جين-2 ولا سانديرو استيب واي

[crayvor]

و الله كلامك منطقي جدا يا باشمهندس crayvor
مهندسيين بقي ههههههههههههههه بالمناسبة انا مهندس كهرباء
كده بقيت ميال تاني للسانديرو
تعرف لو فيه استب واي فول اوبشنز كنت اخترتها على طووول
انا مش فارقة موضوع المانيوال انا ساكن في برج العرب هههههههههه فاضيه يعني
لو فعلا ناويين على استب واي فول اوبشن و اوتو يبقي تمام جدا (شوفت حضرتك عامل موضوع عند اسود رينو)
بس فعلا الجين2 تشد الواحد عربية احلام فيها كل اللي الواحد عاوزه

يا مراحي يا مراحي.. أنا مهندس كهربا برضه.. بس شغال مصاعد وسلالم متحركة ومشايات.. كنترول بعيد عنك..
كنت لسة ف البرج لغاية كام اسبوع.. او بالأصح قبل بهيج عند المنحني الخطر..
أنا بالنسبة لي اتمني تنزل ستيب واي اوتو.. وبرضه ضربت دماغي كدة ف البيكانتو عربية خرافة من جوة تالت فئة (أول فئة اوتو) ب 83 موتور 87 بغل 1200 تقريبا أو 1250 استهلاكه 5.7 لتر لكل 100 كيلو يعني صباح التوفير والعربية ماشاء الله مافيش عيوب تقفيل ولا أي حمادة.. هو بس كان ناقصلها ال immobilizer وتبقي آخر تمام.. مشاكلها بقي يا سيدي اني أولا خايف لا موتورها يشقي معايا بسرعة.. يعني ساعات ف يوم واحد بضربلي 400 ل 500 كيلو فا ماينفعش يكحكح معايا ف نص السكة.. وتاني حاجة حاسس ان برستيجي حايضيع خالص فيها.. كمان الكبار حايبصولها دايما علي انها عربية حريمي حبتين.. وتالت حاجة اني مش عارف لسة ثابتة نقول مثلا علي 140 150 لو مسافر ولا لأ؟ بس بجد خرااااافة من جوة. ابقي ادخل علي كيا موتورز ايجيبت اتفرج ع ال interior

بس الجين تو مش واطيه يا باشمهندس ولا حاجة تعتبر عالية برده
ممكن حد من ملاكها ياكدلنا
انا فاكر انها كانت قريبة جدا من اللوجان في الارتفاع

مش محدد 100% عشان كدة قلتلك "أو ده اللي أنا اعتقدته"... دقيق أنا ف الكلام ههههههه
بس برضه حتي لو مش بتحك.. كفاية الصيانات وأسعار حبة الفلاتر والسيور يودو ف داهية.. وانا طبيعي أساسا اني باغير الحاجات دي قبل ميعادها عشان الاستهلاك عندس سريع حبتين. غير اني بادلوء ف العربية بنزين من أي حمادة ف أي شارع فا مش محتاج عربية سوفيفة تقولك دا يكحكح ودا يرجرج هو عبي فيها البرسيم واجري يا عم الحج.

برضه أنا وجهة نظري شخصية ومعتمدة لحد كبير علي ظروفي.. يعني ماتخدنيش مقياس حاول كدة تدورها مع نفسك وشوف ايه يناسبك أكتر.
ونصيحة تانية موضوع التابلوه ماتخليهوش قالقك.. انت لو جبت بي ام الفئة السابعة آخرها شهر ومش حاتبص أساسا ع التابلوه واللي حايفضل دايما معاك جودة العربية ونعومتها فا فكر ف دي كويس.

[mody21990]

ربنا يقدم اللي فيه الخير و شكرا لكل الناس اللي قالت رايها