فيات لينيا الجديده ولا نيسان صنى الجديده

[limo81]

والله انا باشوفها حاليا فى الشارع
وهما قالوا فى التوكيل فعلا انها هتنزل فى 12
ع ما اظن ان الموجوده حاليا فئه واللى فى 12 فئه أخرى
اهم حاجه رأيكم فى العربيه ساعدووونى

[kliken]

اللينيا عربيه جميله يا هندسه بس برضه لازم تتأكد بنفسك و تسأل عن قطع الغيار و مدى توافرها
انت لغيت حجز الصنى خلاص و لا لسه بتشاور عقلك
كلمتك فى العيد علشان اعيد عليك بس تليفوناتك كانت مقفوله ياباشا ربنا يوفقك للخير و للعربيه الاصلح ان شاء الله

[egytamer]

لو العربية هتقعد معاك فترة وانتا من هواة الفكر الاوربي في العربيات ( ثبات + خامات ممتازة + تكنولوجيا وامان ) يبقي لينا عربية من افضل العربيات في مصر مقابل سعرها
لو بتحب الفكر الياباني ( تكنولوجيا قديمة + ثبات متوسط +نكيف قوي + خامات بلاستيك) وبتحب تبيع ومتخسرشي يبقي صني

[limo81]

اللينيا عربيه جميله يا هندسه بس برضه لازم تتأكد بنفسك و تسأل عن قطع الغيار و مدى توافرها
انت لغيت حجز الصنى خلاص و لا لسه بتشاور عقلك
كلمتك فى العيد علشان اعيد عليك بس تليفوناتك كانت مقفوله ياباشا ربنا يوفقك للخير و للعربيه الاصلح ان شاء الله

اسف والله يا باشا بس اول يوم العيد كله فعلا كنت بره وموبايلى فاصل شحن انت فاهم بقى وكل سنه وانت طيب
وانا هاكلمك ان شاء الله

[limo81]

متااابع

[aliabdo]

الفيات لينيا ب 142000 مش 114 الف
و ذالك للتوضيح

[تامر.محمد]

لو فيه حاجة هاتخليك تجيب الصني و تسيب اللينيا هايبقى التوكيل

توكيل نيسان من احسن التوكيلات في مصر
توكيل فيات من اسوأ التوكيلات في مصر

[mazied]

اللينا اول فئة 114000 والفئه الثانية 134000

[aliabdo]

اللينا اول فئة 114000 والفئه الثانية 134000

حضرتك جايب السعر ده منين

و اول فئيه ايه موصافتها

[limo81]

(114000جنيه) P1 FIAT LINEA

115N.M@300RPM 1600CC-110HP@5000RPM
تكييف - باور - سنتر بمفتاح ريموت - 4زجاج كهرباء - مرايات كهرباء - راديو سى دى عادى - 2 ايرباج - كشافات شبورة - كمبيوتر رحلات - ABS - EBD - جنوط 15 - ECO DRIVE - FOLLOW ME - كنبة خلفيه قابله للطى.
.................................................. .................................................. ................................................
(134000جنيه) P2 fiat linea

تكييف تاتش - سى دى بلت ان - توزيع خلفى للتكييف - جنوط 17 - سنسور بارك - فرش قطيفه - أكر نيكل كروم - شبكة امامية نيكل كروم - جوانب نيكل ونواكل على الابواب - أرم ريست للسائق - أرم ريست بحامل اكواب للكنبة الخلفيه - طارة مالتى فانكشن - جير بوكس جلد وطارة جلد - مرايات بنفس لون السيارة - سيت بمامب (لضبط القطنيه) كهربائى - 6 ايرباج - blue@me - ستاره خلفيه أو فاميه للزجاج والجوانب الخلفيه - مخادع راس خلفيه - عدادات سبورت .

[limo81]

مش جامده بالله عليكم؟
انا عن نفسى شايفها أفضل واحده فى فئه أقل من 115000 جنيه

[lolo2884]

اللينيا ممتازة مش هتندم انا ماشى بيها 97000 من 2009 والحمد لله عربية جميلة توكل على الله وانا ماعملتش غير صيانة 10000 فى التوكيل وبعدين الباقى مع فنى ميكانيكى وكهربا كويس ومعظمهم بيفهمو فيها

[CryptonX]

لا دي ولا دي الصراحة ...بس لو مضطر حجيب الصني علشان اعرف ابيعها بعد كدة ...


اللينيا احسن كعربية في السواقة و الثبات .. بس قدمت نسبيا و توكيلها زبالة و فقدت اهم مميز كان ليها و هو المحرك التربو ... المحرك الجديد ملوش اي علاقة بحاجة نزلت في مصر قبل كدة و صعب تلاقيله قطع غيار مشتركة مع موديلات فيات المشهورة في مصر .


الصني بصراحة شكلها اسوء من العربيات الصيني داخليا و خارجيا ... و في ناس كتبير بتشتكي من قطع الغيار رغم انتشارها النسبي ... و انا حكون عاصر على نفسي 10 لمونات و انا بشتريها !

[limo81]

المحرك الجديد ملوش اي علاقة بحاجة نزلت في مصر قبل كدة و صعب تلاقيله قطع غيار مشتركة مع موديلات فيات المشهورة في مصر .

هو مش موتور 1600cc عادى يعنى ولا تكنولوجى جديد
طيب واللى مش من هواه التغيير يعمل ايه....لو العربيه اعتماديتها عاليه "تقعد معاك زى الفيات القديم ...يبقى ليــه لأ؟"

[limo81]

اللينيا ممتازة مش هتندم انا ماشى بيها 97000 من 2009 والحمد لله عربية جميلة توكل على الله وانا ماعملتش غير صيانة 10000 فى التوكيل وبعدين الباقى مع فنى ميكانيكى وكهربا كويس ومعظمهم بيفهمو فيها

يعنى رأيك أتوكل على الله فيها :)