اشترى ميجان ٢٠٠٨ ولا اشترى سكودا اوكتافيا ٢٠٠٠

[تامر.محمد]

اتصلت النهارده بتوكيل رينو على رقمه وفعلا طلع التوكيل بيبيع مستعمل بس قالى اتصل بينا بكرا لان قسم المبيعات اجازه بس هل السعر هايكون قريب لسعر السوق بالنسبه لرينو ميجان وهل هايكون العربيه مضمونه فعلا وطبعا الله هوا الضامن الوحيد .

بيبقوا اعلى شوية , كل اللي الناس قالوهولي قبل ما اشتري انك بتبقى ضامنهم تمااااااااااااااااااااااام
و عربيتي فعلا لما جبتها ما كانش فيها حاجة زي ما قالوا

لكن آخر عربية شفتها عندهم ما ريحتنيش

انا سمعت كتير عن الرينو واحد يقولى حساسات المطر بتشتغل لوحدها والتانى يقولى هاتسطب مش عارف ايه عموما هيا تيجى بس ونبقى نحطلها انتى فيرس حلو زى الكاسبر وكمان نعملها ابديت وتحياتى للاشتغالات ........ فى رائى ان حب الشخص لاى حاجه بيخليه يتغاضى عن مساوئها يعنى بيحس ان كلها مميزات

كله هلس
حساس المطر يا شغال , فالمساحات بتشتغل لوحدها لما ييجي على العربية مياه , يا عطلان , فبتشغل انت المساحات عادي زي اي عربية
لما بتفك البطارية بتسطب كود الكاسيت , و ده طبيعي في كل العربيات اللي ليها كاسيت بكود , اللي هي كل العربيات الجديدة تقريبا
و بتفتح القزاز الكهربا كله و تقفله واحد واحد عشان الكنترول يقرا المشوار بتاع القزاز , لو ما عملتش كده هايشتغل القزاز عادي بس ال1 تاتش مش هايشتغل
ايه ال1 تاتش ؟ انك لما تعوز تدوس على الزرار بتاع الزجاج دوسة معينة فيقفل لوحده من غير ما تضطر تخلي ايدك على الزرار لحد ما يقفل :)

[Marlboro011]

متشكر يا استاذ تامر ويعنى اغلى شويه اد ايه الفين تلاته اربعه .. وانا متاكد ان كل الاشاعات عن الميجان مافيهاش حقيقه الا الجيربوكس ومش عارف تتحل ازاى ......

[تامر.محمد]

متشكر يا استاذ تامر ويعنى اغلى شويه اد ايه الفين تلاته اربعه .. وانا متاكد ان كل الاشاعات عن الميجان مافيهاش حقيقه الا الجيربوكس ومش عارف تتحل ازاى ......

مش شرط مش كلها حقيقة , انا مش عارف حضرتك سمعت ايه
لكن عموما ادخل قسم رينو تعرف الحقيقة بالظبط ان شاء الله

بالنسبة للجير بوكس فهي في الآخر نتشة بتتعود عليها , مش كارثة يعني

بالنسبة لأغلى فأه حوالي 4 او 5ــتلاف

لكن اللي اكيد ان صيانتها غلسة بالمقارنة مثلا باللانوس اللي كانت معايا

و الاكيد ان الميجان اهم حاجة فيها الحــــــــــــــــــالة , ثم الحــــــــــــــــــالة ثم الحــــــــــــــــــالة

الفرق بين اتنين واحد طاااااااااااااااير بيها و التاني بيلعنها ليل نهار ان الاولاني كشف في التوكيل و هو بيشتري و خد عربية حالتها كويسة , و التاني ما عملش كده و اتدبس

[Marlboro011]

الف مليون شكر يا استاذ تامر باشا بس اللى فهمته ان المشكله كلها فى الكشف على العربيه فى التوكيل طب انشاء الله انا ناوى اشترى من توكيل وربنا يسهل

[MoH.SaLaDiN]

والله لو فعلا التوكيل بيبيع عربيات مستعملة وحالتها كويسة ده يبقى شئ ممتاز بس يارب ميكونش سعرها مبالغ فيه

[mo7a_mo7a]

اكتافيا

[Ahmed Selim]

بفرض أن الأتنين حالتهم ممتازة و ماشيين 150 ألف أو أقل

الحاجتين اللى مش هتلاقيهم فى الميجان و هتلاقيهم فى الأوكتافيا هما الثبات ( فيه فرق لصالح الأوكتافيا بس مش كبير) و الإعتمادية أعلى شوية من الميجان.

أى حاجة تانية سواء تسارع أو فرامل أو كماليات لصالح الميجان.

لا الميجان مشكلتها مش بس في مصر، العربية واخدة سمعة في دول العالم كلها ..

معروف ان فيها مشاكل واعتماديتها قليلة لأن التكنولوجيا الجامدة اللى نزلت فيها كانت غير محسوبة وفعلا بيحصل فيها اعطال مفاجئة يعنى ممكن تبقى ماشى في طريقك مثلا وتركن تدخل بنزينة تيجى تطلع تلاقيها كاتبالك مثلا gearbox error
او steering error

وتلاقيها وقفت مكانها ! ، طب اعمللك ايه يعنى ، تلاقى الدركسيون قفل ومش عايزة تتحرك ، وده مش كلام او اشاعات دى حاجات حقيقية وادخل قسم رينو وشوف
او ممكن تبقى ماشى وتلاقي موبينة اتحرقت والعربية ماشية 3 سلندر او 2 مع بعض اتحرقوا عادى جدا والواحدة ب1250 وحاجة استغفر الله العظيم

انا كل اللى اشوفه جاب ميجان ما بتقعدش معاه كتير والاقيه باعها على طول !

على النقيض تماما الاوكتافيا عربية محترمة واعتماديتها عالية و قطع غيارها متوفرة ومش غالية اوى ، يعنى قريبة لليابانى مثلا وزيادة حاجة بسيطة

بص يا باشا......معظم اللى بتسمعه على قول الناس بيبقى هجص للأسف

يعني مثلاً على سبيل المثال...........الموبينة فى التوكيل مش من برة ب 500 جم مش 1250

و برة التوكيل معاك من 125 و أنت طالع.

هقولك على حاجة تانية.....كمثال بس
لو الأوكتافيا باظ فيها حاجة أسمها ماكينة الأستوب......اللى هى بتحس بدوسة رجلك على الفرامل و أنت بتدور العربية.........العربية مش هتدور غير لما الماكينة تتغير أو حد يفك حاجة فى جنب عصاية الفتيس و يضغط على حاجة تخلى العربية تدور.

فى الميجان الموضوع مختلف شوية.......العربية بتحس أن الماكينة هتبوظ و بتدي رسالة على الشاشة بتقول " electric fault" طبعاً لو حد مش عارف هيفتكر أن فيه مصيبة حصلت فى العربية.....مع أن نفس المشكلة هي هي فى العربيتين.

أى عربية متحافظ على صياناتها هتلاقي المشاكل فيه قليلة و عن تجربة لعربيتين ميجان واحدة 2005 و التانية 2007 أقلهم ماشية 112 ألف كم.

2008 واعلى فئه وب ــ 68000 !!!!!!!!! العربيه دى فيها حاجه... السعر ده مش سعرها الحقيقى وكلامى ده من خبرتى فى البحث عن ميجان بحاله جيده حتى 2007 اعلى فئه اغلى من كده

بالظبط كده..........2008 أعلى فئة معتقدش أنها تقل عن 75 لو حالة نضيفة.

انا سمعت كتير عن الرينو واحد يقولى حساسات المطر بتشتغل لوحدها والتانى يقولى هاتسطب مش عارف ايه عموما هيا تيجى بس ونبقى نحطلها انتى فيرس حلو زى الكاسبر وكمان نعملها ابديت وتحياتى للاشتغالات ........ فى رائى ان حب الشخص لاى حاجه بيخليه يتغاضى عن مساوئها يعنى بيحس ان كلها مميزات

هههههههههههه

بص يا باشا

حساسات المطر و النور دي بقت بتنزل فى عربيات كتير.........حاول متتعاملش معاها على أنها أختراع.
حساسات المطر بتشتغل فى المطر لو أنت ظابطها على كده.....و النور نفس القصة.

مش أختراع هما الأتنين و لو باظو العربية مش هتقف منك.

بالنسبة للتسطيب بقى ده هو اللى مشكلة فعلاً................لازم يبقى معاك نسخة أصلية طبعاً من كاسبر :)

شوية جد........كل القصة أن لو فصلت البطارية هتحتاج تدخل كود الكاسيت تاني و تظبط الأزاز أنه يشتغل وان تاتش..........الحكاية كلها مش بتاخد أكتر من 5 دقايق و بتتعمل فى كل عربية فيها الأزاز وان تاتش و فيها كود للكاسيت.

[MoH.SaLaDiN]

والله ممكن تكون الميجان عربية ممتازة بس هى فعلا اخدا سمعة سيئة فى مصر ة مش عارف ليه الصراحة

[Marlboro011]

الله المستعان قررت الميجان بس ٢٠٠٧ او ٢٠٠٨ ودا طبعا بعد ما صليت استخاره وبعد كلامكو طبعا