استفتاء ومقارنه: لوجان ولا ريو ولا افيو

[Sayread]

السلام عليكم

انا بعد الكثير والكثير من اللف والدوران عشان الاقى افضل عربيه فى حدود امكانياتى (49 الف جنيه)

وجدت ان افضل السيارات هى واحده من 3 كيا ريو 2006 هاتشباك وافيو 2006 هاتش باك ولوجان 2009

ياترى ايهما افضل وخصوصا ان الثلاث سيارات عاجبنى بس مش عارف اختار وفى ناس بتخوفنى من

الرينو عشان فرنساوى من ناحيه قطع الغيار وكده وانا بصراحه مش عارف حاجه

[أشرف العدوي]

اعتقد اللوجان أفضل حل
و ده من وجهة نظري لندرة قطع غيار السيارتين التنين

أنت ممكن تدخل لانوس أو فيرنا في اختياراتك كمان

[Sayread]

قطع غيار الريو والافيو نادره ؟؟؟؟؟؟؟؟؟؟؟؟؟؟؟؟؟؟؟

دا انا اختارتهم عشان كورى وشيفروليه وكيا حاجتهم المفروض ماليه الدنيا

[أشرف العدوي]

يا باشا انت مش قايل ريو و أفيو 2006 هاتاش باك صح
أنزل انت شوف قطع غيار ليه
مراية مثلاً او فانوس أمامي و الريو بردو شوف كدة فانوس خلفي أو أكصدام أعتقد صعب جداً تلاقيهم جداد ممكن يكون استيراد و اعتقد هيبقى نادر بردو
إذا كان الأفيو الهاتش من 2008 الشكل الجديد قطع الغيار الخارجية مش موجودة عند أي حد

[Sayread]

يا باشا انا والله مش ياكدبك انا فعلا معرفش بس استغربت مش اكتر

اننا فعلا باتكلم عن افيو هاتش 2006 وريو هاتش 2006

لانى كنت فاكر ان اكبر ميزه فى انى اشترى كورى قطع الغيار

يعنى انت تنصحنى بلاش منها وايه رايك طيب فى قطع غيار اللوجان

وتوفرها واسعارها مقارنه باسعر نفس الفئه من الفيرنا او الاكسنت مثلا

[mody3on]

لو عاوز كوري وقطع غيار رخيصة هات فيرنا او نيو اكسنت
غير كده هات اللوجان

[أشرف العدوي]

أعتقد الفيرنا و الأكسنت و كمان لو دخهلت الانوس في الموضوع هتبقى قطع الغيار متوفرة عن اللوجان و كمان سعر قطع الغيار نفسه و تنوع الماركات لصالح العربيات الي انا ذكرتها
بالنسبة للوجان من تدخل قسم رينو و تشوف أسعار قطع الغيار لأني مش عارفها
بس لو انت عايز عربية سهلة صيانة و قطع غيار خليك في الفيرنا و لانوس و الأكسنت و بالمبلغ الي انت ذكرته ممكن تجيب موديل عالي من الانوس و الفيرنا المانيوال

و أستنى باقي الأراء

[Sayread]

المشكله ان الى مدوخنى من الاول انى مش عايز اركب فيرنا ولا لانوس

وفعلا انا كده احترت

[أشرف العدوي]

طيب انت متطلباتك ايه في العربية

[Sayread]

عايز اشترى عربيه حلوه شكلا ومضمونا ووتكون قطع غيارها متوفره بره التوكيل وباسعار جيده ممكن تكون اغلى من الكورى شويه بس مش حاقدر استحمل اسعار نار موديل يكون بعد 2005 فى حدود 49 الف

ومتكنش فيرنا ولا لانوس حسبه صعبه اوى مش كده بزمتك هو ده الى مجننى

[أشرف العدوي]

اه الي انت طالبه ده صعب شوية
ممكن تشوف نوبيرا مانيوال بس مش عارف سعرها ايه في المستعمل بس اعتقد انها ممكن تكون في رينج السعر ده

[S O P H O S]

لو في دولا فقط يبقي لوجان

[Sehsss]

اللوجان طبعا أفضل يا باشا، ونصيحة ابعد عن الأفيو (مشاكلها كتير وملاكها تعبانين منها).. بالتوفيق

[Sayread]

الف شكر على الرد وانا فعلا بدات ادور على نوبيرا وهى سعرها فعلا ف المتناول

بس ياترى نوبيرا 2006 ولا لوجان 2009

[Dr'AhmZZong]

اللوجان طبعا أفضل يا باشا، ونصيحة ابعد عن الأفيو (مشاكلها كتير وملاكها تعبانين منها).. بالتوفيق