ياريت الاساتذه يساعدونى فى الحيره اللى انا فيها

[ecko120]

تم تعديل العنوان
ننبه لعدم جواز القسم بغير الله حتى ولو بأعظم مخلوقاته
الإدارة

يا جماعه ان شاء الله انا مقبل على انى اشترى عربيه بس الحيره بين الاتى:
بروتون (gen 2)
كيا سيراتو
شيفروليه افيو
البروتون كانت فى دماغى لحد ما واحد صاحب معرض طلع فيها عيوب الدنيا كلها
الكيا شوفتها فى معرض وجربتها بس وهم تحفه اخر حاجه بس فى ناس فى المنتدى اشتكوا من الباور والفرامل
الشيفروليه بيقولوا الموتور بتاعها موتور دايو
اعمل ايه يا ريت اكتر عدد من الردود ويا سلام لو عن تجربه

[hazem_khidr]

يا تري انت عاوز عربيه في حدود كام
و حتستعملها في ايه؟؟
يا ريت تملا استماره الشراء اللي عاملها الباشمهندس عمرو
(سيات لافر) علشان نعرف نساعدك

[M_HaFeZ]

من كان حالفاً فليحلف بالله او ليصمت

[أبومعاذ]

سيراتو

من كان حالفاً فليحلف بالله او ليصمت

+111111111111111111111111111111111

من حلف بغير الله فقد أشرك و كفارته أن يقول لا إله إلا الله

[tutankhamoun]

أولا ........... أخي الكريم ............ أحلف بالله فقط و لا تحلف بغيره

بالنسبة لأسئلتك

جين 2 ........... كيا سيراتو ............ أفيو

هابدأ أشرح مميزات العربيات و أنت اللي تحدد

الجين 2
ثباتها عالي جدا على الطريق على أي سرعة و في المنحنيات
جميع الكماليات ......... و ماركات محترمة
( تكييف قوي - عوامل أمان من فرامل ABS EBD - عدد 2 وسادة هوائية للسائق و الراكب الأمامي - مرايات تُعدل كهربائيا - مصابيح شبورة أمامية و خلفية - جهاز انذار و مانع تدوير السيارة بدون مفتاح مكود -- عدد 4 زجاج كهربائي - راديو سي دي بلاوبونكت - سنتر لوك أو قفل مركزي - مانع فاتح الأبواب لحماية الأطفال - مانع فاتح الزجاج أيضا ( السائق يتحكم فيه ) - عجلة الدريكسيون فيها قابلية التظبيط أعلى و أسفل حسب طول و حجم السائق - حامل كوب .- مكان للنظارة بجانب السائق - جنوط أسبور -- كرسي السائق يتم تعديله لفوق و تحت حسب طول السائق - باور - )

موتور قوي جدا
1600 سي سي
110 حصان عند 6000 لفة / دقيقة
148 نيوتن / متر عند 4000 لفة / دقيقة
......... و تسارعه رهيب خصوصا في السرعات العالية و لا يفقد قوته بل يزداد قوة بعد سرعة 100 ............. و موفر في البنزين عند القيادة الهادئة و بيعمل معايا في حدود 250 إلى 300 كم في الصفيحة
و في المعتاد ( القيادة العادية ) من 200 إلى 220 في الصفيحة


سعر العربية
83 ألف تقريبا للمانوال
88 ألف تقريبا للأوتوماتيك
عيوب العربية
بعض السيارات ظهرت فيها عيوب تقفيل بسيطة مثل زرار معلق أو سلك فالت يتسبب في توقف عمل لمبة أو زجاج كهربائي
التوكيل متوسط ............ و مراكز الخدمة متوسطة و ليست ممتازة و لكن ليسو سيئين إطلاقا
قطع الغيار متوفرة خارج التوكيل و داخل ( و لو إني لم أحتاج الحمد لله إلى أي قطع غيار ) و لكني سألت أصحابها القدامى و أتفقوا على تواجد قطع الغيار خارج التوكيل بأسعار معقولة
و كلام بتوع المعارض ............... أونطة و كدب في كدب

الجين 2 غير متوفرة بكثرة و يتم بيعها عن طريق الوكيل أكثر و لذلك يعيبها أصحاب المعارض لعدم توفرها لديهم مما يقلل أرباحهم و همهم الأول و الأخير البيع و لا يهمهم تضليل العميل أم لا
فلا تسمع لهؤلاء ..........

-------------------------------------


السيراتو في رأيي الشخصي عربية محترمة جدا و شكلها جيد ... و و هذا تقييم أصحابها
و ده تقييم من أحد ملاك السيراتو و هو الأستاذ Slayer
و طبعا بعد أذنه ....
سعر السيراتو مانوال جميع الكماليات ( معرفش تفاصيلها )
90 ألف جنيه تقريبا للمانوال
97 ألف للأوتو
102 ألف للأوتو
107 ألف للأوتو
و بكدا يبقى فيه تفاوت في الكماليات ( اللي يفيدك أكتر اللي معاهم العربية )

الحمد لله يا جماعه استلمت السيراتو
انا جبتها اتوماتيك الفئه التانيه اللى هيه فيها كل حاجه من غير فتحة سقف
1- المواصفات و الكماليات باختصار
- motor 1600cc 121 hp
- power - center - alarm - remote
-الجنوط 15 - كرسى السائق بيطلع و ينزل - كونسول امامى و خلفى - الكنبه يمكن طيها لزيادة مساحة الخزين - الشنطه مبطنه من الداخل - الجيربوكس اتوماتيك و استيبترونك - 2 نور للسالون - مكان علوى للنظاره - كاسيت سيدى ام بى سرى كينوود - 4 سماعات و 2 سكسكه - تكييف اوتو- فوججات

2- نظره عامه للسياره:
بجد يا جماعه انا مش عاف اقوللوكو اى اصل اقل ما يقال عن العربيه انها "عربيه من الاخر "
العربيه ناعمه جدا اعده مريحه و عفشه ممتازه و ناعمه

3- تعالو نتلككلها بشوية عيوب:
- لاحظت ان صوت الشكمان عالى شويه مع كبس البنزين.
- الفرامل فيها حاجه غريبه كما قال الزملاء قبل كده بس لما خدت عليها حسسيت انها عاديه و كل ما بمشى بيها كل ما بتبقى احسن و ده اعتقد لانها لسه مطبعتش على الطنبوره.
- فى ناس قالت على الباور انه تقيل شويه انا بركب اوبترا و الباور تقريبا هوه هوه بس لو قارنتها بعربيه زى السيتى هتلقيه تقيل شويه فعلا و ده طبيعى بس انا من رايى انه كويس جدا.

4- المميزات:
- موتور هادىء
- سحب قوى جدا و موتور عفى
- انعم عفشه شفتها فى حياتى
- فتيس الاتوماتيك سلس جدا
- ثبات بجد غير مسبوق فى المناورات عن تجربه و الله
- ثبات ممتاز على السرعات العاليه.
- ميزة الستبتروك هايله جدا و بتدى اداء رياضى للمحرك و بتديك حريه و عزم عالى.
- سالون و اسع جدا مهما ترجع بكرسى السواق اللى وره هيبقى برحتو اوى.
- اعده مريحه جدا و تحكم فى كرسى السائق
- التابلوه مع بساطته الاان اضاءته شيك جدا و مريحه للعين .الاخضر و الاحمر
- كاسيت كينوود محترم جدا و ساوند سيستم ممتاز كانك مظبطه.
- تكييف تلاجه اوتو ممكن تظبطه على اى درجة حراره و هو يظبط نفقسه لغايط ميوصلها دون اى تحكم مننك.
- انوار لفوانيس توفر رؤيه واضحه جدا.
- شنطه مبطنه توفر مساحة تخزين كبيره جدا.

انا مش عارف انا كده ادتها حقها و للا لسه

5- تقييم عام
عربيه ممتازه
اديها 5 نجووم فى فئتها و اعلى كمان من فئتها شويه

انا جاهز لاى استفسار و انتو عندكو تليفونى

و دي المواصفات الفنية للسيارة من موضوع للأستاذ
hoko_mosha
إنما التقييم
ممكن تسأل أصحابها

نوع المحرك(1,5 لتر - 1 كامة علوية - 4 سلندر)
سعة المحرك(١٤٩٨ سي سي)
الانبعاثات(Euro II )
القوّة القصوى (حصان @ د.د)(٨٣ @ ٥٦٠٠)
عزم الدوران الأقصى (نيوتن.متر/د.د)(١٢٨/٣٠٠٠)
السرعة القصوى ( كم/ س)(١٧٠)
التسارع ٠-١٠٠ كم (ثانية)(١٢.١ ثانية)
نصف قطر الدوران (م)(٤.٨٩)
معدل استهلاك الوقود:(وسط المدينة) لتر/100 كم (٨,٧٩ - ١٠٠ كم/ساعة)
معدل استهلاك الوقود:(الطريق السريعة) لتر/100 كم (٥,٢٣ - ١٠٠ كم/ساعة)
معدل استهلاك الوقود:(متوسط الإستهلاك) لتر/100 كم (٦,٥٤ - ١٠٠ كم/ساعة)
الوقود(حقن الكتروني)
نقل الحركة(ناقل حركة يدوي ٥ سرعات)
مكيف الهواء : قياسى
دريكسون باور : قياسى
زجاج كهرباء امامى : قياسى
مرايات يدوية : قياسى
راديو كاسيت : قياسى
4 سماعات : قياسى
قفل مركزى : قياسى
فتح غطاء البنزين من الداخل : قياسى
مساند الرأس امامى و خلفى : قياسى
زجاج ملون : قياسى
قضبان حماية فى الابواب : قياسى
حامل اكواب : قياسى
الفرش الداخلى : قماش
قفل حماية للاطفال : قياسى
احزمة امان : قياسى
تجهيزات خاصة بالطرق الوعرة : قياسى
تجهيزات خاصة للطقس الحار : قياسى
محفز للعادم : قياسى
ساعة رقمية : قياسى
قاعدة العجلات (مم) : 2480
الطول الإجمالي (مم) : 4310
عرض الهيكل (مم) : 1710
الارتفاع الإجمالي (مم) : 1505
الوزن الإجمالي( كجم ) : 1100
سعة خزان الوقود( لتر) : 45
سعة صندوق الأمتعة (لتر) : 400
أدنى ارتفاع عن الأرض (مم) : 150

أسعار الأفيو
مانوال 72 ألف
مانوال بالكماليات 76 ألف
أوتو ماتيك 83 ألف
ماتوال كوري 79 ألف
مانوال 79 ألف

بس الفروق ........... الله أعلم ......... ممكن أصحاب العربيات يدلوك

الأسعار من على موقع كونتاكت

[ecko120]

انا متكر جدااا وبالنسبه للاستفسار عن السعر اللى اقدر عليه هو متوسط السعر للسيارات دى يعنى من 70 لحد 95 مثلا\

[tutankhamoun]

انا متكر جدااا وبالنسبه للاستفسار عن السعر اللى اقدر عليه هو متوسط السعر للسيارات دى يعنى من 70 لحد 95 مثلا\

عروستي ............
تقصد أيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[M_HaFeZ]

يعنى الراجل تقريبا مستعد يدفع من 70 الف لحد 95 الف وده الحد الاقصى له


والف شكر للاداره الملتزمه دينيا وبترد على مشاركات الاعضاء فى الخروج عن النسق او كتابه ماهو خاطئ