مقارنة بين اللوجان و بروتون ساجا .... بالدليل المادي

[mody3on]

سبحان الله نفس السلوك من مالكي اللوجان يتخانقوا ويستفزوا اللي قدامهم لمجرد انه قارن عربياتهم بعربية تانية ... ويقولك الهورس باور ملوش علاقة ... بجد احنا في زمن الفتي ... هو حضرتك التكييف العادي في البيوت بيتقاس بايه؟؟؟ واي ماكينة اصلا بيتقاس كفاءتها بايه ... واضح ان الهندسة اصبحت دين مالا دين له ... (دي مقولة عشان الكلام الكتير)..
وبعدين احنا بنقارن ساجا ولوجان مانيوال ... واضح من الفيديوهات
محدش بيفتي غير حضرتك , ده هورس باور الموتور بتاع العربية مش هورس باور التكييف , ويا ريت تلتزم اداب الحوار عشان محدش غلط غير حضرتك
وفعلا مات الكلام في النقطة دي .. واحنا مش متعصبين زيكوا نهائي بالدليل اننا جبنا العربيتين وقارناهم ببعض.. يعني مالك اللوجان كان متقبل اللي بيحصل وبالعكس كان بيصور معانا العربية وقالنا علي البلاوي اللي فيها
اللي يحب يورينا حاجات منعرفهاش (اذا قدر ولقى حاجة تانية)... ميتكلمش وبس يجي ويقارن معانا .. لكن الحقيقة لازم تتعرف للناس اللي محتارة ولسه بتفكر

بلاش اسلوب انا عربيتي احلي عربية ده لان من يهاجم الموضوع اصلا من البداية هو صاحب هذه النظرية لان الموضوع كان عبارة فقط عن فيدوهات للمشاهدة وانتم من اردتم الجدل

وبعدين انا مش من ملاك اللوجان ولكن كلمة حق , ماركة بروتون لا تقارن برينو , واعتماديتها كمان مش زي الداتشيا لان اللوجان عربية ناشفة وملهاش ملامح اه بس تستحمل الطرق وعفية وعملية

[mohamed1979]

سبحان الله نفس السلوك من مالكي اللوجان يتخانقوا ويستفزوا اللي قدامهم لمجرد انه قارن عربياتهم بعربية تانية ... ويقولك الهورس باور ملوش علاقة ... بجد احنا في زمن الفتي ... هو حضرتك التكييف العادي في البيوت بيتقاس بايه؟؟؟ واي ماكينة اصلا بيتقاس كفاءتها بايه ... واضح ان الهندسة اصبحت دين مالا دين له ... (دي مقولة عشان الكلام الكتير)..
وبعدين احنا بنقارن ساجا ولوجان مانيوال ... واضح من الفيديوهات

وفعلا مات الكلام في النقطة دي .. واحنا مش متعصبين زيكوا نهائي بالدليل اننا جبنا العربيتين وقارناهم ببعض.. يعني مالك اللوجان كان متقبل اللي بيحصل وبالعكس كان بيصور معانا العربية وقالنا علي البلاوي اللي فيها
اللي يحب يورينا حاجات منعرفهاش (اذا قدر ولقى حاجة تانية)... ميتكلمش وبس يجي ويقارن معانا .. لكن الحقيقة لازم تتعرف للناس اللي محتارة ولسه بتفكر

بلاش اسلوب انا عربيتي احلي عربية ده لان من يهاجم الموضوع اصلا من البداية هو صاحب هذه النظرية لان الموضوع كان عبارة فقط عن فيدوهات للمشاهدة وانتم من اردتم الجدل

بشمهندس انا مش عارف انت عايز توصل لأيه
مالكى اللوجان جابوها و خلاص و العربيه معاهم و مبسوطين منها
انت داخل عايز تثبت ايه من ده كله
كبر دماغك كلها عربيات بتمشى على اربع عجلات لا راحت و لا جت

[MohammedAladel]

أستاذ توت عنخ آمون والأستاذ ميدو سليمان : انا مقلتش انى ركبت لوجان ولا قلت انى حتى بحبها كسيارة وقلت كمان ان بروتون شكلها جميل وأنيقة ولكن قلت ان اللوجان منتشرة أكثر سواء فى المنيا أو غير المنيا والبروتون عندنا فى المنيا موجودة لكن مش مرغوبة زى اللوجان عشان كدا قلت لو قدامى الاتنين ساجا ولوجان هختار لوجان وأبيعها وبعدين توكيل رينو لا يقارن بعز العرب أو غيره لأنه أفضل توكيل على مستوى الشرق الأوسط وبالنسبة لميدو اللى بيقول انى بقول أى كلام وبس ؟ فين الكلام وبس اللى لو حد قراه ممكن ينخدع ؟؟ بالعكس انت انك قلت على لوجان كنبة وقلت بعدها وجهة نظرك خلاص وانا كمان قلت وجهة نظرى من غير ما أعيب فى بروتون كعربية بل شكرت فيها كشكل خارجى وفى النهاية وجهة نظرى وأنا مش بقول اى كلام والسلام يا باشا وبعدين متنساش ان لوجان ب 70 ألف بالله عليك عايز تركب عربية جامدة طحن بالسعر دا كل حاجة على قد تمنها

[bebo2000]

بجد ضحكتني ... طالما قولت علاقة التكييف بالسي سي يبقي ع رأي كالوشا .... مات الكلام
اسأل عن الهورس باور

بس معلش موضوع التكييف لازم أعلق عليه .

قوة التكييف نفسه طبعا بتتقاس بالحصان (لا شك في كدا )
و لكن مصدر قوة التكييف - قوة الدوران أو عزم الدوران ده مصدره المحرك
و هنا برضه ملناس علاقة بقوة حصان المحرك
و لكن علاقتها الأقوة بتكون بعزم دوران المحرك

يعني لو محرك عزم دورانه عالي ....... مع عمل التكييف ........ تأثير التكييف عليه هايقل و العكس صحيح .

إنما قوة التكييف نفسه ثابتة في كل الأحوال
لو راكب على عربية 1300 سي سي تكييف قوته حصان
و عربية تانية 2000 سي سي تكييف قوته حصان

التكييف هنا هو هو مفرقش في حاجة
الفرق في تأثير التكييف على المحركين هايكون مختلف .

بالنسبة لموضوع التكييف تاني
بيختلف أداء التكييف من سيارة لآخرى
حسب حجم الكابينة ...... و حجم قوة الكييف نفسه ...... و تصميمه و طريقه تبريده ......

السي سي بيكون بس مقياس ان ممكن المحرك يكون عزم دورانه أعلى و قوة حصانه أعلى على أساس سرعات الموتور .

طبعا فرق شاسع ما بين الثلاث ردود
الرد الاول انا سبق انى رديت عليه ومش هاكرر الكلام
اما الردين اللى بعديهم فردود من انسان مستعد للحوار فهم و كان عنده استعداد لفهم المقصود من كلامى عن علاقة السي سي بتأثير التكييف على السيارة ومش كدة وبس لأ وزود كمان من معلوماتنا بشرحه علشان الناس تستفيد وعارف ان اختلاف الرأى لا يفسد للود قضية واحترم رأيك حتى لو مختلف معاك فيه ووضح مفاهيم ممكن اوى نكون مانعرفهاش لان مفيش انسان بيعرف كل حاجة
وطبعا الفرق رهيب ما بينه وبين واحد درس هندسة وخد فى الكلية ان التكييف بيتقاس بالحصان فلو حد قال قدامه اى وحدة قياس تانية في سطر واحد مع كلمة تكييف مايتعبش نفسه بمحاولة فهم العلاقة او المقصود من الكلام ويكتفى برد زى اللى فوق زى ما اتعلم فى الكلية
انا مكنتش ناوى اشارك تاني فى الموضوع ده بس لقيت انسان يستحق الشكر
استاذ tutankhamoun سعدت بك واستفدت من معلوماتك فلك كل الشكر

[walidzakzok]

يا بهوات الجين تو والبرسونا والساجا والواجا عربيات زي الفل لكن لما ماتلاقيلهاش قطعة غيار وتوكيل تعبان هتعرف قيمة العربيات الكنبة المنتشرة

اللوجان كنبة اه بس مع المقارنة مع بروتون الكنبة تكسب يبقى معناه ايه

ان البروتون محصلتش الكنبة

يافرحتى عربية ركوبة وسعر اعادة بيع ضايع وقطع غيار مش موجودة

وياريت اللي بيتكلم عن البروتون وفاكرها ماركة محترمة .....اقوله لا يا صديقى العربية ملهاش اي اسم على مستوى العالم

على الاقل اللوجان واخدة من ريحة الرينو لكن البروتون مالهاش اي تواجد على الساحة العالمية

[tutankhamoun]

يا بهوات الجين تو والبرسونا والساجا والواجا عربيات زي الفل لكن لما ماتلاقيلهاش قطعة غيار وتوكيل تعبان هتعرف قيمة العربيات الكنبة المنتشرة

ماشي كلام زي الفل ... مبالغ فيه شوية بس عموما صحيح .

اللوجان كنبة اه بس مع المقارنة مع بروتون الكنبة تكسب يبقى معناه ايه

ان البروتون محصلتش الكنبة

يافرحتى عربية ركوبة وسعر اعادة بيع ضايع وقطع غيار مش موجودة

مين اللي قال سعر اعادة بيع ضايع ؟؟ و على فكرة قطع الغيار موجودة ... مين قال مش بنلاقي قطع غيار ؟


وياريت اللي بيتكلم عن البروتون وفاكرها ماركة محترمة .....اقوله لا يا صديقى العربية ملهاش اي اسم على مستوى العالم

الماركة المحترمة مش بأنتشارها العالمي ........ الماركة المحترمة بمنتجاتها المحترمة
الأنتشار العالمي له دلالات على قوة الماركة أو المصنع في قدرته على الأنتشار
و على فكرة
البروتون بتتباع في أنجلترا و عدت معايير السوق البريطاني الصعبة و بتتباع هناك و كمان في أستراليا
و مؤخرا شركة تجيهزات سيارات رياضية يابانية عملت أتفاقية مع بروتون لأستخدام الموديل ده (ساتريا نيو 2000 ) في اليابان (أعتقد لو بروتون ماركة مش محترمة مكنتش اليابان أتفقت معاهم على بيع موديل من الموديلات لهواه السباقات هناك في اليابان .
ثانيا ماركة يابانية زي السوباورا مش منتشرة و على نظريتك قطع غيار في الضياع و سعر أعادة بيع أفضل
يبقى بقى اللوجان أفضل من السوباورا ؟؟؟؟؟؟؟؟؟؟؟؟؟؟؟؟؟؟؟؟؟
على الاقل اللوجان واخدة من ريحة الرينو لكن البروتون مالهاش اي تواجد على الساحة العالمية

بروتون موجودة أو مش موجودة مش هو ده بيت القصيد (بس واضح أن معلومات حضرتك عن بروتون مش كاملة )
بروتون موجودة في دول كتيرة من اللي الدريسكيون فيها يمين (بريطانيا - أستراليا - الهند - نيوزيلاند - تايلاند - أندونيسيا ........ بالاضافة طبعا لدول الدريسكيون الشمال زي مصر - تركيا - قبرص - الخليج )
و مؤخرا أضافوا اليابان لموديل الراليات بتاعهم اللي هو ساتريا نيو 2000

مش معنى أن اللوجان أتحط عليها علامة رينو ....... بقت أحسن عربية
و مش معنى أن اللوجان و رينو مشهورين عن ماركة زي سوباورا مثلا تبقى اللوجان أحسن لمجرد أنتشار الرينو العالمي .

الماركات المحترمة مش بتتقاس كدا خالص .

أنت تجيب مُنتج قصاد منتج ........ و تقيس

مش علشان ريحة رينو و رينو و الأنتشار العالمي يبقى منتج أفضل من منتج .

أستاذ ميدو رد بنرفزة و أنفعال ........ و أنت ردت بأنفعال زيه .

================================

دي شوية صور لشرطة بريطانيا بتستخدم بروتون اللي مش منتشرة عالميا



و أدي صف عربيات بروتون في خدمة شرطة بريطانيا



و ادي شوية صور تاني


و أدي حتة جين 2






و دي شوية أخبار عن فوز بروتون (اللي مش معروفة عالميا) ببعض السباقات
http://news.proton.com.au/2011/11/proton-wins-aprc-manufacturers-title/



الأعلام دي بتاعة السواقين

الفريق الأصفر هو فريق بروتون



Victory at the China Rally clinched the Asia Pacific Rally Championship



driver’s and manufacturer’s titles for PROTON and capped off a dominant season for the Malaysian car maker.
Alister McRae drove the Proton Satria Neo S2000 to its fourth victory of the season in six rounds when he completed the three-day China Rally ahead of Finnish driver Jari Ketomaa in the Mitsubishi Lancer Evolution X with team mate Chris Atkinson finishing third to make it an all PROTON 1-2 in the APRC driver’s championship.






=============



PROTON And Japanese Parts Manufacturer Carrosser Co., Ltd. (CUSCO) To Sell Satria Neo Rally Cars For The Japanese Domestic Market


PROTON Holdings Berhad - PROTON And Japanese Parts Manufacturer Carrosser Co., Ltd. (CUSCO) To Sell Satria Neo Rally Cars For

[tutankhamoun]

أستاذ توت عنخ آمون والأستاذ ميدو سليمان

يا أستاذ محمد أنا متفهم وجهة نظرك ....... و مفيش مشكلة

أنت عارف أيه المشكلة .......... أن كل العربيات حلوة و كل واحدة فيها مميزات و فيها عيوب .
أحنا واجعين رأسنا على الفاضي .
اللي راكب لوجان ....... ربنا يباركله فيها بكل مميزاتها .
و اللي راكب بروتون ...... ربنا يباركله فيها
و في نهاية اليوم .... دي بتوصلك مشاويرك و دي بتوصلك مشاويرك .

[tutankhamoun]

انا مكنتش ناوى اشارك تاني فى الموضوع ده بس لقيت انسان يستحق الشكر
استاذ tutankhamoun سعدت بك واستفدت من معلوماتك فلك كل الشكر

يا أستاذ بيبو نورت و الله يكرمك على كلامك الحلو .

و العفو يا فندم و لو عندي معلومات أكتر عن الموضوع الخاص بالتكييف كنت ضيفتها إلا أني مش متخصص خالص و لكن قلت المعلومات اللي أعرفها .

و الموضوع مش مستاهل أننا نزعل من بعض علشان شوية عربيات يعني .

[walidzakzok]

انا بقالي فى الخليج 4 سنين اقسم بالله ماشوفت والا عربية بروتون لدرجة انى شوفت مرة بيجو 504 ولكن ما شوفتش اي عربية تنتمي لبروتون

[walidzakzok]

طبعا هنا فى الخليج اللوجان موجودة على استحياء وخصوصا عربيات شركات
تاني مرة بقول البروتون كركوبة احسن من لوجان ...اللوجان عربية عادية واقل من عادية
لكن انا لما باشتري عربية مابحسبهاش من ناحية الركوبة بس لاننا فى مصر مش فى الخليج مثلا ولو هاحسبها كركوبة بس وعندي اختيارات مفتوحة عمري ما هابص لعربية بروتون او رينو من اساسه

يا جماعة احنا بنتكلم على عربيات رخيصة رديئة مخصصة للشعوب الغير ادمية ودة اللي خلى اللانوس والفيرنا تنتشر الانتشار دة

[walidzakzok]

يا أستاذ بيبو نورت و الله يكرمك على كلامك الحلو .

و العفو يا فندم و لو عندي معلومات أكتر عن الموضوع الخاص بالتكييف كنت ضيفتها إلا أني مش متخصص خالص و لكن قلت المعلومات اللي أعرفها .

و الموضوع مش مستاهل أننا نزعل من بعض علشان شوية عربيات يعني .

ياباشا مفيش نرفزة والا زعل هو بس كل واحد جايب كنبة بالقسط وفلوسها تعباه صعبان عليه لما تقوله عربيتك ساككة

[mido_soliman]

طبعا هنا فى الخليج اللوجان موجودة على استحياء وخصوصا عربيات شركات
تاني مرة بقول البروتون كركوبة احسن من لوجان ...اللوجان عربية عادية واقل من عادية
لكن انا لما باشتري عربية مابحسبهاش من ناحية الركوبة بس لاننا فى مصر مش فى الخليج مثلا ولو هاحسبها كركوبة بس وعندي اختيارات مفتوحة عمري ما هابص لعربية بروتون او رينو من اساسه

يا جماعة احنا بنتكلم على عربيات رخيصة رديئة مخصصة للشعوب الغير ادمية ودة اللي خلى اللانوس والفيرنا تنتشر الانتشار دة

يعنى انت زعلت اوى من كلمة كنبـــــة وكاتب ان العربيات اللى هنا عربيات رخيصة ورديئة وانها معمولة لنا بما اننا شعوب غير ادمية !!!!!!!!!!!!!
وبعدين انا وضحت ان مفيش اى مشكلة انك تقول على اى عربية مش عجباك كنبة دة رائى ورايك لا حيزود فى العربية ولا حينتقص منها ولا انا اللى مصنعها ولا انت يعنى موضوع اللى جايب عربيتة بالقسط وصعبانة علية والكلام دة مش منطقى لان لو كل واحد اشترى حاجة همة راى اى حد فيها مش حيشترى حاجة عجباة نهائى
وياسيدى متزعلش من الكنبة عربيتى انا شخصيا كنــــــــــــــــــــــــبة

[Mzeid]

صلوا على النبي

كل عربية فيها ما يميزها و فيها ما يعيبها
و كل واحد بيشتري الحاجة المناسبة لاحتياجاته و كل واحد بيدافع عن عربيته بسبب انها مكفياه احتياجاته

و تذكروا لما حد يحب يحكم على اي شئ سيارة كانت او غيرها فمقاييس التقييم مختلفة عند كل واحد
يعني انا مثلا ممكن اركب عربية و احسها ثابتة على الطريق .. بس طبعا لمفهومي الشخصي عن الثبات و ممكن حضرتك تركب نفس العربية و تحسها مش ثابتة بسبب ان مفهوم حضرتك عن الثبات مختلف
انا ممكن اركب عربية و تكون بالنسبة لي جراية و بتشد .. بس حضرتك تركبها تلاقيها عادية لأن إحساس حضرتك أو مفهومك عن التسارع مختلف عني

[eng_hatmido]

طب ارد عليك بايه ... مش عارف والله ... اقول نقيس التكييف بقوة الهور س باور الخاصه بيه ... يقولي سعة موتور السيارة ويصفق لرد عضو محترم بيقول نفس كلامي بس بيثلج صدره بكلمه تخليه يفرح ويحس انه بيقول كلام صح .. الفكرة يا استاذ طبعا عمرك ما هتكون مهندس ولا درست فيها - طبعا مش فخر ولكن لانك افتيت في حاجة بعيدة عنك - يا استاذ سعة الموتور بتأثر في تحمله للتكيف مع عزم دوران الموتور ... يعني بالعربي الفصيح
سعة الموتور بتتحكم في تحمله للتكيف من عدمه بس لازم تكون السعة دي بتدي عزم دوران كبير مش زي البطة لوجان ... يعني اللوجان سعتها اكبر لكن عزم دوران الموتور اقل عند نفس عدد لفات المحرك ... وده بيأثر في سحبها بالتكييف
... ده علاقة و تأثير التكييف ع الموتور ... اما التكييف نفسه فكبس موتور التكييف للساجا يتفوق ع اللوجان والدليل جرب الاتنين وقارن درجة التبريد في المساحة الداخلية ... وبجد شكرا ليك

[eng_hatmido]

وبرضه بذكر الجميع ان الموضوع كان مقارنة فقط بالفيديو وهم من بدأوا الجدال ... طبعا اقصد ناس معينة اللي اتكلمت بطريقة مش محترمة تارة ومش ظريفة تارة ومش عقلانية تارة اخرى...

وانا عارف ان في ناس بتشعل اي مقارنة حتي لو بالدليل عشان الادارة الكريمة تحس ان فيه مشاكل ويشيلوا الموضوع
وانا احتراما للادارة ... مش هعلق كتابيا تاني .. حتى لو فيه قلة مندسة :) حاولت الاستفزاز