يا رجاله أشتري أيه صني الشكل الجديد ولا أكسنت rb

[ahmedsho3a3]

يا رجاله أنا محتار جامد أوي و مش عارف أشتري أيه صني الشكل الجديد ولا أكسنت RB فول اوبشن ؟

(بغض لنظر عن أن الاكسنت 1600 cc)
انا اتفرجت على الأتنين:
الصني و اسعه و فيها ABS, EBD, BA و 2 اير باج بس تابلوه و صالون فقير الصراحه أذا كان البيج او الاسود

الأكسنت الفو اوبشن أضيق من الصني و مفيهاش غير أير باج واحده و مفيش EBD, BA بس العربيه شكها حلو و التابلوه و الابواب من جوه شيك .

أنا الصراحه مش فاهم اوي في الميكانيكا و التقفيل و الموتور و الحاجات دي

عايز نصيحتكوا أيهما أحسن, أداء و تقفيل و مراكز صيانه و قطع غيار و كل حاجه :D

[Omar_4ever]

لو من ناحية المظهر = اكسنت
الوسع الداخلي = اكسنت

المميزات في الصني هى التكيف الخلفي وقطع الغيار الياباني إلي مش ممكن تقارنها بالكوري ابدا
واعتقد ان موتور الصني هيبقى اقتصادي اكتر من الأكسنت

معلش مش هقدر افيدك اكتر من كده بس الأكسنت الrb عربة كويسة

[zangry]

لو من ناحية المظهر = اكسنت
الوسع الداخلي = اكسنت

المميزات في الصني هى التكيف الخلفي وقطع الغيار الياباني إلي مش ممكن تقارنها بالكوري ابدا
واعتقد ان موتور الصني هيبقى اقتصادي اكتر من الأكسنت

معلش مش هقدر افيدك اكتر من كده بس الأكسنت الrb عربة كويسة

حرام عليك الوسع الداخل اكسنت ازاى :d

[ahmedPJT]

صالون الصنى مش بطال و صالون الاكسنت ممتاز
عوامل امان الصنى لا تقارن بالاكسنت ABS EBD BA
صاج الصنى اقوى من صاج الاكسنت
توكيل الصنى افضل من غبور مليون مرة
صنى يبانى معمًِّرة و اكسنت كورى بعد سنتين تلاته هتلاقى الصاج معضعض و الله اعلم حال موتور هيبقى ايه
صنى موفرة فى البنزين جدا average 17km/L
الخلاصة لو عايز عربية اعتمادية و شكل مش بطال ارشحلك صنى و لو عايز عربية شكلا حلو و موضوعا وحشة هات الاكسنت

[SonaSteel]

لا صني طبعا .... توكل علي الله ومتنساش الاستخارة
كفاية التوكيل

[MohammedAladel]

صنى يابانى توكيل استهلاك بنزين شكل حلو بس الأكسنت أحلى ودى أذواق فى الآخر عوامل الأمان ودى أهم حاجة يبقى صنى السعر لصالح صنى إعادة بيع أتوقع هتكون جيدةجدا وأتوقع إرتفاع سعرها بعد ما تنتشر لأنها صفقة جيدة جدا وموتور استهلاكه مش عالى على حد قول المصنعين لأنه 1500 وواسعة من جوا شفت الإعلان بتاعها وبناء على كلام عضو اشتراها هنا فى المنتدى فى النهاية هتلاقى أول فئة أوتو من الأكسنت أغلى من الصنى الأوتو بمبلغ ميقلش عن 2500 جنيه

[hossam_elwani]

لو من ناحية المظهر = اكسنت
الوسع الداخلي = اكسنت

المميزات في الصني هى التكيف الخلفي وقطع الغيار الياباني إلي مش ممكن تقارنها بالكوري ابدا
واعتقد ان موتور الصني هيبقى اقتصادي اكتر من الأكسنت

معلش مش هقدر افيدك اكتر من كده بس الأكسنت الrb عربة كويسة

لا الوسع الداخلى فى الصنى انا بأكد انها اوسع من الالنترا مش الاكسنت شوف على الطبيعه وانت تنبهر بلوسع وفعلا المكونات الصغيره اليابانى فى الصنى لاتقارن بلكورى

[Ultramisho]

أرتكز الكثيرون في تأييدهم للصني إنها ياباني بجانب اشياء لا خلاف عليها الحقيقة
بس السؤال

هو الصني الجديدة ياباني؟؟؟؟
اصل فيه خلاف دار بين اثنين خبراء في العربيات انها صيني ولا هندي
ملحوظة: الفيرنا هندي بعد 2009 واللانوس صيني مع شيفورليه فالحكاية دي مش جديدة علينا خاصة اننا بنشتري العربيات باغلى سعر فيى العالم ونستحق التقدير والاهتمام !!!!

[mody3on]

صالون الصنى مش بطال و صالون الاكسنت ممتاز
عوامل امان الصنى لا تقارن بالاكسنت ABS EBD BA
صاج الصنى اقوى من صاج الاكسنت
توكيل الصنى افضل من غبور مليون مرة
صنى يبانى معمًِّرة و اكسنت كورى بعد سنتين تلاته هتلاقى الصاج معضعض و الله اعلم حال موتور هيبقى ايه
صنى موفرة فى البنزين جدا average 17km/L
الخلاصة لو عايز عربية اعتمادية و شكل مش بطال ارشحلك صنى و لو عايز عربية شكلا حلو و موضوعا وحشة هات الاكسنت

صاج معضعض وموتور ايه يا باشا ! هو احنا في التمانينات !!
----
بالنسبة للموضوع , انا شايف ان الاكسنت اشيك وشكلها احسن وموتورها اقوى , وممكن تستنى شوية تجيب الهاتشباك منها فيها 2 ايرباج و abs وكماليات اكتر بكتير من الصني , وشوف الريو برضه

[DarkMagician]

صني كفاية الامان وكفاية التوكيل

[Ultramisho]

لو لغيت السعر من الاعتبار رأيي الاكسنت طبعا

صاج معضعض وموتور ايه يا باشا ! هو احنا في التمانينات !!
----
بالنسبة للموضوع , انا شايف ان الاكسنت اشيك وشكلها احسن وموتورها اقوى , وممكن تستنى شوية تجيب الهاتشباك منها فيها 2 ايرباج و abs وكماليات اكتر بكتير من الصني , وشوف الريو برضه

+111111

رأيي الشخصي لو سمحتولي العربيتين مش بنفس السعر مع وجود جميع الكماليات طبعا
لو هتقارن بينهم بدون وضع السعر في الاعتبار رأيي المتواضع اكسنت ار بي طبعا
لو فرق السعر له أهمية يعني هنقارن الصني كاملة باكسنت فاضية الوضع يختلف
بس خلي بالك الصني بتتصنع في الصين في جوانجزو
NISSAN | Nissan Unveils New Global Sedan at the 8th China (Guangzhou) International Automobile Exhibition
وفي الهند في تشيناي
NISSAN | Nissan Unveils New Global Sedan at the 8th China (Guangzhou) International Automobile Exhibition

تفتكر هيجيبولك هنا موديل متصنع في اليابان الي اصلا لا تبيعها في بلدها !!!

[Ultramisho]

معلش استدراك
ده عنوان موقع التصنيع في الهند
Nissan Sunny India, Nissan Sunny Price, Review, Nissan Sunny Diesel Mileage | CarDekho

[Ultramisho]

على فكرة الكلام على ان الصني ممكن تكون بتتصنع في الصين او الهند مش تقليل ليها حبيت بس اوضح
البلوبيرد والليفينا بيتصنعوا وبيتجمعوا كمان في الصين وشوف البلو بيرد بكام دلوقتي

انا بس عاوز نيسان مصر تقول هي متصنعة فين اليابان ولا الصين ولا الهند مش نستنى لما نغير قطعة منها ونلاقي ميد ان فين
أطلة عليكم معلش
يوم سعيد

[Land_Cruiser]

لو اللى يهمك المظهر يبقى اختار ال rb اما لو يهمك الجوهر هتلاقى الصنى تناسبك اكتر فهى واسعه و استهلاكها للبنزين بقى كويس بعد الموتور الجديد و توكيلها محترم جداً و صوت الموتور بتاعها هادى و عمليه جداً و سعرها على قد امكانياتها يعنى اللى هتدفعه هتاخد به حاجه مش مظهر خارجى و من جوه يعلم الله و فى كلام على ان هناك فئه اعلى هتنزل و احتمال كبير تكون المكونات الداخليه احسن من الموجوده الان بس شكلها اوحش من ال rb من وجهه نظرى و ان كان الشكل اذواق طبعا فمن الاخر الموضوع متوقف على اولويات حضرتك فى الشكل و لا الامكانيات و العمليه و بناء عليها تقدر تقرر ايهما يناسبك اكتر

[Youssef.Awad]

الصنى تكسب فى الاتى:
التوكيل - الوسع الداخلى - عوامل الامان الايجابى (فرامل abs+ba+ebd)قبل السلبى (air bags) - نعومة العفشة - ثبات ودقة التوجيه للدركسيون والباور الكهرباء - تكييف ثلاجة بمعنى الكلمة

والاكسنت rb تكسب فى الاتى:
التصميم الداخلى والخارجى - جودة الخامات الداخلية - الفتيس ال6 سرعات ستيبترونيك - ديناميكية الابعاد