الصني الجديدة والاكسنت رب

[zambarota]

انا مع ان الشكل الخارجى والطابلوه والخامات الداخليه للسياره الهيونداي اشيك واحلى واقوي

لكن مع اختلاف اذواق ومتطلبات السوق المصرى

فالسوق المصرىمعظمه يتجه للشكل الخارجى والداخلى للسياره بغض النظر عن فروق مواتير او عوامل الامان بالسياره

ولكن عند المقارنه يتطلب وضع معايير ثابته لكي يتيح الاختيار الانسب لمتطلباتك

وكما ذكر بالاعلى ان نيسان صنى الجديده ماتور 1500 مقارنه بماتور 1600

الشكل الخارجي اذواق

الخامات الداخليه والطابلوه تتفوق الاكسنت اربى وايضا الريو حيث انهم موجودون بنفس الفئه السعريه

التقفيل معتقدش ان حد اشتكى من تقفيل الصنى المصرى حيث انها تخضع لمعايير جوده من قبل المختصين اليابانيين فى المصنع

الوسع الداخلى الصني واسعه جدا وعاليه عن الارض حتى لو محمل مش بتحك ودا عن تجربه

وسع الشطنه كبير جدا للصنى

توفير بنزين فى صالح الصنى

التوكيل بصراحه نيسان من افضل التوكيلات فى مصر

واخيرا يبقى الفيصل فى حاجه مهمه جدا

انك لو رحت تشترى صنى مش هاتستلم الا بعد شهرين او ثلاثه شهور لوجود ضغط رهيب يتعدي 3الاف طلب حجز

ولكن عايز تستلم فورى هاتشتريها باوفر برايز لايقل عن 3 الاف جنيه ويصل الى 9 الاف جنيه

لكن لو رحت تشترى اربى او ريو هاتلاقيها مرطرطه ومنطوره فى كل مكان

[toty_305]

-تعليق بسيط بس أن أستهلاك ال RB ف البنزين ف السفر بيوصل 5.9L\100km و موفره الحمد لله ف البنزين و قراءه المتوسط مع التفويله ساعات بيعدي 600 KM

[Batman372]

انا رأى الصنى الجديده 2013 بصفه عامه افضل من الهيونداى ار بى ...
لو هيونداى يبقى الالنترا الجديده و هى تنافس بقوه ...
تحياتى ...

[unoman]

المتانه هتكون صنى
قطع الغيار هتكون صنى
التأفيل مشكلة انه فى مصر بس مرة واتنين فى الصيانه وهتصلح اى مشكلة حصلت فى التأفيل ,,,,
الشكل دا ازواق طبعا
الوسع والشنطة مش بينهم الفرق الشاسع يعنى ,,,
المواتير برضة الفرق مش رهيب لان مافيش الا اماكن قليلة فى مصر تجيب فيها اخر الموتور
بالتوفيق والاستخارة فى الاول والاخر ,, او اى دعاء لربك يوضحلك الافضل ليك

[Feddo]

شكراً على اهتمامكم بالرد
علشان أكون محايد بردو أنا مظنش إن إستهلاك البنزين فل RB حيكون أعلى من الصني بلرغم إن الصني ١٥٠٠ CC وال RB ١٦٠٠ CC. وانا شايف إن الأثنين ممكن يتبعو بسهولة. أنا لما إتفرجت علصني و شفت صورها عل نت اعجبت بها جداً. بس لما رحت السبع موتور من شهر كدة اسراحه إتغزت.طبلو النيسان صني بينزل في أمريكا و حتى فلهند !! شكلو مختلف تماماً !! ده غير المقابض النيكل والطارة الملتيفنكشن والجنوط. يعني أنا نفسي أفهم لو كان التوكل بتعنا في مصر كان نزل بس نفس التابلوه اللي بينزل برة كانت العربية حتغلي كم ألف يعني ؟؟ أنا حطيت اللينك عشان تشوفو الفرق وتقلولي رأيكم. تفتكرو ممكن في يوم من الأيام الكلام ده ممكن ينزل مصر؟

2012 Nissan Versa Sedan Speedometer Photo 9

[tutankhamoun]

أستاذ فيدو أنا ميال للنيسان صني مع أن شكلها الخارجي على أده خالص .

معلومة بس لحضرتك .
نيسان في مصر مش بتوكيل .
المصنع مملوك لشركة نيسان و ادارة شركة نيسان نفسها .

يعني مثلا مختلف عن غبور ......... غبور مصنع مصري و بيتعامل مع شركات أجنبية في التصنيع .

أما نيسان ملكيته لشركة نيسان اليابانية نفسها و ادارته كمان .

أما موضوع التقفيل ............. فهي أصبحت لبانة في بق كل مصري يقولها على أي حاجة متجمعة في مصر .
العربية تقفيلها زي الفل و ممتازة .

[S O P H O S]

+1111111111111
وانا بردوا اميل للصني
والله اعلم ..