتدى ان تلاقي ناس رفعت العربية السما وتقول خلاص انا هشتري دي

تلاقي تلات اربع مواضيع او ردود جابو العربية الارض ....

ولما اسئل اصحابي عن العربيات دي تلاقي كل واحد بيرد بكل ثقة وتأكد ان عربيته الاحسن والباقي الاوحش

يارب ربنا يهدينا ونبطل نعيب في كل حاجه .... ساعات بحس ان الناس شغاله في الشركات او تبع الوكيل وهياخدو فلوس من ورا الكلام ده

دانا ساعات بفطس من الضحك على الحروب الكلامية اللي بقراها

طب حد يرشحلي 3 عربيات كده استخير بينهم ومعللا الاسباب لو مش هيدايقكو

يا اخي انت محير نفسك ليه
استخير وتوكل وان شاء الله ربنا يرزقك الخير بنيتك ان شاء الله
بس انت اخلص النيه لله انه يرزقك الخير اين كان

وبعدين هات اقلهم عيوب
يعني لو كلهم فيهم عيوب هات اقلهم ذكر للعيوب

[Ahmed Selim]

ممكن برضه تحط فى أختياراتك الرينو اللوجان واللانسر الشكل القديم خليجى 1300 مانيوال

[Mzeid]

طبعاَ مفيش كلام بعد كلام الأستاذ msh2179 ..
و لو عايز رأيي أنا أنصحك بالرينو اللوجان أو الكليو ..
و ربنا يكرمك و تشتري عربية مناسبة لك إن شاء الله ..
:):)

[د.أحمد سمير]

يا أخي الفاضل ..
الطبيعي إن كل شيء في الدنيا يحمل عيوباً ومنغصات فنحن لسنا في الجنة ..
أغلب العيوب التي يتم الحديث عنها هي عيوب تتعلق بالقيمة السعرية مقابل القيمة الفعلية للمنتج ..
يعني لو البي إم عزل الصوت بتاعها تعبان مثلاً ..
أو الكورولا الجديدة فتيسها بيعلق .
أو الياريس مبتعرفش تحدد ابعادها وخفيفة شوية
أو الصني خامات تقفيلها تعبانة

كل هذا يعد عيباً مقابل قيمتها المالية .
لكن تخيل لو الكورولا ب 80 ألف
أو اللانسر ب 65 ألف
أو الياريس ب 55 ألف
كنت هتلاقي الجميع بيشيدوا بها وبإمكانياتها الرائعة ..
الخلاصة ما هي أفضل سيارة من حيث الأداء والراحة والأمان مقابل السعر .

وهذه هي نفسها مشكلة كل من يبحث عن سيارة جديدة
ما هي أفضل صفقة .. وأي عنصر يتم تقديمه على العنصر الآخر ..
يعني انت تعبت واتداينت .. ماذا تفعل لو مررت بضائقة مالية مفاجئة .. هل ستكون السيارة ضمن ما يفك كربك ؟؟؟ لو آه .. يبقى تشتري سيارة مضمونة من حيث قيمة إعادة البيع حت تضمن أن تحصل على فلوسك وتستردها بسرعة .

لو قادر تصرف على العربية كويس يبقى هات أريح وأأمن عربية ، وتصرف على قطع غيارها وتتحمل مصاريفها .
لو لأ : يبقى تجيب أمتن عربية موجودة .. والمتانة لا تتأتى إلا بقطع غيار محترمة وخدمة توكيل متميزة ، وقدرة على التحمل .

غير كدة اعتباراتك التانية المتعلقة بطبيعة الاستخدام ، وهل العربية عائلية ولا شخصية ، وهل جمال الشكل واسم الموديل مهم ولا أهميته تأتي في أي درجة ....الخ
وربنا يوفقك ولا تنس الاستخارة

تقبل خالص مودتي

[SEATLOVER]

يا جماعة انا بجد محتار اخر حيره ومش عارف الاقي عربية اشتريها,معايا حوالي 70 باكو طالعين من لحم الحي
قولت اشتري عربية .....

يا سيد احمد باشا ..انا قريت كلامك كويس اوى كالعادة و عارف ممكن تكون مشكلتك فى اية و اية حلها إن شاء الله

-اما إذا كنت حضرتك فاتح الموضوع لنقد المنتدى ..كما هو واضح

بس بجد اللي يحبط في المنتدى ان تلاقي ناس رفعت العربية السما وتقول خلاص انا هشتري دي...
يارب ربنا يهدينا ونبطل نعيب في كل حاجه .... ساعات بحس ان الناس شغاله في الشركات او تبع الوكيل وهياخدو فلوس من ورا الكلام ده
دانا ساعات بفطس من الضحك على الحروب الكلامية اللي بقراها

فيبدو ان حضرتك تعرضت او شاركات فى موضوع من المواضيع الجدلية و الذى لا ينم عن الغالبية العظمى من مواضيع المنتدى .

واحب اقول لحضرتك ان كل اللى انت بتشوفة دة و بيحبطك ...من تطليع عيوب فى كل العربيات ...فدة اكبر دليل على مصداقية الاراء و عدم توحودها فى اتجاة واحد وعلى نظرة السائل يدور التمييز ...
- اما موضوع الحروب الكلامية ..فدة احياناً بيكون اكبر إثارة للتحفز و اطلاق خبايا المعلومات التى يستحوذ عليها اهل الخبرة فقط
-اما بالنسبة ان يكون حد شغال مع التوكيل ... فدة ممكن يحصل فى اى دولة فى العالم ما عدا بلدكم الكريمة
فالتوكيلات هنا بدرجة من السؤء و عدم الادارة الى حد ..لو راحلوة حد يقولوة هاجيبلك مبيعات عشر عربيات فى الشهر و عايز نسبة ...التوكيل هايقولوة بعملهم من غيرك !!

----------------

نيجى بقى لمشكلتك ... فامشكلة حضرتك مشكلة مشهورة ومعروفة من زمان وهى
(قلة الاختيار الجيد تحت ال 100 الف )

وعايز اقولك ياريت حضرتك تحمد ربنا على التنوع فى الماركات و الموديلات اللى بقى موجود و دى احسن حاجة بتحصل فى هذا الكم من السيئات

فى بلاد مفبهاش غير ماركتين او تلاتة بس تختار بينهم و جبنا مش بعيد !

باختصار عشان مطولش عليك هارشحلك عربيات تحت ال 100 الف ج وفى حدود الف ج 70 بس
1-لا يوجد بها عيوب مشهورة
2-قوة تحمل معقولة و بتعيش
3-كل الكماليات المناسبة
4-اسعار قطع غيار معقولة جداً
5-مراكز خدمة و توكيل جيد على الاقل

1-لانوس s (وماتقوليش شكل قديم احنا بنتكلم عملى )
2-الشاهين (السوق مقتنع بيها لو انت مش مقتنع )
3-السيينا (التوكيل فى تحسن )
4-اللادا (تعديلاتها تستحق الدراسة )
------ لو قدرت تزود سنة بسيطة ... عندك الافيو لو شكل اللانوس مش عاجبك ..و عندك الكيا ريو ... العائدة بقوة بعد التوكيل الجديد

اما لو فتحت فى القسط .... هايظهر قدامك التلات عربيات بتوع حل اى معادلة
الياريس-السيتى -الاوبترا

عندك 9 عربيات تتوافر فيهم الشروط و الكلام عليهم فى عيوبهم نسبى مش هايفرق معاك فى حاجة

لو فكرت و استخرت و توكلت على الله فى واحدة فيهم و عايز اى استفسارات احنا جاهزين للرد بأمر وعون الله فى القسم بتاع العربية .

[bassam nagy]

شوف اللوجان هى اقرب حاجة للمبلغ

[hatem_badawe]

كل العربيات فيها عيوب بس كلها ماشية في الشوارع ودا حسب راحتك النفسية وفلوسك

[Hondawy_2008]

باختصار لازم تنزل معرض وتركب العربيات اللي أنت بتفاضل بينهم واللي تعجبك أكتر هاتها وتوكل على الله

أنا نصيحتي ليك اللانوس أحسنهم وفيها كل متطلباتك ويوم متيجي تبيعها ألف واحد ممكن يشتريها

[ahmed_bq]

عزيزي اعتقد في الفئه السعريه اللي بتتكلم عليها هقولك علي 4 اختيارات من رايي واتمني يساعدوك:
1- دايو لانوس (عربيه قطع غيارها متوفره و رخيصه و بيعها سها و صيانتها سهله ومعقوله جدا بس شكلها قديم شويه)
2- شيري a15 (عربيه واسعه و كويسه جدا وموتور قوي بس صوته عالي عفشه ناشفه بس تتحمل شوارع مصر دا اذا كنت ممن لا ينظرون الي بلد الصنع و المهم العربيه كفائتها ايه بس عيبها ان في قطع غيار كتير مش موجوده غير عند الوكيل و الوكيل جيد بشكل عام)
3- اسبرانزا 516 (بصراحه انا لم اجربها شخصيا بس ناس كتير شكرت فيها علي اساس سعرها وامكانيتها)
4- شاهين 1600 (سيارة الشعب بس بصراحه انا مش بحبها خالص و طبعا دي ازواق)
نصيحه اخيره بقي بينزل في جريدة الاهرام يوم الجمعه او الاخبار يوم السبت في ملحق السيارات اسعار العربيات شوف العربيات اللي في حدودك مقدرتك الماليه و اتفرج عليهم في المعرض اللي يوم 10 و اللي نفسك تستريح ليها استخير ربنا و اشتريها مع مراعاة مواضيع الوكيل و قطع الغيار و ما الي ذلك.

شكرا يباشا على الترشيحات وشكرا اوي كمان على الرأي والتفاصيل

هوا انا دلوقتي فعلا بفاضل بين اللانوس والاسبرانزا a516 عشان دول اللي في حدود المبلغ اللي معايا
بس انا سامع بس مش متأكد ان اللانوس مبقتش تنزل زيرو؟؟

[ahmed_bq]

طبعاَ مفيش كلام بعد كلام الأستاذ msh2179 ..
و لو عايز رأيي أنا أنصحك بالرينو اللوجان أو الكليو ..
و ربنا يكرمك و تشتري عربية مناسبة لك إن شاء الله ..
:):)

اه انا اسمع وشفت ان العربيات الرينو جامده وحلوه ... بس اسمع ان قطع غيارها غالية شوية ؟ ولا ايه

[HESHAM AMIN]

شوف يا سيدى ماتسمعش كلام حد
اشترى العربية الى تعجبك وحسب امكانياتك
لانك لو مشيت ورا كلام التاس حتعمل زى جحا والحمار
وفى مبدا بيقول لولا اختلاف الازواق لبارت السلع
والعيوب دى الى الناس بتكلم عليها فى معظم العربيات عيوب غير جوهرية
وربنا يوفقك

[waleed24ag]

مفيش عربيه من غير عيوب انت الي تحدد امكانتياتك و تعرف الي يناسبك و هتقدر تحدد مجموعه معينه و تختار منها لكن مفيش عربيه مفهاش عيب

[ahmed_bq]

يا سيد احمد باشا ..انا قريت كلامك كويس اوى كالعادة و عارف ممكن تكون مشكلتك فى اية و اية حلها إن شاء الله

-اما إذا كنت حضرتك فاتح الموضوع لنقد المنتدى ..كما هو واضح

فيبدو ان حضرتك تعرضت او شاركات فى موضوع من المواضيع الجدلية و الذى لا ينم عن الغالبية العظمى من مواضيع المنتدى .

واحب اقول لحضرتك ان كل اللى انت بتشوفة دة و بيحبطك ...من تطليع عيوب فى كل العربيات ...فدة اكبر دليل على مصداقية الاراء و عدم توحودها فى اتجاة واحد وعلى نظرة السائل يدور التمييز ...
- اما موضوع الحروب الكلامية ..فدة احياناً بيكون اكبر إثارة للتحفز و اطلاق خبايا المعلومات التى يستحوذ عليها اهل الخبرة فقط
-اما بالنسبة ان يكون حد شغال مع التوكيل ... فدة ممكن يحصل فى اى دولة فى العالم ما عدا بلدكم الكريمة
فالتوكيلات هنا بدرجة من السؤء و عدم الادارة الى حد ..لو راحلوة حد يقولوة هاجيبلك مبيعات عشر عربيات فى الشهر و عايز نسبة ...التوكيل هايقولوة بعملهم من غيرك !!

----------------

نيجى بقى لمشكلتك ... فامشكلة حضرتك مشكلة مشهورة ومعروفة من زمان وهى
(قلة الاختيار الجيد تحت ال 100 الف )

وعايز اقولك ياريت حضرتك تحمد ربنا على التنوع فى الماركات و الموديلات اللى بقى موجود و دى احسن حاجة بتحصل فى هذا الكم من السيئات

فى بلاد مفبهاش غير ماركتين او تلاتة بس تختار بينهم و جبنا مش بعيد !

باختصار عشان مطولش عليك هارشحلك عربيات تحت ال 100 الف ج وفى حدود الف ج 70 بس
1-لا يوجد بها عيوب مشهورة
2-قوة تحمل معقولة و بتعيش
3-كل الكماليات المناسبة
4-اسعار قطع غيار معقولة جداً
5-مراكز خدمة و توكيل جيد على الاقل

1-لانوس s (وماتقوليش شكل قديم احنا بنتكلم عملى )
2-الشاهين (السوق مقتنع بيها لو انت مش مقتنع )
3-السيينا (التوكيل فى تحسن )
4-اللادا (تعديلاتها تستحق الدراسة )
------ لو قدرت تزود سنة بسيطة ... عندك الافيو لو شكل اللانوس مش عاجبك ..و عندك الكيا ريو ... العائدة بقوة بعد التوكيل الجديد

اما لو فتحت فى القسط .... هايظهر قدامك التلات عربيات بتوع حل اى معادلة
الياريس-السيتى -الاوبترا

عندك 9 عربيات تتوافر فيهم الشروط و الكلام عليهم فى عيوبهم نسبى مش هايفرق معاك فى حاجة

لو فكرت و استخرت و توكلت على الله فى واحدة فيهم و عايز اى استفسارات احنا جاهزين للرد بأمر وعون الله فى القسم بتاع العربية .

كلامك مظبوط يا باشا انا مش بهاجم المنتدى ولا حاجه بس انا فيه صديق ليا قاللي من الاخر لو عايز تعرف العربية مظبوط ادخل نايل موتورز فيها كل الكلام عن كل العربيات

وانا مؤمن بحاجه اسمها نصيب .. يعني ممكن تجيب عربية سعرها عالي ويطلع فيها عيوب ودي بتقل طبعا كل ما سعر العربية زاد

طبعا انا بشكرك جدا على مجهودك في البحث والتحليل وبعدهم كتابة الموضوع ده كله بس انا وانتا واي حد لما بيجي يشتري عربية زي محضرتك قولت او حد من الزملاء قال ....عايز عربية فيها كل حاجه وسعرها يكون رخيص

بالنسبة لمتطلباتي انا .. انا اولا ميهمنيش اوي الثبات بعد 120 عشان انا مش بزود عن 120 عشان العمر مش بعزقة ... بالنسبة لسعر اعادة البيع انا ممكن مبيعش دلوقتي خالص ومش قبل 5 سنين على الاقل .. وظروف البلد الاقتصاديه منيله زي مكلنا عارفين .. فمحدش يعرف ممكن اجيب عربيه غاليه وبعد كده تبقى صعبة في بيعها

وبالنسبة للاستخدام انا بيني وبين شغلي 6 كيلو واغلب الوقت هيبقى راكبها انا ومراتي وبنتي بس لسه طفلة رضيعه يعني

انا من زمان بركب عربة والدي (كرولا 98) ودي كنا جايبنها زيرو موديل السنه وكانت ما شاء الله ... هقولك حاجه عربيتنا ياباني 100% كانت ب 58 الف ... نزل بعديها ب 6 شهور نفس العربية بس تقفيل مصري واقل 10 الاف جنيه ... بس العربية عشان والدي شغله قريب وبيحافظ على العربية اوي قعد 10 سنين تقريبا مفيهاش غير حاجات صغيرة (بلغة الميكانيكيه مفتحتش بقها) ودلوقتي لما والدي حب يبيعها جابت 55 الف عشان مش رشه بره ولا جوه ... فتخيل بعد 10 سنين شغل وسعرها خسر فيها 3 الاف جنيه وماشاء الله راسيه وخاماتها زي مهيا من جوة .. ماشاء الله ولا قوة الا بالله.
طبعا انا مش بقول كده عشان ابيعها :)

بس تيجي دلوقتي متلاقيش عربيات بالجودة بتاع زمان ولو لاقيت تلاقيها مولعة نار. فكل الموجود وسعره كويس زي الاسبيرانزا والدايو مثلا ... مستحيل تبقى زي كده مهما كان هيبقى اقل
معلش طولت عليكو بس ردودكو بدات فعلا تديق وتحدد تفكيري اللي كان متشتت شويه

شكرا مرة تانيه يا يا عاشق السيات