فيات لينيا الجديده ولا نيسان صنى الجديده

[tutankhamoun]

لكل الأسباب السالف ذكرها من الأخوة الأفاضل على عدم أنتشار العربيةو سوء التوكيل .

و لكن أيطاليا أكبر شريك مع ألمانيا للكيان الصهيوني المغتصب لأرض فلسطين .

و أنا قررت ما أشتريش حاجة صناعة أوروبي أو أمريكي تاني .
مش عايز من وشهم حاجة .

لو حُكامي خائنين و مش عارفين يعملوا حاجة

أنا مش هاشارك في المهزلة دي بفلوس .

أنا بصراحة برضه زي رأي كريبتون .
لا كنت هاشتري دي أو دي ......
بس أنا قلت رأيي بناءا على أن الصني عربية حلوة و معقولة .

[aliabdo]

(114000جنيه) p1 fiat linea

115n.m@300rpm 1600cc-110hp@5000rpm
تكييف - باور - سنتر بمفتاح ريموت - 4زجاج كهرباء - مرايات كهرباء - راديو سى دى عادى - 2 ايرباج - كشافات شبورة - كمبيوتر رحلات - abs - ebd - جنوط 15 - eco drive - follow me - كنبة خلفيه قابله للطى.
.................................................. .................................................. ................................................
(134000جنيه) p2 fiat linea

تكييف تاتش - سى دى بلت ان - توزيع خلفى للتكييف - جنوط 17 - سنسور بارك - فرش قطيفه - أكر نيكل كروم - شبكة امامية نيكل كروم - جوانب نيكل ونواكل على الابواب - أرم ريست للسائق - أرم ريست بحامل اكواب للكنبة الخلفيه - طارة مالتى فانكشن - جير بوكس جلد وطارة جلد - مرايات بنفس لون السيارة - سيت بمامب (لضبط القطنيه) كهربائى - 6 ايرباج - blue@me - ستاره خلفيه أو فاميه للزجاج والجوانب الخلفيه - مخادع راس خلفيه - عدادات سبورت .

حضراتك جايب الكلام ده منين و اقدر الاقى العربيه دى فين عشان انا بدور على حاجه اروبى فى حدود السعر ده بقالى فتره و محتار
شكرا

[limo81]

حضرتك اتصل ع توكيل فيات (أوماترا)
أو الموزعين المعتمدين مثل: شيرين كار - أوتوماجد - أوتوميشو على ما أتذكر
و زى ما انت شايف كلهم حاجه آخر دلع

[Ultramisho]

أنا رأيي معلش تزود 8 آلاف جنيه وتجيب التيدا هاتشباك اول فئة فيها ايه بي اس واي بي دي و2 ايرباجز بالاضافة للاوبشنز العادية وتكييفها ثلاجة بس مانيول وتقفيلها رائع عكس الصني وقطع غيارها ياباني مش هندي بس متجمعة في المكسيك
خلي بالك سحبها شيئ تاني مقارنة بالينيا والصني
لو بتحب الاوروبي وثباته هيبقى قدامك الينيا بس خلي بالك الشكل هتتعود عليه بسرعة وهيبقى لك مشاكل العربية من صيانة وتوكيل وقطع غيار واعادة بيه

[limo81]

بس فيه نقطه .... العربيه من 2009 وما شفناش حد فى المنتدى اشتكى من حاجه زى الحاجات الكارثيه اللى موجوده فى العربيات الجديده للأسف زى التقفيل أو حاجات ميكانيكيه أو كهربائيه

[د.اشرف هنداوى]

واضح ان حضرتك حابب اللينيا
- شوف اخبار قطع الغيار و الميكانيكيه برة التوكيل : سعر و توافر
- لو سعر اعادة البيع مش فارق معاك قوي و معاك reserve (فلوس متوفره) لأي زنقة

يبقي اتكل علي الله و اشتريها لأنك حتقعد تفكر في العربية دي كتير لو ما اشتريتهاش

لكن

لو مافيش قطع غيار او ميكانيكية كويسين بيفهموا فيها لأن واضح من كلام الناس ان التوكيل هباب

او انك حتحط كل الفلوس اللي معاك في عربية و ممكن تتزنق و تبيعها في اي وقت

اعتقد يبقي التيدا هاتشباك اول فئة او الفلوانس اول فئة افضل

بالتوفيق

[limo81]

واضح ان حضرتك حابب اللينيا
- شوف اخبار قطع الغيار و الميكانيكيه برة التوكيل : سعر و توافر
- لو سعر اعادة البيع مش فارق معاك قوي و معاك reserve (فلوس متوفره) لأي زنقة

يبقي اتكل علي الله و اشتريها لأنك حتقعد تفكر في العربية دي كتير لو ما اشتريتهاش

لكن

لو مافيش قطع غيار او ميكانيكية كويسين بيفهموا فيها لأن واضح من كلام الناس ان التوكيل هباب

او انك حتحط كل الفلوس اللي معاك في عربية و ممكن تتزنق و تبيعها في اي وقت

اعتقد يبقي التيدا هاتشباك اول فئة او الفلوانس اول فئة افضل

بالتوفيق

هي العربيه أصلا هتكون تبع الشغل يعنى قسط وحظر بيع لمده 7 سنوات فحكايه الزنقه كده كده تقريبا مش موجوده
إنما حكايه سعر إعاده البيع بعد 7 سنين دى الله أعلم بها......وأى عربيه هتبقى معايا كويسه مهما كان موديلها.,...أبيعها ليه؟؟؟؟

[aliabdo]

التيدا مش موجوده غير الفئه الى ب 128و نص لعلم و الكلام ده من نيسان

[AHMED REFAT]

هي العربيه أصلا هتكون تبع الشغل يعنى قسط وحظر بيع لمده 7 سنوات فحكايه الزنقه كده كده تقريبا مش موجوده
إنما حكايه سعر إعاده البيع بعد 7 سنين دى الله أعلم بها......وأى عربيه هتبقى معايا كويسه مهما كان موديلها.,...أبيعها ليه؟؟؟؟

لو فى الحالة اقدر انصحك بقى وبكل طمئنينة للينيا .. لانك فى الظروف دى محتاج عربية محترمة وتحتوى على تكنولوجييا امان متقدمة ومريحة وثابتة .. كده ما فيس خلاف بقى على اللينيا لان 7 سنين فترة طويلة واى كان نوع السيارة هاتخسر جامد فى اعادة البيع .... يبقى استمتع بقى بالفلوس .. انا اللى محيرنى ضيق المدة اللى ممكن لا تتجاوز 3 سنين ولهذا خايف من اتخاذ القرار .. بس بصراحة العربية ممتازة وبها عوال امان كثير 6 ايرباج ودعامات فولاذ فى الابواب والقوايم وفرامل abs, ebd واوربى ... توكل على الله

[i_Am_Legend]

حضرتك بتقارن صني..ب لينيا!!!
مقارنة مستحيلة اصلا..لينيا طبعا..دي فيات يعني!

[Ultramisho]

التيدا مش موجوده غير الفئه الى ب 128و نص لعلم و الكلام ده من نيسان

ياه معقولة ولا حتى حجز
بس فعلا العربية دي منافسه بسعرها للصني سوبر صالون من نيسان نفسها ويمكن علشان كده ممكن يحجبوها لان الصني بتتجمع في مصر واكيد بتكسبهم اكتر
ده مش بعيد حتى التيدا بلس تختفي لاحقا او ينزل الشكل الجديد بسعر مبالغ فيه

نرجع لمرجعنا اللينيا هتفضل اوروبي بثباتها لكن برضه بسحبها وتكييفها الي مش اد كده والاختيار حسب الأولوية لكل واحد يهمه اكتر سحب وتكييف لو مابيجريش اعلى من 120 ولا ثبات لو بيحب يطير ويغرز بيها على سرعات عالية أما الامان فلا خلاف عليه وده في اللينيا والصني والتيدا الي اقترحتها على اساس اني كنت فاكرها متوفرة

تحياتي

[limo81]

اللينيا هتفضل اوروبي بثباتها لكن برضه بسحبها وتكييفها الي مش اد كده

حضرتك يمكن تقصد الموتور القديم (77حصان - 1400) لكن الجديد 110 حصان - 1600

[mazied]

الموتور ده جديد تماما في فيات ويعتبر من احدث ما انتجته تكنولجيا فيات وهو اسمه E-Torq

[ayman2]

الموتور ده جديد تماما في فيات ويعتبر من احدث ما انتجته تكنولجيا فيات وهو اسمه e-torq

+1
وده أعلى عزم لموتور 1600 عادى فى مصر 165 نيوتن

[ayman2]

نرجع لمرجعنا اللينيا هتفضل اوروبي بثباتها لكن برضه بسحبها وتكييفها الي مش اد كده والاختيار حسب الأولوية لكل واحد يهمه اكتر سحب وتكييف لو مابيجريش اعلى من 120 ولا ثبات لو بيحب يطير ويغرز بيها على سرعات عالية أما الامان فلا خلاف عليه وده في اللينيا والصني والتيدا الي اقترحتها على اساس اني كنت فاكرها متوفرة

تحياتي

هذا الكلام غير صحيح لأن التكييف ساندن يابانى والسحب حتى بالنسبه للـ 77 حصان فهو ممتاز لحجم السياره وعلى فكره 77 حصان دول صافى اما فى الثبات طبعا اللينيا تكسب ولا وجه للمقارنه يليها الصنى اما التيدا فهى بعد 140 لازم تاخد بالك