تختار ايه بيت الغريمتين سيفيك او كورولا وليه

[medo_2060]

بسم الله الرحمن الرحيم

طبعا الموضوع باين من اوله ..دول اشهر عربيتين كل الناس بتتخانق في مقارنتهم وقولت اعمل موضوع عشان نعمل مقارنه منظمه ونعرف ايه الاحسن

مطلوب من كل واحد جرب اي من العربيتين اوحتى ماجربش يدخل ويقول رايه وتفسيره لاختيار السياره

[bassam nagy]

السيفيك تفوز عن الكورولا فى انها كاموتور اقوى وطبعا التقفيل اليابانى للسيفيك
والشكل الخارجى للسيفيك احسن

[hazem_khidr]

تقفيل و شكل و قوه موتور السيفيك بالتاكيد.
الكورولا فيها مشاكل في الفتيس و تقفيلها جنوب افريقي .
السفيك تكسب الصراحه
عيبها انها واطيه اوي و عاوزه واحد حذر في المطبات شويه

[hitsh88]

السيفيك طبعا : بس هى فيها حاجتين مش عاجبنى...انها واطيه على الارض(مع ان المفروض انها ميزة بس ربنا يخليلنا مصر و صاحب مصر)
تانى حاجة العداد الديجيتال حاسه مش مريح ...العداد التانى انتا بتابعه من غير ما تبص تقريبا انما ده محتاج تبص و تقرا ...عغير كده العربية تحفة..
و يا ريت تدخلو ال focus فى المقارنة !!!

[SEATLOVER]

لانــــــــــــــــــــــــسر EX

[limo]

انا مش هحتار ده ولا ده
السيفك صيانها غاليه اوى بالنسبه لى
الكورولا الجنوب افريقى تقفيلها مش حلو +الفتيس الاتوماتيك الجديد سمعنا من المنتدى ومن ناس معاهم العربيه بره المنتدى ان فيه حاجه مش مضبوطه
الكورولا اليابانى حلوه بس مشكلتها ان غاليه ومفيهاش غير الاوبشين الاساسيه+كمان ملهاش ضمان التوكيل ولا حتى الصيانه
فى النهايه انا مع الانسر الجديده ex او القديمه 1600
او تعلى شويه وتجيب اوكتافيا ايه 5

[vet mitcho]

اختار السيفيك لان بقالها كذا سنة و عيوبها كلها معروفة ومش مؤثرة
اما الكورولا الجديدة ففيه مشكلة الفيتيس كما سمعنا من ملاكها الجدد لم تحل الي الان

السيفك صيانها غاليه اوى بالنسبه لى

الكورولا الجديدة صيانتها هتكون اغلي من السيفيك

[NaBeLeOn]

سيفيك طبعا
شكل احلى بمراحل .. موتور اقوى .. تقفيل يابانى .. صالون أوسع .. الارتفاع عن الارض قريب جدا من بعضه يا جماعه على فكرة ( الفرق حوالى نص سم مش اكتر )

[CryptonX]

لانــــــــــــــــــــــــسر EX

كلامه مظبوط 100% مع اني مش من هواة الانسر بس قطع غيارها مازات تقريبا نفس الشكل الفديم و بالتالي صيانتها اقل .

السيفك ممتازة بس معلش ادفع 150 الف جنيه في عربية شبه فاضية ؟؟

الانسر ب 150 الف تجيلك اعلي واحدة فيها . بس هي شكلها رياضي شوية مش عائلية يعني .

لو حتفتح معاك يبقى فعلا الاوكتافيا A5 بعد كدة .

خلي تويوتا ليهم بالتقفيل بتاعها و بالموتور ال 2000 سي سي الي متنكر في شكل 1600 :)

[sa3dawy]

السيفيك احسن فى الشكل والقوة والموتور والتقفيل يابانى واوسسع
الكورولا مفيهاش غير كماليات

[ows212]

هوندا سيفيك بدون تردد ... بدون تفكير

[Sharky]

رأى الشخصى سيفيــــك

[medo_2060]

شكرا لكل الناس اللي شاركت في الموضوع
وحبيت اوضح حاجه..اولا انا مع السيفيك وثانيا العربيه شكلها مش عاليه لكن دي ارتفاعها 15.5 ودا كويس بالنسبه لفئتها
وقطع الغيار غاليه لانها بتعيش مش زي الكوري ولا زي التويوتا اللي نازله اصلا زيرو بايظه

اتمنى من كل الناس تشارك برايها

[SEATLOVER]

شكرا لكل الناس اللي شاركت في الموضوع
وحبيت اوضح حاجه..اولا انا مع السيفيك وثانيا العربيه شكلها مش عاليه لكن دي ارتفاعها 15.5 ودا كويس بالنسبه لفئتها
وقطع الغيار غاليه لانها بتعيش مش زي الكوري ولا زي التويوتا اللي نازله اصلا زيرو بايظه

اتمنى من كل الناس تشارك برايها

للاسف مفيش اى حاجة فى كلامك مظبوطة
وبدام حضرتك مع السيفك كان ممكن تكتب الموضوع
(فى حد معايا فى السيفيك )

[medo_2060]

للاسف مفيش اى حاجة فى كلامك مظبوطة
وبدام حضرتك مع السيفك كان ممكن تكتب الموضوع
(فى حد معايا فى السيفيك )

بالنسبه للكلام اللي قلته ياريت توضح لي الغلط يمكن اكون فعلا غلطان
وثانيا مش معني اني بحب السيفيك اعمل موضوع عشان اشمت في الكورولا لا انا عاوز اسمع راي الكل وفي النهايه قلت رايي واختلاف الراي لايفسد للود قضيه