بشترى جديد

[mohamed110]

انا ياجماعة بشترى جديد اليومين دول و عاوز رأيكم اجيب تيوتا كورولا 2013 و لا رينو فلوانس 2013 عاوز اسمع رأيكم و ليه ؟

[addams_2]

Nissan Sunny 2013 is Amazing Consider it

[Y a r i s]

انا جربت الاتنين
وده محدش يقدر يقرروا غيرك انتا. لو عاوز رفاهية واحساس بالرفاهية. هات رينوا فيها حركات العربية ولمسة جاملية في الصالون بس لو عاوز عربية هارد وورك ومشاوير. وروحات وجيات وسفر كتير وناوي تخبط. وترزع فيها ومتقلش ئئئئي. هات كورولا .... نقطة كمان لو بتفكر عربية تخليها معاك سنتين تلاته وبعدين تقلب هات رينو ولو عاوز عربية تقعد معاك عمر ومدة وتبهدل فيها براحتك هات كورولا .... لو الفلوس مش فارقة معاك وربنا ممكن يكرمك بعد كده بقرشين هات رينو ولو الفلوس معاك هيا شقى عمرك وتحويشة عمر هات كورولا على الاقل لمن تبيعها. ممكن تبيعها بعد كام سنة. باغلى من السعر الي اشتريت بيه. .... وتحياتي وربنا يوفقك

[monamize4]

[QUOTE=Y a r i s;3874597782] انا جربت الاتنين
وده محدش يقدر يقرروا غيرك انتا. لو عاوز رفاهية واحساس بالرفاهية. هات رينوا فيها حركات العربية ولمسة جاملية في الصالون بس لو عاوز عربية هارد وورك ومشاوير. وروحات وجيات وسفر كتير وناوي تخبط. وترزع فيها ومتقلش ئئئئي. هات كورولا .... نقطة كمان لو بتفكر عربية تخليها معاك سنتين تلاته وبعدين تقلب هات رينو ولو عاوز عربية تقعد معاك عمر ومدة وتبهدل فيها براحتك هات كورولا .... لو الفلوس مش فارقة معاك وربنا ممكن يكرمك بعد كده بقرشين هات رينو ولو الفلوس معاك هيا شقى عمرك وتحويشة عمر هات كورولا على الاقل لمن تبيعها. ممكن تبيعها بعد كام سنة. باغلى من السعر الي اشتريت بيه. .... وتحياتي وربنا يوفقك [/QUOT
الراجل دا جاب م الاخر ,,,, فعلا الكورولا عربية كفاءة و يعتمد عليها و سوقها حلو ف مصر(عامة كل التويوتا كدة)
لو التوكيل لسة بينزلها جنوب افريقى يبقى هات خليجى احسن و خلى بالك ان الشكل الجديد قرب ينزل
الكلام دا مش معناة ان الفلونس وحشة بالعكس دى ممتازة و انت لو كنت قارنتها باى عربية تانى كنت قلتلك هات فلونس

[mohamed110]

طيب الخامات و الكوالتى و الموتور و العفشة و الاوسع ؟

[Mohyeldin1974]

الكورولا طبعا اكثر اعتماديه
شوف الموضوع ده فى مناقشات مفيده

http://www.nilemotors.net/Nile/315324-2013-2013-30-a.html

http://www.nilemotors.net/Nile/314813-2013.html

[Y a r i s]

طيب الخامات و الكوالتى و الموتور و العفشة و الاوسع ؟

الخامات والكولتي. الرينو تكسب بصراحة اصلهم مش فالحين غير في الجمال فرنسوين بقه

في المتور والعفشة. والوسع الكورولا تكسب

[M.FOUAD]

انا لو مكانك و و بتكلم لو هشتري زيرو استنى للسنة الجاية الشكل الجديد 2014 و عربية موديلها هيقعد 5-6 سنين قدام و انت و نصيبك بقى

[hossam_elwani]

كورولا

[Elkordy2000]

الفلوانس شكل وفخامة وتكنولوجيا عاليه ورفاهية اكتر , كأداء بردة ممتاز بس صيانة اصعب من الكورولا وقطع غيار اغلي ولازم متابعة مع التوكيل , سعر اعادة بيع مش جيد بس بردة مش وحش زي الميجان بالنسبة للكورولا اعتمادية اكثر صيانة اسهل وكل الناس بتفهم فيها واعادة بيع سهل وماسك فلوس , مشكلتها من وجهة نظري الشخصية شكل قديم اوبشن أقل من المتواضع رفاهية اقل سعرها مبالغ فية جدا جدا ...... رأئي الفلوانس تكسب , الفلوانس اساسا بتقارن بالأوكتافيا والسيفيك اكتر وبردة اللي يحدد اكتر هو احتياجك للعربية