مقارنات غريبة لبنت مسهوكة فى السواقة

[MaNoLa]

بما أن أنا الوحيدة من صحابى بدخل على النت كتير
واحدة صاحبتى قالتلى أنها عايزة تجيب عربيه فى حدود 25 ألف بالكتير لأن مشاويرها قليلة يعنى حوالى 30 كيلو فى اليوم
المشكلة أنها لما كنت بخليها تسوق عربيتى كانت بتبقى عاملة زى الكتكوت البردان
يعنى بمعنى أصح (فى منتهى السهوكة) عشان لسه متعلمتش السواقة جامد

جه فى دماغى بشكل مباشر السوزوكى ماروتى بما أن حجمها صغير يعنى ممكن تعدى من جمب أى عربيه من غير ما حد ياخد باله بس قولت هتبقى ضعيفة أوى و كلها كام شهر و تتعود على السواقة و تبقى بالنسبالها بومبه كبيرة أوى

فجه فى دماغى حاجة ممكن تقولولى بلاش عليها بس لو تعرفوا قصتها ممكن يبقى الأحتمال الأكبر و هيا جيلى سباركى أكيد هتقولولى ليه يعنى دى متعبة و دى بنت هقولكم لأن خطيبها معاه عربيه زيها و أكيد لو حاجة باظت فيها هيعرف يصلحها و فى نفس الوقت هتستفيد من الشنطة و الكنبه

جه فى دماغى فيات أونو و سيات أبيزا و فولكس فاجن بولو موديلات حاجة و تسعين بس حسيت أنها قديمة أوى لكن برضة دة ميمنعش أنها هتريحها فى قطع الغيار جدا و كمان ماركات جامدة


أنتوا شايفين أية مع العلم حطوا فى دماغكم أن أول شهرين أو تلاتة الحوادث هتكون على ودنه

[hassanin_lada]

128 بدون منافس تستحمل الهرك والخبط .. قطع غيار عند البقال والبواب يعرف يصلحها .. توفير في البنزين .. قطع غيار رخيصه لدرجة ان البايع مابيبقاش عاوز ياخد فلوس القطعه حاجه تكون في موديلات 2000 كده هتبقي لوز

[S O P H O S]

انا شايف الماروتي بردوا
لان عربية ناعمة وتنفع اكتر
وسواء عربية قوية او لا مش هتفرق
وقطع غيار الماروتي معروفة
مجرد راي ..

[MaNoLa]

128 بدون منافس تستحمل الهرك والخبط .. قطع غيار عند البقال والبواب يعرف يصلحها .. توفير في البنزين .. قطع غيار رخيصه لدرجة ان البايع مابيبقاش عاوز ياخد فلوس القطعه حاجه تكون في موديلات 2000 كده هتبقي لوز

معاك فى كدة بالنسبه للرجالة لو عايزة تتعلم كل حته فى قطع غيار العربيه
بس الـ 128 شكلها غير رومانسى بالمرة و كمان مفيهاش تكييف و عمرى ماشوفت واحدة سايقاها

[MaNoLa]

انا شايف الماروتي بردوا
لان عربية ناعمة وتنفع اكتر
وسواء عربية قوية او لا مش هتفرق
وقطع غيار الماروتي معروفة
مجرد راي ..

مانا دى أول حاجة جت فى نفوخى لما أتكلمت
عمتا هشوف باقى الردود و أقولها و هيا تاخد قرارها مع نفسها

[shiko85]

فجه فى دماغى حاجة ممكن تقولولى بلاش عليها بس لو تعرفوا قصتها ممكن يبقى الأحتمال الأكبر و هيا جيلى سباركى أكيد هتقولولى ليه يعنى دى متعبة و دى بنت هقولكم لأن خطيبها معاه عربيه زيها و أكيد لو حاجة باظت فيها هيعرف يصلحها و فى نفس الوقت هتستفيد من الشنطة و الكنبه

انا كان معايا جيلى فروته و بجد العربيه دى محترمه جدا جدا جدا كانت مشكلتها الوحيده انها ضيقه شويه
لو هى مقتنعه بالسباركى خليها تشتريها على الأقل العربيه فيها تكييف و زجاج كهرباء و سنترال لوك و مرايات كهرباء يعنى شويه كماليات كويسه غير ميزه ان خطيبها معاه نفس العربيه
و ممكن تشوف فروته علشان شكلها اظرف شويه

[MaNoLa]

انا كان معايا جيلى فروته و بجد العربيه دى محترمه جدا جدا جدا كانت مشكلتها الوحيده انها ضيقه شويه
لو هى مقتنعه بالسباركى خليها تشتريها على الأقل العربيه فيها تكييف و زجاج كهرباء و سنترال لوك و مرايات كهرباء يعنى شويه كماليات كويسه غير ميزه ان خطيبها معاه نفس العربيه
و ممكن تشوف فروته علشان شكلها اظرف شويه

ميرسى جدا على ردك , بس العربيات دى بيتجابلها قطع غيار متماشية معاها صح ؟
ولا التوكيل بتاعها كويس ؟

[أحمد الجندى]

الكيا برايد هاتش باك ممكن تتحط من ضمن الاختيارات

[ayman_omer2007]

البولو عربية محترمة واثبت عربية فى حدود الثمن اللى هيا عايزاه

[shiko85]

ميرسى جدا على ردك , بس العربيات دى بيتجابلها قطع غيار متماشية معاها صح ؟
ولا التوكيل بتاعها كويس ؟

ليها قطع غيار بتاعتها فالتوكيل و محلات كتير غير طبعا ان اجزاء من العفشه و الموتور متوافقه مع عربيات تانيه
و قطع الغيار الأصلى موجوده بره التوكيل و اسعارها معقوله جدا

[asaber]

اي عربيه من دول بس ياريت يكون من ضمن معايير الاختيار حاجتيين اساسيين
1- تكييف
2- power steering

[hassanin_lada]

ده علي اساس ان المروتي هتمشي والتكيف شغال فيها !! هي اصلا 900 سي سي ناخد منهم حوالي 300 للتكيف يبقي هتمشي بعربيه 600 سي سي يعني بطه .. لكن 128 1300 سي سي يعني لو ركبتلها تكيف هتبقي ماشيه ب 1000 سي سي يعني معقوله شويه وطبعا ده رأي شخص ومستنين باقي الردود .. وعلي فكره بنات كتير راكبها ولو من ناحية الرومانسيه ابقي روشيها فوشيا :d و هتبقي انتيكه خالص

[tarekmomo]

اولا مافيش بولو ب25 الف جنية
الاختيار الافضل من وجهة نظرى سوزوكى سويفت هاتش باك

[kliken]

شايف برايد هاتشباك افضل اختيار و مناسبه جدا

[S O P H O S]

ده علي اساس ان المروتي هتمشي والتكيف شغال فيها !! هي اصلا 900 سي سي ناخد منهم حوالي 300 للتكيف يبقي هتمشي بعربيه 600 سي سي يعني بطه .. لكن 128 1300 سي سي يعني لو ركبتلها تكيف هتبقي ماشيه ب 1000 سي سي يعني معقوله شويه وطبعا ده رأي شخص ومستنين باقي الردود .. وعلي فكره بنات كتير راكبها ولو من ناحية الرومانسيه ابقي روشيها فوشيا :d و هتبقي انتيكه خالص

الماروتي مش 900 من الاساس
ومش معقولة تجيب عربية علشان تركب فيها تكيف
اعتقد ...