الصني الجديدة والاكسنت رب

[Feddo]

ياريت يجماعة تفيدوني

الصني تافيل مصري والاكسنت تافيل كوري وطبعا مزنش التأفيل المصري زي الكوري وأنا خايف من تأفيل الصني بصراحة وش عاريف اه نظام توكيل النيسان

مساحة الشنطة فالصني ٤٩٠ لتر وفالاكسنت ر ب ٣٨٩ لتر وقعدتها أدياْ من جوة كمان
الصني١٥٠٠ / ١٠٨ حصان عند ٤٠٠٠ ربم
الاكسنت ر ب ١٦٠٠/ ١٢٢ حصان عند ٦٠٠٠ ربم
الاكسنت مفهاش اي اوبشنز فأول فثة من الاوتمتيك وانا بصراحة مستكتر ادفع فالعربية ده اكتر من كدة. لكن الصني فيها مصابيح ضباب, فرامل مزودة بجهاز مانع لإلنغالق abs ,نظام التوزيع االلكرتوىن لقوة الفرامل ebd,نظام مؤازرة الفرامل ba, وسادة هواء للسائق, وسادة هواء للراكب األمامى ومع ذلك في نظري الاكسنت ر ب أشيك من جوة وبرة

في ناس بتشتكي من عفشة الاكسنت ر ب خاصة المسعدين بتعه اللي وره بس الصراحة عربية نعمة جدا وبيقولو استهلكها ممتاز فالبنزين.

[toty_305]

-والنبي ما تسمع كلام الناس كده وخلاص لازم تجرب بنفسك عشان الفتاوي كتير قوي هنا خصوصا على الهيونداي ( ناقص يركبولها جناحات وتطير )

[Kefo_Honda]

نصيحة أخ بلاش rb, نيسان صني عربية محترمة و فراملها جبارة و ثبات عالي وسائل امان ,توكيل ممتازومحترم جدا, قطع غيار معمرة و مش مبالغ في سعرها, ماتور جديد موفر في البنزين و قوي,عربية شغل بتشتغل في أسوء الظروف و بأقل تكلف التشغيل , أحيانا في مشاكل بسيطة بتظهر في تقفيل العربية و توكل بيحلها بصدر رحب , ولو حابب تجربها السبع عنده تست دريف ممكن تكلمهم و تحجز , وربنا يوفقك لما فيه خير لحضرتك

[Feddo]

أنا شاكر جداً لي ارائكم. أنا فعلاً ناوي أعمل تست دريف للصني بس ملحوظة صغيرة عايز أقلها. موتور الصني الشكل الجديد مش موتور جديد ولا حاجة.
الموتور اللي راكب فل صني الجديدة هو HR15DE
الموتور ده بينذل فالتيدا (في بعض الدول) من سنة 2004

The HR is a family of straight-3 and straight-4 automobile engines co-developed by Nissan and Renault. Renault calls it the H engine. It is made by Aichi Machine Industry in Japan

موتور الصني الشكل القديم هو QG16DE
QG16DE is an 1.6 L (1597 cc) straight 4-cylinder engine with Double Over Head Camshafts with 16 valves. The cylinder head also features Nissan Variable Cam Timing (N-VCT) and micro-polished camshafts. A new water pump assembly has been designed for the QG16DE; the design is based on the water pump from the GA16DE, the changes made it more efficient and reliable than its predecessor. The engine produces 88 kW (118 hp)@6000 rpm and 165 N·m (122 lb·ft)@4000 rpm. Bore and stroke is 73.6 mm (2.90 in) and 88 mm (3.5 in).
QG engines were designed for Nissan by Aichi Machine Industry, Japan

طب حد جرب أو سمع عن إستهلاك البنزين فلصني الجديدة ؟ هل في أي شكاوي فلصني الجديدة تخلي الواحد ممكن يشور عقلة ؟

[ahmedPJT]

استهلاك البنزين فى الصنى الجديدة ممتاز جدا ٥٥٠ كيلو فى التفويلة (٤٠ لتر)

[Feddo]

استهلاك البنزين فى الصنى الجديدة ممتاز جدا ٥٥٠ كيلو فى التفويلة (٤٠ لتر)

شكراً يا أحمد. أنا فعلاً شايف إن ده إستهلاك ممتاز مقرنتاً بل بسمعو عن الصني الشكل القديم.

[Feddo]

نصيحة أخ بلاش rb, نيسان صني عربية محترمة و فراملها جبارة و ثبات عالي وسائل امان ,توكيل ممتازومحترم جدا, قطع غيار معمرة و مش مبالغ في سعرها, ماتور جديد موفر في البنزين و قوي,عربية شغل بتشتغل في أسوء الظروف و بأقل تكلف التشغيل , أحيانا في مشاكل بسيطة بتظهر في تقفيل العربية و توكل بيحلها بصدر رحب , ولو حابب تجربها السبع عنده تست دريف ممكن تكلمهم و تحجز , وربنا يوفقك لما فيه خير لحضرتك

شكراً يا فندم. إنت فعلاً شجعتني أكتر وان شاء الله ربنا يعمل اللي فيه الخير وتعجبني العربية أكتر.

[Feddo]

طب أنا شايف إن في ناس كتير مرشحة الصني. مفيش حد حبيب يشجع الاكسنت ر ب ؟ أنا شايف العربية ده انتشرت بردو إنتشار رهيب و أكد في سبب؟؟

[medododo]

طب أنا شايف إن في ناس كتير مرشحة الصني. مفيش حد حبيب يشجع الاكسنت ر ب ؟ أنا شايف العربية ده انتشرت بردو إنتشار رهيب و أكد في سبب؟؟

ببساطة لأنها نزلت قبل الصني الشكل الجديد وكانت مناسبة للفئة السعرية الموجودة فيها

[limo81]

+111111

[Land_Cruiser]

طب أنا شايف إن في ناس كتير مرشحة الصني. مفيش حد حبيب يشجع الاكسنت ر ب ؟ أنا شايف العربية ده انتشرت بردو إنتشار رهيب و أكد في سبب؟؟

السبب فى انتشار الاكسنت ال rb بمنتهى الحياديه
١- لشكل الخارجى (نفس فكره الالنترا و السيراتو اول ما ينزلوا شكل جديد) الناس بتنبهر بشكل العربيه و ده عكس الصنى اللى ناس كتير و انا منهم لا تحب شكل السياره الخارجى

٢- السعر : لان دلوقتى سعر ال rb يعتبر قليل لان شرائح السعر اتحركت لدرجه اعلى و اصبحت فئات السيارات العائليه اللى كانت ٩٠ الف او تحت ال ١٠٠ بقت دلوقتى ابتداء من ١٢٠ و بالتالى الاختيارات بقت قليله و الفئه اللى بتدور على الرينج ده كبيره و بالتالى منطقى تبقى مبيعاتها كتيره

٣- انتشار هيونداى بصفه عامه و رخص و توافر قطع الغيار بره التوكيل و انتشار الورش اللى بتشتغل فى تصليحه بره التوكيل و سعر اعاده بيعه ممتازه

٤- الاكسنت rb بصفه عامه كويسه من ساعه ما طلعت. فيها مشاكل زى المساعدين الضعيفه و صعوبه السمكره بتاعتها و اكيد فيها عيوب تانيه اكيد ملاكها عارفينها اكتر من اللى جربها مره و لا اتنين و سعرها اكيد غالى على امكانياتها يعنى كتير. الواحد يدفع فوق ال ١٠٠ الف فى عربيه فاضيه و بدون وسائل امان و فى بلدنا الجميله دى المليانه حوادث و خللى بالك انها طلعت بقالها فتره و ساعه لما طلعت ما كنش ليها منافسين لكن دلوقتى طلعلها زى الريو مثلا و الصنى على اساس السعر مش اكتر لان الصنى المفروض تنافس الالنترا مش ال rb لكن الموضوع على اساس السعر مش الامكانيات طبعا.

لو حبينا نحط مقارنه سريعه ما بين الاتنين :-
الشكل الخارجى :- الاكسنت rb تكسب (و ان كان الشكل اذواق طبعا)
التقفيل :- الاكسنت rb تكسب
الاعتماديه :- الصنى تكسب
التوكيل :- الصنى تكسب
وسائل الامان: الصنى تكسب
الوسع الداخلى و الشنطه : الصنى تكسب

[Feddo]

ببساطة لأنها نزلت قبل الصني الشكل الجديد وكانت مناسبة للفئة السعرية الموجودة فيها

السبب فى انتشار الاكسنت ال rb بمنتهى الحياديه
١- لشكل الخارجى (نفس فكره الالنترا و السيراتو اول ما ينزلوا شكل جديد) الناس بتنبهر بشكل العربيه و ده عكس الصنى اللى ناس كتير و انا منهم لا تحب شكل السياره الخارجى

٢- السعر : لان دلوقتى سعر ال rb يعتبر قليل لان شرائح السعر اتحركت لدرجه اعلى و اصبحت فئات السيارات العائليه اللى كانت ٩٠ الف او تحت ال ١٠٠ بقت دلوقتى ابتداء من ١٢٠ و بالتالى الاختيارات بقت قليله و الفئه اللى بتدور على الرينج ده كبيره و بالتالى منطقى تبقى مبيعاتها كتيره

٣- انتشار هيونداى بصفه عامه و رخص و توافر قطع الغيار بره التوكيل و انتشار الورش اللى بتشتغل فى تصليحه بره التوكيل و سعر اعاده بيعه ممتازه

٤- الاكسنت rb بصفه عامه كويسه من ساعه ما طلعت. فيها مشاكل زى المساعدين الضعيفه و صعوبه السمكره بتاعتها و اكيد فيها عيوب تانيه اكيد ملاكها عارفينها اكتر من اللى جربها مره و لا اتنين و سعرها اكيد غالى على امكانياتها يعنى كتير. الواحد يدفع فوق ال ١٠٠ الف فى عربيه فاضيه و بدون وسائل امان و فى بلدنا الجميله دى المليانه حوادث و خللى بالك انها طلعت بقالها فتره و ساعه لما طلعت ما كنش ليها منافسين لكن دلوقتى طلعلها زى الريو مثلا و الصنى على اساس السعر مش اكتر لان الصنى المفروض تنافس الالنترا مش ال rb لكن الموضوع على اساس السعر مش الامكانيات طبعا.

لو حبينا نحط مقارنه سريعه ما بين الاتنين :-
الشكل الخارجى :- الاكسنت rb تكسب (و ان كان الشكل اذواق طبعا)
التقفيل :- الاكسنت rb تكسب
الاعتماديه :- الصنى تكسب
التوكيل :- الصنى تكسب
وسائل الامان: الصنى تكسب
الوسع الداخلى و الشنطه : الصنى تكسب

شكراً على اهتمامكم بالرد .أنا شايف إن الصني القديمة (السوبر صالون) كانت مناسبة للفئة السعرية دى برده و مع ذلك الاكسنت rb انتشرت بشكل رهيب. أنا أظن إن فعلاً الشكل من أعلى الأسباب اللي خلت الناس تختار الاكسنت rb مع طبعا باقي الاسباب اللي قلتها ويمكن كمان بسبب انها أنعم شوية في السواقة.

[saint2011]

شكراً على اهتمامكم بالرد .أنا شايف إن الصني القديمة (السوبر صالون) كانت مناسبة للفئة السعرية دى برده و مع ذلك الاكسنت rb انتشرت بشكل رهيب. أنا أظن إن فعلاً الشكل من أعلى الأسباب اللي خلت الناس تختار الاكسنت rb مع طبعا باقي الاسباب اللي قلتها ويمكن كمان بسبب انها أنعم شوية في السواقة.

شوف حضرتك السيارة اولا وأخيرا أحتياج يعنى أيه :
1- لو حضرتك بتدور على شكل ثورى وتصميم شبابى سهولة البيع يبقى كده هيونداى RB
2- لو حضرتك بتدور على عربية أعتمادية عائليه موفرة للبنزين ووسائل أمان وناعمة برضه و مراكز خدمة متميزة وايضا سهولة البيع يبقى الصنى الشكل الجديد وعلى فكرة انا من ملاكها يعنى عن تجربة وربنا يوفقك للصالح

[M_SALLAM]

sunny 2013 .

[Kefo_Honda]

الصني برده سهلة في اعادة البيع مش rb بس