رينو فلونس او هيونداي النترا

[Invensys2011]

السلام عليكم على احلى اعضاء
انا معايا لانسر سوبر سبورت موديل 2007
و حاليا عايز اشتري عربية جديدة و محتار ما بين
رينو فلونس الفئة التانية ب 142000
و هيونداي النترا ب 140000
و على فكرة الكماليات اللي في الفلونس اكتر بكتير من النترا
بس انا مقلق من فلونس
افيدوني و شكرا

[horas3000]

توكل علي الله في الفلوينس
و هتحس بنقله ملحوظه من اللانسر
و مفيش اي حاجه تقلق من الرينو
العربيه ابتدت تنتشر و توكيلها كويس

[Dr'AhmZZong]

توكل علي الله في الفلوينس
و هتحس بنقله ملحوظه من اللانسر
و مفيش اي حاجه تقلق من الرينو
العربيه ابتدت تنتشر و توكيلها كويس

بصراحة جبت المفيد

[zangry]

توكل علي الله في الفلوينس
و هتحس بنقله ملحوظه من اللانسر
و مفيش اي حاجه تقلق من الرينو
العربيه ابتدت تنتشر و توكيلها كويس

[Mohamed_Nafie]

أنا مع الفلوينس برده

بس حضرتك قلت إنك قلقان..

ينفع حضرتك توضح قلقان من ايه بظبط ؟

[shaddadfalcon1]

Fluence

[Invensys2011]

و الله انا قلقان من كذا حاجة
1-اعادة البيع
2-قطع الغيار
3-مشاكل السينسورز و المشاكل اللي كانت موجودة في الميجان
اي حد عندوا تجربة شخصية ياريت يقولي عليها و شكرا للرد

[night_whisper]

أستخر الله و توكل على الله فى فلورنس

[horas3000]

و الله انا قلقان من كذا حاجة
1-اعادة البيع
2-قطع الغيار
3-مشاكل السينسورز و المشاكل اللي كانت موجودة في الميجان
اي حد عندوا تجربة شخصية ياريت يقولي عليها و شكرا للرد

شوف حضرتك
1- سعر اعاده البيع و بحق ربنا مش هيبقي زي الالنترا بس برضه العربيه ابتدت تنتشر و الناس بقت عارفاها و سعر اعاده بيعها زاد عن اول ما نزلت و علي فكره مش هتلاقي منها مستعمل كتير اصلا لان و لله الحمد بتعجب اغلب ملاكها
2- قطع الغيار مش هتفرق كتير عن الالنترا. الالنترا الجديده سعرها مش رخيص و انتشارها مش هيبقي زي اللي قبلها ابدا و ده هيخيلي قطع غيارها متنزلش قوي زي ما الكل متعود من هيونداي الا لو ناوي علي قطع غيار After market و مش اصليه ساعتها الوضع هيختلف, غير كده هتلاقي قطع غيار الفلوينس في نفس الرينج تقريبا
3- انا العربيه مع اختي من سنه تقريبا و مفيهاش اي مشاكل. و في موضوع كبييير اسمه رابطة ملاك الفلوينس و الميجان 3 و هتلاقي فيه كللللل حاجه عن المشاكل اللي قابلت الملاك و حلها كمان. بس انت فضي نفسك يومين تلاته لانه موضوع كبير فعلا و علي جزئين كمان

و اخيرا انا سقت الاتنين و صدقني شتان ما بينهم
و تجربة قيادتي للاتنين موجوده هنا علي المنتدي الفلوينس في الموضوع بتاع الرابطه اما الالنترا فعاملها تقرير لوحده
هدورك علي اللينكات و اجيبهم

[horas3000]

ده لينك تجربه الرينو
http://www.nilemotors.net/Nile/23678...post3873759655

و ده موضوع الالنترا

http://www.nilemotors.net/Nile/227196-2012.html

[Invensys2011]

ده لينك تجربه الرينو
http://www.nilemotors.net/Nile/23678...post3873759655

و ده موضوع الالنترا
http://www.nilemotors.net/Nile/227196-2012.html

انا مقتنع بالفلونس جدا و خصوصا موضوع الفئات الكتيرة اللي في النترا
بس في نفس الوقت قلقان من الرينو(اللي معاه رينو ,ربنا يعينو)
انا كان معايا اوبل فيكترا 2000cc موديل 97 قبل لانسر و الصراحة كرهت الاوبل بسببها
و في ناس كتير كانت بتشتكي من الميجان و الله هو موضوع محير جدا
و شكرا على الاهتمام بالرد

[abdulkhaleq]

ياراجل ده سؤال برضه ؟؟؟
فلوانس طبعا
وعموما حرام تدفع في أي عربيه كوري من اللي عندنا دول اي مبلغ فوق ال 100 الف

[horas3000]

و الله يا زعيم انا قلتلك اللي اعرفه كله و من خلال تجربتي
و مليش اي مصلحه في انك تختار اي عربيه فيهم
انت طلبت مساعدتنا و انا حاولت اساعدك بكل ما املك من خبره

بس طالما قلقان من الرينو يبقي سيبك منها و خليك في الالنترا
الواحد بيجيب العربيه (و في بلدنا باضعاف تمنها) عشان ينبسط و يبقي باله مرتاح مش عشان يفضل قلقان و شايل الهم

عموما الخيار ليك و ملكش الا الاستخاره

[Ahmed Selim]

انا مقتنع بالفلونس جدا و خصوصا موضوع الفئات الكتيرة اللي في النترا
بس في نفس الوقت قلقان من الرينو(اللي معاه رينو ,ربنا يعينو)
انا كان معايا اوبل فيكترا 2000cc موديل 97 قبل لانسر و الصراحة كرهت الاوبل بسببها
و في ناس كتير كانت بتشتكي من الميجان و الله هو موضوع محير جدا
و شكرا على الاهتمام بالرد

تصدق أن فيه واحد قريبى قالى نفس المثل ده من 6 سنين و كنت ساعتها بقارن بين أوكتافيا a4 و الميجان..........ده غير الإشاعات اللى كنت بسمعها من أصحاب ليا......

و ده مش معناه أنها عربية مفيش زيها و مش بتعطل و لا و لا.........لأ هى عربية محترمة و لو حافظت على صيانتها هتحبك :)

الميجان مش الفليونس......فيها حساسات أساسية لعمل العربية و حساسات كمالية ( زى المطر و النور )
الحساسات الأساسية لعمل العربية زى حساس الهوا و حساس الكرنك..........معتقدش مش موجودين فى عربية زيرو محترمة دلوقتى.

بالنسبة للمثل اللى أنت قولته.......أحب أقولك أنى بعد 6 سنين بحمد ربنا أنى جبت الميجان :) مش هقولك أكتر من كده.

[Sehsss]

فلوانس طبعا، دا حتى الإلنترا سعرها مبالغ فيه جدا