محتار بين نوبيرا او byd

[ahmad--ezzat]

انا جارى طيار حربى عنده نوبيرا 2005 اتقلبت بيه 3 مرات لغاية دلوقت وبيغير عفشة كل سنة ودى حاجة معروفة عن النوبيرا ان عفشتها سيئة جدا وبعدين الراجل بيسال يجب يكون فيه امانة فى الاجابة ازاى هيشترى سيارة مصنعها فلس واغلق وتوقف انتاجها من 2001 فعليا --ياجماعة فوقوا يرحمكم الله الدايو قفلت خلاص والمصنع بح يعنى فى خلال كام سنة مافيش قطع غيار خلاص الموديلات بتاعة 2002 الى 2008 دى فى مصر بس علشان تعلق الناس بيها خلوا خط انتاج بنفس التصميم القديم لمصر بس ولا يوجد فى اى مكان فى العالم --سيبك يا عم من البى واى دى بس اشترى سيارة مصنعها شغال على الاقل
الله يخليكم بلاش نشترى السيارات التاريخية كفاية بقى التكنولوجيا بتطور فى العالم كله واحنا متاخرين عنها 10 سنين كدة بالنوبيرا دى

يا فندم كبر مخك واتكلم بدون تحيز. .عشان دة كلو حديد ولا يفرق معانا ك بنى ادمين ف حاجه...حضرتك انا معايا نوبيرا من 2008 جايبها زيرو...وبعمل الصيانات فى وقتها .. ومش مع التوكيل...عمرى ما شتكيت من العفشه اللى بتقول صحبك اتقلب بعربيته النوبيرا وكل شويه يغيره دة اكيد عربيه مقلوبه فيها عيوب الدنيا والاخره عايز منها ايه !؟ هو يعنى عايز تقنعنى انه لو معاه byd كانت امكانياتها زادت بعد القلبه ؟؟؟؟؟؟؟....المهم ...عمرى ما شتكيت من العفشه فى شىء نهائى....كل شكوى النوبيرا من جلب المقاصات اللى انا مغيرتهاش غير مره وعامل 65 اللف..... والطنابير غيرتها لانها بتنزل بطنابير مش تمام....فين بقى العفشه اللى كل شويه تبوظ؟؟ هتقلى ان حالتى فرديه هقلك ليا اصحاب كتير معاهم نوبيرا ( مش مقلووووووبه) والحياه فل ومفيش مشاكل....مش مصدق برضه ادخل قسم دايو واسأل....انا اتعودت متكلمش عن الحاجه الا لما اجربها شخصيا عشان مقولش اى كلام...انا ملاحظ سبب رفضك للنوبيرا عشان بتقول انك بتحس انها قديمه او تقريبا حضرتك حاسس انها عواجيزى شويه ودة سبب مش مقنع نهائيا

بلاش يا جماعة نشترى سيارات تاريخية بقى مصنعها قفل من 10 سنين التكنولوجيا بتتطور فى العالم بشكل سريع وانتم بتتكلموا عن سيارة انتاجها توقف من 10 سنين ده كلام برضه
[youtube]http://www.youtube.com/watch?v=46YnLRLFPvg[/youtube]

موضوغ بقى ان السياره مر عليها 10 سنين..ياباشا العربيه مش كاربرتير صدقنى :)...انا معرفش فين برضه العيب....منا ليا اصحاب بيجيبوا هيونداى اكسيل واكسنت قديمه وهوندا سيفيك قديم وكل قطع الغيار موجوده...فين العيب مش فاهم برضه !!!!....وبالنسبه لموضوع ان التكنولوجيا قديمه...انا اتحداك...اتحداك انك تطلع من نوبيرا بسياره byd......مش هتكلم بالارقام واقلك ان النوبيرا 2 كامه علويه 106 حصان...بس انا بقلك تجربه عمليه الانوس افضل بمراحل فى السحب من ال byd ...ما بالك النوبيرا

هو مفيش حد عارف يقارن بطريقة عملية شوية ؟ يا اما النوبيرا تعبانة مولة وقديمة فحت وعربية كارو يا اما الصيني ازبل عربيات وبتتقلب وبتسيح ؟

انت جبت المفيد...
عيوب النوبيرا
1- صاج ضعيف
2-فرامل مش جمده ومفهاش abs
3-كبيره نسبيا وبعض الناس شايفه ان دة عيب
4-صوت الشكمان عالى شويه عن بقيت اعربيات
مميزات:
1- موتور عفى جدا يكفينى انه عمره ما خزلنى ابدا الا مره مع كرولا 2011 بتاعت ابن عمتى ودة امر محسوم طبعا...ويكفينى انى جبت 195 بالتكييف على طريق مصر اسماعيليه (مالها التكنولوجيا بتاعت العربيه مش عارف)
2-ثبات ما شاء الله
3-قطع الغيار موجوده وصيانه العربيه سهله
4 لو جيت تبيع اللف يشترى ودة المعروف عن الدايو
5-الصالون واسع والعربيه خامتها مرضيه جدا جدا...ويكفينى انى راكب عربيه مش مقلده عربيات تانيه

ال byd انا معرفش عنها كتير مع انى سوقتها مره وزى ما قلت حمدت ربنا على النوبيرا اللى معايا

يا جماعة العربيات زي اللبس .. أذواق واللي يقنعني ممكن ميقنعكش .. وبعدين دي عربيات مش حنخش في خناقة ومشادات بسببها .. الدايو عربية زي الفل بس في وقتها .. وال128 زي الفل بس في وقتها وزمانها .. المقارنة بتكون في الإمكانيات والأوبشن .. وفي رأي الحاجات دي في صالح البي واي دي حالياً .

تمام يا فندم كل واحد بينام على الجنب اللى يريحه ولكن انا ضد مقوله كل عربيه وليها وقتها
على كده
السيفيك ال جيل 92 93 لحد 98 عربيه متتجابش بقى
وعلى كده ال وe90 موديل 87 و91 متتجبش

العربيات ليست بوقتها العربيات بمدى توافر قطع غيارها وسهوله صيانتها وامكانيتها...انا مش هركب عربيه عشان اشوف راى الناس واقول انا معايا موديل السنه..انا بروح للحاجه اللى تريحنى نفسيا واكون قادر عليها ماديا
فانا بقول من وجهه نظرى النوبيرا صفقه رابحه بكل المقاييس
ودة لينك عشان الناس اللى بتقول العربيه تكنولوجيا قديمه

FROM 0 TO 180 KMH IN 35 SECONDS - YouTube

[lonedoctor]

يا جماعة فضوها سيرة موش ممكن والاخ صاحب السؤال انصحك تشترى حاجة مصنعها شغال هات هيونداى ولا كيا ولا فيات اى حاجة بس بلاش دايو الله يخليك علشان خاطرى دايو خلاص اصبحت جزء من التاريخ فى العالم كله بلاش ثقافة المستهلك المصرى المتاخرة 5 سنين على الاقل دى
واللى موش عاجبه بى واى دى خلاص وحشة مايشتريهاش خالص ولا حتى يبوصلها لو شافها فى الشارع

[mody3on]

المشكلة ازاى هتقارن سيارة انتاجها توقف من 2001 وتكنولوجيا قديمة بسيارة حديثة موتور ميتسوبيشى 2007 وفيها وسائل امان متقدمة وبعدين دلوقت فيه g3 كمان احلى واعلى فى الكماليات والتكنولوجى --المقارنة اساسا موش نافعة

لا معلش بقى , فكك من موضوع شاسيه كورولا وموتور ميستوبيشي وتكنولوجيا ياباني والهتش ده
الاعتمادية مش زي النوبيرا خالص , ولا خامات ولا وسع ولا حاجة
بس الاحسن فيها هو الاوبشن الكتير ووسائل الامان , اصل انت مش بتقارن بين بي ام و 128 يعني , والعربيتين في نفس السعر.

[kimo-nubira]

بعيد عن العربيتين والتحيز الاعمي اللي انا شايفه في الردود انا اقول لصاحب الموضوع كلمتين
.
.
.
.

اركب العربيتين وانت بس اللي تحكم

[lanos2004]

صاحب الموضوع معلش خلاص بلاش نوبيرا وانضم لعصابه بى واى دى لانى اكتشفت ان النوبيرا اصلا لم تنتج واصلا غير موجودة فى السوق بعد عملاق التكنولوجيا بى واى دى --وبعدين بى واى دى --على وزن-بى ام دبليو--والعلامتين زرق زى بعض زرق ونفس درجه اللون
غير لما هتركب البى واى دى هتتمتع بمزايا عديده جدا
هتكون راكب ماتور لانسر
وراكب عفشه هوندا
وراكب شاسيه وصاج تويوتا
وراكب فوانيس خلفيه هوندا سيتى واماميه تويوتا كورلا
هتلا قى مكان تحط فبه الجنهات الفكه--غير موجودة الا فى كرولا وبى واى دى
يعنى هتركب عربيات كتيرررررررررررر فى عربيه واحده
-ولو انته كان نفسك فعلا فى نوبيرا روح متحف السيارت المنقرضه بجوار متحف الدينصورات فى كوريا واهى فسحه
--وانا اصلا ايه الى دخلنى عند بى واى دى--انا مش جاى عندكم تانى ياعم --

[bassem.naguib]

--وانا اصلا ايه الى دخلنى عند بى واى دى--انا مش جاى عندكم تانى ياعم --

عارف لو شفتك هنا تاني حـ @#*&*&^%## $^%^&^%& ..... هههههههههههههههه


أيه يا جدعان ما تصلوا على النبي .. العملية مش مستاهلة خالص .

طب خش على الموضوع ده اللي عامله العبد لله .. وقولي أيه رأيك .. وأنت حتغير رأيك وتركب بي واي دي .

http://www.nilemotors.net/Nile/285228-byd-f3-plus.html

بي واي دي .. بي واي دي .. أو أو

[lonedoctor]

والله يا استاذ باسم انا لم يخطر فى بالى لحظة انه لسة فى حد بيتكلم عن الدايو واحنا فى 2012 دلوقت ده انا كنت فى قمة الغضب لما شوفت الناس بيشتروها فى 2007 وانا كنت عارف وقتها انه المصنع قفل واشتريته شيفورليه وكنت فاكر انه ده حصل فى 2004 بس لما بحثت وجدت انه حصل فى 2001 يعنى موش ممكن ده انا هاتجنن من الموضوع ده --اساسا انا لما باشوف اى واحد راكب دايو بيصعب على واشفق عليه مما هو فيه وبا دعوا الله انه يفتح عليه ويرزقه سيارة كويسة دلوقت فى لسة ناس بتدافع عنها ؟انا كده باعلن الاستسلام المصريين دول مالهموش حل بجد --الناس بره عايشين فى وادى والناس فى مصر فى وادى تانى خالص

[bassem.naguib]

معلش يا د. شريف .. اسمحلي أني أتجرأ وأقول لحضرتك .. كل واحد حر في أراءه وأختياراته ويركب أيه وميركبش أيه .. ولو حد طلب النصيحة أنت بتقولها من وجهة نظرك .. مع العلم أن في وجهات نظر تانية مخالفة لوجهة نظرك .. وطالب النصيحة بيوزن الكلام وبيشوف أيه اللي بيريحه ويقتنع بيه .. وأحنا مش حنضرب حد على أيده أنه يركب أيه وميركبش أيه بدون انتقاد للاخرين وفيما يركبون .

فالناس فيما يعشقون مذاهب .

[kimo-nubira]

والله يا استاذ باسم انا لم يخطر فى بالى لحظة انه لسة فى حد بيتكلم عن الدايو واحنا فى 2012 دلوقت ده انا كنت فى قمة الغضب لما شوفت الناس بيشتروها فى 2007 وانا كنت عارف وقتها انه المصنع قفل واشتريته شيفورليه وكنت فاكر انه ده حصل فى 2004 بس لما بحثت وجدت انه حصل فى 2001 يعنى موش ممكن ده انا هاتجنن من الموضوع ده --اساسا انا لما باشوف اى واحد راكب دايو بيصعب على واشفق عليه مما هو فيه وبا دعوا الله انه يفتح عليه ويرزقه سيارة كويسة دلوقت فى لسة ناس بتدافع عنها ؟انا كده باعلن الاستسلام المصريين دول مالهموش حل بجد --الناس بره عايشين فى وادى والناس فى مصر فى وادى تانى خالص

استسلام ايه بس هو احنا في حرب ؟؟ الراجل داخل يقارن بين عربيتين انت من ملاك واحده منهم

كل اللي عليك تقوله مميزات وعيوب عربيتك وانا من ملاك العربيه الاخري نفس الوضع

والراجل هو اللي يختار لـــيه تفرض رأيك بالتعصب ده ؟؟

وانا والله كان عندي راي ومكنتش عايز اقوله علشان محدش يقول بي اني متعصب للدايو بس للاسف مضطر اقوله

انا شايف ان العربيتين ماينفعش اصلا يتقارنو ببعض والمقارنه هاتبقي ظالمه للبي واي دي

زي مثلا انا ماينفعش اقارن نوبيرا بلانسر او تيوتا لانها محسومه من البدايه

لان العربيات ديه ليها تاريخ مش عربيه لسه بنت امبارح والناس لسه معرفتهاش

[lonedoctor]

لا يوجد مشكلة على الاطلاق ولكن من باب الامانة اذا فيه شخص بيسال سؤال ومتوسم فينا الامانة نجاوب عليه ونذكر له الحقائق بمنتهى الشفافية (زى احمد شفيق كده)لكن فى النهاية الانسان بياخذ قراره بنفسة ويتحمل تبعاته ولا يمكن يستعير عقل الاخرين ليفكر بيه --هو هيوازن الكلام من الطرفين وهيسأل ناس معاها السيارة فعلا خارج المنتدى وممكن يجرب اكتر من سيارة حتى خارج نطاق المقارنة فى المنتدى قبل الشراء وانا والله موش متحيز للبى واى دى خالص مانا عرضت فيديو الجيلى ec7 وبصراحة عربية تحفة وروحت اتفرجت عليها فى التوكيل عندنا فى السعودية هنا وكنت مستغرب انه السعوديين هيتجننوا عليها لانهم دايما بيركبوا العربيات العالية بس -يا مؤمن الكامرى هنا تاكسى --وقلت للاخ صاحب المشاركة اشترى اى سيارة مصنعها شغال موش لازم بى واى دى خالص --نصيحة لوجه الله حرام البنى ادم يضيع فلوسه فى حاجة تاريخية هو فى مصر الناس بتجيب الفلوس بالساهل يعنى؟
عموما اتمنى من الاخ صاحب المشاركة ربنا يوفقه للخير ويستخير ربنا قبل الشراء
تقبلوا تحياتى

[lonedoctor]

استسلام ايه بس هو احنا في حرب ؟؟ الراجل داخل يقارن بين عربيتين انت من ملاك واحده منهم

كل اللي عليك تقوله مميزات وعيوب عربيتك وانا من ملاك العربيه الاخري نفس الوضع

والراجل هو اللي يختار لـــيه تفرض رأيك بالتعصب ده ؟؟

وانا والله كان عندي راي ومكنتش عايز اقوله علشان محدش يقول بي اني متعصب للدايو بس للاسف مضطر اقوله

انا شايف ان العربيتين ماينفعش اصلا يتقارنو ببعض والمقارنه هاتبقي ظالمه للبي واي دي

زي مثلا انا ماينفعش اقارن نوبيرا بلانسر او تيوتا لانها محسومه من البدايه

لان العربيات ديه ليها تاريخ مش عربيه لسه بنت امبارح والناس لسه معرفتهاش

ولا يهمك ياباشا انا قصدى الاستسلام من الشعب المصرى موش من الحوار فى المنتدى وربنا يخلى لك سيارتك ويبارك لك فيها ويكفيك شرها وستظل الدايو سيارات لها تاريخ حتى ولو اصبحت جزء من التاريخ الى الابد
تقبل تحياتى

[bassem.naguib]

كيمو نوبيرا باشا .. عندك حق مينفعش نقارن بين عربيتين من جهتين مصنعتين (يعني منقارنش الياباني بالكوري على سبيل المثال) لاختلاف العراقة في المنشأ.

بس عاوزك ترجع بالزمن شوية وتشوف بدايات الياباني والكوري في أواخر السبعينات وأوائل التمانينات .. كان الناس بتقول زي ما أنت بتقول دلوقتي .. أيه ده حد يقارن عربية كاديلاك أو فيات بعربية ياباني أو كوري ؟!! وطبعاً المقارنة كانت ظالمة لأن الياباني والكوري كانوا لسه بيحبوا في عالم السيارات .

إنما ما يميز الصيني دلوقتي أنه ابتدى من حيث أنتهى إليه الأخرون
وبيطوروا جامد مع عدم إغفال الميزة السعرية الفظيعة اللي بيقدموها مقابل الكماليات والإمكانيات اللي في عربياتهم .. فالزمن القادم ولعقود عديدة حيكون للصيني مش في مصر بس ولكن في العالم كله .

ومتفق معاك في باقي كلامك بشأن أن كل عربية ليها عيوبها ومميزاتها حتى لو كانت مرسيدس أو بي أم .

[kimo-nubira]

ولا يهمك ياباشا انا قصدى الاستسلام من الشعب المصرى موش من الحوار فى المنتدى وربنا يخلى لك سيارتك ويبارك لك فيها ويكفيك شرها وستظل الدايو سيارات لها تاريخ حتى ولو اصبحت جزء من التاريخ الى الابد
تقبل تحياتى

الف شكر لتفهمك واسلوبك الراقي في الحوار بس احب اطمنك من ناحيه قطع الغيار فهى لحد وقتنا هذا بتتصنع في جنرال موتوز

وفي مصر قطع الغيار الدايو عموما متوفره بكثره النقطه ديه ملهاش علاقه بالافلاس او بيع دايو عموما تقبل تحياتي ويارب ماكونش ضايقتك

كيمو نوبيرا باشا .. عندك حق مينفعش نقارن بين عربيتين من جهتين مصنعتين (يعني منقارنش الياباني بالكوري على سبيل المثال) لاختلاف العراقة في المنشأ.

بس عاوزك ترجع بالزمن شوية وتشوف بدايات الياباني والكوري في أواخر السبعينات وأوائل التمانينات .. كان الناس بتقول زي ما أنت بتقول دلوقتي .. أيه ده حد يقارن عربية كاديلاك أو فيات بعربية ياباني أو كوري ؟!! وطبعاً المقارنة كانت ظالمة لأن الياباني والكوري كانوا لسه بيحبوا في عالم السيارات .

إنما ما يميز الصيني دلوقتي أنه ابتدى من حيث أنتهى إليه الأخرون
وبيطوروا جامد مع عدم إغفال الميزة السعرية الفظيعة اللي بيقدموها مقابل الكماليات والإمكانيات اللي في عربياتهم .. فالزمن القادم ولعقود عديدة حيكون للصيني مش في مصر بس ولكن في العالم كله .

ومتفق معاك في باقي كلامك بشأن أن كل عربية ليها عيوبها ومميزاتها حتى لو كانت مرسيدس أو بي أم .

كلامك مظبوط يا باسم وانا معاك في نقط كتير منه بس

مــع احترامي للصين في التصنيع ديما يعتمدو علي التقليد وده شئ مش ظريف مستقبلا

عكس الكورين في بدايتهم كان اعتمدهم علي افكار وتصميمات جديده وكانو بيعتدمو علي انفسهم

علي العكس الصينين تحس انهم واخدين من كل عربيه حته وده يعيبهم الي حد كبير

[bassem.naguib]

الف شكر لتفهمك واسلوبك الراقي في الحوار بس احب اطمنك من ناحيه قطع الغيار فهى لحد وقتنا هذا بتتصنع في جنرال موتوز

وفي مصر قطع الغيار الدايو عموما متوفره بكثره النقطه ديه ملهاش علاقه بالافلاس او بيع دايو عموما تقبل تحياتي ويارب ماكونش ضايقتك

ما شيء طبيعي تكون قطع الغيار متوافرة .. مهياش يعني عربية موديل الأربعينات ولا التلاتينات علشان تنقرض ، ده حتى في نقطة أثيرت عن الشيفورليه لانوس أن معظم القطع المصنعة منها في مصر عمنا منصور مستوردها من الصين لتخفيض التكاليف عكس الدايو لانوس في أول نزولها كانت مصنعة من قطع غيار أصلية مش مضروبة (على فكرة فيه صناعات صيني نمرة واحد وأنضف من الياباني كمان بس القدرة الشرائية للمستهلك والاسترخاص هو اللي مودينا في داهية)

كلامك مظبوط يا باسم وانا معاك في نقط كتير منه بس

مــع احترامي للصين في التصنيع ديما يعتمدو علي التقليد وده شئ مش ظريف مستقبلا

عكس الكورين في بدايتهم كان اعتمدهم علي افكار وتصميمات جديده وكانو بيعتدمو علي انفسهم

علي العكس الصينين تحس انهم واخدين من كل عربيه حته وده يعيبهم الي حد كبير

حيضرك أيه كمستخدم للعربية أنها متقلدة من عربية تانية ؟!! أحنا اللي يهمنا أن العربية حلوة وسعرها مناسب ومقضية العرض منها وزيادة مقابل سعرها .. وبعدين يا سيدي ما كل الشركات المصنعة للعربيات في العالم بتقتبس من بعضها التصميمات مع إدخال تعديلات بسيطة عليها .. الكلام اللي بتقوله ده الشركات ومراكز أبحاثها وتطويرها تعاير بعضيها بيه أقولك ماشي .. إنما الموضوع ده ميهمناش في المقام الأول كمستخدمين للسيارة في شيء .

متزعلش مني بصراحة لما بسمع الرأي ده سواء منك أو من غيرك (مع كامل احترامي طبعاً) بحس أنه ينطبق عليه المثل "ملاقوش في الورد عيب قالوا أحمر الخدين" .

[lanos2004]

ارجوك يا صاحب الموضوع اشترى البى واى دى ارجوووووووووووووووووووووووك وسيبك من الدايو دى خالص لعدم توافر قطع الغيار نهائى للدايو وانها اصبحت من مقتنيات المتحف جناح هياكل السيارات
بس رجاء لما تشترى البى واى دى حطها فى عنيك لانها فخر الصناعه الصينيه -ابداع صينى بلا حدود--