رينو فلونس او هيونداي النترا

[bob12345]

بالطلب او بالمكسرات, هي أعلى من الهاي لاين ومافيش منها كتير ولما رحنا نفحصها في التوكيل جاتلنا فيها بيعه ومابعنهاش
وعلى فكره صاحبي ان شاء الله مش هيزعل وان شاء الله مافيش حاجه تزعله :b4_282:

ربنا يباركلو فيها

[devil_storm]

بالنسبه للالانترا
فيها يادوب أساسيات الميكانيكا مع صفر أوبشنز وصفر وسائل أمان
اللهم الا لو هتحسب الحزام وسيلة أمان يعني
يعني هي عربيه هتوديك وهتجيبك من الشغل وهتودي العيال المدارس ومعاك تتحكم فيها بأمان لحد سرعة 80 أو 90 بعد كده طبعا مراجيح السيده
----------------
ومش عايزه يوصل صندوق القمامه ده ل 160 ألف ؟!!!!

باشا بلاش تحقير فى عربيات المقارنة بالاسلوب ده و خليك حيادى!!! انت كده بكلامك اكيد بضايق الاعضاء ملاك الالنترا منك, يا ريت وانت بتقارن تنس انك مالك للفلوينس و تكلم بحيادية تامة عن ميزات و عيوب الفلوينس و ميزات و عيوب الالنترا من وجهة نظرك.

لو تاخد بالك انا عمرى ما شتمت فى الفلوينس ولا حقرت منها بالعكس انا بشكر فيها زى ما بشكر فى الالنترا و بقول هما احسن عربيتن فى الفئة السعرية دى و المقارنة بينهم شرسة, و انا والله عجبانى الفلوينس جدا و بحترمها جدا جدا لكن مش بيعجبنى التعليقات ذى:
عيب تقارن الفلوينس بالالنترا - عيب تقارن كورى باوربى - عيب تقارن هيونداى برينو!!!

كمان مش بيعجبنى تعليقات ذى 105 hp اوربى احسن من 130 hp كورى!!!

ده كلام مش صح و كدب و مضلل, و انا جربت بنفسى الفلوينس و حسيت بفرق كبير فى السحب و استجابة الفتيس لصالح الالنترا... و الله انا بنزل من الفلوينس اسوق الالنترا بحس انها 2000 سى سى!!! الالنترا قوة الماتور واضحة فيها جدا و استجابة الفتيس سريعة جدا جدا... يبقى عيب نقول الكوريين نصبين و الكلام اللى ملوش لزمة ده, و ندى كل عربية حقها بحيادية.

يا باشا انا سوقت الجيتا 2000 سى سى مش 1600 فى قطر ( اوربى و المانى ) و الله العظيم الالنترا ال 1600 تطلع منها!!! بعدين تسمع واحد يقولك الكوريين نصبين و بيجدبو فى الهورس باور و كلام كتير مضلل!!!!

و اخيرا فى مميزات كتير فى الفلوينس عن الالنترا ذى 6 ايرباجز فى اعلى فئة - قوة صاج - قوة دهان - كماليات ممتازة و بجوده عالية - سعر ممتاز مقارنتا بسعر الالنترا المبالغ فية - و اوربى يا سيدى

اما ميزات الالنترا عن الفلوينس فمش حقولها علشان اريحك و استريح انا كمان و اتشرفت بالحديث معاك

[bob12345]

مين جاب سيرة الانسر سوبر اكشن دلوقتي ؟؟
كانت جوه المقارنه وانا مش واخد بالي؟؟
عايزنا نتكلم عليها افتحلها موضوع تاني وتحت امرك :)

لا جوه المقارنه و لا برا
هو في احلي من اللانسر

[bob12345]

باشا بلاش تحقير فى عربيات المقارنة بالاسلوب ده و خليك حيادى!!! انت كده بكلامك اكيد بضايق الاعضاء ملاك الالنترا منك, يا ريت وانت بتقارن تنس انك مالك للفلوينس و تكلم بحيادية تامة عن ميزات و عيوب الفلوينس و ميزات و عيوب الالنترا من وجهة نظرك.

لو تاخد بالك انا عمرى ما شتمت فى الفلوينس ولا حقرت منها بالعكس انا بشكر فيها زى ما بشكر فى الالنترا و بقول هما احسن عربيتن فى الفئة السعرية دى و المقارنة بينهم شرسة, و انا والله عجبانى الفلوينس جدا و بحترمها جدا جدا لكن مش بيعجبنى التعليقات ذى:
عيب تقارن الفلوينس بالالنترا - عيب تقارن كورى باوربى - عيب تقارن هيونداى برينو!!!

كمان مش بيعجبنى تعليقات ذى 105 hp اوربى احسن من 130 hp كورى!!!

ده كلام مش صح و كدب و مضلل, و انا جربت بنفسى الفلوينس و حسيت بفرق كبير فى السحب و استجابة الفتيس لصالح الالنترا... و الله انا بنزل من الفلوينس اسوق الالنترا بحس انها 2000 سى سى!!! الالنترا قوة الماتور واضحة فيها جدا و استجابة الفتيس سريعة جدا جدا... يبقى عيب نقول الكوريين نصبين و الكلام اللى ملوش لزمة ده, و ندى كل عربية حقها بحيادية.

يا باشا انا سوقت الجيتا 2000 سى سى مش 1600 فى قطر ( اوربى و المانى ) و الله العظيم الالنترا ال 1600 تطلع منها!!! بعدين تسمع واحد يقولك الكوريين نصبين و بيجدبو فى الهورس باور و كلام كتير مضلل!!!!

و اخيرا فى مميزات كتير فى الفلوينس عن الالنترا ذى 6 ايرباجز فى اعلى فئة - قوة صاج - قوة دهان - كماليات ممتازة و بجوده عالية - سعر ممتاز مقارنتا بسعر الالنترا المبالغ فية - و اوربى يا سيدى

اما ميزات الالنترا عن الفلوينس فمش حقولها علشان اريحك و استريح انا كمان :m_yes[1]: و اتشرفت بالحديث معاك

يا باشا مفيش عربية ليها مميزات و عيوب هيا كده
الكوري عربيات زبالة و الالماني و الياباني مفيش زيو

[mohamedkordy]

بصراحه شديده الالنترا عربيه زباله اوى وعن تجربه مدفعش فيها قرش ابيض

[sadkoooi]

وانا بشترى الالنترا واح معاة فورد فوكس فل 2011 كان بيدلل عليها وبنص الثمن وسلملى على الاوروبى

[Samir Elshahawy]

الاخوة الكرام ..

مرة أخري أود أن أوضح نقطة مهمة جدا ...
مش معني أن واحد أشتري عربية أقل و مافيهاش وسائل أمان (ألنترا مثلا) أنه مابيفهمش و مابيعرفش يفكر و الكلام ده

لو العربية وحشة من وجهة نظرك ماتجرحش في اللي شاريها لأنه أكيد عارف كويس أن الأوروبي أو الياباني ممكن يكون أحسن و ممكن جدا يكون معاه فلوس المرسيدس أو البي أم لكن له وجهة نظر تانية يجب ان نحترمها

عيب أوي لما الكلام عن مقارنة عربيات يتحول الي تجريح في أشخاص و أتهامهم بالسفه و قصر النظر و عدم التفكير
لو ده المنطق .... يبقي الشعب المصري كله قصير النظر و لايفقه شئ في السيارات و لا في اي حاجة لأن أكثر من 50% من شعب مصر راكب كوري و حوالي 30% راكب هيونداي حتي اللي معاه أوروبي لو دورت هتلاقي معاه هيونداي أو كيا

ساعتها أسأله ليه معاك أوروبي و معاك كوري

للأسف أنا ردي علي الكلام اللي بيتقال أني هأعمل لكم مقارنة عملية و بالارقام بين الألنترا و الفلونس بدون ما أضيف وجهة نظري علشان أنا ما جربتش الفلونس

لكن المقارنة اللي هأعملها و أضيف لها وجهة نظري و خبرتي هيا اللي هاتكون بين الألنترا الجديدة و التويوتا كورولا لأني جربت العربيتين و لفترة طويلة كمان
ماشي .... أنا سأقبل هذا التحدي و سأخوضه ليس دفاعا عن وجهة نظري في أختيار الألنترا و لكن كي أضع لكم مثالا لأسلوب المقارنة بين السيارات دون تجريح لأحد

[Samir Elshahawy]

بصراحه شديده الالنترا عربيه زباله اوى وعن تجربه مدفعش فيها قرش ابيض

هاهو مثال لما قلت من قبل
واحد معاه فورد فوكاس و معاه لانوس
شوفتوا الفرق

هل معني أختياره للدايو أنه مابيفهمش حتي لو كانت ببلاش ؟

[mohamedkordy]

وانا بشترى الالنترا واح معاة فورد فوكس فل 2011 كان بيدلل عليها وبنص الثمن وسلملى على الاوروبى

للاسف احب اقولك انك كلامك مش صادق لانى معيايا فورد 2011 وكنت حسافر وعرضتها للبيع والعربيه الحمد لله جبتلى ارقام ممتازه لولا انى سفرى اتاجل وفضلت اخليها يا استاذ يا محترم

[Samir Elshahawy]

يا باشا مفيش عربية ليها مميزات و عيوب هيا كده
الكوري عربيات زبالة و الالماني و الياباني مفيش زيو

ليه نازلة من السما ؟؟
و لو هيا مافيش زيها ليه الكوري موجود في بلاد الياباني و الألماني كمان و بكثافة ؟

و ليه الألنترا اللي مش عاجبة حد واخدة المركز الاول و سيارة العام في الولايات المتحدة بلد الفورد فوكاس و الشيفورليه اللي كان ترتيبهم خلفها ؟

[mody3on]

اسمحلي حضرتك بس ارد على كام نقطه
نقطة الهندسه العكسيه دي اظن اللي تفوق فيها اليابان مش كوريا
عربيات كوريا تعبير عن ابسط قواعد الميكانيكا فقط

حضرتك مشفتش هيونداي ازيرا او جينسس ؟
العيب مش في الكوري حضرتك الالنترا واخدة جوايز بالعبيط بره في امريكا واوروبا واحسن عربية في امريكا ومبيعات خرافية .. العيب في غبور اللي مقشط العربية من امكانياتها .. عايز تعرف امكانيات العربية ادخل شوفها على هيونداي usa .. التعميم عمره ما كان صح يا فندم

[mohamedkordy]

هاهو مثال لما قلت من قبل
واحد معاه فورد فوكاس و معاه لانوس
شوفتوا الفرق

هل معني أختياره للدايو أنه مابيفهمش حتي لو كانت ببلاش ؟

الاخ الكريم انا لما بتكلم على الالنترا بقول ان فى حاجات فى نفس سعرها احسن منها لان بيديهى ان اى عربيه فى اللى احسن منها راجع مواضيعى وانتا تفهم انى لما بقارن بين اى عربيه بالعربيه اللى فى نفس سعرها علشان كده بقول ان غبور مفضى الانترا ومغلى سعرها فبالمقارنه بنفس الاسعار فى حاجات احسن منها بمراحل
م/محمد الكردى

[Dr'AhmZZong]

الاخوة الكرام ..

مرة أخري أود أن أوضح نقطة مهمة جدا ...
مش معني أن واحد أشتري عربية أقل و مافيهاش وسائل أمان (ألنترا مثلا) أنه مابيفهمش و مابيعرفش يفكر و الكلام ده

لو العربية وحشة من وجهة نظرك ماتجرحش في اللي شاريها لأنه أكيد عارف كويس أن الأوروبي أو الياباني ممكن يكون أحسن و ممكن جدا يكون معاه فلوس المرسيدس أو البي أم لكن له وجهة نظر تانية يجب ان نحترمها

عيب أوي لما الكلام عن مقارنة عربيات يتحول الي تجريح في أشخاص و أتهامهم بالسفه و قصر النظر و عدم التفكير
لو ده المنطق .... يبقي الشعب المصري كله قصير النظر و لايفقه شئ في السيارات و لا في اي حاجة لأن أكثر من 50% من شعب مصر راكب كوري و حوالي 30% راكب هيونداي حتي اللي معاه أوروبي لو دورت هتلاقي معاه هيونداي أو كيا

ساعتها أسأله ليه معاك أوروبي و معاك كوري

للأسف أنا ردي علي الكلام اللي بيتقال أني هأعمل لكم مقارنة عملية و بالارقام بين الألنترا و الفلونس بدون ما أضيف وجهة نظري علشان أنا ما جربتش الفلونس

لكن المقارنة اللي هأعملها و أضيف لها وجهة نظري و خبرتي هيا اللي هاتكون بين الألنترا الجديدة و التويوتا كورولا لأني جربت العربيتين و لفترة طويلة كمان
ماشي .... أنا سأقبل هذا التحدي و سأخوضه ليس دفاعا عن وجهة نظري في أختيار الألنترا و لكن كي أضع لكم مثالا لأسلوب المقارنة بين السيارات دون تجريح لأحد

هو ده الكلام .. ما شاء الله

[Samir Elshahawy]

الاخ الكريم انا لما بتكلم على الالنترا بقول ان فى حاجات فى نفس سعرها احسن منها لان بيديهى ان اى عربيه فى اللى احسن منها راجع مواضيعى وانتا تفهم انى لما بقارن بين اى عربيه بالعربيه اللى فى نفس سعرها علشان كده بقول ان غبور مفضى الانترا ومغلى سعرها فبالمقارنه بنفس الاسعار فى حاجات احسن منها بمراحل
م/محمد الكردى

يبقي مانلومش علي العربية نفسها و لكن نلوم علي الوكيل اللي بيقلل منها و بيزود في سعرها
و كمان مانلومش علي الناس لأن زي ماحضرتك و غيرك مابتحبش الكوري و ماعندكش ثقة فيه فيه ناس برضه ممكن تكون مش عايزة الاوروبي و لابتثق فيه أو مش مناسب لهم

ماتستغربش ....
عادي ممكن الاوروبي يكون مسبب عقدة للبعض أو مش مناسب له فعلا
و اسال ملاك الميجان و الفيات و التويوتا كورولا

كمان المقارنة مش بس سعر و قوة موتور و شد و سرعات لأ
المقارنة المظبوطة يدخل فيها برضه :
- سعر أعادة بيع
- قطع الغيار و مدي توافرها و سعرها
- مراكز الخدمة و سهولة الاصلاح و الصيانة

طبعا ده غير ..
- عوامل الامان
- الموتور و التكنولوجيا المستخدمة
- أستهلاك البنزين
- الشكل و المظهر الخارجي
- الصالون و الكماليات
- قوة التحمل
- أختبارات القيادة و التصادم

يمكن فيه عناصر تانية أنا مش كاتبها دلوقتي لكن أن شاء الله هأعمل مقارنة مظبوطة تتضمن كل تلك العناصر مجتمعة و لكن أحنا مش أحسن من الامريكان و الاوروبيين الليفضلوها علي عربيات بتنتجها شركاتهم و منحوها جوائز أفضل سيارة و كان تقييمها في أختبارات التصادم ancap خمسة نجوم

حتي لما بيكون فيه مقارنة بين سيارتين مابيكونش فيه تفوق مطلق لسيارة عن الاخري علشان نوصف أحداهما بأنها مافيش زيها و التانية بأنها زبالة ده حتي لو قارنت ال 128 بالمرسيدس ممكن تلاقي ال 128 تتفوق في بعض الجوانب عن المرسيدس

الخلاصة .. أننا كمنتدي سيارات متخصص و قديم يجب أن يكون تقييمنا أهدي من كده و اعقل و قائم علي أسس موضوعية علشان موضوعاتنا دي بتظهر في محركات البحث و عيب اوي أنها تكون بالشكل ده و بعيدة عن الاحترافية و الموضوعية

[just_magdy1]

يبقي مانلومش علي العربية نفسها و لكن نلوم علي الوكيل اللي بيقلل منها و بيزود في سعرها
و كمان مانلومش علي الناس لأن زي ماحضرتك و غيرك مابتحبش الكوري و ماعندكش ثقة فيه فيه ناس برضه ممكن تكون مش عايزة الاوروبي و لابتثق فيه أو مش مناسب لهم

ماتستغربش ....
عادي ممكن الاوروبي يكون مسبب عقدة للبعض أو مش مناسب له فعلا
و اسال ملاك الميجان و الفيات و التويوتا كورولا

كمان المقارنة مش بس سعر و قوة موتور و شد و سرعات لأ
المقارنة المظبوطة يدخل فيها برضه :
- سعر أعادة بيع
- قطع الغيار و مدي توافرها و سعرها
- مراكز الخدمة و سهولة الاصلاح و الصيانة

طبعا ده غير ..
- عوامل الامان
- الموتور و التكنولوجيا المستخدمة
- أستهلاك البنزين
- الشكل و المظهر الخارجي
- الصالون و الكماليات
- قوة التحمل
- أختبارات القيادة و التصادم

يمكن فيه عناصر تانية أنا مش كاتبها دلوقتي لكن أن شاء الله هأعمل مقارنة مظبوطة تتضمن كل تلك العناصر مجتمعة و لكن أحنا مش أحسن من الامريكان و الاوروبيين الليفضلوها علي عربيات بتنتجها شركاتهم و منحوها جوائز أفضل سيارة و كان تقييمها في أختبارات التصادم ancap خمسة نجوم

حتي لما بيكون فيه مقارنة بين سيارتين مابيكونش فيه تفوق مطلق لسيارة عن الاخري علشان نوصف أحداهما بأنها مافيش زيها و التانية بأنها زبالة ده حتي لو قارنت ال 128 بالمرسيدس ممكن تلاقي ال 128 تتفوق في بعض الجوانب عن المرسيدس

الخلاصة .. أننا كمنتدي سيارات متخصص و قديم يجب أن يكون تقييمنا أهدي من كده و اعقل و قائم علي أسس موضوعية علشان موضوعاتنا دي بتظهر في محركات البحث و عيب اوي أنها تكون بالشكل ده و بعيدة عن الاحترافية و الموضوعية

لا فض فوك