استفتاء ومقارنه: لوجان ولا ريو ولا افيو

[Sayread]

اللوجان افضل من الريو والافيو تقصد ولا كمان افضل من نوبيرا

[ahmed_mido1889]

النوبيرا اوسع واقوي كموتور لكن اللوجان اقتصاديه في البنزين

النوبيرا مشكلتها عفشتها

اللوجان قطع غيارها غاليه

[Sayread]

يا جماعه اخر كلام اللوجان قطع غيارها غاليه ولا رخيصه؟؟؟؟؟؟

[M.Radwan]

يا جماعه اخر كلام اللوجان قطع غيارها غاليه ولا رخيصه؟؟؟؟؟؟

قطع غيارها معقولة جدا بس خارج التوكيل
أنا قطع الغيار اللى اشتريتها فعليا خلال 50 ألف كيلو بالعربية هي:
تيل أمامي: 150 جنيه
فانوس خلفي: 140 جنيه
فوج لايت امامي: 45 جنيه

[Sehsss]

الف شكر على الرد وانا فعلا بدات ادور على نوبيرا وهى سعرها فعلا ف المتناول

بس ياترى نوبيرا 2006 ولا لوجان 2009

النوبيرا محترمة طبعا لو حالتها نضيفة، بس أوعى تجيبها أوتو

[Sayread]

والله نصائحكم اكثر من رائعه انا كده فهمت ان النوبيرا والوجان جيدين والفروق ربما تكون ليست كبيره يعنى اسعار قطع غيار اللوجان المكتوبه معقوله والنوبيرا ايضا

[أشرف العدوي]

اه خلي بالك النوبيرا الأوتوماتيك بلاش منها خالص
خليك في المانيوال
لو عايز اوتوماتيك تشوف ماركة تانية

[alserag]

السلام عليكم ورحمة الله وبركاته
أنا حالتي تقريبا زي حالتك تمام وبدور في نفس الرينج الي انت بدور فيه ومحتار جدا، عموما أنا هقولك علي تجربتي وبمساعدة أصدقاء المنتدي الكرام ممكن نوصل لحل جميل:

النوبيرا المانيوال ( أوتوماتيك لأ) في كذا حد إشتكالي منها وعن تجارب شخصية منهم لإني امبارح لسه شايف عربية وسألت ناس كانت معاهم.

اللانوس : أنا سامع كلام كتير ان مشاكلها كتييير وما بقتش زي الأول بس ميزتها انها بتتباع هوا يعني زي 128 زمان.

حاولت أدور علي كريستالة ما لقيتش إلا موديل 99 وكانت عاملة 54 وطبعا الكريستالة واطية علي الأرض وموديل قديم برضو.

فكرت ف البيكانتو ممكن تلاقي حاجة موديل قريب أوي 2010 مثلا تعمل 55 بس كذا حد قالي كتير عليها

المشكلة بالنسبة ليا إن المبيلغ الي معايا في حدود 45 ولو في عربية تستاهل ممكن لحد 50 وبصراحة مش عايز أدخل في حوار القسط والشبهات بتاعته فضلا عن أعباء الأقساط الشهرية، موضوع مقلق انك تبقى عليك أقساط لفترة طويلة


معلش أنا طولت عليكم بس أنا بقالي حوالي شهر في القصة دية،الخلاصة الناس نصحوني وقالولي لو انت معاكش يجيب عربية كويسة اليومين دول وفي نفس الوقت مش عايز تدخل في موضوع التقسيط يبقى هات عربية ليها سوق وتتباع بسرعة.

طبعا العربيات الي موجودة في السوق والي ممكن تتباع ف 24 ساعة هي فيرنا ولانوس 2008 ، 2010 وطبعا الفيرنا أحسن من اللانوس.

بجد أنا كنت محتار جدا بس هو ده أحسن حل وصلتله، أجيب فيرنا وبعد سنة أو إتنين يكون ربنا كرمني وأقدر أعلي وأجيب لانسر موديل حديث.


هذه هي تجربتي وما توصلت اليه بعد بحث طويل وسؤال أهل الخبرة، حابب أعرف رأيكم ايه في هذه التجربة وايه رأيكم في التفكير بهذه الطريقة المنطقية

[raedegypt]

فيرنا الافضل لتوفر كل قطعه غيار فيها مستعمل وجديد وتقليد وصينى وتحت الكوبرى علشان كدة العربيه دة مرغوبه واقتصاديه فى تشغيلها وكبر دماغك فى اى حاجه تانيه

[lenasam]

النوبيرا محترمة طبعا لو حالتها نضيفة، بس أوعى تجيبها أوتو

استاااااااااااااااااااااااااااااااااااااذ دائما يا كبير

[Sayread]

مناقشتكم افادتنى بشكل غير عادى المشكله ان مساله رفض الفيرنا والانوس بالنسبه لى مساله مبدا

بس انا بفكر فعلا فى النوبيرا وكمان قدامى فيات بونتو 2009 ايه رايكوا فيها