فيرنا - byd - اسبرانزا a516 تاكسي

[wael6]

السلام عليكم
ايهم الافضل عمليا
فيرنا - byd - اسبرانزا a516 تاكسي
وشكرا

[Sehsss]

عمليا b y d

[Bently]

عمليا b y d

ليييييه؟؟؟
يعنى BYd قطع غيارها معمرة عن الفيرنا مثلا؟؟؟

[Sehsss]

ليييييه؟؟؟
يعنى byd قطع غيارها معمرة عن الفيرنا مثلا؟؟؟

حقك عليا ما تزعلش نفسك، حاجة غريبة جدا

[Sehsss]

تعتبر السيارة ( إف 3 ) احدث ما قدمته شركة ( بى واى دى ) الصينية فى عالم السيارات لما بها من تكنولوجيا متطورة لما تتمتع به من جاذبية والتصميم الانسيابي وقوة محركها

الأسعار
byd f3gi..........68000
bydf3gli.........72000
bydf3glxi...........85000

المواصفات العامة

السيارة فول أوبشن(تكييف -باور- سنتر - زجاج ومرايات كهرباء -راديو MP3/CD -فرامل Abs+ EBD
-2 وسادة هوائية - جنوط 15 رياضية - انذار ريموت كنترول- حساس بالاكصدام الخلفي-اريال بالزجاج الخلفي-دعامات فولاذية للبواب- ناقل حركة يدوي

F3 مزودة بموتور ميتسوبيشي 1600 SOHC 4G18 cc أقصى سرعة 185 كيلو متر تنطلق من 0/100 في 12.3 ثانية تستهلك 4.7 لتر لكل 100 كيلومتر - سعة التنك 50 لتر
أبعاد السيارة الطول 4.533 متر- العرض 1.075 الارتفاع 1.490 وقاعدة العجلات 2.600 متر

المحرك

من أهم ما يميز السيارة( اف 3 ) المحرك القوى الذى صمم بسعة 1600 سى سى . 16 صبابا طراز ميتسوبيشى الياباني القوى ( وليس تكنولوجيا يابانى فقط ) الذى يمكن السيارة من الوصول إلى سرعة 100كم/س فى زمن اقل من 12 ثانية

التصميم

تتمتع السيارة ( اف 3 ) المصممة بشكل متطور لتلبية متطلبات عشاق السيارات من مراعاة التصميم الانسيابي الذى يساعد السيارة على اختراق الطريق بكل سهولة ومقاومة الهواء كما تتميز بأنها السيارة الرياضية الأنيقة المصممة لجذب الأنظار من خلال مظهرها الديناميكى الجديد فتوفر راحة قصوى للركاب وذلك لاتساع صالونها.

عوامل الأمان

على مستوى الامان تتميز السيارة ( اف 3 ) بافضل معدل لسلامة الركاب وذلك بفضل أعلى تقنيات تكنولوجيا الامان الحديثة بالاضافة إلى قوة وصلابة الهيكل المصنوع من الصلب المقوى بالدعامات الفولاذية اما الفرامل فهى تعمل بنظام ( ايه بى اس ) بالإضافة لتجهيز ( اف 3 ) بعدد 2 وسادة هوائية( اير باجز)امامية مدمجة فى تابلوه السيارة لمزيد من الامان بصورة جذابة وعملية.

الصالون

من اهم مميزات السيارة( اف 3 ) والتى يمكن الاعتماد عليها وتتضمن لمسات لافتة للانتباه من ناقل حركة مانيوال وسهل التشغيل واجهزة تحكم مصممة تصميما يزيد من سهولة القيادة واتساع الصالون المبهر كما ان مقاعد السيارة ذات التصميم الممتاز لراحة وسلامه ركابه.
كما ان صندوق الامتعة روعى فى تصميمه ان يكون عمليا وفى نفس الوقت ذا سعة استيعابية كبيرة كما ان وضع عجلة الاحتياط يتميز بالوصول اليه بسهولة ويسر حتى مع تحميل الامتعة.

الكماليات

توفر السيارة ( اف 3 ) اعلى مستويات الرفاهية من خلال تجهيزاتها التى تبدأ من تكييف هواء تاتش يوزع الهواء على جميع الركاب بالمقصورة الداخلية مع عجلة قيادة باور وزجاج كهربائى وكذلك المرايا الجانبية واغلاق مركزى للابواب يضمن الامان لجميع الركاب خاصة عند وجود اطفال بداخلها.
مزودة بمفتاح ريموت كنترول مع انذار ضد السرقة ونظام الصوت المكون من راديو سى دى وسماعات موزعة داخليا والابانوس بالتابلوه والابواب وحامل الاكواب ومخادع اليد والكراسى المتحركة والفرش الجلد ومذيب الضباب بالزجاج الخلفى

[Bently]

حقك عليا ما تزعلش نفسك، حاجة غريبة جدا

انت زعلت منى؟؟ انا بستفهم منك بس سدئنى مش بنتقدك
و حقك عليا لو اسلوبى دايئك

[Dr'AhmZZong]

فيرناااااااااااااااااااااااااااااااااااااااااااااا ااااا

[Sehsss]

انت زعلت منى؟؟ انا بستفهم منك بس سدئنى مش بنتقدك
و حقك عليا لو اسلوبى دايئك

ولا يهمك، حصل خير

[wael6]

ليييييه؟؟؟
يعنى byd قطع غيارها معمرة عن الفيرنا مثلا؟؟؟

طب منشوف الاجابه عن السؤال ده
ايه المشكله يا اخوانى الكرماء
وشكرا

[wael6]

بشكر كل اخ فادنى برأيه
ومتابع باهتمام
وشكرا جزيلا

[Sehsss]

فيرناااااااااااااااااااااااااااااااااااااااااااااا ااااا

ما تنفعش تاكسي يا أحمد، علشان واطية جدا وسواق التاكسي مجبر إنه يشيل أوزان وشنط، مش معقول لو تلاتة أو أربعة عاوزين يركبوا يقولهم لا علشان هاتحك، وانت عارف إن الفيرنا بتحك لو حطيت علبة مناديل على الكنبة اللي ورا، لكن البي واي دي مرتفعة عن الأرض، وموتورها قوي (106 حصان) زي الفيرنا تقريبا وأغلب مكوناتها ياباني بس بتفرق عن الفيرانا إن وزنها تقيل يعني ثابتة إنما الفيرنا أحسن عربية تتقلب، يبقى ليه انت قولت فيرنااااااااااااااااااااااااااااااا

[wael6]

معلش يا جماعه بخصوص صلاة الاستخاره
هو انا صليت صلاة استخاره
ثم حلمت انى بدور على حاجه ومش لاقيها وسمعت اسمها انها مش موجوده خالص
ومع ذلك انا ماشي فى الموضوع فى الواقع (بظبط ترتيباته يعنى )
هل ده معناه ان الشئ اللى مش لاقيه ده اصرف نظر عنه
ولا هو ده المناسب ليا ؟

اسف جدا
دخلتكم فى موضوع مختلف عن موضوعنا

وشكرا جزيلا

[Dr'AhmZZong]

ما تنفعش تاكسي يا أحمد، علشان واطية جدا وسواق التاكسي مجبر إنه يشيل أوزان وشنط، مش معقول لو تلاتة أو أربعة عاوزين يركبوا يقولهم لا علشان هاتحك، وانت عارف إن الفيرنا بتحك لو حطيت علبة مناديل على الكنبة اللي ورا، لكن البي واي دي مرتفعة عن الأرض، وموتورها قوي (106 حصان) زي الفيرنا تقريبا وأغلب مكوناتها ياباني بس بتفرق عن الفيرانا إن وزنها تقيل يعني ثابتة إنما الفيرنا أحسن عربية تتقلب، يبقى ليه انت قولت فيرنااااااااااااااااااااااااااااااا

شكلك مش عايش في الدنيا ولا اييييييه ؟؟ ..

أكتر عربية ماشية تاكسي في مصر هي فيرنا ..

عربية مفيهاش غلطة ميكانيكية واحدة .. موتور محترم .. فتيس سلس جداااااااا .. مابتسحبش بنزين .. اسهل عربية في صيانتها .. قطع غيار في كل حتى و برخص التراب .. تكييييييف جبااااااااااااااااااااار ولا اكنها ياباني .. كلها مميزات ما شاء الله .. و كمان في موديلات الجديدة علوها عن الارض .. عيبها الوحيد اللي مزعلني منها الثبات و الفرامل .. بس دول بعد 120 يعني للاستخدام الداخلي تحفة ..

و كمان من اللي ضحك عليك و قلك إن byd مكوناتها ياباني .. ده الموتور تكنولوجيا ياباني بس مش ياباني بالكامل و كمان مش عشان بركب عليها تيل فرامل كورولا تبقى ياباني لأ طبعاااااااااااا

خد بالك أنا بحب byd جدا بس اذا كان أنا بخاف من كوري هاركب صيني < مع إنها محترمة > بس برده عندي فوبيا كده ..

[Dr'AhmZZong]

معلش يا جماعه بخصوص صلاة الاستخاره
هو انا صليت صلاة استخاره
ثم حلمت انى بدور على حاجه ومش لاقيها وسمعت اسمها انها مش موجوده خالص
ومع ذلك انا ماشي فى الموضوع فى الواقع (بظبط ترتيباته يعنى )
هل ده معناه ان الشئ اللى مش لاقيه ده اصرف نظر عنه
ولا هو ده المناسب ليا ؟

اسف جدا
دخلتكم فى موضوع مختلف عن موضوعنا

وشكرا جزيلا

ههههههههه لا يا باشا ولا اسف ولا حاجة ..

حاول تنسى الحاجة ديه ..

[S O P H O S]

byd , والفيرنا
وارجح الاختيار الاول
مجرد راي