لانسر ولاااااا .....

[MOstafa Hashem]

السلام عليكم

انا لسا بايع عربيتى اوبل فيكترا a 95 .. وكنت عايز اجيب عربيه تانيه وفكرت كتير فى اليابانى وانو اقرب حاجه للأوروبى .. عايز اعرف ايه رأى حضراتكم يعنى اجيب لانسر ولا كورولا ولا مازدا وايه اللى يخلينى اجيب اى واحده فيهم يعنى المميزات والعيوب من غير تحيز والنبى .. مع العلم ان الفيكترا دى اول عربيه اركبها فى حياتى الكلام ده من سنة 2004 يعنى عشرة عمر وأخدت على ثبات وشد وجرى وغرز والعربيه كانت مقويه قلبى فى السواقه


انا بقى عايز عربيه تستحمل الكلام ده كلو وتكون معمره لأنها هاتقعد معايا .. ولو لانسر سوبر أكشن مش عامله كيلو متر كتير ومش رشا حاجه او بالكتير اكصدمات تعمل كام كده ؟؟

شكرا

[medokassem]

السلام عليكم

انا لسا بايع عربيتى اوبل فيكترا a 95 .. وكنت عايز اجيب عربيه تانيه وفكرت كتير فى اليابانى وانو اقرب حاجه للأوروبى .. عايز اعرف ايه رأى حضراتكم يعنى اجيب لانسر ولا كورولا ولا مازدا وايه اللى يخلينى اجيب اى واحده فيهم يعنى المميزات والعيوب من غير تحيز والنبى .. مع العلم ان الفيكترا دى اول عربيه اركبها فى حياتى الكلام ده من سنة 2004 يعنى عشرة عمر وأخدت على ثبات وشد وجرى وغرز والعربيه كانت مقويه قلبى فى السواقه


انا بقى عايز عربيه تستحمل الكلام ده كلو وتكون معمره لأنها هاتقعد معايا .. ولو لانسر سوبر أكشن مش عامله كيلو متر كتير ومش رشا حاجه او بالكتير اكصدمات تعمل كام كده ؟؟

شكرا

لو ثبات وغرز بغباء وجري وفرامل يبقي مازدا
كفاية اسمها بي ام اليباني
الانسر البومة تكنولوجيا قديمة من ٢٠٠٤ وهي اصلا استكمالا للمكوه ال ٢٠٠١ فخلاص راحت عليها المازدا هيا اقرب حاحة وهتكيفك لانها اعلي من الوبل اللي كانت معاك وعن تجربة
لكن شيل التويوتا عشان مش بتاعت ثبات واصحابي بيصوتوا منها في الشد رغم موتور الجنوب الافريقي الفاجر بس فرامل جيدة وثبات سئ في الغرز
وده كلامي وانا قده وهتحاسب عليه ياكبير

[MOstafa Hashem]

طيب ادينى معلومات عن المازدا واسعارها لو 2008 مثلا

[medokassem]

لو هتجيب حاجة ماشية ااقل من ال ٧٠ الف وكاملة ام فتحة سقف (الايرو )وفابريقة برة وجوة و٢٠٠٨ تعمل ٩٠ الف كبيرها لو العربية زيروووووووووووو
وخلي بالك دي كان تمنها زيرو ١٥٥ الف بس تمنها بيقع زي الاوبل وانتل اكيد عارف ليه من غير متكلم
عشان عقلية الناس اللي فيها لانوس بومة تيوتا الملكة والجمل ادي شعب مصر ^_^

[MOstafa Hashem]

بدأت اقتنع بالمازدا .. متشكر جدااا

[medokassem]

العفو ياباشا وعلي فكرة عربيتي ماشية ٢٥٠ الف كيلو وبسم الله مشاء الله الله اكبر عليها المكنه لسه بتعرق ولسه نافخ بي ام بتاعت صاحبي ٣١٨ اي
٢٠٠٠ سي سي موديل ٢٠٠٢ كان راكب معاه اربعة وطالع معاه من ال ٢٠-١٦٠ مكنش قادر يجبني وهو مكنه ٢٠٠٠ بس هدينا اللعب عشان الطريق وكلمه قالهالي بعد ماشد معايار ( تعظيم سلام للمازدا)
^_^

[MOstafa Hashem]

ربنا يباركلك فيها يا باشا .. الاوبل كانت بتبهرنى كده بردو وياما شديت بيها وضربتلها تعظيم سلام كتير .. كانت 1800

[medokassem]

بس خلي بالك لو العربية حالتها وحشة متجبهاش الا لو معاك فلوس تشدها ( خلص في حاجة نضيفة ) وهتدعيلي لكن لو حاجة فيها مصاريف هتتلم اه بس بعد متخرم جيب الزبون وتعد عل حديدة ^_^
اهم حاجة الحالة وعندك سمارت كار يعتبر هما احسن من التوكيل وحافظين العربية بس حراقين شوية وممكن يكشفواك عليها عند شرائك للعربية. بتقرير مفصل عن حالتها

[MOstafa Hashem]

ان شاء الله بس يارب الاقى عربيه كويسه مش ماشيه كتير .. انا معايا 90 بالظبط

بس هو سمارت كار ده فين ؟؟ مع العلم انى مش من القاهره

[medokassem]

هتلاقي انشاء الله وتابع بردو موقع كونتاكت بس اهم حاجة تكشف ﺍﻟﻌﻨﻮﺍﻥ : 151 ﻛﻮﺭﻧﻴﺶ ﺍﻟﻨﻴﻞ ﻛﻮﺭﻧﻴﺶ ﺍﻟﻤﻌﺎﺩﻯ , ﺍﻟﻤﻌﺎﺩﻯ , ﺍﻟﻘﺎﻫﺮﺓ ﺍﻟﺘﻠﻴﻔﻮﻥ : 02-25243006, 0111-6663662, 02-27030025,
0111-0102091
اه خلي بالك العربية واطية عن الارض بس في حديد ناشف تحت العتب عشان يشيل الحك

[buddha]

medokassem
كلام الراجل دة ذى الفل .... وانا شخصيا عن تجارب فى العربيات على ارض واقع هقولك ان فعلا تويوتا موتور ممتاز بس ثبات
مفييش يعنى اجرى انت بس والعربية تتقلب عادى لو غرزة كويسة كدة
بالنسبة للمتسوبيشى هوة هوة صاج الهونداى فيرنا والسوبر اكشن المفروض اعلى فئة موتور 1600 قمة فى الضعف
بس الثبات جميل جدا حتى 160

الماذدا شكل رياضى وثبات مفيش كلمة وموتور قوى جدا بس عيب الاوتوماتيك انة مازال 4 شيفت ودة يخلية صوتة عالى على السرعات ما بعد 140
وبعدين صاجها جميل وتابلوة وفرش داخلى انيق


بالتوفيق يا وحش
بس قطع الغيار غالية خد بالك من توافر قطع الغيار واسعارها

[MOstafa Hashem]

شكراااا .. انا متابع كونتاكت ونازل السوق قريب ان شاء الله

[medokassem]

قطع ابغيار رخصت كتييييييير عن الاول خش كده قسم مازدا وشوف ده الفتيس بقي ب ٢٨٠٠ الاوتوماتيك يابلاش (فتيس ابالنترا الجديد ٢٥ الف جنيه مت شهرين واحد مغيروا قدام عيني كان لسه طالع بابعربية من التوكيل وهو ماشي نروح بيها طوبة كبيرة كسرتله كرتيرة الزيت والفتيس شيع راح جابه من الحرفيين ب ٢٥ الف جنيه يابلاش *_*

[MohammedAladel]

تويوتا الجنوب أفريقى مانيوال عربية ممتازة جدا للعلم أنا من وجهة نظرى بعتبرها أفضل كورولا بأفضل أوبشن نزل ما سابوش حاجة كان فيها حتى بخاخات فوانيس
كان فيها 9 إيرباج ..... محرك 122 حصان مش فاكر عزمه قد إيه بالظبط .... للعلم أيام ما نزلت كانوا بيقولوا إن محركها 145 حصان !!! ... لكن اتضح إنه كلام مش صحيح بعدين زى ما نفس الكلام اتقال عن سيفيك الجيل التامن تقريبا

تويوتا الشكل اللى قبله ال 2007 الأكثر شهرة والأكثر مبيعا ولكن شكلها مش حلو زى الشكل الجديد من و جهة نظرى سعرها مستعمل مبالغ فيه جدا جدا يعنى المانيوال 1300 سى سى بحالة ممتازة معروضة هنا ب 97 ألف وكمان فيه أغلى من كدا !!!!! ولكن اشتهرت برضه بالاعتمادية وسهولة الصيانة

مازدا 3 عيبها الوحيد توكيلها السئ غبور أوتو دا من وجهة نظرى ... بس عامة قطع غيارها متوفرة برا التوكيل بأسعار أقل هو حد فيه دماغ للتوكيل ووجع قلبه ..... محرك 105 حصان ... محرك الكورولا الشكل الجديد أتوقع منه أ داء أعلى طبعا ... ثبات ممتاز وهى مبنية على فورد فوكاس للعلم يعنى الأصل فورد فوكاس والنسخة مازدا 3 .... بغض النظر عن فارق السعر ... هتلاقى مازدا 3 أغلى سوقيا من فوكاس

لانسر بومة الأشهر والأكثر بين كل عربية وعربية لانسر بومة .... ماسكة سعر أعادة بيع عالى ... سهولة الصيانة ... توافر قطع الغيار فى كل حتة بس المضروب كتير قوى برضه الأصلى بيبقى متوافر فى أماكن معينة ...... ثباتها كويس جدا برضه

من ناحية الشكل ... المازدا 3 أكثر شبابية ... كنبتها الخلفية ضيقة شوية
وأتوقع إن مازدا 3 مع فتيس أوتو مش هتبقى بتاع شد وتسارع زى ما انت متخيل لأنك كنت راكب عربية مانيوال كربراتير تقريبا
يعنى من الآخر أنا شايف أن الكورولا الجنوب أفريقى مانيوال أختيار وسط بين ال 3 .... محركها أقوى واحد فيهم
شكلها كويس برضه ولكن مش واسعة قوى برضه من جوا لكنها معقولة
أنتشار أكثر من المازدا وأقل من البومة
بعدها المازدا
وأخيرا لانسر بومة

[MohammedAladel]

ان شاء الله بس يارب الاقى عربيه كويسه مش ماشيه كتير .. انا معايا 90 بالظبط

بس هو سمارت كار ده فين ؟؟ مع العلم انى مش من القاهره

مش مقياس أبدا المحرك شغال قد إيه

العربية بتختلف من شخص لشخص واستخدامه ومدى فهمه .... فيه عربيات عند ناس ما بيركبوهاش كتير ماشية قليل وحالتها زفت بسبب سوء الاستخدام

فيه عربيات ماشية كتير سفر مثلا وصاحبها مهتم بيها وفاهم وبيصينها اول بأول

فياريت متاخدش عداد الكيلو متر مقياس خاصة غن بيتلعب فيه ويغيروه باستيراد ... عشان كدا بنصحك تكشف فى التوكيل

ويفضل إنك تشترى عربية من واحد كان بيعملها صيانة توكيل أو مراكز معتمدة

أغلب اللى على كونتاكت كار تجار إحذر فيه نصب كتير وغش ما لانهاية

مفيش أحسن من إنك تشترى العربية من واحد معرفة أضمن حاجة فى اليومين دول بالذات

غير كدا كشف توكيل عشان متندمش