تويوتا ياريس مستعمل 2009 ولأ رينو لوجان زيرووووو 2013

[jackson_75]

السلأم عليكم ورحمة الله وبركاته
كنت عاوز اخد رأى حضراتكم وأسأل أيهما أفضل شراء تويوتا ياريس عداد 18 ألف كيلو مستعمل وحالة نضيفة فابريكة برة وجوة , ولأ أشترى رينو لوجان زيرو 2013 علماً بأن أستخدامى للسيارة دائم وداخل المدن وخارجها وعلى طرق سفر طويلة ..وكمان التكيف مهم جداً بالنسبة لى .

ولو سمحتم كنت عاوز أعرف كمان تعمل كام التويوتا الياريس 2009 بالحالة المذكورة فوق .
ولكم جزيل الشكر



.

[Ibrahim88]

http://www.nilemotors.net/Nile/304433-2009-2013-a.html

[egyptiandiver]

I think Toyota is better than Renault in Egypt

[ehab_11_22]

بصراحة التويوتا أكيييد أفضل دا غير أن هيبقى فى ميزة لاقدر الله لو أتزنقت وفكرت تبيعها مش هاتخسر فيها زى اللوجان
بس أعتقد حضرتك هتحتاج تزود 7000 جنية على الأقل وربنا يوفقك وتعرف تجيب واحدة حالتها كويسة

[jackson_75]

ألف شكر لردود حضراتكم بس معلش أنا مش فاهم ليه الأستاذ Ibrahim88 جايب لى اللينك بتاع الموضوع اللى كنت عامل فيه طلب مقارنة مابين شراء الهوندا سيتى واللوجان زيرو .. هو انا لأ سمح الله قولت ولأ عملت حاجة وحشة فبتشهد الناس عليا ... معروف هنا أن المنتدى خاص بالسيارات وأن أصحاب الخبرة بيساعدوا الناس اللى معندهاش خبرة زى حالأتى فطبيعى أن أى حد مقدم على شراء سيارة جديدة أو مستعملة فلأزم تكون أسالته كتير وخاصة لو مش فاهم أوى فى الفرق بالأمكانيات مابين كل سيارة وأخرى

[jackson_75]

ياجماعة أنا قرأت أن التويوتا الياريس 87 حصان واللوجان 90 أو أقل شوية مش فاكر , فهل الأداء هيبقى واحد برغم أن ديه 1300 وديه 1600 وهل الياريس 1300 ده مش هايأثر على موتور العربية مع التكيف

[dreslam]

اليابان اما بتعمل حاجه بتعملها صح يعنى لو عربيه ياباني 3 سي سي التكييف مش بيأثر على الموتور :) وبعدين لا يقارن تكييف الياريس "والياباني عموما" بتكييف اي عربيه تانيه والرينو تكييفه اساسا قد يكون "ok" فقط

[jackson_75]

طب كده الكلام على أيه وعلى مين ؟ يعنى نجيب ياريس مستعمل استعمال نضيف ولأ اللوجان الزيرو

[mohamed_e36]

خليك في اليارس عزل محترم و ناعمه جدا وبور خفيف واعطال قليله جدا واستهلاك بنزين ممتاز واوعى تفتكر ان عشان هي 1300 سحبها هيكون ضعيف بالعكس العربيه سحبها ممتااااااااااااااااااز جدا ويقارن باللوجان ال1600 ولو بالعداد اللي انته بتقول عليه ده فالعربيه تعتبر جديده رأي اتوكل على الله وخليك في الياريس ومش هتندم ان شاء الله

[egyptiandiver]

خليك في اليارس

[S O P H O S]

بصراحة لو الياريس حالتها نظيفة
يبقي هي بدون تردد بالنسبة ليا
والله اعلم ...

[elpasha1]

الزيرو زيرو مهما كان
تقبل مرورى

[jackson_75]

طب معلش ماحدش قالى تعمل كام الياريس فى السوق لو عددها 18 ألف كيلو فابريكة برة وجوة وموديل 2009 كاملة مانيوال

[mohamed_e36]

تقريبا بالحاله دي من 69 الى 73 الف

[M_SALLAM]

اكيــــــــــــــــــد الياريس طبعا بدون تفكير و العربية دى تعمل من 65 - 70 الف حسب الحالة ^_^