فيرنا - byd - اسبرانزا a516 تاكسي

[wael6]

ههههههههه لا يا باشا ولا اسف ولا حاجة ..

حاول تنسى الحاجة ديه ..

ربنا يقدم اللى فيه الخير
وشكرا جزيلا

[Sehsss]

شكلك مش عايش في الدنيا ولا اييييييه ؟؟ ..

أكتر عربية ماشية تاكسي في مصر هي فيرنا ..

عربية مفيهاش غلطة ميكانيكية واحدة .. موتور محترم .. فتيس سلس جداااااااا .. مابتسحبش بنزين .. اسهل عربية في صيانتها .. قطع غيار في كل حتى و برخص التراب .. تكييييييف جبااااااااااااااااااااار ولا اكنها ياباني .. كلها مميزات ما شاء الله .. و كمان في موديلات الجديدة علوها عن الارض .. عيبها الوحيد اللي مزعلني منها الثبات و الفرامل .. بس دول بعد 120 يعني للاستخدام الداخلي تحفة ..

و كمان من اللي ضحك عليك و قلك إن byd مكوناتها ياباني .. ده الموتور تكنولوجيا ياباني بس مش ياباني بالكامل و كمان مش عشان بركب عليها تيل فرامل كورولا تبقى ياباني لأ طبعاااااااااااا

خد بالك أنا بحب byd جدا بس اذا كان أنا بخاف من كوري هاركب صيني < مع إنها محترمة > بس برده عندي فوبيا كده ..

حلوة ما فيهاش غلطة ميكانيكية دي، يا راجل دا انا كل ما اعدي على ميكانيكي ألاقيها مشرفة هي والانوس، وأغلب مشاكلها عفشة ومعلومة ليك ما مافيش حاجة اسمها علوها، اللي بيحصل إنه بيركبلها غاز والأنبوبة بتبقى تقيلة فبتوطي العربية فالسواقين بيركبولها (علايات) علشان تترفع وطبعا دي بتبهدل العفشة، دا مش كلامي دا كلام سواق عندي في الشغل ومعاه فيرنا تاكس بيشتغل عليها بعد الظهر

[wael6]

الفيرنا (فقيرة الكماليات وواطيه وضيقه )
ام byd-f3 (تقليد اللانسر والتويوتا وصيني)
كتاكسي بالمنصورة
متابع وشكرا جزيلا

[_hema]

الثلاثه شاغلين تاكسى


وهما اكتر عربيات بنشوفها شغاله

ومع المحافظه على العربيه اى حاجه بتعيش حتى لو كانت صناعه بلاد الواء الواء

[wael6]

الثلاثه شاغلين تاكسى


وهما اكتر عربيات بنشوفها شغاله

ومع المحافظه على العربيه اى حاجه بتعيش حتى لو كانت صناعه بلاد الواء الواء

وجهة نظر تحترم
وشكرا جزيلا لاهتمامك
وايه رايك فى
الفيرنا (فقيرة الكماليات وواطيه وضيقه )لكن بيرجحوها لانها كورى ومتجربه والصنايعيه فاهمينها
ام byd-f3 (كماليات بالهبل لكن تقليد اللانسر والتويوتا وصيني)
كتاكسي بالمنصورة
متابع وشكرا جزيلا

[ramy01011]

لو عربية هتشغلها تاكسي يبقي تبص علي اللي هيعجب الزبون و الوسع ما فيش احسن من الي واي دي انا اكتر من مرة و مع اكتر من شخص في القاهرة لما بيبقوا عايزين تاكسي و تعدي فيرنا يقولوا لا استني عربية تانية تكون اوسع

[wael6]

لو عربية هتشغلها تاكسي يبقي تبص علي اللي هيعجب الزبون و الوسع ما فيش احسن من الي واي دي انا اكتر من مرة و مع اكتر من شخص في القاهرة لما بيبقوا عايزين تاكسي و تعدي فيرنا يقولوا لا استني عربية تانية تكون اوسع

السلام عليكم ورحمة الله
ممكن توضيح وتاكيد دون الانحياز لل byd
هل مكونات الموتور والعفشه يابانى فعلا مجمعه فى الصين
ولا تقليد وطبعا لو تقليد وصيني هتكون بخامات اقل من جودة اليابانى
من فضلكم وضحولنا نقطة التقليد دى دون الانحياز للسيارة وكمالياتها الضخمه
انا بتكلم على الاساسيات والمتانه والجوده ؟
لانها ببساطه 70 الف ج مش موبايل صيني ب 150 ج هنشيله اسبوع ونرميه (كعادة المنتج الصيني )
انا عارف ان العيب الاكبر فى المستورد المصري
وعشان كده بسال السؤال ده
لان الوكيل والمسورد للسيارة ايضا مصري
اسف للاطاله
وشكرا جزيلا

[wael6]