Mazda 3 2012 or Lancer EX 2011

[bayantt]

شكرا يا رجالة علي التقييم الموضوعي،بس هو في اختيار تاني ظهر لي الاوبل كورسا هاي لاين
العربية ب129000 تقفيل وخمات ممتازة ومساحة داخلية رائعه، يعبها بس الشنطة ودي مش فرقه معايا
والماني وبصراحة بعد ركوب الكوري والياباني علي مدار عشرين سنة حاسس ان الالماني حاجة تانية

[Dawns_Mist]

شكرا يا رجالة علي التقييم الموضوعي،بس هو في اختيار تاني ظهر لي الاوبل كورسا هاي لاين
العربية ب129000 تقفيل وخمات ممتازة ومساحة داخلية رائعه، يعبها بس الشنطة ودي مش فرقه معايا
والماني وبصراحة بعد ركوب الكوري والياباني علي مدار عشرين سنة حاسس ان الالماني حاجة تانية

الكورسا الشكل الجديد جميل جدا ... و كماليات مناسبة جدا و أوبشنز و أمان عالي و عربية شياكة
موتورها أضعف من الشارك و من المازدا شوية .. لكن مع التجميع على الطريق السريعة مش هتحس بفرق كبير للدرجة دي ولو سواقتك أغلبها جوه المدينة يبقى هتوفر بنزين مع الكورسا .. التوكيل بس هو اللي سمعته وحشه .. ولازم تخلي بالك من أسعار قطع الغيار قبل ماتقرر .. أسعار قطع غيارها أرخص من المازدا و أغلى من الشارك ..
و برضه الألماني ركوبة محترمة أكيد ..
و ربنا يوفقك ..

[MIVEC.A92]

خد بالك كمان إن توكيل mitsubishi من أسوء التوكيلات المصرية ..

مين اللي قال لحضرتك كدة؟!

[medo_msmsa]

بالنسبة للكلام عن سحب الشارك ، و للعلم انا مش بدافع عنها لإني بحب المازدا أكتر منها ، و كمان على فكره sx4 عربية ممتازة جدا جدا ...

التيست درايف بتاعي على 1500 و دي عربية شارك تحت إيدي على طول و بسوقها كتير جدا :
0 - 100 كم في 11 ثانية
0 - 180 كم في 34 ثانية
و أنا شايف إن ده تسارع بصراحه مناسب جدا جدا .. خصوصا إن وزن الشاسيه لوحده 1350 كجم و وزن العربية كلها مقارب لـ 1800 كجم يعني بنفس وزن الأوبل فيكترا الـ 2000 سي سي و سحبها أحسن من الأوبل ( مع كل الاحترام و التقدير للأوبل طبعا لإنها برضه فئة أعلى ) .. بالتالي لما يكون الوزن ده كله موتور 1500 بيجره بالتسارع ده .. معناه إن العربية ممتازة و الموتور قوي جدا ..

Sx4 لازم تكون أفضل في التسارع ... أولا معروف جدا إن السوزوكي مواتيرها ممتاه في السحب و قوية جدا .. أنا ماسوقتش الـ sx4 بس أنا كانت معايا الفيتارا لفترة و عارف معنى كلمة مواتير سوزوكي ..... ده غير إن الـ sx4 وزنها أقل من الشارت بأكتر من 30 % تقريبا .. بالتالي طبيعي جدا يكون التسارع من 0 - 100 أفضل بكتير في السوزوكي ، لكن فوق الـ 100 الشارك صدقني هتعديها بكتير ..

و عموما في الأول و في الآخر .... شارك أو مازدا أو فليوانس ...... عربيات ممتازة جدا و بإذن الله مش هتندم عليهم .. يمكن العيب الوحيد اللي بنبهك منه بس هو إن توكيل المزدا فعلا سيء و قطع غيارها غالية جدا بطريقة مش معقولة أبدا ...

و بالتوفيق يا باشا ...

الكلام ده فيه حاجة غلط استحالة وزن الشارك يبقي 1800 كيلو انا معايا مازدا 3 ووزرنها 1250 وده يعتبر متوسط للفئة واتقل من عربيات كتير كمان غير معلومة تانية انا متأكد منها في العربيات الاكبر من الفئة دي كلها زي الاودي a6 الجديدة ال v6 وزنها 1480 كيلو وده من الكتالوج ومن كلام الوكيل هنا في السعودية اعتقد ان الشارك لو وصلت 1300 كيلو يبقي كتير اوي عليها

[Dawns_Mist]

الكلام ده فيه حاجة غلط استحالة وزن الشارك يبقي 1800 كيلو انا معايا مازدا 3 ووزرنها 1250 وده يعتبر متوسط للفئة واتقل من عربيات كتير كمان غير معلومة تانية انا متأكد منها في العربيات الاكبر من الفئة دي كلها زي الاودي a6 الجديدة ال v6 وزنها 1480 كيلو وده من الكتالوج ومن كلام الوكيل هنا في السعودية اعتقد ان الشارك لو وصلت 1300 كيلو يبقي كتير اوي عليها

كل عربية ليها وزنين يا أفندم .. جروس و كروب .... اللي هو وزن الشاسيه لوحده أو وزن العربية بالكامل
الشاسية لوحده للشارك 1350 كجم .. و ده من الكتالوج .. ووزنها الإجمالي ( يعني بالموتور و الصاج و غيره ) يقارب الـ 1800 كجم .

المازدا 3 وزن الشاسيه لوحده 1250 كجم ، الكورولا 1250 كجم ، الهوندا 1300 كجم ، الأوبل فكترا و الفورد فوكس 1350 كجم ، الأودي v6 وزن الشاسيه لوحده فعلا 1480 كجم بالتالي هي هتكون أتقل من الشارك طبعا بكتير ..

اللي حصل سوء فهم بس يا أفندم .. وبرضه كل الأرقام دي أرقام كتالوجات .. و هتلاقي لكل عربية من دول على الويب سايت الرسمي وزنين اتنين زي ماقولت لوحضرتك ... وزن شاسيه لوحده ، ووزن العربية بالكامل.

[Dawns_Mist]

مين اللي قال لحضرتك كدة؟!

هو بصراحه فعلا توكيل ميتسوبيشي حرامي لكنه مش أسوأ توكيل في مصر .. هو المعاملة حلوة مافيش مشاكل و مش بيعكوا في العربية بتاعتك .. لكن أنا جربته بنفسي و جربت توكيل رينو بنفسي و خليني أقولك الفرق :
- رينو كان معايا ميجان و كان فيها مشكلة فيتيس .. أولا بالتليفون بنحدد المعاد تاني يوم بيكونوا في انتظاريو بيكونوا كمان مجهزين نفسهم على العطل اللي كنت قولتلهم عليه و مجهزين كل احتمالات قطع الغيار .. و لما روحت برضه كان نفسهم نفسهم إنهم مايغيروليش أي حاجة في العربية .. لكن فعلا الفيتيس كان عايز يتغير .. جالي واحد منهم كمان و قالي انت ممكن تجيبه استعمال من المكان الفلاني هاته و أنا هركبهولك .. و فعلا خلال 6 ساعات تقريبا كانت العربية مالهاش حل و كمان وفرت 4000 جنيه لو كنت جيبته من داخل التوكيل .

- ميتسوبيشي كنت بعمل فحص على العربية ( غلطت و قولت أعمل فحص في التوكيل ) طلعلي إني لازم أغير العفشة بالكااااااااااااااااااامل كل حاجة في العفشة من المساعدين الاربعة و اليايات كمان و التيش و البيض و كل كل حاجة .. و حسبلي التكلفة و كانت مبلغ مهووووووول .. و كان عندي عيب في الشكمان قولتلهم عليه قالولي لا ده زي الفل مافيهوش مشاكل ......
روحت بعدها على مركز صيانة متخصص و المهندس اللي فيه صديقي و كشفولي على كل حاجة و طلع إني بس محتاج مسمار ميزان للعفشة غيرته و لحد النهارده من 5 شهور ماعملتش أي حاجة في العفشة و مافيهاش غلطة .. و طلع فعلا إن الشكمان عندي كان فيه مشكلة و صلحهولي و أنا واقف ..

و مرة تانية كنت عامل حادثة بسيطة روحت للتوكيل و أنا معايا كل القطع اللي أنا محتاجها استعمال خارج لإني عارف إنها غالية في التوكيل .. الجميل إنهم قالولي المصنعية لوحدها 13 ألف جنيه .. طبعا رفضت و علمتها بره بـ 2500 جنيه مصنعية !!!!

أيا كان و سيبك انت من التوكيلات بقى ... أنا عايز أسأل حضرتك عن الشارك الـ 1600 اللي مع حضرتك الجديدة .. أولا أقولك مبروك و ربنا يكفيك شرها و يباركلك فيها .. و ثانيا أنا ماجربتش العربية دي قبل كده فعايزك تقولي على رأيك في موتورها بس .. يا ترى فيه فرق ملحوظ فعلا بينها و بين الـ 1500 لإني مجرب الـ 1500 كتير ... و ياريت لو تعرف تقولي عن متوسط سحبها كده كام ثانية لو تقدر تحسبهالي الله يكرمك بس عمليا سيبك من كلام الكتالوجات ..

[Dr'AhmZZong]

كل عربية ليها وزنين يا أفندم .. جروس و كروب .... اللي هو وزن الشاسيه لوحده أو وزن العربية بالكامل
الشاسية لوحده للشارك 1350 كجم .. و ده من الكتالوج .. ووزنها الإجمالي ( يعني بالموتور و الصاج و غيره ) يقارب الـ 1800 كجم .

المازدا 3 وزن الشاسيه لوحده 1250 كجم ، الكورولا 1250 كجم ، الهوندا 1300 كجم ، الأوبل فكترا و الفورد فوكس 1350 كجم ، الأودي v6 وزن الشاسيه لوحده فعلا 1480 كجم بالتالي هي هتكون أتقل من الشارك طبعا بكتير ..

اللي حصل سوء فهم بس يا أفندم .. وبرضه كل الأرقام دي أرقام كتالوجات .. و هتلاقي لكل عربية من دول على الويب سايت الرسمي وزنين اتنين زي ماقولت لوحضرتك ... وزن شاسيه لوحده ، ووزن العربية بالكامل.

ياااااااااااه اخيرا فهمت الفرق بينهم ..

واللهِ العظيم إنت برنس أنا كنت فاكر الوزن gross يعني بالركااااااااب تخيل هههههههههههههههه ..

تحياتي لحضرتك جدااااااااااااااااااااااااااااااا

[bayantt]

هو ليه الناس مهتمة اوي بالتوكيلات واصلا كلهم او علي الاقل رايحيين في داهية
انا محتاج التوكيل فقط في حالة وجود عيب صناعة وده شئ نادر حاليا غير كده كل اللي بيتم هو استبدال اجزاء وليس اصلاح وجهاز سكانر حقير ب200 ولا 300 دولار يرست اي ايرور يطلع له
امال انا بدور عالالماني والياباني ليه،لان الناس دي هما اللي اخترعوا الجودة الشاملة والsix segma اجيب عربية اخري اغير لها زيوت وفلاتر ولو الله لا يقدر حصلت حادثة اخر مكان ممكن اصلح فيه هو التوكيل

[MIVEC.A92]

@Dawns_Mist

تمام, أنا قصدي ان المقارنة بين دايموند و غبور و التعليق بيقول ابعد عن ميتسوبيشي عشان من أسوأ التوكيلات, ازاي أسوأ التوكيلات و المقارنة مع غبور, و عما انا تقييمي لدايموند اللي علي طريق مصر الأسكندرية في صيانة الألف يعتبر كويس جدا بس المشكلة في انتظامة بالمواعيد لأني كنت حاجز قبليها بيومين و لقيت زحمة رهيبة و دخلت بعديها بكتير. لكن التوكيل شغلة كويس جدا و نضيف جدا.

بالنسبة للموتور, انا مجربتش ال 1500 لكن ال 1600 الجديدة بسم الله ما شاء الله تجميعة للسرعات جميل جدا و صوت الموتور نفسة تحفة .. يعني كنت ماشي علي الدائري و الدنيا زحمة, فتح الطريق قدامي و دست كيك داون ما شاء الله مفيش ثواني جبت 170 علي الثالث و العربية في الثبات ما شاء الله باخد بيها ملف علي 120 و العربية لازقة في الأرض.

[Dawns_Mist]

@dawns_mist

تمام, أنا قصدي ان المقارنة بين دايموند و غبور و التعليق بيقول ابعد عن ميتسوبيشي عشان من أسوأ التوكيلات, ازاي أسوأ التوكيلات و المقارنة مع غبور, و عما انا تقييمي لدايموند اللي علي طريق مصر الأسكندرية في صيانة الألف يعتبر كويس جدا بس المشكلة في انتظامة بالمواعيد لأني كنت حاجز قبليها بيومين و لقيت زحمة رهيبة و دخلت بعديها بكتير. لكن التوكيل شغلة كويس جدا و نضيف جدا.

بالنسبة للموتور, انا مجربتش ال 1500 لكن ال 1600 الجديدة بسم الله ما شاء الله تجميعة للسرعات جميل جدا و صوت الموتور نفسة تحفة .. يعني كنت ماشي علي الدائري و الدنيا زحمة, فتح الطريق قدامي و دست كيك داون ما شاء الله مفيش ثواني جبت 170 علي الثالث و العربية في الثبات ما شاء الله باخد بيها ملف علي 120 و العربية لازقة في الأرض.

غبور ده لا يعلى عليه في السرقة و النصب و الاستهبال و الاستخفاف بعقليات البشر و سوء التنظيم و الإدارة ... أكيد دايموند موتور أو حتى الشركة المصرية أحسن بكتير من غبور ...

بالنسبة للشارك فأنا مجرب الـ 1500 كويس .. و كنت كتبت تجميعها بالأرقام في أكتر من موضوع .. تجميعها على السرعات العالية كمان حاجة ممتازة جدا جداو يناهض الأوروبي من نفس الفئة ... بالتالي اللي أنا متوقعه من مايفك 1600 إنه هيكون أحسن من كده كمان و علشان كده كنت بسأل حضرتك ..
أما من ناحية الثبات فأنا والله مستغرب من الناس اللي كانوا مطلعين سمعة قديمة على الشارك إنها مش ثابتة .. أنا سوقتها لحد 190 كيلو .. أنا ماحسيتش بالسرعة غير على الـ 170 تقريبا .. أقل من كده كنت حاسس إني في الصالون بتاع بيتنا و خدت بيها كيرف في الطريق كده على الـ 180 و كمان كان الطريق فيه نؤر كتير كده والله حاجة ممتازة جدا جدا ... أنا ماكنتش متوقع إني هاخد منها الثبات و الراحة دي .. أنا معايا البومة ثباتها كويس لكن طبعا ولا تيجي نص ثبات الشارك .. يعني البومة عندي لحد 140 كده انت بالك مرتاح ولو الطريق فيه كيرف مش هتخاف .... لكن طبعا لو على الـ 180 زي الشارك كده الموضوع هيختلف تماما ....

عموما مبروك عليك يا باشا العربية .. و ربنا يباركلك فيها و يكفيك شرها و أنا هحاول برضه أجرب الـ 1600 منها علشان أنا شايفها عربية ممتازة و ليها حق تنتشر أكتر من عربيات كتير ..

[Dawns_Mist]

انا عندي غلطة غير مقصودة في الكلام اللي فوق يا جماعة الـ curb wieght بيكون الموتور محسوب فيه
و الجروس بيكون مضاف عليه كمان وزن تقريبي للركاب ...
بالتالي المقارنة المفروض تكون بالوزن الخالي الكيرب فقط .. لإن الجروس مش هيكون المقارنة بيه عادلة .. و آسف لو كنت دخلت الوزن الجروس في كلامي ..

دي معلومات أنا اتسرعت و أنا بكتب المشاركة اللي كان فيها الفرق و كان لازم أنبه عليها .. و الشارك الcurb weight ليها لما جيت أتأكد منه لاقيته 1250 كجم في حين المازدا 3 الجديدة 1235 كجم ...