يا رجاله أشتري أيه صني الشكل الجديد ولا أكسنت rb

[ahmedsho3a3]

و الله يا شباب مش عارف اقول ايه . هو فعلن الصني تمنها فيها بس لو الخامات الداخليه تبقى احسن شويه (الابواب والتابلوه)
كان الوحد ماحترش الحيره دي

[hossam_elwani]

و الله يا شباب مش عارف اقول ايه . هو فعلن الصني تمنها فيها بس لو الخامات الداخليه تبقى احسن شويه (الابواب والتابلوه)
كان الوحد ماحترش الحيره دي

هو فعلا التابلوه فقير حتى الاضاءه البرتقالى بتعته مش عاطفيه خالص

بس الابواب ممكن اضافة قطع من الجلد ليها عند سروجى محترف والكراسى تتكسى جلد تفصيل حتبقى تحفه وكله على قد سعره

[mody3on]

الامل انهم ينزلوا فئة هاي لاين فيها ستوب-ستارت وتكييف تاتش وعدادات ليد وجنوط وطارة مالتي وبلوتوث , هيحسنها من جوة كتير

[hamedco75]

والله يا أخي أنا محتار نفس حيرتك بس انا مهتم بشكل خاص بموضوع قطع الغيار أقصد المرايات والزجاج والرفرف والاكصدمات عشان السواقة في شوارعنا الجميلة والتعرض للخبطات عاوز حد يقولنا ايهما افضل في اسعار الحاجات دي وله الشكر مقدماً

[ahmedsho3a3]

الامل انهم ينزلوا فئة هاي لاين فيها ستوب-ستارت وتكييف تاتش وعدادات ليد وجنوط وطارة مالتي وبلوتوث , هيحسنها من جوة كتير

لا مفتكرش هينزل كل ده
كبيرهم جنوط وطاره مالتي

[ahmedsho3a3]

لا صني طبعا .... توكل علي الله ومتنساش الاستخارة
كفاية التوكيل

هو توكيل هيونداي وحش للدرجه دي ؟؟؟ انا أصل دي أول عربيه ليا ان شاء الله

[madooomad]

my own opinion ان السيراتو اول مانزلت كان شكلها وااااااااااااااااااو دلوقتي عادي جدااا ويمكن مش حلو كمان بنسبالي فا الشكل فكك منه انت مش هاتركب بي ام دبليو .... الصني اوفر اول عربيه عمليه جدااا و انا حبتها جدا العيوب الشكليه الي فيها ممكن تتحل بجنوط و سبويلر و جلد علي الابواب و التابلوه وياسلام لو جلد احمر علي الفرش الاسود بتاع العربيه وده رايي الشخصي :)

[Omar_4ever]

لو من ناحية المظهر = اكسنت
الوسع الداخلي =الصني

المميزات في الصني هى التكيف الخلفي وقطع الغيار الياباني إلي مش ممكن تقارنها بالكوري ابدا
واعتقد ان موتور الصني هيبقى اقتصادي اكتر من الأكسنت

معلش مش هقدر افيدك اكتر من كده بس الأكسنت الrb عربة كويسة

[Omar_4ever]

حرام عليك الوسع الداخل اكسنت ازاى :d

غلطة مطبعية

[wsamir]

على فكرة الاكسنت خفيفة فوق ال 120 العربية مع واحد صاحبى شكلها حلو بس الثيات فى الصنى افضل بكتير

[tarekiooo]

النيسان الصنى افضل

[ls1090]

من الاخر الى معاه نيسان (تيدا - صنى -......) هيشكر فى الناس وخلاص
والعكس الى معاه هيونداى هينحاز للهيونداى
وكل عربية ميزة وعيب
من الاخر موضوعك فى المكان الغلط اعمل موضوع فى قسم المقارنات

[DarkMagician]

من الاخر الى معاه نيسان (تيدا - صنى -......) هيشكر فى الناس وخلاص
والعكس الى معاه هيونداى هينحاز للهيونداى
وكل عربية ميزة وعيب
من الاخر موضوعك فى المكان الغلط اعمل موضوع فى قسم المقارنات

مهو للاسف قسم المقارنات نفس الفكرة

[ls1090]

انا راى الشخصى
الاكسنت افضل
1-موتور قوى
2-شكل عصرى ومنسب ل 2012
3-اعادة بيع
عيوب
1-خفيفة مش بتاعت جرى فوق 140
واحد هيقول امال الموتور القوى اعمل بيه موتور قوى= تجميع سريع يعنى عربية تجيب من 0 الى 100 فى 10 ثوانى وعربية فى 12 وعربية 8 +قوة تكيف
2-قطع غيار غير معمرة
3-توكيل تعبان
الصينى
افضل
1-اعتمادية
2-قطع غيار معمرة
3-توكيل كويس
عيوب
1-شكلها عاااااااااار عرية تناسب موديل 90 (من الداخل والخارج)
2-موتور ضعيف تكنولوجيا قديمة

[د.هشام]

الاكسنت تتفوق في شكل التابلوه أجمل, الفتيس الستربتونيك بصراحة ممتع لو انت غاوي حرق, الموتور أقوى.
اما الصني فتتفوق على الاكسنت في الشكل الخارجي احسن, السعر أرخص, عوامل الامان متوفرة زي في أي عربية في أي بلد محترمة بتحترم البني ادم, ياباني مش كوري, حجم العربية أكبر و الصالون والشنطة أوسع بمراحل, ثبات أحسن ودي مهمة, عفشة أحسن, أعلى من الارض, موفرة أكثر في البنزين.
انا معنديش دي ولا دي بس لو حشتري واحدة يبقى أكيد الصني