كورسا 2012

[Admmostafa]

ازيك يا جماعة

د ه أول موضوع ليا هنا في المنتدى وكنت عايز أخد رأيكم في الكورسا 2012
معلوماتي قليلة عنها بس انا مش بقارنها بحاجة لإني شوفت الكوري والياباني مش قادر احطهم في مقارنة وتقريبا دي اقل حاجه في الاوربي ومش عارف تستحمل مشواري اليومي ولا لأ حوالي 100 كيلو
في أيه رايكم في العربية وفي حد جربها ولا لسه

[Dr'AhmZZong]

اللي جربووووووووها مش كتيييييييير ..

هي اظن بـ 107 صح ؟؟؟ .. لو كده يبقى سعرها حلو على الامكانيات اللي فيها 2 airbags بس مفيهاش abs ..

قول لي بس حضرتك اخرك كام في الفلوس و أنا اقولك حاجة احسن و عملية اكتر ؟؟

[Sehsss]

العربية دي مش منتشرة أوي، لو بتفكر في حاجة بنفس السعر في اختيارات تانية بس هو لازم أوروبي ؟؟

[mody3on]

شكلها جامد وموتور كويس 100 حصان والبانوراما تحفة , بس توكيل زبالة واعادة بيع ضعيفة

[mohamed5800]

بنفس السعر وكماليات اكتر والشككل حلو يبقى بونتو ايفو

[Hossam_hassan4]

العربيه دي كويسه جدا و بدات تنتشر و اعلي فئه فيها نازله ببانوراما و جنوط 17 ب 127 اعتقد تابلوه حلو جدا بلونين materials الماني كويسه جدااا و العربيه شكلها الخارجي كمان كويس يعيبها بس التوكيل معاها في المقارنه المفروض سيات ايبيزا و فورد فييستا و فيات بونتو بس دي 77 فتعتبر فئه اقل شويه :)

[S O P H O S]

اللي جربووووووووها مش كتيييييييير ..

هي اظن بـ 107 صح ؟؟؟ .. لو كده يبقى سعرها حلو على الامكانيات اللي فيها 2 airbags بس مفيهاش abs ..

قول لي بس حضرتك اخرك كام في الفلوس و أنا اقولك حاجة احسن و عملية اكتر ؟؟

ت
ي
د
ا

[Dr'AhmZZong]

ت
ي
د
ا

أنت كده هتفتح علينا فتحة هههههههههههههههه

[S O P H O S]

حبيبي خلاص مش هتكلم تاني
هههههههههههههه
سرك فبيرررر ...

[ahmedezar]

العربية من رأي الشخصي أنها حلوة دي بقالي إسبوعين بفكر فيها شفتها بالصدفة وأنا بتفرج علي الأوبترا وروحت شوفتها تاني في المعرض وكمان عملتلها تست درايف من غير حجز

عربية 100 حصان خامات جوده عالية تقيلة علي الأرض ناعمة في السواقة فيها abs فقط و2 إيرباج في المناورة والثبات تحفة وتاخد الملف كما يقول الكتاب.

عيبها من وجه نظري الشنطة لإن معايا اسرة ولو إنها أسرة صغيرة.

مستني أشوف ميجان 2005 لو مزبطتش معايا ممكن إن شاء الله اجيبها

ومعلش مع إحترامي كل التوكيلات سيئة مش منصور لوحده وقطع الغيار ممكن أغلي شوية بس معمرة وشوف الياباني قطع غياره عامله إزاي !!!!!!!!!!

ونصيحة شخصية وعن تجربة ابعد عن التيدا نهائيا عربية تقفيل جيد وعزل وكماليات بس ثبات ضااااااااااااايع وبتتمرجح علي الطريق وأنا كنت واحد من ملاكها.

لو مش فارق معاك اعاده البيع والتوكيل توكل علي الله وجيبها

تقبل مروري

[bayantt]

بص هي الكورسا والفيستا بيتنافسوا على عرش السوبر مينى, التيدا مش معاهم
بس طبعاً السوق المصرى له أحكامه, الغير منطقية فى كثير من الأحيان
بالنسبة للتوكيل أن العربية اللى قبل اللى فاتت كانت أوبترا وأتعاملت مع منصور, ما يفرقش كتير عن معظم التوكيلات فى مصر ..
أنا بس الحاجة اللى مخليانى متردد من الكورسا أن العربية واطية من قدام ومفيهاش تصفيح تحت الموتور

[mody3on]

بص هي الكورسا والفيستا بيتنافسوا على عرش السوبر مينى, التيدا مش معاهم
بس طبعاً السوق المصرى له أحكامه, الغير منطقية فى كثير من الأحيان
بالنسبة للتوكيل أن العربية اللى قبل اللى فاتت كانت أوبترا وأتعاملت مع منصور, ما يفرقش كتير عن معظم التوكيلات فى مصر ..
أنا بس الحاجة اللى مخليانى متردد من الكورسا أن العربية واطية من قدام ومفيهاش تصفيح تحت الموتور

والبولو معاهم برضه , التيدا تعتبر بتركز عالاقتصادية والوسع والعملية اكتر من متعة السواقة نفسها

[ahmedezar]

والبولو معاهم برضه , التيدا تعتبر بتركز عالاقتصادية والوسع والعملية اكتر من متعة السواقة نفسها

+11111111111
مظبوط كلامك وده موضوع كان عامله الأستاذ / حسام أوبتراوي عن أكثر السيارات مبيعا فى أوروبا لعام 2011 بيوضح أن الكورسا تصنيفها الرابع في أوربا مبيعا بعد الجولف والبولو والفيستا

http://www.nilemotors.net/Nile/268251-2011.html

ده حتى الإيفو اللي مليانة أوبشن وتكنولوجيا مش داخلة معاهم في ال10 الأوائل

[Admmostafa]

شكرا يا جماعة لكل اللي رد
أنا بفكر في الأوروبي لإن الصراحة العربيات اللي في السوق حاليا في نفس السعر يعتبروا ورق
الإيفوا أنا كانت عجباني بس قلقت من الفتيس حاجة معقده جدا وتكنولوجيا مش اي حد يفهمها
الكورسا اوتوماتيك صريح
انا ميفرقش معايا اعاده البيع انا يفرق معايا الاعتمادية

لو حد عنده معلومات أكتر عنها يا ريت يفيدني وحاكلم التوكيل وأشوف

[Formulator]

معاها في المقارنه المفروض سيات ايبيزا و فورد فييستا و فيات بونتو بس دي 77 فتعتبر فئه اقل شويه :)

الكلام ده مش صحيح،
مش معنى ان البونتو إيفو بتنزل (فـ مصر) بموتور أقل، يبقى هى فئة أصغر..؟!!
الفئات بتحدد بمقاسات الشاسيه، مش بالموتور خالص؟؟!!!

كلهم فئة الـSuper-Mini أو B-Segment ومعاهم الـ207 والكليو الجديدة والـC3 والبولو والفابيا.. كل دول فئة واحدة.
- وفيه منهم عربيات بتنزل بمواتير أقل كمان (3 سلندر، وفيه 1000cc.. غير الديزل)،
لأن كتير من المستهلكين الأوروبى يهمهم الإقتصادية فـ التشغيل، حماية البيئة والأمان-الإعتمادية.. مش بس الأداء والجرى..!!

BTW: أوماترا هتنزلها آخر 2012 بالموتور الـMultiAir الجديد 105 حصان، طبعا Engine of The Year 2011..

Edit: الجراند بونتو/ الإيفو مبنية على قاعدة عجلات مشتركة فيات-GM-Opel بتاع الكورسا..؟!!
يعنى كمان نفس الشاسيه، مش بس الفئة؟؟!!! ههههههههههههههههههههه

عربية 100 حصان خامات جوده عالية تقيلة علي الأرض ناعمة في السواقة فيها abs فقط و2 إيرباج في المناورة والثبات تحفة وتاخد الملف كما يقول الكتاب.

مفيش حاجة اسمها ABS فقط يافندم، ماينفعش..
كل عربيات أوبل بتنزل بـEBD+Brake-Assist، دى مواصفة أساسية (هى والـ2 ايرباجز).. حتى لو الوكيل طلب شيلها ماينفعش (عشان اتحاد أوروبى)..؟!!

أنا بس الحاجة اللى مخليانى متردد من الكورسا أن العربية واطية من قدام ومفيهاش تصفيح تحت الموتور

الكورسا فيه شاسيه frame صلب تحت حوض الموتور من قدام، واخد الموتور بالجيربوكس ودعامتين بالعرض..
وعشان حماية أوطى جزء (كارتير الزيت ومخرج الـExhaust) من فرن الشكمان قبل السوستة.

بالنسبة للـGround-Clearance معظم العربيات الـEuro دلوقتى (الفئة دى والأكبر الكومباكت) واطية من قدام..!!