مقارنات غريبة لبنت مسهوكة فى السواقة

[asaber]

ده علي اساس ان المروتي هتمشي والتكيف شغال فيها !! هي اصلا 900 سي سي ناخد منهم حوالي 300 للتكيف يبقي هتمشي بعربيه 600 سي سي يعني بطه .. لكن 128 1300 سي سي يعني لو ركبتلها تكيف هتبقي ماشيه ب 1000 سي سي يعني معقوله شويه وطبعا ده رأي شخص ومستنين باقي الردود .. وعلي فكره بنات كتير راكبها ولو من ناحية الرومانسيه ابقي روشيها فوشيا :d و هتبقي انتيكه خالص

محدش قال يركبلها انا كنت بقترح انها وهي بتدور تحط في اساس اختيارها انها تكون عربيه مكيفه يعني تشتريها بتكيفها مش تركبلها تكييف و طبعا البور عشان تكون اسهل للبنت في الركن
دا رايي و انا شايف ان الحجات دي اساسيه الان و ما دام لسه مشترتش ايه اللي يمنع انها تدور علي حاجه فيه الاثنين دول بدل ما تفكر تغير مع دخول الصيف و الحر اللي بقينا عيشيين فيه ولا دول الخليج
انا لولا مش عايز اعقد الموضوع كنت زودت الاتوماتيك كمان

[hassanin_lada]

الماروتي مش 900 من الاساس
ومش معقولة تجيب عربية علشان تركب فيها تكيف
اعتقد ...

امال الماروتي كام سي سي !!

[hassanin_lada]

800 مثلا !! اسخم وادل .. انا بعد اذنك لما بشكر في ال 128 عشان انا مجربها والاسكترا بتاعتها مخليا الدركسيون حلوه خالص طبعا مش زي البور بس علي الاقل لو باظ صيانته سهله ورخيصه مش زي البور وتقبل مروري

[mohamedadelemam]

عن تجربة وممتازة فى كل شئ ...سيتروين ax تكيف وزجاج وسنتر وفى منها باور وحتى من غير باور دركسيون ناعم جدا و1400 سىسى بتخليها طلقة وفى نفس الوقت موفرة جدا فى استهلاك البنزين وقطع غيار متوسطة فى السعر ومعمرة اوى

[MaNoLa]

يا جماعة كلها وجهات نظر و أراء لأننا مش بنختار ما بين عربيتين بس لأ دا المجال مفتوح أوى
و فكرة فيات 128 ممتازة جدا و أكيد بديل كويس لقطع الغيار لكن للشباب و الرجاله
لكن لو لبنت صعب أوى تروح تركب تكييف جديد
لأسباب كتيرة أوى أولهم التعامل مع الميكانيكية و الصنايعية و التعطيل و غيره

و الماروتى لما جيت فكرت فيها كان عشان الحجم صغير و أنا بقول هيا مش بتعرف تسوق و برضة قطع الغيار متوفرة لكن برضة مفيهاش تكييف و أن كان فيها تكييف هتبقى سلحفه و كلها كام يوم تتعلم السواقة و هتحتاج عربيه حجمها كبير و فيها تكييف

عمتا أنا منتظرة كل أقتراحاتكم و بقولها عليها مع وجهة نظرى برضة فى كل الأنواع
لكن هيا حاليا عجباها جيلى سباركى جدا

فهل جيلى سباركى مع التوضيح أن خطيبها معاه العربيه و مريحاه أختيار كويس ؟ ولا أقولها تصبر شوية نفكر فى أقتراحاتكم ؟

[Ahmadhamza84]

ستروين zx ....ناعمة ..واسعة عن الجيلي ..وفرنساوي ...ومكيفة

[shiko85]

هيا حاليا عجباها جيلى سباركى جدا
فهل جيلى سباركى مع التوضيح أن خطيبها معاه العربيه و مريحاه أختيار كويس ؟ ولا أقولها تصبر شوية نفكر فى أقتراحاتكم ؟

خليها تشترى السباركى من خطيبها و هو يجيب حاجه تانيه (فيرنا - لانوس - .......)

[waleedabbas]

البولو طبعا لو السعر مناسب ممكن كمان
سكودا فيليشيا
ستروين ax
بيجو 205
كيا برايد

[ayman1204]

ماروتى يا بيه

[وائل البرنس]

ستروينzx عربيه ممتازه وفيها كماليات كويسه جدا

[Amr Axel]

في حالتها دي اذن حاجة من الاتنين اما الماروتي ياما اسبرانزا A113

اولا الماروتي لعدة اسباب اولا موديل حديث يناسب المبلغ اللي معاها
العربية قطع غيارها رخيصة جداااا و متوافرة جدااا و ممكن يتولفلها كمان من عربيات تانية
موفرة جداااااااااافي البنزين يعني الصفيحة تعمل 350-400 ك\م في المتوسط
صياناتها سهلة و اي حد يشتغل فيها احنا عندنا في القسم النسور اغلبهم شغالين بايديهم نديهم بس البداية و هم يكملوا ههههههههه
سهلة البيع لو حبت تبيعها في اي لحظة نظرا لأنها ما شاء الله عليها اقبال
و اهم حاجة حجمها صغير و ده مناسب ليها لأنها جديدة في السواقة و الماورتي ابعادها صغيرة و تقدر تشوفها وبالتالي العربية 2في 1 تسوقها و في نفس الوقت هتعلمها ازاي تركن و تمشي

هو كله شكر شكر مفيش عيب و لا ايه
لأ فيه
نيجي للعيوب بقي

العربية مفيهاش اي كماليات تذكر و لكن كل ده سهل التغلب عليه من اول الساوند سيستم و حتي الازاز الكهربا و التكييف و معانا نسور السوزوكي ما شاء الله عاملين شغل نار في الماروتي
و ده موضوع هيوضح كل حاجة

http://www.nilemotors.net/Nile/274773-a.html

العربية حجمها صغير و ضيقة شوية الناس بتعتبر ده عيب انا بعتبره ميزة دلوقتي في الركنات و شوارعنا الحلوة
يعني قبل ما اجيب لوللا ( دلع التو ) كله قالي جيب فيرنا حتي الوالد قالي خليك في فيرنا او لانوس قولت لأ انا عايز حاجة صغيرة تنفع الشوارع و اقتصادية و في نفس الوقت مناسبة ليا و مسئول عنها و اعرف اتعامل معاها من اول شرائها
و الرد كان ماشي انت حر بس مش هتسوق السيفيك تاني ( ال يعني لو جبت فيرنا او لانوس هيسيبني برده اسوقها هههههههه )
ماشي يا حج مفيش مشاكل انا حر في عربيتي اللي هجيبها بس اهون عليك مسوقش سفكفك ( دلع سيفيك ) هههههههه

الماروتي عفشتها ضعيفة الي حدا ما لكن شغالة ما شاء الله كويس مع الناس

و اي استفسار عن العربية اتفضلي


ثانيا الاسبرانزا A113 و انطباعي عنها لما سوقتها هي عربية كويسة في فئتها يعني 1300 سي سي و السعر و الامكانيات بغض النظر عن انها صيني ساعات برده الصين بتنزل فلتات
من جوة السبرانزا قاعدتها مريحة و تتوافر فيها كماليات مش موجودة في حاجات اعلي منها سعرا
استهلاك البنزين كويس و التكييف ما شاء الله كويس
قطع الغيار اعتقد بقت ارخص لكن اسمع ان فيه قطع غير متوافرة برة اوي و الاسعار قريبة من الماروتي و احيانا زي الالتو
و العربية بالنسبة ليا لما سوقتها شايف انها عايزة شخص سواقته عادية يعني لو غرز يبقي ع خفيف اوي وسط البلد و سرعات طوالي ثبات متوسط لكن مش برفكت يعني محدش برده يفتكرها بي ام و يعمل مناورات بيها :)
العيوب اللي لاحظتها في العربية العفشة خاصة المساعدين و ده حلهم انهم يتغيروا ياما تستحمل الصوت و النشوفية
التقفيل مش اد كده بس لو جبنا السعر مع الامكانيات و الكماليات يبقي كويس
الشنطة ضيقة شويتين
ده من تجربتي لها
بعتبرها عربية مناسبة في المدن و تصلح شبابي او عائلي

هم دول العربيتين اللي ارشحهم ليها

[Mohamed Fawzy]

ستروين ax مناسبة وفي حدود السعر ده وكمالياتها كويسة وعلى فكرة العربية دي تسارعها وهمي

[mh_row]

كيا برايد