تختار ايه بيت الغريمتين سيفيك او كورولا وليه

[qwertyqwerty]

الاخ ميدو كان موضوعى ومحترم فى طلبه للتقييم من الجميع.
ويا جماعة لا يجب ان نأخذ الموضوع بشكل شخصى وانتقاد ميدو فى تقديرى كان غير لازم.
الا اذا كان يوجد شخص من المشاركين له اسهم فى الهوندا او التويوتا

[qwertyqwerty]

مقارنة الكماليات

السيفيك احسن فى الشكل والقوة والموتور والتقفيل يابانى واوسسع
الكورولا مفيهاش غير كماليات

نرجو مقارنة الكماليات فى السيارتين وبشرط مراعاة فروق السعر

[Chicco]

في مصر ولا ديه و لا ديه ....السيفيك غالية قوي على موديل نازل من غير كماليات كفاية ....الكورولا الجديدة الناس بتشتكي من الفتيس الجديد ال-mmt و الله أعلم ده عيب تصنيع و لا عيب قيادة
بره مصر اخترت الكورولا لأنها أكثر اعتمادية و توكيلها خدمته أحسن و سعر إعادة بيعها أعلى .....النقطة الوحيدة اللي كانت مع السيفيك إن شكلها أحلى ...ما كنش من أولوياتي خالص في الأختيار

[qwertyqwerty]

طيب دى كماليات السيفيك -ماهى كماليات الكورولا الجديدة الاضافية مع الاخذ فى الاعنبتار فارق السعر


1600 سى سى (140 حصان)
كاسيت شرايط وسى دى (اوديو فقط)
مثبت سرعه فى الدركسيون
مسند يد امامى واخر خلفى
اوتوماتيك Cvt
انوار بالصالون اماميه (تحت المرايه )
مرايا جانبيه قابله للطى فى الاتجاهين (الى داخل السياره والى الخارج)
2 حامل اكواب امامى و2 خلفى
طفاية سجاير محموله
4 زجاج كهربائى (زجاج الساق اوتوماتيك حيث يتوقف تلقائيا اذا اصطدم بعائق (ايدك مثلا))
دركسيون باور كهربائى يتمتع بسلاسه عاليه على السرعات المنخفضه وتحكم عالى الاداء على السرعات العاليه
فرش داخلى فاخر
التابلوه تحفه فنيه
عداد السرعه ديجيتال
اقتصاديه فى استهلاك الوقود فى السفر (320 كيلو فى الصفيحه عن تجربه)
تحكم فى ارتفاع وانخفاض الدركسيون وايضا بعده او قربه من السائق (للداخل وللخارج وفى الاتجاهين)
فتح الشنطه وتنك البنزين من الداخل
سير كاتينه جنزير وليس سير مطاطى ويتم تغييره عند 200 الف كيلو
البوجيهات يتم تغييرها عند 100 الف كيلو
مساحات تخزين داخليه وفيره
شنطه زات مساحه كبيره ويمكن طى المقاعد الخلفيه لزياده مساحة التخزين
مساحات الزجاج بتقنيه جديده لضمان اكبر رؤيه للسائق وافضل اداء اثناء المطر
وساده هوائيه للسائق واخرى للراكب الامامى

[SEATLOVER]

الاخ ميدو كان موضوعى ومحترم فى طلبه للتقييم من الجميع.
ويا جماعة لا يجب ان نأخذ الموضوع بشكل شخصى وانتقاد ميدو فى تقديرى كان غير لازم.
الا اذا كان يوجد شخص من المشاركين له اسهم فى الهوندا او التويوتا

يا سيد qwertyqwerty عند فتح مقارنة لا يوجد لها طالب فعلى لاحدى السيارتين تصبح المقارنة لا جدوى منها و غير مفيدة ... لان من يسأل فى المقارنة يتوقف اتجاة المقارنة و خصوصاً فى تلك الفئة على احتياجات و مطالب صاحب المقارنة من السيارتين و يصبح تفاعلة مع مشاركات المقارنة مجدى من حيث طلب و سؤال و اجابة

اما اذا تم فتح المقارنة بلا هدف و لمجرد معرفة الاراء فى السيارتين فعليك الاستماع للاراء مهما كانت و يفضل عدم توجيها فى مسار معين حتى لا تكون مقارنة مضللة لمن يسترشد بها فى المستقبل

واية حكاية حد لة اسهم فى تويوتا و لا هوندا دى

وانتقاد ميدو فى تقديرى كان غير لازم.
الا اذا كان يوجد شخص من المشاركين له اسهم فى الهوندا او التويوتا

وماحدش انتقد ميدو غيرى ..وانا اللى قولت فى المشاركة اللى قبليها لانــــــــــــسر EX يعنى اصلاً من الاول لا قولت دى ولا دى .... حاجة غريبة جداً !!!!


اتمنى ان تكون الرسالة واضحة

اما بالنسبة للاخ ميدو فهو أخ عزيز ولا يزيد الامر عن مجرد حوار فى مقارنة

هو فى اول مشاركة لية فى موضوعة قال

شكرا لكل الناس اللي شاركت في الموضوع
وحبيت اوضح حاجه..اولا انا مع السيفيك وثانيا العربيه شكلها مش عاليه لكن دي ارتفاعها 15.5 ودا كويس بالنسبه لفئتها
وقطع الغيار غاليه لانها بتعيش مش زي الكوري ولا زي التويوتا اللي نازله اصلا زيرو بايظه

استخام كلمات مثل

اوضح حاجه

او

اولا انا مع السيفيك وثانيا

فهى كلمات غير موفقة

ثم يأتى باقى الكلام غير مظبوط بالمرة
1-ارتفاع السيفيك 10.9 cm (خلوص ارضى )
ويعنى اية (بالنسبة لفئتها) !!
2-(وقطع الغيار غاليه لانها بتعيش مش زي الكوري )
مين اللى قالك المعلومة دى
السيفيك (الحديثة اللى لسة نازلة ) معمرة
ومش عايز اضربلك امثلة و خصوصاً لفتيس الهوندا
و (مش ذى الكورى ) اى مقياس للكورى (اكسنت 99 )مثلاً ولا الالنترا 2008 ؟؟!!
3-( ولا زي التويوتا اللي نازله اصلا زيرو بايظه)
يعنى اية تويوتا زيرو بايظة ..... مش شايف دى مستحيلة شوية
مش كل واحد يقولنا فتيس الكرولا فية ناتشة ... يبقى نقول نازلة زيرو بايظة
وعلى فكرة حضرتك النتشة دى فى عربيات كتير جداً من الجديدة و هاتشوفها من هنا ورايح كتير فى كل العربيات اللى هاتنزل وهايبقى هو دة الطبيعى فى الاتوماتيك للنوع دة من العربيات (ماتور عالى / فتيس اتوماتيك اربع نسب )

على من يفتح مقارنة ليس هو من ينتظر نتيجتها ان تقتصر مشاركتة على مجرد رأية
حتى تكون مقارنة حيادية و بها معلومات صحيحة
لمن يبحث عنها فى يوم ما

[qwertyqwerty]

لا يمنع ان يقوم شخص بطلب المشاركة وهو مقتنع بسيارة عن اخرى
ولكن لا يجب ان يوجه نقد لشحص معين?
كما قلت فى السابق لا يوجد لشخص فى المنتدى مصلحة او اسهم فى اى من الشركنين

والكورولا بها عيب فى الفتيس فعلا ولو قرأت المشاركات الاخرى فى المنتدى ستعلم ذلك
والعيب موجود فى اوروبا ايضا وليس النتش فقط
ابحث فى النت على toyota mmt problems ستجد مشاكل كثيرة

[qwertyqwerty]

انظر
http://www.nilemotors.net/Nile/showt...159#post305159

[waleed24ag]

سيفيك افضل كلنا بنسمع عن عيوب الكورولا الجنوب افريقي و مشاكلها

[SEATLOVER]

لا يمنع ان يقوم شخص بطلب المشاركة وهو مقتنع بسيارة عن اخرى

(مشاركة ) يعنى مش موضوع مفتوح بخصوص مقارنة
ثم تقدر تقولى هدف المقارنة اية
إذا كان اللى فاتحها مقتنع بواحدة منهم
ولا هو بهدف توجية اى مقارنة قادمة لنفس الاتجاة

ولكن لا يجب ان يوجه نقد لشحص معين?

ومين قالك دة نقد ...دة مجرد حوار عادى فى مقارنة
هو قال رايية و احنا قولنا رأيينا و على من يدلى بمعلومات ...ان تكون صحيحة ولا تهدف غرضة من المقارنة ..التى هى اصلاً بلا هدف

كما قلت فى السابق لا يوجد لشخص فى المنتدى مصلحة او اسهم فى اى من الشركنين

يا راجل دة انت قولت عكس كدة تماماً ..ولو عايز افكرك ..دة ردك

الا اذا كان يوجد شخص من المشاركين له اسهم فى الهوندا او التويوتا

والكورولا بها عيب فى الفتيس فعلا ولو قرأت المشاركات الاخرى فى المنتدى ستعلم ذلك

يعنى انت جايبلى اشهر موضوع اتكلم فى الحكاية دى ...وبداية الكلام فى الحكاية
وفاكرنى معرفوش مثلاً
تجربة تويوتا كورولا 2008 جنوب أفريقى
موضوع وصل 7 صفحات و موصلش لحاجة ..وما زالت الكورولا ..الاكثر مبيعاً

ابحث فى النت على toyota mmt problems ستجد مشاكل كثيرة

انا ماببحثش فى النت انا بجرب و انزل سوق ... دة اللى لينا هنا ...واللى فى اوروبا يخليهم فى اوربا كفاية عليهم ان هما هناك


وبدام حضرتك من عشاق السيفيك كدة
لما تلاقى معلومات غلط عن السيفيك ابقى صلحها حتى تعُم الفائدة

وشكر خاص لاهتمامك المُبالغ

[medo_2060]

(مشاركة ) يعنى مش موضوع مفتوح بخصوص مقارنة
ثم تقدر تقولى هدف المقارنة اية
إذا كان اللى فاتحها مقتنع بواحدة منهم
ولا هو بهدف توجية اى مقارنة قادمة لنفس الاتجاة




ومين قالك دة نقد ...دة مجرد حوار عادى فى مقارنة
هو قال رايية و احنا قولنا رأيينا و على من يدلى بمعلومات ...ان تكون صحيحة ولا تهدف غرضة من المقارنة ..التى هى اصلاً بلا هدف


يا راجل دة انت قولت عكس كدة تماماً ..ولو عايز افكرك ..دة ردك



يعنى انت جايبلى اشهر موضوع اتكلم فى الحكاية دى ...وبداية الكلام فى الحكاية
وفاكرنى معرفوش مثلاً
تجربة تويوتا كورولا 2008 جنوب أفريقى
موضوع وصل 7 صفحات و موصلش لحاجة ..وما زالت الكورولا ..الاكثر مبيعاً

انا ماببحثش فى النت انا بجرب و انزل سوق ... دة اللى لينا هنا ...واللى فى اوروبا يخليهم فى اوربا كفاية عليهم ان هما هناك


وبدام حضرتك من عشاق السيفيك كدة
لما تلاقى معلومات غلط عن السيفيك ابقى صلحها حتى تعُم الفائدة

وشكر خاص لاهتمامك المُبالغ

الاستاذ seatlover انا شايف ان حضرتك بتتناقش بطريقه متكلفه جدا حضرتك احنا مش في الامم المتحده دا منتدى سيارات يعني عايزين نعرف اراء بعض ونتكلم عن السيارات كاننا بنتكلم مع بعض في مجلس دا طبعا مع الحفاظ عل الادب والنظام في النقاش

بالنسبه للاستاذ qweryqwery ماتكلمش غلط خالص وانا ما بقولش كدا عشان دافع عني لا هو اشترك بطريقه موضوعيه في الموضوع وعلى الاقل كتب مواصفات السيفيك عشان الناس تعرفها لو انت مع الكورولا ياريت تكتبلنا مواصفتها عشان نقارن لكن انا شايف ان حضرتك بتنتقد وبس

وموضوع ارتفاع السيفيك اللي حضرتك بتقول انه 10.9 انا ماسمعتوش قبل كدا انا دايما اشوف انه 15.5 ودا اتذكر في المنتدى دا اكثر من مره

وازاي حضرتك تقول ان المقارنه دي مش هادفه عشان انا عاملها وانا مقتنع بالسيفيك!!!

ايه المشكله في كدا اي حد بيعمل مقارنه بيبقى عارف انه مختار عربيه منهم قبل ما يكتبها بس هو عايز يعرف اراء الناس يمكن هو غاط في حاجه يمكن هو كان فاكر حاجه في العربيه كويسه وحد من اللي شارك وضحها....وعلى كلام حضرتك وواضح من اسم اشتركك في المنتدي(seatlover( انك ماتدخلش في اي مقارنه بين السيات واي عربيه لانك بتحب السيات وهيبقى موضوع فاشل على حد كلامك ..هل انت فعلا بتعمل كدا ولو كل واحد بيكتب مقارنه لازم مايكونش له ميول او اختيار لعربيه في المقارنه يبقى نلغي القسم دا من المنتدي احسن
اسف على التطويل وتقبل خالص احترامي

[medo_2060]

وبالنسبه للنقطتين دول






[ ..وما زالت الكورولا ..الاكثر مبيعاً[/COLOR]

وعشان هي اكثر مبيعا تبقى احلى عربيه طبعا لا في عربيات ناجحه جدا في بلاد وفاشله في غيرها زي الفوكاس
والكورولا اتباع منها كتير لان الناس بتشتري سمعه تويوتا ومكنتش متوقعه ان الفتيس يكون كدا واكيد مبيعاتها قلت بعد ما الناس عرفت وانت اكيد قابلت وشوفت ناس كتير بتشتكي منها دا حتى الشكاوي كتير في المنتدى هي دي الحقيقه... ولما قولت انها بايظه حضرتك اعترضت ..ليه وايه اللي يجبرني اروح اجيب عربيه ب 150 الف زيرو وعارف ان فيها مشاكل وياريت في حاجه تانيه لكن دي في الفتيس في مشكله اخطر من كدا



انا ماببحثش فى النت انا بجرب و انزل سوق ... دة اللى لينا هنا ...واللى فى اوروبا يخليهم فى اوربا كفاية عليهم ان هما هناك


ياريت حضرتك تبحث في النت وتشوف بنفسك ... اما موضوع(انا ماببحثش فى النت انا بجرب و انزل سوق ) ..ازاي يعني حضرتك جربت كل العربيات يعني لو قلنالك قولنا حاجه عن الفيراري ولا اللامبورجيني حضرتك هتقول (اه انا لما سوقتها لقيت فيها كذا وكذا وكذا.....)

[SEATLOVER]

يا سيد ميدو واضح انك لم يصلك اى نقطة تريد استيعابها
كمل موضوعك واكتب فى التويوتا و ارفع فى الهوندا

والرسالة قد وصلت لمن يريد تفهم مغزاها