ما هي افضل عربيه ب 75 الف جنيه ؟

[ZOoOoMA]

لوووووووووووووجان: توكيل محترم جدا
عربيه مساحتها كبيره و واسعه من جوه
شنطتها بس 500 لتر!!!!!
ثبات و اداء عالي جدا
لكن الفيرنا و الاسبيرانزا مفيش فيهم ريحه الثبات ده غير ان الاسبيرانزا صيني!! يعني عيوب للصبح
و هنطلعها من المقارنه و هنقتصر على:
لوجان و ساجا و لانوس و فيرنا
لو قارنت هتلاقي ان اللوجان و الساجا.اعلى بكتييييييير من الفيرنا و للانوس و ده هيكون نقطه كويسه في المطبات او لو محمل على العربيه
و برضو شكل اللوجان و الساجا احسن من الفيرنا و اللانوس
من ناحيه الاداء و الثبات:اللوجان و الساجا هيدوك اداء و ثبات رائع احسن ب كتييير من الفيرنا اللي الثبات فيها شبه معدوم و اللانوس اللي خلاص تقريبا عفى عليها الزمن و شكلها زي ما هوا مش بيتغير و سحبها مش قد كده
يبقى هنا المقارنه كلها بين اللوجان و الساجا؟؟
الساجا:قطع غيارها قليله جدا و لازم تجيبها من التوكيل
اللوجان:قطع غيارها متوفره بره التوكيل و جوا التوكيل
الساجا:الناس بتقول توكيل مش قد كده
اللوجان: اتعاملت مع توكيل رينو قبل كده مع العلم اني مش معايا عربيه اصلا بس كان معايا رينو بتاعت صاحبي و روحت اعملو الصياه بتاعتها عشان مكنش فاضي بصراحه توكيل محترررررررررررررررم جدا جدا
و من وجه نظري انا شايف اللوجان احسن ب كتييييير
و يا رب يوفقك في اختيارك يا باشا..

[epnmasr]

الفيرنا ناس نصحتني بيها لما كنت ناوي أغير وعجبني كلامهم لذلك قلت أنصحك بيها ............. لكن المشكله إني عندي ملاحظات على غبور ومش بحب الوكيل ده

[mazgangy]

لا بقى معلش والا واحده من دول احسن عربيه بالسعر ده :d:d
كلهم عربيات مع احترامى ليها وسيله مواصلات مش عربيه احسن عربيات فالسعر ده هما بيجو 307 وابيزا موديلات 2007 2008 او بولو2 وارخص شويه او جولف 4 من 1999 ل 2004 حاله نادره بس دى صعب تلاقيها بسهوله وحالات كويسه واحسن من مليون زيرو من العربيات المكتوبه دى لكن لو لازم حاجه من المكتوبين فيرنا او لانوس وفكك من البروتن والصينى والرينو ابعد عنوووووووو بس نصيحه بلاش والا واحده من دول السعر ده يركبك عربيه محترمه من اللى انا كتبتهم فوق وفرق سما واورض بجد

[lanos2004]

لوجان علشان بتلمع

[ayman1204]

ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان عند حوض الماتور ودا مش موجود فى فئتها
من ضمن العربيات القليلة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *


العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازاز فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
مسالة قطع الغيار
* قطع الغيار بدات فى الانتشار الفانوس الامامى ب 200 جنية والخلفى ب 150
وجوز المقصات ب 400 جنية وبكدة مسالة تفاضل الانوس بسبب قطع الغيار اصبح مالهاش لزمة

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
Dacia Logan : Informatii Dacia Logan
نوع العربية

Preference 1.6 MPI 90 CP

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك


-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور بواسطة الاستاذ نادر نبيل

http://www.nilemotors.net/Nile/90472-2010.html

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم

دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

واتفضل اسال فى اى وقت
ودا قسم اللوجان بالمنتدى

http://www.nilemotors.net/Nile/forum149/

[Sehsss]

ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان عند حوض الماتور ودا مش موجود فى فئتها
من ضمن العربيات القليلة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *


العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازاز فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
مسالة قطع الغيار
* قطع الغيار بدات فى الانتشار الفانوس الامامى ب 200 جنية والخلفى ب 150
وجوز المقصات ب 400 جنية وبكدة مسالة تفاضل الانوس بسبب قطع الغيار اصبح مالهاش لزمة

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
dacia logan : Informatii dacia logan
نوع العربية

preference 1.6 mpi 90 cp

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك


-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور بواسطة الاستاذ نادر نبيل

http://www.nilemotors.net/nile/90472-2010.html

بتنزل على 5 ماركات فى كل انحاء العالم
فى اسيا وافريقيا والشرق الاوسط renault logan وروسيا
فى رومانيا والبرزيل وامريكا الجنوبية dacia logan
فى الهند mahindra renault logan
فى اليابان nissan aprio
tondar 90 فى مناطق بدول العالم

دى فيدوهات ليا بالعربية
logan 180 km/h with 6 passenger [1] - youtube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
logan 180 km/h with 6 passenger [2] - youtube

واتفضل اسال فى اى وقت
ودا قسم اللوجان بالمنتدى
http://www.nilemotors.net/nile/forum149/

والنبي شيل موضوع ديناميكية المرايا ده علشان 95 % من العربيات الحديثة مراياتها بتروح وتيجي، ولسه واحد صاحبي من أسبوعين مراية اللوجان (الديناميكية) بتاعته اتفرتكت

[Sehsss]

رأيي اللوجان طبعا نظرا لانتشارها وتوكيلها المحترم

[lanos2004]

لوجان
علشان عربيتى :)

انا عندى لانوس وقلت لوجان مع انى عمرى ما ركبتها--وحضرتك بتقول لوجان علشان عربيتى

صباح النرجسيه ههههههههههه
انا بهزر طبعا

[Ghosts]

الأوروبي يختلف تماما عن الكوري والصيني في نواحي كثيرة والترجيح للأوروبي، بداية من معاملات الأمان، متانة الهيكل، الثبات على الطريق، قوة وكفاءة المحرك، تحمل ظروف استخدام واجهادات أكثر من الآسيوي، قطع غيار معمرة وإن زاد سعرها قليلا عن الآسيوي.

كلام سليم ....
بس الشعب المصرى دلوقتى ثقافتة أتغيرت خاااااااالص ....

وبقى يدور على العربية اللى سعر أعادة بيعها أفضل, قطع غيارها رخيصة وفى كل حتة, أى جد يفهم فيها ....
عشان كدة العربيات الكورى بقت مغرقة كل شوارع مصر وحواريها ....

الواحد دلوقتى بقى فين وفين لما يشوف عربية فيات جديدة ولا سيات ....
وبيتهيألى توكيلات العربيات الأوروبى قربت تقفل فى مصر ....

[Screenplays]

شكرا للردود يا جماعه

[DR_HAMAD81]

سااااااااااااااااجااااااااااااااااااااااا

[ruby1974]

يعنى ايه اعتمادية؟!!

متعرفش تزود شوية و تجيب لوجان اوتوماتيك عربية ممتازة جدااااااا ..

لو مش هتعرف تزود يبقى فيرنا اوتوماتيك .. عربية اعتمادية جداااااااااا و قطع غيرها في كل حتة

يعنى ايه اعتمادية؟!!

[memofree]

طيب انا هئولك على فكرة
ادفع ال75 الف دى مقدم عربيه نيسان صينى سوبر صالون و قسط 726 فى 60 شهر
هتكسب بيجد بيجد عربيه محترمه و سيبك من الكلام ده

و السلام عليكم

[Screenplays]

من كتر الفلوس عشان اقسط صح ؟ ههههههههه بعدين اللي يخلي الواحد يزنق نفسه اصلا

[thunder155]

هيونداى فيرنا